fbpx

Կասպարովին 35 րոպե չհերիքեց ռեկորդ գրանցելու համար, իսկ Մուսոնդան «պոկվել» է լիգայի մյուս բոլոր լեգեոներներից

«Գանձասար-Կապանի» ելույթների ամփոփումը՝ 10 փաստով

VivaroNews.am-ը շարունակում է ՀՀ 26-րդ առաջնության աշնանային հատվածում թիմերի ելույթների ամփոփումը՝  անդրադառնալով  գործող փոխչեմպիոնին:

1. «Գանձասար-Կապանը» 26-րդ առաջնության աշնանային հատվածն ավարտեց 2-րդ հորիզոնականում՝ 15 հանդիպումներում վաստակելով 24 միավոր (+6=6-3, 22-13), ինչը հնարավոր միավորների 53,3 տոկոսն է: Նախորդ մրցաշրջանի 15 հանդիպումներում էլ գանձասարցիները 24 միավոր էին վաստակել, սակայն ընթանում էին 4-րդ հորիզոնականում` 4 միավորով զիջելով առաջատար «Շիրակին»: Նախորդ մրցաշրջանի նույն ժամանակահատվածի համեմատ գանձասարցիները թեև մեկ հաղթանակ պակաս տոնեցին ու մեկ գնդակ ավելին բաց թողեցին, սակայն պարտությունների քանակը նվազեցրին 2-ով և 4 գոլ ավելին խփեցին:

2. «Գանձասար-Կապանն» անհավասարաչափ ելույթներ ունեցավ առաջնության աշնանային հատվածում: Առաջնությունում թիմը մեկնարկեց 3 անընդմեջ պարտությամբ, իսկ առաջին շրջանում ընդամենը 2 միավոր վաստակեց (+0=2-3, 4-8): Երկրորդ շրջանում «Գանձասար-Կապանի» արդյունքը լավագույնն էր առաջնության մասնակիցների մեջ՝ 13 միավոր (+4=1-0, 12-2): 3-րդ շրջանում կապանցիների օգտին 9 միավոր գրանցվեց (+2=3-0, 6-3):

«Գանձասար-Կապանն» ավելի հաջող ելույթներ ունեցավ սեփական հարկի տակ՝ անցկացրած 8 հանդիպումներում վաստակելով 14 միավոր (+4=2-2, 12-8), ինչը հնարավոր միավորների 58,3 տոկոսն է: Դա 2-րդ արդյունքն է «Ալաշկերտից» հետո, որը սեփական հարկի տակ գանձասարցիներից մեկ խաղ պակաս է անցկացրել: Սեփական հարկի տակ գանձասարցիները պարտվել են «Արարատին» (1-3) և «Շիրակին» (0-1):

Հյուրընկալվելիս անցկացրած 7 հանդիպումներում կապանցիների օգտին գրանցվեց հնարավոր միավորների 47,6 տոկոսը (+2=4-1, 9-5): Դա 3-րդ արդյունքն է «Ալաշկերտից»  ու «Բանանցից» հետո: Մրցակցի հարկի տակ «Գանձասար-Կապանին» հաջողվել է հաղթանակ տոնել «Արարատի» (2-0, արդյունքը չեղյալ է համարվել ու գանձասարցիներին տեխնիկական հաղթանակ է գրանցվել 3-0 հաշվով) և «Ալաշկերտի» (3-0) նկատմամբ:

3. «Գանձասար-Կապանն» անպարտելիության թիմային նոր ռեկորդ սահմանեց՝ առաջնության 4-15-րդ տուրերում 12 խաղ անընդմեջ թույլ չտալով մրցակիցներին առավելության հասնելու իր նկատմամբ՝ տոնելով 6 հաղթանակ, նույնքան խաղ ավարտելով ոչ-ոքի: Այս ցուցանիշն ընթացիկ առաջնությունում լավագույնն է: Անպարտելիության նախկին ռեկորդը «Գանձասար-Կապանը» սահմանել էր 2015/16թթ. առաջնության 2-11-րդ տուրերում՝ տոնելով 5 հաղթանակ, նույնքան խաղ ավարտելով ոչ-ոքի:

