fbpx
Բաժիններ

Կայացավ Կառլեն Մկրտչյանի երկար սպասված վերադարձը խաղադաշտ. Օրվա գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք ներկայացնում հոկտեմբերի 6-ի իրադարձությունների քրոնիկոնը:

Ընկերական հանդիպում. «Փյունիկ» 2-1 «Արցախ». փյունիկցիներից դուբլի հեղինակ է դարձել Կարեն Խատուևը, իսկ հյուրերից 11-մետրանոց նշակետից դիպուկ է գտնվել Արմեն Դուրունցը:

«Փյունիկի» կազմում այս հանդիպմանը մասնակցել է Կառլեն Մկրտչյանը, ով խաղադաշտ է դուրս եկել երկարատև դադարից հետո: 28-ամյա ֆուտբոլիստը, ով երևանյան ակումբի հետ մեկ տարվա պայմանագիր էր կնքել օգոստոսին, այդ մրցավեճում կրել է «Փյունիկի» ավագի թևկապը:

Հոկտեմբերի 8-ին Աստանայի «Աստանա Արենա» մարզադաշտում տեղի է ունենալու ՂազախստանՀայաստան ընտրական հանդիպումը: Խաղը սպասարկելու է Մոլդովայի մրցավարական անձնակազմը՝ Ալեքսանդրու Տյանի գլխավորությամբ: Օգնականներն են Անդրեյ Բոդյանը և Վիկտոր Մարդարին, 4-րդ պաշտոնյան՝ Վյաչեսլավ Բանարին, ՖԻՖԱ-ի պատվիրակը՝ Պաոլո Ռոնդելին (Սան Մարինո), մրցավարների տեսուչը՝ Ռուսմիր Մրկովիչը (Բոսնիա և Հերցեգովինա):

Ռոբերտ Արզումանյան. «Հայաստանի հավաքականն այս պահին ուժեղ չէ Դանիայից, Լեհաստանից և մյուս մրցակիցներից, ուստի Ղազախստանին պարտվելն էլ առանձնապես աղետ չի լինի: Եթե նպատակ է դրվում դուրս գալ աշխարհի առաջնություն, և դա չի ստացվում, նշանակում է՝ արդեն ձախողում է: Սակայն, անկախ ամենից, երկրպագուներն ամեն պարտություն ծանր են տանում»:

Ռոբերտ Արզումանյան. «Պետք է ամենին իրատեսորեն նայել: Գլխավորը հասկանալն է, որ թիմը ցուցադրում է իր առավելագույնը, որպեսզի ֆուտբոլիստը շրջափուլից հետո ասի. «Ես արեցի ամենը, ինչն իմ ուժերի սահմաններում էր»: Եթե մենք պարտվենք Ղազախստանին, չեմ կարծում, թե դա ողբերգություն կհամարվի, քանի որ Ղազախստանի առաջնությունն ուժեղ է Հայաստանի լիգայից, և խաղացողների ընտրությունն էլ ավելի մեծ է»:

«Եվրո-2019», ընտրական փուլ. Մակեդոնիայի Մ-21 0-2 Սերբիայի Մ-21. «Գանձասար-Կապանի» դարպասապահ Ֆիլիպ Իլիկը մասնակցել է ամբողջ հանդիպմանը:

Ռոբերտ Արզումանյան. «Գիտեմ՝ ինչու է մեր հավաքականն այս վիճակում, բայց չեմ ցանկանում խոսել ներկայիս խնդիրների մասին, թող մարզիչները որոշեն: Բայց այն, թե ինչն է պակասում նախորդ տարիների համեմատ՝ բոլորին է հասկանալի: Յուրաքանչյուր հավաքական պետք է ցուցադրի թիմային խաղ, իսկ Հայաստանի մոտ վերջին ժամանակներս դա ստացվում է 30 րոպե կամ մեկ խաղակես»:

«Եվրո-2019», ընտրական փուլ, 4-րդ տուր. Բուլղարիայի Մ-21 2-2 Ղազախստանի Մ-21. Գևորգ Նաջարյանը փոխարինման է մտել 81-րդ րոպեին: Ղազախստանի Մ-21 հավաքականն իր ենթախմբում 2-րդ տեղում է:

