Ազգային հավաքականի թեժ ամիսը, ջախջախում թուրքերից և Կամո Հովհաննիսյանի գոլը (տեսանյութ) - VNews
Բաժիններ

Ազգային հավաքականի թեժ ամիսը, ջախջախում թուրքերից և Կամո Հովհաննիսյանի գոլը (տեսանյութ)

Օրվա գլխավոր լուրերի քրոնիկոնը

Օրը կրկին հագեցած էր հայկական ֆուտբոլին վերաբերող անցուդարձով: Իրադարձություններ են տեղի ունեցել թե՛ Հայաստանում, թե՛ դրա սահմաններից դուրս, բայց տեղեկություններն այսպես, թե այնպես առնչվում են հայկական ֆուտբոլին:

Հոկտեմբերի 16-ի իրադարձությունների քրոնիկոնը ներկայացնում ենք ձեր ուշադրությանը:

«Եվրո-2018»-ի ընտրական փուլ, 3-րդ խումբ, 2-րդ տուր. Թուրքիայի Մ-17 4-0 Հայաստանի Մ-17. հանդիպումը կայացել է Չեխիայի Սվիտավի քաղաքում: Տիգրան Առաքելյանի սաները մեկնարկային տուրում էլ 0-7 հաշվով զիջել էին Չեխիայի հասակակից թիմին:

ՖԻՖԱ-ն հրապարակել է ազգային հավաքականների դասակարգման նոր աղյուսակը: Հայաստանի ընտրանին զբաղեցնում է 90-րդ հորիզոնականը: Հավաքականը նախորդ աղյուսակի համեմատ նահանջել է 7 տեղով: Լավագույն եռյակում են համապատասխանաբար Գերմանիան, Բրազիլիան և Պորտուգալիան:

Հայաստանի ազգային հավաքականը նոյեմբերի 13-ին Երևանի «Հանրապետական» մարզադաշտում ընկերական խաղ կանցկացնի Կիպրոսի ընտրանու հետ: Մինչ այդ էլ հայտնի էր, որ Արթուր Պետրոսյանի գլխավորած թիմը նոյեմբերի 9-ին կրկին Երևանում ընկերական հանդիպման շրջանակներում մրցելու է Բելառուսի հավաքականի հետ: Երկու խաղերն էլ մեկնարկելու են 18:00-ին:

Բելառուսի Բարձրագույն խումբ, 25-րդ տուր. «Գոմել» 0-1 «Տորպեդո-Բելազ». հաղթական գոլը 48-րդ րոպեին խփել է Կամո Հովհաննիսյանը: Նա և Անդրեյ Խաչատուրյանը մասնակցել են ամբողջ հանդիպմանը: «Տորպեդո-Բելազը» զբաղեցնում է 4-րդ հորիզոնականը:

Գևորգ Ղազարյան. «Դեռևս մարզվում եմ անհատական ծրագրով: Սեպտեմբերի 21-ին նորից բուժզննում եմ անցել Գերմանիայում, և ոտքիս վիճակը գնահատվել է բավարար: Կազմվել է նոր ծրագիր մինչև նոյեմբերի սկիզբ, այն հույսով, որ կսկսեմ մարզվել հիմնական կազմի հետ որոշ սահմանափակումներով, նաև շարունակելով անհատական մարզումները: Եվս մեկ բուժզննում կլինի նոյեմբերի վերջին, որից հետո, հուսամ, ամբողջովին պատրաստ կլինեմ խաղալուն»:

Կիպրոսի Պրեմիեր լիգա, 7-րդ տուր. «ՆԵԱ Սալամիս» 0-0 «Էթնիկոս». Տարոն Ոսկանյանը մնացել է պահեստայինների նստարանին, իսկ Դավիթ Մանոյանը փոխարինման է մտել 54-րդ րոպեին: «ՆԵԱ Սալամիսը» 14 թիմերի պայքարում կիսում է 11-12-րդ հորիզոնականները:

Հայաստանի Առաջին խմբի առաջնություն, 8-րդ տուր. «Արցախ» 3-0 «Շիրակ-2». դաշտի տերերի կազմում աչքի են ընկել Կարեն Հարությունյանը, Գոռ Մկրտումյանը և Գրիգոր Աղեկյանը:

«Ալաշկերտ-2» 1-3 «Լոռի». Վանաձորը ներկայացնող թիմից դուբլ է ձևակերպել Տեի Տինգա Կոֆին, մեկ անգամ էլ մրցակցի դարպասը գրավել է Դավիթ Ասլանյանը: Տանտերերից միակ պատասխան գնդակը խփել է Ախմեդ Ջինդոյանը:

«Գանձասար-Կապան-2» 0-5 «Արարատ-2». արարատցիներից դուբլ է ձևակերպել Դավիթ Մինասյանը, մեկական անգամ գոլի հեղինակ են դարձել Ռուսլան Ավագյանը, Միքայել Առուստամյանն ու Էրիկ Նազարյանը:

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:

1 2

Տրանսֆերային ամառ-2020․ Բարձրագույն խմբի ակումբների համալրումները և կորուստները (թարմացվում է)

Առաջնության ամենահայկական թիմը թարմացրեց իր հակառեկորդները

Մխիթարյան․ «Մենք սրտով Լիբանանի ժողովրդի ու Բեյրութում ապրող մեր հայրենակիցների կողքին ենք»

Նվաճե՞լ է հայ ֆուտբոլիստը տիտղոս Հայաստանից դուրս, թե՞ ոչ․ VNews-ի Quiz-ը

Պաշտոնական. «Լոռին» նոր գլխավոր մարզիչ ունի

Պաշտոնական․ Արմեն Սանամյանը հեռացել է «Լոռիից» և գլխավորել հայկական մեկ այլ թիմ

Պաշտոնական․ «Շիրակի» երիտասարդ պաշտպանը տեղափոխվեց «Նոա»

Հայտնի է Բարձրագույն խմբի լավագույն ֆուտբոլիստը

Հայտնի է Հայաստանի՝ 2019/20 մրցաշրջանի լավագույն մարզչի անունը

Էդգար Մանուչարյանն ավարտեց մարզական կարիերան

Չեմպիոնի հետ մրցախաղերում լավագույն արդյունքի հասավ, «Շիրակի» հետ դիմակայությունում էլ կրկին չպարտվեց

Պաշտոնական. Արտյոմ Սիմոնյանը՝ «Նոայի» ֆուտբոլիստ

Արթուր Պետրոսյանը նշանակվել է «Յյուրիխ» Մ21 գլխավոր մարզիչ

Պաշտոնական. Արշակ Կորյանը հանդես կգա Հայաստանի հավաքականում

Կապառոս. «Հիացած եմ ֆեդերացիայի կատարած աշխատանքով. այն ինձ շատ է մոտիվացնում»

Պաշտոնական. Սամվել Հունանյանը՝ «Նոայի» ֆուտբոլիստ