fbpx

«Ծաղկաձոր օփեն». Անվանի վետերանն ու պատանի շախմատիստն առաջատարների թվում են

Ծաղկաձորի «Մարիոթ» հյուրանոցում այսօր կայացան շախմատի միջազգային մրցաշարի 2-րդ տուրի հանդիպումները: Ուշադրության կենտրոնում առաջատարների միջև կայացած մրցախաղերն էին:

Մրցաշարը հաջող է սկսել հայկական շախմատի անվանի վետերան Ռաֆայել Վահանյանը, ով երկրորդ հաղթանակը տոնեց՝ առավելության հասնելով վրացի շախմատիստուհի, գրոսմայստեր Նինո Մայսուրաձեի նկատմամբ: Հետաքրքիր է, որ վերջինս մեկնարկային տուրում հաղթել էր իր ամուսնուն՝ բրազիլացի գրոսմայստեր Ալեքսանդր Ֆիեռին, ով անհատական վարկանիշով (2583) մրցաշարի մասնակիցների մեջ 8-րդ արդյունքն ունի:

Երկրորդ անընդմեջ հաղթանակը տոնեց նաև Հովիկ Հայրապետյանը՝ պարտության մատնելով մրցաշարի մասնակիցներից ամենաբարձր անհատական վարկանիշն (2639) ունեցող ուկրաինացի գրոսմայստեր Վլադիմիր Օնիշչուկին:

Իր հաջող ելույթներով հաճելիորեն զարմացնում է մեր անվանի գրոսմայստեր Վլադիմիր Հակոբյանի 13-ամյա որդին՝ Էդուարդը, ով հաղթանակներ է տոնել գրոսմայստերներ, ուզբեկ Մարատ Ջումաևի և Արման Միքայելյանի նկատմամբ: 3-րդ տուրում պատանի շախմատիստը մրցելու է հայկական շախմատի վետերան Ռաֆայել Վահանյանի հետ:

Հաղթարշավը շարունակեց նաև Ռոբերտ Հովհաննիսյանը՝ առավելության հասնելով Ռաֆայել Բակունցի նկատմամբ: Իսկ ահա հաղթանակով մեկնարկած Արման Փաշիկյանը, Հովհաննես Գաբուզյանն ու Տիգրան Պետրոսյանը երկրորդ տուրում բավարարվեցին կեսական միավորով ու դուրս մնացին առաջատարների խմբից:

2 տուրից հետո նույնքան միավորով աղյուսակը գլխավորում են 10 շախմատիստներ: Նրանց թվում են Հայաստանը ներկայացնող Ռաֆայել Վահանյանը, Հովիկ Հայրապետյանը, Էդուարդ Հակոբյանը, Ռոբերտ Հովհաննիսյանը, ինչպես նաև Վրաստանը ներկայացնող Դավիթ Հարությունյանը:

Հետևե՛ք VNews.am-ին նաև Youtube-ում և Instagram-ում:


Աշխարհի առաջնություն. Հայաստանի հավաքականը շարունակեց հաղթարշավը

Աշխարհի առաջնություն. Հայաստանի հավաքականի գերազանց մեկնարկը

Արթուր Դավթյանը՝ Անդրանիկ Մարգարյանի հուշամրցաշարի 2-րդ մրցանակակիր

Հայ շախմատիստներից լավագույնը Սամվել Տեր-Սահակյանի արդյունքն էր

Հայ շախմատիստներից լավագույնը Գաբրիել Սարգսյանի ելույթն էր

Հայկ Մարտիրոսյանը՝ Կարեն Ասրյանի հուշամրցաշարի հաղթող

«Chessify»-ն շարունակեց հաղթարշավը

Հաղթողի գլխավոր հավակնորդը՝ միանձնյա առաջատար

Զավեն Անդրիասյանը՝ կայծակնային մրցաշարի մրցանակակիր

Aeroflot open. Տիգրան Պետրոսյանը 5 շախմատիստների հետ գլխավորեց աղյուսակը

Aeroflot open. Մանուել Պետրոսյանը սկզբունքային մրցավեճում հաղթեց ադրբեջանցուն

Մանուել Պետրոսյանը՝ արագ շախմատի Հայաստանի չեմպիոն

Արամ Հակոբյանը գլխավոր մրցանակի հավակնորդների թվում է

Գլխավոր մրցանակը նվաճելու Արամ Հակոբյանի հնարավորությունները նվազեցին

Արամ Հակոբյանը շարունակում է առաջատարների հետապնդումը

Արտաշես Մինասյանն առաջին հաղթանակը տոնեց