«Գանձասար-Կապանի» կիսապաշտպան Ալեքս Քրիստիան Ջունիորը մեկնել է Հայիթիի ազգային հավաքականի տրամադրության տակ: Հայիթցիներն ընկերական հանդիպում կանցկացնեն Ճապոնիայի ընտրանու հետ:

Բելգիայի 1-ին դիվիզիոն, 9-րդ տուր. «Ռուսելար» 2-0 «Լյերս». Իվան Յագանը եղել է մեկնարկային կազմում և փոխարինվել 77-րդ րոպեին: «Լյերսն» ընթանում է մրցաշարային աղյուսակի 7-րդ հորիզոնականում:

Արգենտինայի գավաթ, 1/8 եզրափակիչ. «Ատլետիկո Տուկուման» 4-0 «Սարմիենտո». Խոակին Բոգոսյանը 60-րդ րոպեին դուրս է եկել փոխարինման: «Սարմիենտոն» դուրս է մնացել հետագա պայքարից:

Ռուսաստանի ՊՖԼ, Հարավային գոտի, 12-րդ տուր. «Արմավիր» 2-0 «Բիոլոգ». Էդուարդ Լուսիկյանը փոխարինման է մտել 82-րդ րոպեին: Արսեն Պապիկյանի մարզած «Արմավիրը» գլխավորում է մրցաշարային աղյուսակը:

VivaroNews.am-ը ներկայացրել է իր պատրաստած ֆիլմը՝ Հայաստանի ազգային հավաքականի և մակեդոնական «Վարդարի» ֆուտբոլիստներ Հովհաննես Համբարձումյանի ու Տիգրան Բարսեղյանի մասին: Այն բավականին դիտարժան է ստացվել:

Հայկական ֆուտբոլի ամենավերջին անցուդարձին ծանոթանալու համար բաժանորդագրվեք այստեղ՝


Հետևե՛ք VNews.am-ին նաև Youtube-ում և Instagram-ում:


Արմեն Գյուլբուդաղյանցը միակն էր, որի օրոք հավաքականը հասել է խփած և բաց թողած գնդակների դրական տարբերության

Հայ երկրպագուներն ամենուր են. Ինչպիսի աջակցություն ուներ հավաքականը վերջին խաղերին (տեսանյութ)

Պաշտոնական. Արմեն Գյուլբուդաղյանցը հրաժարական է տվել

Գերկարևոր հանդիպում Գյումրիում․ Ամենաուշագրավ փաստերը՝ ԲԽ-ի 11-րդ տուրին ընդառաջ

Podcast #7. Ցտեսություն, ԵՎՐՈ 2020. Հայաստանի հավաքականի սարսափելի ելույթների ամփոփումը

Թվեք Հենրիխ Մխիթարյանի բոլոր գոլերը Հայաստանի հավաքականի կազմում. VNews-ի Quiz-ը

Առանց ավագի, առաջնորդի, ուղեղի ու գոլահարի. Հայաստանի հավաքականում [շատ] «բան չի փոխվել»

Ռոբերտ Արզումանյան․ «Ֆեդերացիայի նախագահն ինչո՞վ է զբաղված․ բացատրություն եմ պահանջում»

Տակտիկական սխալներ, ոչ նպատակային փոփոխություններ․ Ֆինլանդիա – Հայաստան խաղի մարտավարական կողմը

Ֆինլանդիայի հավաքականը միակ թիմն է, որի դարպասն այս ընտրական փուլում չհաջողվեց գրավել

Թվել Հայաստանի հավաքականի մարզիչներին՝ ըստ իրենց հաղթանակների քանակի. VNews-ի Quiz-ը

France Football-ը ծավալուն հոդված է հրապարակել Հենրիխ Մխիթարյանի ու հայկական ֆուտբոլի մասին

Անավարտ ճամփորդություն ու գորշ խաղ. Ֆինլանդիա-Հայաստան խաղը լուսանկարներով

«Մեր երազանքները խաշվեցին ֆիննական բաղնիքում»․ Մեր հավաքականի ֆուտբոլիստների գնահատականը Ֆինլանդիայի հետ խաղում

Էդգար Բաբայան. «Հենոն ուժեղ է, բայց մենք պետք է փորձենք առանց նրա էլ լավ խաղալ» (տեսանյութ)

Արմեն Գյուլբուդաղյանցի մամուլի ասուլիսը Ֆինլանդիա – Հայաստան խաղից հետո (տեսանյութ)