fbpx
Բաժիններ

«Բանանց» – «Փյունիկ». Տեղեկություններ, որոնք մարզադաշտ այցելելու առիթ կդառնան

«ԲԱՆԱՆՑ»  – «ՓՅՈՒՆԻԿ»

72 խաղ,  +16=18-38, 78-132

28 հոկտեմբերի, ժ.15:00, Երևան, «Բանանց-1»  մարզադաշտ

1-ին շրջան. 06.08.2017  «Բանանց» – «Փյունիկ»՝  2-2 (0-1)
Նորայր Գյոզալյան (77), Նենադ Ինյաց (90+5) – Ալիկ Առաքելյան (5,47):

2-րդ շրջան. 15.09.2017  «Փյունիկ» – «Բանանց»՝  1-2 (0-2)
Ռոբերտ Մինասյան (70) – Նորայր Գյոզալյան (28, 31՝ 11մ):

Այս հանդիպումով մեկնարկում է բարձրագույն խմբի առաջնության երրորդ շրջանը: Խաղացանկի քմահաճույքով մրցակիցները 4 օրվա ընթացքում 2-րդ անգամ են մրցավեճի բռնվելու: Նրանց միջև կայացած գավաթի քառորդ եզրափակչի պատասխան հանդիպումը բավական գոլառատ ստացվեց: Հաղթելով 4-2 հաշվով, «Բանանցը» ռևանշի հասավ նախորդ մրցաշարում «Փյունիկից» կրած պարտության դիմաց և կիսաեզրափակչի ուղեգիր նվաճեց:

Նշենք, որ այդ խաղում որակազրկման պատճառով փյունիկցիներից բացակայում էին պաշտպաններ Արթուր Քարտաշյանն ու Դիդյե Բորիս Կադիոն, որոնք խաղադաշտ կվերադառնան «Բանանցի» հետ առաջնության հանդիպմանը:

Այժմ երկու թիմերն էլ կարող են իրենց ուշադրությունը բևեռել առաջնության վրա: «Բանանցը» գրեթե հավասարաչափ ելույթներ ունեցավ առաջնության առաջին և երկրորդ շրջաններում՝ վաստակելով համապատասխանաբար 6 և 7 միավոր: Իսկ ահա «Փյունիկը» համեմատաբար հաջող առաջին շրջանից հետո, որում  5 միավոր վաստակեց, երկրորդ շրջանում պարզապես տապալվեց: Փյունիկցիները երկրորդ շրջանում ընդամենը մեկ միավոր վաստակեցին՝ կրելով 4 անընդմեջ պարտություն:

Ընդհանրապես ընթացիկ առաջնությունն առայժմ ամենաանհաջողն է «Փյունիկի» կենսագրությունում: Դեռ երբեք «Փյունիկը» նման ցածր ցուցանիշ (10 խաղում 6 միավոր) չէր գրանցել: Հայաստանի բազմակի չեմպիոնն արդեն երկու տուր է, ինչ եզրափակում է մրցաշարային աղյուսակը:

«Փյունիկի» գլխավոր մարզիչ Ալեքսեյ Երյոմենկոյին առայժմ ոչ մի կերպ չի հաջողվում կարգավորել թիմի խաղը ու մարտունակ ֆուտբոլային կոլեկտիվ ստեղծել, ինչպիսին թիմը եղել է տարիներ շարունակ: Բացառված չէ, որ եթե «Փյունիկի» անհաջող ելույթները շարունակվեն, ապա Երյոմենկոն հնարավոր է զրկվի իր պաշտոնից: Այնպես որ առաջիկա հանդիպումը շատ կարևոր է նաև ռուս մարզչի համար:

«Փյունիկի» հետ առաջին շրջանի խաղում «Բանանցն» իսկական մարզական սխրանք գործեց՝ փրկվելով պարտությունից 0-2 հաշվի ժամանակ: Իսկ ահա 2-րդ շրջանի խաղում «Բանանցին» վերջապես հաջողվեց հաղթել մրցակցին, որի նկատմամբ ոչ մի կերպ չէր հաջողվում առավելության հասնել առաջնության նախորդ 8 հանդիպումներում՝ կրելով 4 պարտություն, նույնքան խաղ ավարտելով ոչ-ոքի: Մինչ այդ վերջին հաղթանակը «Փյունիկի»  նկատմամբ «Բանանցը»  տոնել էր անցյալ տարվա մարտի 2-ին՝ 2-1:

«Փյունիկի» հետ ընթացիկ առաջնության հանդիպումներում «Բանանցից» առավել արդյունավետ է գործել Նորայր Գյոզալյանը՝ դառնալով 3 գոլի հեղինակ: Ընդհանուր առմամբ նա փյունիկցիների դարպասը 4 անգամ է գրավել: Գյոզալյանը 4 գնդակով ներկայումս թիմի լավագույն ռմբարկուն է:

«Փյունիկի» հետ կայանալիք առաջիկա հանդիպումը հիշարժան կլինի «Բանանցի» ֆուտբոլիստներ Գևորգ Հովհաննիսյանի և Արամ Բարեղամյանի համար, որոնք խաղադաշտ դուրս գալու դեպքում ՀՀ առաջնություններում իրենց հոբելյանական՝ 250-րդ խաղը կանցկացնեն:

«Բանանցի» դարպասը բոլորից հաճախ` 8 անգամ գրավել է Գևորգ Ղազարյանը: «Փյունիկին» առավել մեծ տհաճություն են պատճառել Արամ Հակոբյանն ու Սամվել Մելքոնյանը, որոնք խփել են 6-ական գոլ:

Աշոտ Հայրապետյան

Միացի՛ր հայկական ամենասպորտային Instagram-ին:


Տրանսֆերային ձմեռ-2020․ Բարձրագույն խմբի ակումբների ձեռքբերումները և կորուստները (թարմացվում է)

30-ամյա հարձակվողը միացել է «Ուրարտուին»

«Փյունիկը» հաղթեց ղազախական թիմին, «Լոռին» ոչ-ոքի խաղաց Ուկրաինայի Պրեմիեր լիգայի ներկայացուցչի հետ (տեսանյութ)

Հովհաննես Համբարձումյան․ «Աշխատասիրությունն ամենամեծ տաղանդն է»

Բեգլարյանն ի պատիվ Բրայանտի է ընտրել 24 համարի մարզաշապիկը

Պաշտոնական. Արսեն Բեգլարյանը՝ «Ուրարտուի» ֆուտբոլիստ

ՀՖՖ նախագահը կասեցրել է Էրիկ Վարդանյանի և Արտյոմ Առաքելյանի որակազրկումը

«Ալաշկերտն» ընկերական խաղում հաղթել է «Ուրարտուին» (տեսանյութ)

«Փյունիկն» ընկերական խաղում պարտվել է «Ալեքսանդրիային» (տեսանյութ)

Պաշտոնական․ Մաքսիմ Ժեստոկովը վերադարձել է «Փյունիկ»

«Փյունիկը» պայմանագիր է կնքել նիգերիացի կիսապաշտպանի հետ

Տալալաևը չի բացառել, որ կարող է գլխավորել Հայաստանի հավաքականը

«Ուրարտուն» հակառեկորդ սահմանեց, թիմի հնաբնակն էլ երկու ռեկորդի հեղինակ դարձավ

Չեմպիոնության համար պայքարը հասավ գագաթնակետին

«Փյունիկը» ռեկորդակիր էր խփած գոլերի, 11մ հարվածների և կարմիր քարտերի քանակով

«Փյունիկ» – «Շիրակ» ընկերական հանդիպման գոլերը (տեսանյութ)