fbpx

Հայկական ո՞ր ակումբն է արտասահմանցի ֆուտբոլիստների գլխավոր հանգրվանը

Համաշխարհային ֆուտբոլում լեգեոնականների առկայությունը թիմերում վաղուց արդեն սովորական երևույթ է: Նրանք մեծ դերակատարություն ունեն իրենց ակումբներում՝ զգալի ներդրում ունենալով թիմերի ընդհանուր հաջողություններում: Ներկայումս դժվար է նշել որևէ թիմի, որում լեգեոնականներ ընդգրկված չլինեն:

Իսկ ինչպիսի՞ն է իրավիճակը Հայաստանում երկրի առաջնությունների անցկացման 26-ամյա պատմության ընթացքում: Ներկայացնում է VivaroNews.am-ի վիճակագիր Աշոտ Հայրապետյանը:

Առաջին  «ծիծեռնակները»

1992թ.-ից անցկացվող Հայաստանի բարձրագույն խմբի առաջնություններում առաջին լեգեոնականները հայտնվեցին միայն 1997թ.: Աշուն-գարուն մրցակարգով անցկացված նախորդ երկու առաջնություններից հետո ֆուտբոլի Հայաստանի ֆեդերացիայի ղեկավարությունը որոշել էր կրկին վերադառնալ նախկին՝ գարուն-աշուն մրցակարգին: Ուստի սեղմ ժամկետներում՝ օգոստոսից-նոյեմբեր, 10 թիմերի մասնակցությամբ երկու շրջանով անցկացվեց 1997թ. առաջնությունը:

Առաջին  «ծիծեռնակները» հայտնվեցին «Երևանի» կազմում: Ֆրանսիացի 35-ամյա բազմափորձ դարպասապահ Պասկալ Ռուսոն, ով ժամանակին պաշտպանել էր Մարսելի «Օլիմպիկի» դարպասը, իվուարցի 20-ամյա պաշտպան Սերժ Գոգուան և Մալիի ներկայացուցիչներ, 22-ամյա կիսապաշտպան Դեդե Թամբուրան ու 26-ամյա հարձակվող Նջիայ Մալալը մեծ ներդրում ունեցան թիմի հաջողությունում, որն իր կարճատև կենսագրությունում առաջին անգամ նվաճեց Հայաստանի չեմպիոնի տիտղոսը:

Պասկալ Ռուսոն անխոցելիության գործակցով ճանաչվեց առաջնության ամենահուսալի դարպասապահ՝ միջինը մեկ խաղում բաց թողնելով 0,43 գոլ (7 գոլ 16 խաղում): Նջիայ Մալալն էլ աչքի ընկավ բարձր արդյունավետությամբ՝ անցկացրած 13 հանդիպումներում խփելով 8 գնդակ՝ ընդամենը 2 գոլով զիջելով «Երևանի» լավագույն ռմբարկու Տիգրան Եսայանին, ով մասնակցել էր առաջնության բոլոր 18 խաղերին:

Հետագա տարիներին «Երևանի»  օրինակը վարակիչ դարձավ առաջնության մասնակից մյուս թիմերի համար, որոնց մեծամասնությունն էլ սկսեց օգտվել լեգեոնականների ծառայություններից: 1999թ. առաջնությունում արդեն հանդես եկան այլազգի 16 ֆուտբոլիստներ, որոնցից 10-ը՝ «Երևանում»: Առաջին լեգեոնականները հայտնվեցին «Արարատում», որն իր կազմում ընդգրկել էր այլազգի 5 ֆուտբոլիստների, մեկն էլ հանդես եկավ «Էրեբունիում»:

Տարեցտարի ՀՀ առաջնություններում գնալով ավելի աճեց իրենց կազմերում լեգեոնականներ ունեցող թիմերի և այլազգի ֆուտբոլիստների քանակը, ընդլայնվեց նրանց աշխարհագրությունը:

Իսկ ինչպիսի՞ն է իրավիճակը ներկայումս: 26-րդ առաջնության մասնակից 6 ակումբներն էլ իրենց կազմերում լեգեոնական ֆուտբոլիստներ ունեին: Առաջնության աշնանային հատվածում ընդհանուր առմամբ այլազգի 35 ֆուտբոլիստներ հանդես եկան:

Լեգեոնականների քանակով ռեկորդակիրը «Գանձասար-Կապանն» էր, որի կազմում խաղադաշտ դուրս եկան 9 ֆուտբոլիստներ: «Ալաշկերտում», «Շիրակում» և «Բանանցում» ընդգրկված էին 7-ական լեգեոնականներ: «Փյունիկում» նրանց թիվը 3-ն էր, «Արարատում»՝ 2-ը:

Հետևե՛ք VNews.am-ին նաև Youtube-ում և Instagram-ում:

1 2

Անտոն Բելով. «Փյունիկին» միանալու պատճառներից մեկը եվրագավաթներն են»

«Արարատը» մեկնել է Մոսկվա՝ ուսումնամարզական հավաք անցկացնելու

Պաշտոնական. «Անժիի» պաշտպանը միացել է «Փյունիկին»

Պարգևատրվեցին ֆուտբոլային մրցաշրջանի մրցանակակիրները. VNews-ի ֆոտոշարքը

Դենիս Տալալայը լքեց «Փյունիկը»

Միջադեպի հետևանքները. Վարդանյանը որակազրկվել է 5 խաղով, այլ որոշումներ

Պաշտոնական. Արտակ Դաշյանը վերադարձավ «Բանանց»

«Ալաշկերտի» կանանց թիմը կխաղա Չեմպիոնների լիգայում

«Բանանցը» հրաժեշտ է տվել Արթուր Ավագյանին

Ղուկաս Պողոսյանը հեռացել է «Ալաշկերտից»

Եվս մեկ ֆուտբոլիստ հեռացավ «Արարատից»

Միխայլո Կալուգինը հեռացավ «Արարատից»

«Ես հայ եմ, ինձ այդպիսի հարցեր մի՛ տվեք». Մարկոս Պիզելին «լրացրեց» «Հարցաթերթիկը» (տեսանյութ)

Podcast #1. Հայաստանի Բարձրագույն խմբի առաջնության 2018/19 մրցաշրջանի ամփոփում

«Փյունիկը» պայմանագիր կնքեց Ստանիսլավ Եֆիմովի հետ

Պաշտոնական. Էդգար Մանուչարյանը վերադարձավ «Փյունիկ»