fbpx
Բաժիններ

«Լեոյի» փայլուն կամային հաղթանակն ՈՒԵՖԱ-ի գավաթում և անկասելի դարձող «Ալաշկերտը» (տեսանյութ)

Օրվա գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող տեղեկատվությամբ: Դրանք վերաբերում են ինչպես Հայաստանում, այնպես էլ արտերկրում տեղի ունեցող իրադարձություններին, որոնք առնչվում են հայազգի ֆուտբոլիստների հետ:

Հոկտեմբերի 15-ի իրադարձությունների քրոնիկոնը ներկայացնում ենք ձեր ուշադրությանը:

Ֆուտզալի ՈՒԵՖԱ-ի գավաթ, հիմնական փուլի 3-րդ տուր. «Լեո» 6-5 «Լիբուրն» (Կոսովո). Ֆուտզալի Հայաստանի չեմպիոնը կամային հաղթանակ է տոնել Գարեգին Մաշումյանի և Սարգիս Նասիբյանի դուբլերի ու Սլոբոդան Յանյիչի և Տիգրան Վարդանյանի մեկական գոլերի շնորհիվ: «Լեոն» նախորդ 2 տուրերում գրանցել էր մեկական պարտություն և ոչ-ոքի:

Հայաստանի Բարձրագույն խումբ, 9-րդ տուր. «Փյունիկ» 0-1 «Ալաշկերտ». Հայաստանի գործող չեմպիոնին առաջնությունում 4-րդ անընդմեջ հաղթանակն է պարգևել Արտյոմ Սիմոնյանը: Սա «Փյունիկի» 5-րդ անընդմեջ պարտությունն էր: Գլխավոր մարզիչներ Աբրահամ Խաշմանյանի և Ալեքսեյ Երյոմենկոյի հետխաղյա մեկնաբանություններին կարող եք ծանոթանալ այստեղ:

«Ալաշկերտն» այս խաղից հետո կրկին դարձել է առաջնության միանձնյա առաջատարը (20 միավոր)՝ 2-րդ տեղում ընթացող «Շիրակին» գերազանցելով 3 միավորով: «Փյունիկն» «Արարատի» հետ 5-ական միավորով բաժանում է վերջին 2՝ 5-6-րդ տեղերը:

«Փյունիկի» կիսապաշտպան Կառլեն Մկրտչյանն իր առաջին պաշտոնական հանդիպումն է անցկացրել վնասվածքից ապաքինվելուց հետո: Նա «Ալաշկերտի» դեմ խաղում թիմի ավագն էր:

Լյուքսեմբուրգի Բարձրագույն խումբ, 8-րդ տուր. «Պրոգրես Նիդերկորն» 3-2 «Մոնդորֆ». Ալեքսանդր Կարապետյանը դարձել է գոլի հեղինակ՝ հաշիվը դարձնելով 2-2: Նա մասնակցել է ամբողջ հանդիպմանը: «Պրոգրես Նիդերկորնը» գլխավորում է մրցաշարային աղյուսակը:

Գերմանիայի 2-րդ Բունդեսլիգա, 10-րդ տուր. «Յան Ռեգենսբուրգ» 0-2 «Ունիոն Բեռլին». Սարգիս Ադամյանը եղել է հիմնական կազմում և փոխարինվել 77-րդ րոպեին: «Յան Ռեգենսբուրգը» զբաղեցնում է 14-րդ հորիզոնականը:

Ամերիկյան ՄԼՍ, Արևմտյան Կոնֆերենցիա, 33-րդ տուր. «Կոլորադո Ռապիդս» 1-0 «Ռեալ Սոլթ Լեյք». Յուրա Մովսիսյանը մնացել է պահեստայինների նստարանին: «Ռեալ Սոլթ Լեյքն» ընթանում է 8-րդ հորիզոնականում:

Ռուսաստանի Պրեմիեր լիգա, 13-րդ տուր. «Ռոստով» 0-1 «Ռուբին». Խորեն Բայրամյանը մասնակցել է ամբողջ հանդիպմանը: «Ռոստովը» զբաղեցնում է 10-րդ տեղը:

Ուրուգվայի Կլաուսուրա, 7-րդ տուր. «Ռամպլա Խունիորս» 1-4 «Պենյարոլ». Դիեգո Ռոսի Մարաշլյանը մասնակցել է ամբողջ խաղին: «Պենյարոլը» մրցաշարային աղյուսակի առաջատարն է:

Էդգար Մանուչարյանն «Ուրալի» կողմից հատուկ պատրաստված մարզաշապիկ է ստացել ակումբում անցկացրած 100-րդ հանդիպման կապակցությամբ:

Ֆրանսիայի Լիգա-1, 9-րդ տուր. «Մոնպելյե» 2-0 «Նիցա». Միշել Տեր-Զաքարյանի գլխավորած թիմը 11-րդ հորիզոնականում է:

Ամերիկյան ՄԼՍ, Արևելյան Կոնֆերենցիա, 33-րդ տուր. «Չիկագո Ֆայր» 3-2 «Ֆիլադելֆիա». Դավիթ Արշակյանը փոխարինման է մտել մրցավարի ավելացրած 1-ին րոպեին: «Չիկագո Ֆայրը» եզրափակում է լավագույն եռյակը:

Միացի՛ր հայկական ամենասպորտային Instagram-ին:

1 2

Պաշտոնական. «Փյունիկը» պայմանագիր է կնքել Մֆինգի Գայ Մագեմայի հետ

«Բորուսիան» հաղթեց, Հալանդը կրկին գոլ խփեց, «Հոֆենհայմը» փրկվեց պարտությունից առանց Ադամյանի (տեսանյութ)

Սարգիս Ադամյանը վերադարձել է «Հոֆենհայմի» ընդհանուր խմբի մարզումներին (ֆոտոշարք)

Մարկոս Ռոխոն՝ Իբրահիմովիչին. «Ի՞նչ է պատահել, ա՛յ մեծ քիթ»

«Արարատն» ստուգողական խաղում զիջել է Մոսկվայի «Սպարտակին»

Ադամյանը «Հոֆենհայմի» մարզչի տակտիկական «սուպերզենքն» է․ Թիմի և Սարգսի էվոլյուցիայի մասին

Տրանսֆերային ձմեռ-2020․ Բարձրագույն խմբի ակումբների ձեռքբերումները և կորուստները (թարմացվում է)

30-ամյա հարձակվողը միացել է «Ուրարտուին»

Մալկոմն ասել է, թե ինչ խորհուրդ է իրեն տվել Մեսին

Պաշտոնական․ Արտակ Ալեքսանյանը հեռացել է «Արարատից»

«Արարատն» ընկերական խաղում հաղթել է ռուսական թիմին

Պաշտոնական. Արման Հովհաննիսյանը՝ «Տոբոլի» ֆուտբոլիստ

Պաշտոնական. ՀՖՖ-ն և Աբրահամ Խաշմանյանը դադարեցրել են պայմանագիրը

«Փյունիկը» հաղթեց ղազախական թիմին, «Լոռին» ոչ-ոքի խաղաց Ուկրաինայի Պրեմիեր լիգայի ներկայացուցչի հետ (տեսանյութ)

«Արարատ-Արմենիան» հաղթանակներ է տոնել այսօր կայացած ընկերական խաղերում (տեսանյութ)

Դիեգո Ռոսի Մարաշլյանի եղբայրը ցանկություն է հայտնել հանդես գալու Հայաստանի դրոշի ներքո