Մարիա Գևորգյանն ընդամենը կես միավորով հետ մնաց հաղթողից

Արաբական Միացյալ Էմիրություններում անցկացված կանանց շախմատի Շարժայի գավաթի 8-րդ խաղարկությունում Հայաստանը ներկայացրած 3 շախմատիստուհիներից առավել հաջող հանդես եկավ Հայաստանի գործող չեմպիոնուհի Մարիա Գևորգյանը, ով 9 հնարավորից վաստակած 7 միավորով մրցաշարի 94 մասնակիցների մեջ զբաղեցրեց 5-րդ հորիզոնականը:

Մարիան ընդամենը կես միավոր զիջեց մրցաշարի հաղթող, լեհ շախմատիստուհի Մոնիկա Սոչկոյին: Նա հավասար միավորներ վաստակեց 3-րդ և 4-րդ տեղերը զբաղեցրած Կարինա Շչեպկովսկայայի և Աննա Զոզուլիայի հետ և միայն լրացուցիչ գործակիցներով զիջեց նրանց:

Մարիան մրցաշարը սկսեց 3 անընդմեջ հաղթանակով, այնուհետև հետևեցին Սուսաննա Գաբոյանից և Ուշա Ալ-Շամսիից կրած պարտությունները: Ավարտական 4 պարտիաները Մարիա Գևորգյանը կրկին վերելքով անցկացրեց ու հաղթանակներ տոնեց:

Հաջող էր նաև Արմինե Բաբայանի ելույթը, ով 6,5 միավորով գրավեց 8-րդ տեղը:

Սուսաննա Գաբոյանը 5,5 միավորով 23-րդն էր:

Միացի՛ր հայկական ամենասպորտային Instagram-ին: