fbpx

Արթուր Պետրոսյանը «թարմ արյունը» գտել է Հայաստանում

«Մունդիալ-2018»-ի ընտրական փուլում Հայաստանի հավաքականի հիասթափեցնող արդյունքներից հիշողությունները դեռ թարմ են: Այս տարի այլևս չունենք որևէ պաշտոնական խաղ, սակայն առջևում 2 ընկերական հանդիպում կա. նախ, նոյեմբերի 9-ին մեր մրցակիցը կլինի Բելառուսի հավաքականը, 4 օր անց՝ Կիպրոսի ընտրանին:

Զարմանալի էր այն, որ նախօրոք հրապարակված լեգեոներների ցուցակում չկար որևէ նոր անուն: Այն նույն ֆուտբոլիստներն էին, ովքեր ամբողջ ընտրական փուլում կրել էին հավաքականի մարզաշապիկը, և մեծամասնությունն անբավարար ելույթներ էր ունեցել: Ընկերական խաղերը լավ առիթ կլինեին, որ արտասահմանում հանդես եկող առնվազն մի քանի ֆուտբոլիստներ, ովքեր իրենց ակումբներում առանձնանում են, շանս ստանային հավաքականում:

Չէ՞ որ Արթուր Պետրոսյանը, ով շարունակելու է աշխատել հավաքականում, խոսել էր «թարմ արյան» անհրաժեշտության մասին: Փոխարենը, հայ մասնագետը 12 ֆուտբոլիստի է հրավիրել Հայաստանի Բարձրագույն խմբից: Թվում է՝ հրավիրվել են բոլոր նրանք, ովքեր վերջին 1-2 ամսում համապատասխան ֆուտբոլ են ցուցադրել:

12-ից 4-ը նախորդ ընտրական փուլում չէին հրավիրվել ազգային հավաքական, ուստի հարկ ենք համարում անդրադառնալ այդ խաղացողներին:

Արման Մելիքսեթյան («Արարատ»)

Դարպասապահ, 22 տարեկան

Գրիգորը չունի խաղային պրակտիկա, նրա փոխարեն հրավիրվել է կրտսեր եղբայրը՝ Արման Մելիքսեթյանը: «Արարատի» ելույթներն առաջնությունում առանձին թեմա է, քանի որ այս թիմը երբեք աչքի չի ընկնում կայունությամբ: Սակայն, դարպասապահ Արման Մելիքսեթյանը հաճելիորեն տարբերվում էր: Նա անհասկանալի պատճառով մնացել էր պահեստայինների նստարանին «Գանձասար-Կապանի» հետ վերջին խաղում, իսկ մինչ այդ մասնակցել էր 4 անընդմեջ հանդիպման:

«Արարատն» այդ 4 խաղում 8 գոլ է բաց թողել: Իսկ որքա՞ն բաց կթողներ, եթե դարպասում չլիներ Մելիքսեթյանը. հաստատ, ավելի շատ: Դժվար է ասել, Արթուր Պետրոսյանը խաղերից գոնե մեկում խաղաժամանակ կհատկացնի՞ Արմանին, թե՞ ոչ: Այդ խաղաժամանակին է սպասում նաև «Փյունիկից» հրավիրված Գոռ Մանուկյանը:

Պետք է նաև նշել, որ Բարձրագույն խմբում այս պահին լավագույն դարպասապահը Գևորգ Կասպարովն է, ով գերազանց մարզավիճակ է հավաքել «Գանձասար-Կապանում» և «փակել» է Գրիգոր Մելիքսեթյանի ճանապարհը:

Հայկ Իշխանյան («Գանձասար-Կապան»)

Կենտրոնական պաշտպան, 28 տարեկան

Ֆուտբոլիստ, ում հավաքականում սպասում էինք դեռ Լեհաստանի հավաքականի հետ խաղից առաջ, երբ պաշտպանության կենտրոնում կադրային լուրջ խնդիրներ ունեինք: Իշխանյանը մոտ 2 տարի է՝ կայուն հաջողությամբ հանդես է գալիս կապանյան թիմում: Վերջինս էլ Բարձրագույն խմբի վերջին 6 խաղում 5 հաղթանակ է տոնել, այդ ցուցանիշի առանցքային կետերից մեկն էլ պաշտպանության հրաշալի խաղն է:

Իշխանյանի որակների մասին բազմիցս ենք խոսել: Օդային պայքարում շատ լավ է հանդես գալիս, մենապայքարներում ուժեղ է, այսպես կոչված «առաջին փոխանցումով կարողանում է դուրս գալ», հաճախ նաև գլխի հարվածներով դառնում է գոլի հեղինակ: Եթե հաշվի առնենք, որ մեր հավաքականի պաշտպանությունը խնդրահարույցներից խնդրահարույցն է, ապա Իշխանյանը կարող է լավ լուծում լինել:

Հետևե՛ք VNews.am-ին նաև Youtube-ում և Instagram-ում:

1 2

Անտոն Բելով. «Փյունիկին» միանալու պատճառներից մեկը եվրագավաթներն են»

«Արարատը» մեկնել է Մոսկվա՝ ուսումնամարզական հավաք անցկացնելու

Պաշտոնական. «Անժիի» պաշտպանը միացել է «Փյունիկին»

Պարգևատրվեցին ֆուտբոլային մրցաշրջանի մրցանակակիրները. VNews-ի ֆոտոշարքը

Վարդան Մինասյան. «Ազգային հավաքականի ֆուտբոլիստների աչքերում կրկին «կրակ» կար» (տեսանյութ)

Ալեքսանդր Կարապետյան. «Ռասինգի» հետ պայմանագիր չեմ կնքել»

Դենիս Տալալայը լքեց «Փյունիկը»

Միջադեպի հետևանքները. Վարդանյանը որակազրկվել է 5 խաղով, այլ որոշումներ

Պաշտոնական. Արտակ Դաշյանը վերադարձավ «Բանանց»

Մխիթարյանի տրանսֆերային արժեքը նվազել է, Ադամյանինը՝ զգալիորեն բարձրացել

«Բանանցը» հրաժեշտ է տվել Արթուր Ավագյանին

Տիգրան Բարսեղյան. «Հաջողություն էր, որովհետև բոլորս հավատում էինք» (տեսանյութ)

Մեկ բառով՝ ուրախություն. ՀՖՖ-ն բացառիկ կադրեր է ներկայացրել (տեսանյութ)

Եվս մեկ ֆուտբոլիստ հեռացավ «Արարատից»

Արժանապատիվ ֆուտբոլը հաղթանակներ է բերում. Հայաստանի հավաքականի թեժ հունիսը

Հայաստանից կրած պարտությունից հետո Հունաստանի հավաքականի առաջատարները պահանջում են մարզչի հեռացումը