fbpx
Բաժիններ

Արարատը մեր լեռնաշխարհի ամենաբարձր գագաթն է, իսկ «Արարատ ՖԱ»-ն՝ «ամենացածրադիր» թիմը

«Արարատի» ելույթների ամփոփումը՝ 10 փաստով

VivaroNews.am-ն  ավարտում է ՀՀ առաջնության աշնանային հատվածում ակումբների ելույթների ամփոփումը: Այսօր կանդրադառնանք  առաջնության հետնապահ «Արարատին»:

1. «Արարատն» անհաջող ելույթներ ունեցավ 26-րդ առաջնության աշնանային հատվածում՝ 9 միավորով (+2=3-10, 11-28) եզրափակելով մրցաշարային աղյուսակը: Դա հնարավոր միավորների ընդամենը 20 տոկոսն է: Նշենք, որ «Գանձասար-Կապանի» հետ սեփական հարկի տակ անցկացրած 6-րդ տուրի հանդիպումը, որում արարատցիները պարտվում էին 0-2 հաշվով, անավարտ էր մնացել: Հանդիպման արդյունքը չեղյալ էր համարվել ու «Արարատին» 0-3 հաշվով պարտություն էր գրանցվել: Այնպես որ «Արարատն» իրականում 27 գոլ է բաց թողել:

Նախորդ մրցաշրջանի 15 հանդիպումների համեմատ «Արարատը»  որոշ առաջընթաց է ապրել՝ բարելավելով ցուցանիշները: Արարատցիներն ընթացիկ առաջնությունում 4 միավոր ավելին վաստակեցին, 1 հաղթանակ ավելին տարան, փոխարենը 2 պարտություն պակաս կրեցին, բայց 2 գնդակ ավելին բաց թողեցին: Աճել է նաև «Արարատի» արդյունավետությունը. թիմը 5 գոլ ավելին խփեց: Հիշեցնենք, որ «Արարատը» նախորդ առաջնության 15-րդ տուրից հետո 5 միավորով (+1=2-12, 6-25) եզրափակում էր մրցաշարային աղյուսակը:

2. «Արարատը» համեմատաբար հաջող հանդես եկավ 1-ին շրջանում՝ վաստակելով 4 միավոր (+1=1-3, 5-8), ինչը հնարավոր միավորների 26,6 տոկոսն է: Առավել անհաջող էր արարատցիների ելույթը 2-րդ շրջանում, երբ թիմի օգտին գրանցվեց ընդամենը 2 միավոր (+0=2-3, 3-10), ինչը հնարավոր միավորների 13,3 տոկոսն է: 3-րդ շրջանում «Արարատը» միավորների պաշարն ավելացրեց 3-ով (+1=0-4, 3-10), ինչը հնարավոր միավորների 20 տոկոսն է:

«Արարատն»  ավելի հաջող խաղաց մրցակցի դաշտում, քան սեփական հարկի տակ: Հյուրընկալվելիս անցկացրած 8 հանդիպումներում «Արարատի»  օգտին գրանցվեց 7 միավոր (+2=1-5, 5-14), ինչը հնարավոր միավորների 29,1 տոկոսն է: Մրցակցի հարկի տակ արարատցիները հաղթել են «Գանձասար-Կապանին» (3-1) և «Շիրակին» (1-0):

Սեփական դաշտում անցկացրած 7 հանդիպումներում «Արարատի» ֆուտբոլիստները վաստակեցին ընդամենը 2 միավոր (+0=2-5, 6-14), ինչը հնարավոր միավորների 9,5 տոկոսն է: Սեփական հարկի տակ արարատցիները մեկական միավոր են վաստակել «Փյունիկի» (0-0) և «Շիրակի»  (2-2) հետ մրցախաղերում:

3. Առաջնության 2-12-րդ տուրերում «Արարատը» 11 խաղ շարունակ չկարողացավ գեթ մեկ հաղթանակ տոնել՝ կրելով 8 պարտություն, 3 հանդիպում ավարտելով ոչ-ոքի: Ընդ որում այդ ընթացքում՝ 4-7-րդ տուրերում «Արարատը» 4 անընդմեջ պարտություն կրեց: Դա առաջնության մասնակից թիմերի մեջ վատագույն արդյունքն է:

Եդիգարյանի մոտ զարգանում է հարձակվողի «ջիղը», իսկ Արսեն Բեգլարյանի ցուցանիշը լավագույնն է. «Ալաշկերտի» ելույթների ամփոփումը՝ 10 փաստով

15 հանդիպումներից 8-ում «Արարատը»  չկարողացավ գրավել մրցակիցների դարպասը: Ընդ որում 9-12-րդ տուրերում արարատցիները 4 խաղ շարունակ դաշտից հեռացան առանց գոլի: Ընդհանուր առմամբ «Արարատի» ֆուտբոլիստների մոտ գոլային երաշտը տևեց 460 րոպե, ինչն առաջնության մասնակիցների մեջ վատագույն արդյունքն է:

Իսկ սեփական դարպասն արարատցիներն անառիկ պահեցին ընդամենը 3 խաղում՝  գոլազուրկ ոչ-ոքիներ գրանցելով «Փյունիկի» և «Բանանցի» հետ խաղերում ու նվազագույն հաշվով հաղթելով «Շիրակին»:

 «Արարատի» ֆուտբոլիստները խոշոր հաշվով երկու պարտություն կրեցին («Փյունիկ»՝ 0-4, «Ալաշկերտ»՝ 0-3)` չտոնելով այդ կարգի ոչ մի հաղթանակ:

Կասպարովին 35 րոպե չհերիքեց ռեկորդ գրանցելու համար, իսկ Մուսոնդան «պոկվել» է լիգայի մյուս բոլոր լեգեոներներից. «Գանձասար-Կապանի» ելույթների ամփոփումը՝ 10 փաստով

4. Առաջնության մասնակից թիմերից առավել հաջող «Արարատը» խաղաց «Շիրակի» հետ՝ 3 հանդիպումներում վաստակելով 4 միավոր (+1=1-1, 4-4): Իսկ ահա «Ալաշկերտի» հետ կայացած 3 հանդիպումներում էլ արարատցիները պարտվել են գնդակների 1-8 ընդհանուր տարբերությամբ:

«Գանձասար-Կապանի» հետ մրցավեճում «Արարատի» օգտին 3 միավոր գրանցվեց, իսկ «Փյունիկի» և «Բանանցի» հետ կայացած հանդիպումներում արարատցիները մեկական միավոր վաստակեցին:

5. «Արարատի» մասնակցությամբ հանդիպումներում նշանակվել է 11մ 7 հարված, որից իրացվել է 5-ը: «Արարատն» ընդամենը 2 անգամ է 11մ հարվածի իրավունք ստացել: Երկու հարվածներն էլ դիպուկ է իրացրել Անդրանիկ Քոչարյանը՝ խոցելով գանձասարցի Գևորգ Կասպարովի և «Բանանցի» դարպասապահ Ստեփան Ղազարյանի պաշտպանած դարպասը:

«Արարատի» դարպասին նշանակված 11մ 5 հարվածներից նպատակին են հասել 3-ը: Առաջնության մեկնարկային տուրում Արսեն Պետրոսյանը հետ է մղել գանձասարցի Գեղամ Հարությունյանի հարվածը: Իսկ 15-րդ տուրում «Բանանցի» հետ մրցավեճում Պողոս Այվազյանի դարպասին նշանակված 2 հարվածներից մեկն է ավարտվել գոլով: Ռումյան Հովսեփյանի հարվածից հետո գնդակը հետ է մղվել դարպասաձողից, իսկ ահա ավելացված ժամանակում Վալմերսոնը դիպուկ հարվածով կամային հաղթանակ է պարգևել «Բանանցին»:

Արման Մելիքսեթյանի դարպասին նշանակված 11մ երկու հարվածներն էլ դիպուկ են իրացրել ալաշկերտցի Արտակ Եդիգարյանն ու շիրակցի Իգոր Ստանոևիչը:

Հետևե՛ք VNews.am-ին նաև Youtube-ում և Instagram-ում:

1 2

Գագիկ Սիմոնյան․ «Ֆուտբոլիստները չհասցրին վերականգնվել նախորդ խաղից հետո» (տեսանյութ)

Վարդան Մինասյան․ «Հուսով եմ՝ Եվրոպա լիգայի ամեն ինչն արդեն մոռացանք և հետ եկանք Հայաստանի առաջնություն» (տեսանյութ)

«Արարատ-Արմենիան» մրցաշրջանի առաջին պարտությունը «պարգևեց» «Արարատին» (տեսանյութ)

«Արարատ-Արմենիա» – «Արարատ»․ Մեկնարկային կազմեր, ուղիղ հեռարձակում (տեսանյութ)

Ինտրիգներով լի արարատյան դերբին՝ չեմպիոնի և առաջատարի միջև․ Ամենաուշագրավ փաստերը՝ ԲԽ-ի 7-րդ տուրին ընդառաջ

Անսպասելի․ Հրաժարական է տվել Բարձրագույն խմբի առաջատարի գլխավոր մարզիչը

Բարձրագույն խմբի 6-րդ տուրի խորհրդանշական հավաքականը և լավագույն ֆուտբոլիստը

«Արարատն» անորսալի է, «Գանձասար-Կապանն» էլ չի գտնում «Շիրակին» հաղթելու բանաձևը

Գեորգի Չելիձե․ «Ամեն խաղում ապացուցում ենք, որ «Արարատը» չեմպիոնության հավակնորդ է» (տեսանյութ)

Վադիմ Բորեց․ «Մեր ֆուտբոլիստները չափից շատ էմոցիոնալ էին, պետք էր ավելի սառնասիրտ խաղալ» (տեսանյութ)

Գագիկ Սիմոնյան․ «Այսօր ամենակարևորն այն էր, որ միավոր չկորցնեինք» (տեսանյութ)

10 հոգով մնացած «Արարատը» պահպանեց հաղթանակն ու մնաց 1-ին տեղում (տեսանյութ)

Վիկտոր Հուգոն և ևս երկու ֆուտբոլիստ միացել են «Արարատին»

«Արարատ» – «Նոա»․ Մեկնարկային կազմեր, ուղիղ հեռարձակում (տեսանյութ)

Հայաստանի հավաքականի նախկին հարձակվողը տեղափոխվել է «Արարատ»

Կարող է կայանալ Արաս Օզբիլիսի նորամուտը․ Ամենաուշագրավ փաստերը՝ ԲԽ-ի 6-րդ տուրին ընդառաջ