«Գանձասար-Կապանը» 9-11-րդ տուրերում 3 անընդմեջ հաղթանակ տոնեց: Առաջնության 4-11-րդ տուրերում գանձասարցիները 8 խաղ շարունակ դաշտից չեն հեռացել առանց գոլի և միայն 12-րդ տուրում նրանք չկարողացան գտնել «Փյունիկի»  դարպասի բանալին՝ խաղն ավարտելով գոլազուրկ ոչ-ոքի: Ընդհանրապես անցկացրած 15 հանդիպումներից միայն երկուսում «Գանձասար-Կապանին» չի հաջողվել գրավել մրցակցի դարպասը: Առաջին անգամ դա պատահել է 3-րդ տուրում «Շիրակի» հետ մրցավեճում (0-1): 15 հանդիպումներից 6-ում կապանցիների դարպասն անառիկ է մնացել:

15 հանդիպումներից 12-ում «Գանձասար-Կապանն»  առաջինն է բացել հաշիվը: Այդ հանդիպումներից 6-ը ՀՀ փոխչեմպիոնը հասցրել է հաղթական ավարտի, 5-ում գրանցվել է ոչ-ոքի, մեկում պարտվել է («Արարատի» հետ մեկնարկային տուրում՝ 1-3):

2 հանդիպումներում մրցակիցն առաջինն է բացել հաշիվը ու գանձասարցիներին չի հաջողվել խուսափել պարտությունից («Փյունիկ»՝ 1-2, «Շիրակ»՝ 0-1):

Գանձասարցիները խոշոր հաշվով մեկ հաղթանակ տոնեցին՝ 3-0 հաշվով հաղթելով չեմպիոնին: «Գանձասար-Կապանը» խոշոր հաշվով չպարտվեց:

Առաջնության մասնակից թիմերից առավել հաջող «Գանձասար-Կապանը» խաղաց «Ալաշկերտի» հետ՝  վաստակելով 7 միավոր (+2=1-0, 5-1): Ընդ որում գանձասարցիներն առաջնության մասնակիցներից միակն են, որ չեն պարտվել չեմպիոնին: Գանձասարցիների համար ամենաանհարմար մրցակիցը «Շիրակն» էր, որի հետ կայացած 3 հանդիպումներում 2 միավոր վաստակեցին (+0=2-1, 3-4):

«Արարատի» հետ մրցավեճում կապանցիներն իրենց օգտին 6 միավոր գրանցեցին: «Բանանցի» հետ հանդիպումներում «Գանձասար-Կապանը» վաստակեց 5, «Փյունիկի» հետ՝ 4 միավոր:

4. «Գանձասար-Կապանի» մասնակցությամբ հանդիպումներում նշանակվել է 11մ 5 հարված, որից իրացվել է 4-ը: Թիմի օգտին նշանակված 11մ երկու հարվածներից մեկն է ավարտվել դարպասի գրավմամբ: 15-րդ տուրում դիպուկությամբ աչքի է ընկել թիմի ավագ Արա Խաչատրյանը՝ խոցելով ալաշկերտցի Արսեն Բեգլարյանի պաշտպանած դարպասը: Այդ միակ գոլն անչափ կարևոր հաղթանակ պարգևեց կապանցիներին չեմպիոնի հետ կայացած սկզբունքային մրցախաղում:

Իսկ ահա մեկնարկային տուրում Գեղամ Հարությունյանը չի կարողացել գրավել արարատցի Արսեն Պետրոսյանի պաշտպանած դարպասը:

Գանձասարցիների դարպասին նշանակված 11մ 3 հարվածներն էլ դիպուկ են իրացվել: Արարատցի Անդրանիկ Քոչարյանը գրավել է Գևորգ Կասպարովի պաշտպանած դարպասը, ալաշկերտցի Արտակ Եդիգարյանն ու շիրակցի Մուսա Փոլ Բակայոկոն էլ հաղթող են դուրս եկել Գրիգոր Մելիքսեթյանի հետ պայքարում:

5. Արդյունավետությամբ գանձասարցիներն առաջնության աշնանային հատվածում երկրորդն էին՝ զիջելով միայն «Ալաշկերտին»: Թիմի խփած 21 գոլերի հեղինակներ դարձան 9 գանձասարցիներ: Ալեքս Ջունիոր Քրիստիանը, Վասպուրակ Մինասյանը, Դմիտրի Յաշինը և Ստևան Ժիվկովիչը բացեցին գոլերի հաշիվը ՀՀ առաջնություններում: Ժիվկովիչն ընդգրկվեց «Գանձասար-Կապանում» գոլի հեղինակ դարձած ամենատարեց լեգեոնականների տասնյակում՝ «Ալաշկերտի» դարպասը գրավելով 27 տարեկան 325 օրականում:

