fbpx

Կապանցիները խելահեղ ընթացք են հավաքել, իսկ Մարկոսը դարձել է գոլային փոխանցման հեղինակ (տեսանյութ)

Օրվա գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող տեղեկատվությամբ: Դրանք վերաբերում են ինչպես Հայաստանում, այնպես էլ արտերկրում տեղի ունեցող իրադարձություններին, որոնք առնչվում են հայազգի ֆուտբոլիստների հետ:

Հոկտեմբերի 14-ի իրադարձությունների քրոնիկոնը ներկայացնում ենք ձեր ուշադրությանը:

Բարձրագույն խումբ, 9-րդ տուր. «Գանձասար-Կապան» 2-0 «Բանանց». դաշտի տերերին 2-րդ խաղակեսում հաղթանակ են պարգևել Ալեքս Քրիստիան Ջունիորի և Գեղամ Հարությունյանի խփած գոլերը: «Գանձասար-Կապանն» այս հաղթանակից հետո 12 միավորով 3-4-րդ հորիզոնականներն է կիսում «Բանանցի» հետ: Մարզիչների հետխաղյա մեկնաբանություններին կարող եք ծանոթանալ այստեղ:

«Գանձասար-Կապանը» ոչ այդքան հաջող 1-ին շրջանից հետո 2-րդը շատ լավ է մեկնարկել՝ անցկացրած 4 խաղում տոնելով 3 հաղթանակ և գրանցելով մեկ ոչ-ոքի:

«Գանձասար-Կապանի» կիսապաշտպան Արթուր Յուսպաշյանի հարցազրույցը հանդիպումից հետո:

Անգլիայի Պրեմիեր լիգա, 8-րդ տուր. «Լիվերպուլ» 0-0 «Մանչեսթեր Յունայթեդ». Հենրիխ Մխիթարյանը եղել է մեկնարկային կազմում և փոխարինվել 63-րդ րոպեին: «Մանչեսթեր Յունայթեդը» 2-րդ տեղում է:

Մակեդոնիայի Բարձրագույն խումբ, 10-րդ տուր. «Վարդար» 4-2 «Շկենդիա». Հովհաննես Համբարձումյանը մասնակցել է ամբողջ հանդիպմանը, իսկ Տիգրան Բարսեղյանն՝ առաջին խաղակեսին: «Վարդարը» զբաղեցնում է 2-րդ հորիզոնականը, առաջատար «Շկենդիայից» հետ է մնում 6 միավորով, թեև նրա համեմատ 2 հանդիպում պակաս է անցկացրել:

Ռուսաստանի Պրեմիեր լիգա, 13-րդ տուր. «Ուրալ» 2-1 «Անժի». Վարազդատ Հարոյանը մասնակցել է ամբողջ հանդիպմանը, ստացել դեղին քարտ, իսկ Էդգար Մանուչարյանը չի հայտնվել հայտացուցակում: «Ուրալը» զբաղեցնում է 6-րդ տեղը:

Ուկրաինայի Պրեմիեր լիգա, 12-րդ տուր. «Ստալ» 0-1 «Զարյա». Էդգար և Գոռ Մալաքյան եղբայրները մասնակցել են ամբողջ հանդիպմանը, իսկ Արթուր Դանիելյանը մնացել է պահեստայինների նստարանին: «Ստալը» զբաղեցնում է 10-րդ հորիզոնականը:

Հայաստանի չեմպիոն «Ալաշկերտը» նախապատրաստվում է հոկտեմբերի 15-ին Բարձրագույն խմբի 9-րդ տուրում «Փյունիկի» հետ կայանալիք արտագնա հանդիպմանը:

Սաուդյան Արաբիայի Պրեմիեր լիգա, 6-րդ տուր. «Ալ-Շաբաբ» 2-5 «Ալ-Ահլի». Մարկոս Պիզելին դարձել է գոլային փոխանցման հեղինակ, գոլից հետո էլ հաշիվը դարձել է 2-5: Պիզելին մասնակցել է ամբողջ հանդիպմանը: «Ալ-Շաբաբը» զբաղեցնում է 9-րդ տեղը:

