Մխիթարյանը կրկնել է իր լավագույն ցուցանիշը, որը գրանցել են նաև Արթուր Պետրոսյանն ու Յուրա Մովսիսյանը - VNews
Բաժիններ

Մխիթարյանը կրկնել է իր լավագույն ցուցանիշը, որը գրանցել են նաև Արթուր Պետրոսյանն ու Յուրա Մովսիսյանը

Ղազախստանի հավաքականի հետ ընտրական մրցախաղով Հայաստանի ազգային հավաքականն ավարտեց ելույթները մրցաշրջան-2017-ում: Մեր հավաքականն ընդամենը 7 խաղ անցկացրեց, որից 6-ն՝ աշխարհի առաջնության ընտրական մրցաշարում: Եթե զուտ գրանցված ընդհանուր արդյունքները (+2=1-4, 11-16) հաշվի առնենք, ապա վերջին 4 տարիներին սա հավաքականի 2-րդ ցուցանիշն է, որը զիջում է միայն նախորդ մրցաշրջանի լավագույն արդյունքին: Սակայն հավաքականի ցուցադրած խաղի և ընտրական մրցաշարում ցույց տված արդյունքների առումով մրցաշրջան-2017-ը կարելի է ձախողված համարել:

Ազգային հավաքականն Արթուր Պետրոսյանի գլխավորությամբ մրցաշրջանը սկսեց մարտին ղազախների հետ երևանյան ընտրական խաղում տոնած հաղթանակով, ապա հունիսին սեփական հարկի տակ 5 անպատասխան գնդակ խփեց մրցաշրջան-2017-ում անցկացրած միակ ընկերական խաղում, որում մրցակիցը՝ Սենթ Քիթս և Նևիսի հավաքականն իր կարգով զգալիորեն զիջում էր մերոնց:

Ապա հետևեցին ընտրական մրցաշարում կրած 4 անընդմեջ պարտությունները Չեռնոգորիայի (1-4), Ռումինիայի (0-1), Դանիայի (1-4) և Լեհաստանի (1-6) հավաքականներից, որից 3-ը՝ խոշոր հաշվով: Իսկ մրցաշրջանը մեր ֆուտբոլիստներն ավարտեցին ընտրական խմբի հետնապահ ղազախների հետ գրանցած միակ ոչ-ոքիով՝ չկարողանալով պահպանել հաղթական հաշիվը (1-1):

Մրցաշրջան-2017-ում անցկացրած 7 հանդիպումներում Արթուր Պետրոսյանը խաղադաշտ դուրս բերեց 28 ֆուտբոլիստի, որոնցից 3-ը՝ փյունիկցիներ Արմեն Մանուչարյանը, Նարեկ Ասլանյանը և շիրակցի Արտյոմ Միքայելյանը նորամուտը նշեցին ՀՀ ազգային հավաքականում:

Համեմատության համար նշենք, որ նախորդ մրցաշրջանում անցկացրած 8 հանդիպումներում հավաքականի կազմում ընդհանուր առմամբ խաղադաշտ էին դուրս եկել 32 ֆուտբոլիստներ, որոնցից 9-ը՝ Արսեն Բեգլարյանը, Գոռ Մալաքյանը, Գեղամ Կադիմյանը, Տիգրան Բարսեղյանը, Բենիկ Հովհաննիսյանը, Սերգեյ Ավագիմյանը, Դավիթ Հակոբյանը, Գևորգ Հովհաննիսյանը և Դավիթ Արշակյանը նորամուտն էին նշել ազգային թիմում:

Հավաքականի անցկացրած բոլոր 7 հանդիպումներին մասնակցել է միայն Հենրիխ Մխիթարյանը, ով 4 գնդակով դարձավ մրցաշրջան-2017-ում մեր ընտրանու լավագույն ռմբարկուն: Նա իր գոլերից երկուսը խփել է ղազախների հետ անցկացրած ընտրական երկու հանդիպումներում, Սենթ Քիթս և Նևիսի հավաքականի հետ կայացած խաղում էլ դարձել է դուբլի հեղինակ:

Բավական արդյունավետ գործեց նաև Ռուսլան Կորյանը՝ խփելով 3 գնդակ: Մեկական գոլի հեղինակ են դարձել Արաս Օզբիլիսը, Արթուր Սարկիսովը, Արտակ Եդիգարյանն ու Հովհաննես Համբարձումյանը: Ընդ որում Կորյանն ու Եդիգարյանն ընթացիկ մրցաշրջանում բացեցին գոլերի հաշիվը հավաքականում:

Հենրիխ Մխիթարյանը 6-րդ անգամ դարձավ Հայաստանի ազգային հավաքականի լավագույն ռմբարկուն մեկ մրցաշրջանում՝ կրկնելով 2011 և 2014թթ. արդյունավետության իր լավագույն ցուցանիշը: Մխիթարյանի ռեկորդային այդ արդյունքն առաջինն իր օգտին է գրանցել հավաքականի ներկայիս գլխավոր մարզիչ Արթուր Պետրոսյանը 2000թ., որը հետագայում՝ 2013թ. կրկնել է Յուրա Մովսիսյանը:

VivaroNews.am-ը ներկայացնում է Հայաստանի ազգային հավաքականի ցուցանիշները տարբեր մրցաշրջաններում:

Թ Խ Հ Ո Պ Գ Մ % Ռմբարկուն Գոլ
1992 1 0 1 0 0-0 1 33,3
1994

 

5

 

1

 

1

 

3

 

1-5

 

4

 

26,6

 

 

 

1995

 

7

 

1

 

1

 

5

 

5-13

 

4

 

19

 

Ռազմիկ Գրիգորյան

Արմեն Շահգելդյան

 

2

2

 

1996 9 1 3 5 5-23 6 22,2
1997 9 1 2 6 5-26 5 18,5 Էրիկ Ասադուրյան 2
1998 5 3 1 1 6-4 10 66,6 Տիգրան Եսայան 2
1999 9 1 1 7 5-15 4 14,8 Արմեն Շահգելդյան 2
2000 9 2 3 4 11-13 9 33,3 Արթուր Պետրոսյան 4
2001 8 1 4 3 6-14 7 29,1
2002

 

3

 

1

 

1

 

1

 

4-4

 

4

 

44,4

 

 

 

2003

 

7

 

2

 

0

 

5

 

5-14

 

6

 

28,5

 

Արթուր Պետրոսյան

Ալբերտ Սարգսյան

 

2

2

 

2004

 

9

 

2

 

2

 

5

 

8-17

 

8

 

29,6

 

Արման Քարամյան

Արտավազդ Քարամյան

 

2

2

 

2005 9 2 1 6 8-16 7 25,9 Արա Հակոբյան 3
2006 6 0 1 5 0-9 1 5,55
2007 12 3 4 5 7-12 13 36,1 Ռոբերտ Արզումանյան 3
2008 10 3 2 5 7-17 11 36,6 Արա Հակոբյան 2
2009

 

8

 

1

 

2

 

5

 

6-14

 

5

 

20,8

 

 

 

2010

 

7

 

3

 

1

 

3

 

14-11

 

10

 

47,6

 

Հենրիխ Մխիթարյան

Էդգար Մանուչարյան

Յուրա Մովսիսյան

 

3

3

3

 

2011

 

8

 

3

 

1

 

4

 

14-11

 

10

 

41,6

 

Հենրիխ Մխիթարյան

 

4

 

2012

 

9

 

4

 

0

 

5

 

13-12

 

12

 

44,4

 

Մարկոս Պիզելի

Գևորգ Ղազարյան

Հենրիխ Մխիթարյան

Արաս Օզբիլիս

 

2

2

2

2

 

2013 9 3 2 4 11-12 11 40,7 Յուրա Մովսիսյան 4
2014 9 1 1 7 8-23 4 14,8 Հենրիխ Մխիթարյան 4
2015 6 0 1 5 3-14 1 5,55
2016 8 3 1 4 15-14 10 41,6 Հենրիխ Մխիթարյան 3
2017 7 2 1 4 11-16 7 33,3 Հենրիխ Մխիթարյան 4

Աշոտ Հայրապետյան

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


Կապելոն Մխիթարյանին նշել է Ա սերիայի ներկայիս 3 լավագույն ֆուտբոլիստների թվում

Հայաստանի Մ-19 հավաքականը կգլխավորի Ռազմիկ Գրիգորյանը

Մխիթարյանը շուտով կվերադառնա խաղադաշտ

21-րդ դարում հայկական ֆուտբոլի 20 ամենաարդյունավետ ֆուտբոլիստները

Առաջնության «ամենահայկական» թիմը թարմացրեց իր հակառեկորդը․ «Շիրակի» ելույթների ամփոփումը՝ 10 փաստով

Լևանդովսկին 500-րդ գոլը խփեց. ներկայիս միայն երեք ֆուտբոլիստի էր դա հաջողվել

Քրիստիան Էրիկսենը կարող է դառնալ Մխիթարյանի խաղընկերը

Գոլառատ խաղում «Ռոման» հաղթեց առանց Մխիթարյանի (տեսանյութ)

Մխիթարյանը վնասվածք է ստացել

Ե՛վ մախ, և՛ գաղափար. 5 խաղ, որտեղ փայլել է Յուրա Մովսիսյանը

«Հայաստանի հավաքականի լեգենդը». Մխիթարյանի կարիերան՝ 32 կետով

«Ռոման» շնորհավորել է Մխիթարյանին (տեսանյութ)

Կապառոսից մինչև պատերազմի մասնակիցներ․ Շնորհավորանքներ Մխիթարյանին (տեսանյութ)

Մարկոս Պիզելի․ «Շնորհավոր Հենո ջան, կարոտել եմ, այ տղա» (տեսանյութ)

«Ռոման» դուրս մնաց Իտալիայի գավաթից, Մխիթարյանը գրավեց «Սպեցիայի» դարպասը (տեսանյութ)

Մխիթարյանը գոլի հեղինակ դարձավ «Սպեցիայի» դեմ մրցավեճում (տեսանյութ)