Ինչպես նախորդ մրցաշրջանում, այս անգամ էլ առաջնության աշնանային հատվածում բոլորից արդյունավետ գործեց Գեղամ Հարությունյանը՝ 5 գնդակով գլխավորելով թիմի լավագույն ռմբարկուների ցանկը: Նախորդ մրցաշրջանի 15-րդ տուրից հետո Գեղամի հաշվին 6 գոլ էր գրանցված: ՀՀ առաջնություններում կապանցիների կազմում խփած 28 գնդակով Գեղամ Հարությունյանը թիմի բոլոր տարիների լավագույն ռմբարկուների ցանկում շրջանցեց 26 գոլի հեղինակ դարձած Արսեն Ավետիսյանին՝ զբաղեցնելով 2-րդ հորիզոնականը: Հարությունյանն ընդամենը 6 գնդակով է զիջում թիմի բոլոր տարիների լավագույն ռմբարկու Արթուր Քոչարյանին:

27-ամյա Գեղամ Հարությունյանը 2017թ. օրացուցային տարում կայացած ՀՀ առաջնության հանդիպումներում ընդհանուր առմամբ 10 գոլ խփեց՝ գերազանցելով թիմի նախկին ֆուտբոլիստ Բենիամին Մանուչարյանի տարիքային ռեկորդը, ով այդ տարիքում 2008թ. 5 գոլ էր խփել: «Գանձասար-Կապանի» հարձակվողն արդեն տարիքային 3-րդ ռեկորդը սահմանեց: Նրան են պատկանում 25 (2015թ. Ացամազ Բուրաևի հետ՝ 5-ական գոլ) և 26 (2016թ.՝ 11 գոլ) տարեկանների տարիքային ռեկորդները:

Բարձրագույն խմբում «Գանձասար-Կապանում»  անցկացրած խաղերի քանակով (95) Գեղամ Հարությունյանն ընդգրկվեց թիմի բոլոր տարիների ամենափորձառու ֆուտբոլիստների տասնյակում՝ ցանկից դուրս թողնելով վրացի դարպասապահ Լևան Բուբուտեիշվիլուն, ով կապանցիների դարպասը պաշտպանել էր 92 խաղում:

Հետևե՛ք VNews.am-ին նաև Youtube-ում և Instagram-ում:

1 2

Արամ Բարեղամյանին 7 խաղ է բաժանում «Բանանցի» պատմության կարևոր էջը թարմացնելուց

Հակոբ Համբարձումյանը՝ «Գանձասար-Կապանի» ֆուտբոլիստ

«Արարատի» ավագն ավարտում է ֆուտբոլիստի կարիերան

Տրանսֆերային ամառ-2019․ Բարձրագույն խմբի ակումբների ձեռքբերումները և կորուստները (թարմացվում է)

Այս տարի էլ կարող ենք զարմացնել Եվրոպային․ Դրա համար հիմքեր կան

Աշոտ Կարապետյանը հեռացավ «Գանձասար-Կապանից»

«Փյունիկը» 3 համալրում ունի

Էմիլ Եղիազարյանը կարիերան կշարունակի «Գանձասար-Կապանում»

Եդիգարյան եղբայրները կխաղան Հայաստանում, բայց չեն լինի ակումբակիցներ

«Արարատը» կխաղա «Հանրապետական» մարզադաշտում

Հայկ Իշխանյանը հեռանում է «Լոռիից»

Հայտնի են հայկական 3 թիմերի եվրագավաթային հանդիպումների վայրերը

Հայկական ակումբների հնարավոր մրցակիցները Եվրոպա լիգայի որակավորման 2-րդ փուլում

Հայկական թիմերի մրցակիցները Եվրոպա լիգայի որակավորման առաջին փուլում

Պաշտոնական. «Արարատի» երեք ֆուտբոլիստ հեռացել է թիմից

Հայկական թիմերի հավանական մրցակիցները Եվրոպա լիգայի որակավորման առաջին փուլում