Ռուսաստանի Երիտասարդական լիգա, 13-րդ տուր. «Ռոստով» Մ-21 3-1 «Ռուբին» Մ-21. «Ռոստովից» Նորիկ Մկրտչյանը դարձել է գոլի հեղինակ՝ մրցակցի դարպասը գրավելով հիմնական ժամանակի վերջին րոպեին: Նա մասնակցել է ամբողջ հանդիպմանը, իսկ «Ռուբինից» Գևորգ Հարությունյանը մնացել է պահեստայինների նստարանին: «Ռոստովի» երիտասարդական թիմը եզրափակում է լավագույն տասնյակը, իսկ «Ռուբին» Մ-21-ը 2-րդ տեղում է:

Ռուսաստանի 2-րդ դիվիզիոն, Կենտրոնական գոտի, 13-րդ տուր. «Արարատ Մոսկվա» 2-0 «Ռոստոր-2». Ալեքսանդր Գրիգորյանի մարզած «Արարատը» գլխավորում է մրցաշարային աղյուսակը:

Գերմանիայի Մ-19 Բունդեսլիգա, Հարավային գոտի, 8-րդ տուր. «Հոֆենհայմ» Մ-19 3-1 «Գրոյտեր Ֆյուրտ» Մ-19. Գերման Կուրբաշյանը եղել է հիմնական կազմում և փոխարինվել 85-րդ րոպեին: «Գրոյտեր Ֆյուրտ» Մ-19-ն ընթանում է 14-րդ տեղում:

Հետևե՛ք VNews.am-ին նաև Youtube-ում և Instagram-ում:

1 2

«ՈւԵՖԱ-ի վերաբերմունքը Մխիթարյանի նկատմամբ խայտառակություն է»․ AFTV-ի անդրադարձը (տեսանյութ)

«Արսենալին» հետաքրքրում է «Յունայթեդի» նախկին ֆուտբոլիստը․ «Քրիստալ Փելասը» 100 մլն եվրո է պահանջում

Ջևան Չելոյանց․ «Ծափահարում եմ Հայաստանի առաջնության խաղային օրացույցը կազմողներին»

Վարդան Մինասյան․ «Մխիթարյանը չպետք է մեկնի Բաքու»

«Գանձասար-Կապանն» ապահովեց «Բանանցի» «մղձավանջը»․ VNews-ի ֆոտոշարքը

Իլշատ Ֆայզուլին․ «Սա իմ պարտությունն էր, ոչ թե տղաների» (տեսանյութ)

Արմեն Պետրոսյանը՝ գերվստահ հաղթանակի, նպատակների և «հայի բնավորություն ունեցող» Վբեյմարի մասին (տեսանյութ)

«Գանձասար-Կապանի» ջախջախիչ հաղթանակը «Բանանցի» նկատմամբ (տեսանյութ)

Տիգրան Բարսեղյանը բացել է հաշիվը «Օկժետպեսի» դեմ խաղում

«Փյունիկն» իր առաջիկա մրցակցին արդեն 2 անգամ պարտվել է առաջնությունում․ Ամենահետաքրքիր փաստերը՝ ԲԽ-ի 34-րդ տուրին ընդառաջ

«Մխիթարյանի ձախողված մանիպուլյացիան». Ադրբեջանը պաշտպանվում է

Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 33-րդ տուրը

Ադրբեջանից պնդում են՝ ՈՒԵՖԱ-ին և «Արսենալին» տրամադրել են անհրաժեշտ բոլոր փաստաթղթերը

«Արսենալն» ու Մխիթարյանը բանակցում են Բաքվի եզրափակիչի մասնակցության վերաբերյալ

Հատուկ ակցիա՝ Մխիթարյանի համար. «Արսենալի» ֆան ակումբի հետաքրքիր առաջարկը

ՈւԵՖԱ-ն ներողություն է խնդրել «Արսենալից», բայց ոչ մի խոսք չի ասել Մխիթարյանի հետ կապված