fbpx
Բաժիններ

«Արարատ» – «Փյունիկ». Տեղեկություններ, որոնք մարզադաշտ այցելելու առիթ կդառնան

«ԱՐԱՐԱՏ» – «ՓՅՈՒՆԻԿ» 

70 խաղ, +15=17-38, 54-120

19 նոյեմբերի, ժ.15:00, Երևան, «Ալաշկերտ»  մարզադաշտ

1-ին շրջան.  20.08.2017 «Արարատ» – «Փյունիկ»՝  0-0

Ընթացիկ մրցաշրջանում մրցակիցները երկրորդ անգամ են հանդիպելու, քանի որ 2-րդ շրջանի հանդիպումը հետաձգվել էր և կայանալու է նոյեմբերի 29-ին:

«Արարատը»  թեև նախորդ մրցաշրջանի համեմատ զգալիորեն կարգավորել է խաղը և ընթացիկ առաջնությունն էլ շատ հաջող էր սկսել, սակայն թիմին միավորները դժվարությամբ են տրվում, որի հետևանքով կրկին հանգրվանել է մրցաշարային աղյուսակի վերջին հորիզոնականում:

Արդեն 10 խաղ է, որ արարատցիները հաղթանակ չեն տոնել՝ միակ հաջողությունը գրանցելով երկրի փոխչեմպիոն «Գանձասար-Կապանի» հետ մեկնարկային տուրում կայացած մրցավեճում: Այդ հանդիպումներում արարատցիներն ընդամենը 3 միավոր են վաստակել: Ընդ որում վերջին 3 խաղերում «Արարատին» չի հաջողվել գրավել մրցակիցների դարպասները:

Շատերի համար անսպասելի «Փյունիկը» շատ անհաջող մրցաշրջան է անցկացնում: Ռուսաստանցի մասնագետ Ալեքսեյ Երյոմենկոյի գլխավորությամբ փյունիկցիներն անհաջող ելույթներ ունեցան՝ 9 հանդիպումներում վաստակելով ընդամենը 6 միավոր, տոնելով մեկ հաղթանակ, կրելով 5 անընդմեջ պարտություն: Ուստի զարմանալի չէր, որ ակումբի ղեկավարությունը հրաժարվեց նրա ծառայություններից:

«Գանձասար-Կապանի» հետ նախորդ տուրի հանդիպումը «Փյունիկն» անցկացրեց Սուրեն Չախալյանի ղեկավարությամբ, քանի որ կրկին թիմի ղեկը ստանձնած Արմեն Գյուլբուդաղյանցը գտնվում էր Իտալիայում: Նա արդեն ավարտել է մարզչական դասընթացներն ու այս խաղին ղեկավարելու է իր սաների գործողությունները: Հիշեցնենք, որ «Փյունիկն» ընթացիկ առաջնությունում մեկնարկել էր հենց Գյուլբուդաղյանցի գլխավորությամբ՝ ոչ-ոքի (2-2) ավարտելով հանդիպումը «Բանանցի» հետ:

Բարձրագույն խմբի առաջնություններում «Փյունիկը»  զգալի առավելության է հասել «Արարատի» նկատմամբ: Բացառություն չկազմեց նաև անցած մրցաշրջանը, որում փյունիկցիները տոնեցին 4 հաղթանակ, կրեցին միայն մեկ պարտություն:

Այս տարվա մարտի 10-ին «Արարատի» հետ կայացած հանդիպումը հիշարժան էր փյունիկցիների համար: Առավելության հասնելով 3-0 հաշվով, «Փյունիկը»   բարձրագույն խմբում 400-րդ հաղթանակը տոնեց: Այդ խաղում փյունիկցիները նաև ՀՀ առաջնություններում հոբելյանական՝ 1500-րդ գոլը խփեցին, որի հեղինակը Ռազմիկ Հակոբյանն էր:

Փյունիկցիներից  արարատցիներին առավել մեծ տհաճություն են պատճառել Արսեն Ավետիսյանն (9 գոլ) ու Լևոն Պաչաջյանը (7): Արարատցիներից առավել արդյունավետ է գործել Կարեն Բարսեղյանը` խփելով 5 գնդակ:

Աշոտ Հայրապետյան

Միացի՛ր հայկական ամենասպորտային Instagram-ին:


«Արարատն» ստուգողական խաղում զիջել է Մոսկվայի «Սպարտակին»

Տրանսֆերային ձմեռ-2020․ Բարձրագույն խմբի ակումբների ձեռքբերումները և կորուստները (թարմացվում է)

Պաշտոնական․ Արտակ Ալեքսանյանը հեռացել է «Արարատից»

«Արարատն» ընկերական խաղում հաղթել է ռուսական թիմին

«Փյունիկը» հաղթեց ղազախական թիմին, «Լոռին» ոչ-ոքի խաղաց Ուկրաինայի Պրեմիեր լիգայի ներկայացուցչի հետ (տեսանյութ)

ՀՖՖ նախագահը կասեցրել է Էրիկ Վարդանյանի և Արտյոմ Առաքելյանի որակազրկումը

Պաշտոնական․ «Արարատը» պայմանագիր է կնքել ռուս դարպասապահի հետ

Պաշտոնական․ «Արարատը» բրազիլացի նորեկ ունի

«Արարատը» պարտվել է Սոչիի ուսումնամարզական հավաքի վերջին խաղում

«Փյունիկն» ընկերական խաղում պարտվել է «Ալեքսանդրիային» (տեսանյութ)

«Արարատը» ևս 9 գնդակ է ուղարկել մրցակցի դարպասն ընկերական խաղում

Պաշտոնական․ Մաքսիմ Ժեստոկովը վերադարձել է «Փյունիկ»

«Փյունիկը» պայմանագիր է կնքել նիգերիացի կիսապաշտպանի հետ

Տալալաևը չի բացառել, որ կարող է գլխավորել Հայաստանի հավաքականը

«Փյունիկը» ռեկորդակիր էր խփած գոլերի, 11մ հարվածների և կարմիր քարտերի քանակով

«Փյունիկ» – «Շիրակ» ընկերական հանդիպման գոլերը (տեսանյութ)