Շախմատի ՀՀ առաջնություն. Մարիա Կուրսովան ժամկետից շուտ նվաճեց Հայաստանի չեմպիոնուհու տիտղոսը - VNews
Բաժիններ

Շախմատի ՀՀ առաջնություն. Մարիա Կուրսովան ժամկետից շուտ նվաճեց Հայաստանի չեմպիոնուհու տիտղոսը

Շախմատի Հայաստանի կանանց բարձրագույն խմբի 73-րդ առաջնության 8-րդ տուրում ուշադրության կենտրոնում մրցաշարի միանձնյա առաջատար Մարիա Կուրսովայի և նրան հետապնդող Աննա Սարգսյանի մրցախաղն էր: Նախորդ տուրում Աննան մրցաշարում առաջին պարտությունն էր կրել Մարիա Գևորգյանից և մեկ միավորով հետ էր մնացել Կուրսովայից:

Մարիա Կուրսովան վստահ անցկացրեց նաև չեմպիոնի տիտղոսի համար պայքարում իր համար անչափ կարևոր մրցախաղը և 53-րդ քայլին հաղթանակ տոնեց: Մարիան վաստակեց 7 միավոր և մրցաշարի ավարտից մեկ տուր առաջ նվաճեց Հայաստանի չեմպիոնուհու տիտղոսը:

32-ամյա Մարիան, ով գրոսմայստեր Արման Փաշիկյանի կինն է, 2-րդ անգամ հաղթող ճանաչվեց Հայաստանի առաջնությունում, որի առթիվ շնորհավորում ենք կանանց Հայաստանի հավաքականի անդամին: Առաջին անգամ նա ուժեղագույնն էր ճանաչվել 2012թ.:

Իսկ ահա մրցանակային մյուս տեղերի համար պայքարն ավելի սրվեց: Աննա Սարգսյանի երկրորդ անընդմեջ պարտությունից հետո նրան միավորներով հավասարվեց Սիրանուշ Ղուկասյանը, ով հաղթելով Մարիամ Մկրտչյանին, ևս վաստակեց 5 միավոր:

Մրցանակային տեղերի համար պայքարում կարևոր նշանակություն ուներ նաև կանանց Հայաստանի հավաքականի անդամներ Մարիա Գևորգյանի և Լիլիթ Գալոյանի մրցախաղը: Հաջողությունն ուղեկցեց Մարիային, ով վաստակեց 4,5 միավոր և հավասարվեց Լիլիթին:

3,5-ական միավորով հաջորդ տեղերում են Սուսաննա Գաբոյանն ու Նարե Առաքելյանը: Նրանց մրցախաղում հաղթանակ տոնեց սևերով խաղացող Գաբոյանը: Տուրում միակ ոչ-ոքին գրանցվեց առաջնության հետնապահներ Աննա Խաչատրյանի և Սոնա Ասատրյանի մրցավեճում: Նրանք 2-ական միավորով եզրափակում են մրցաշարային աղյուսակը:

Վաղը կայանալիք 9-րդ տուրի հանդիպումներով կեզրափակվի շախմատի Հայաստանի կանանց բարձրագույն խմբի 73-րդ առաջնությունը: Արծաթե և բրոնզե մեդալների համար պայքարում վճռորոշ կլինեն Սիրանուշ Ղուկասյան-Աննա Խաչատրյան, Լիլիթ Գալոյան-Մարիա Կուրսովա, Աննա Սարգսյան-Նարե Առաքելյան, Սոնա Ասատրյան-Մարիա Գևորգյան պարտիաները:

Միացի՛ր հայկական ամենասպորտային Instagram-ին:


Ավարտական տուրը կանվանի մրցանակակիրներին

Հովիկ Հայրապետյանը շատ մոտ է վերջնական հաջողությանը

Առաջատարների խմբում նեղվածք է

Հովիկ Հայրապետյանը շարունակեց հաղթարշավը

Հովիկ Հայրապետյանը ստանձնեց միանձնյա առաջատարի դերը

Մեկնարկեց Անդրանիկ Մարգարյանի 11-րդ հուշամրցաշարը

Շախմատի Հայաստանի ուսանողական ընտրանին առցանց մրցաշարում բրոնզե մեդալ է նվաճել

Հայաստան-Հնդկաստան մրցախաղն ավարտվեց սկանդալով

Հայաստանի հավաքականը քառորդ եզրափակչում է

Հայտնի է 1/8 եզրափակչում Հայաստանի հավաքականի մրցակիցը

Հայաստանի հավաքականը պայքարը կշարունակի 1/8 եզրափակչից

Հայաստանի հավաքականը զրկվեց քառորդ եզրափակչի ուղեգրից

Հայ շախմատիստները ջախջախեցին նաև Մարոկկոյի հավաքականին

Հայ շախմատիստները հերթական հաղթանակները տոնեցին

Հայտնի են Հայաստանի հավաքականի մրցակիցներն արագ շախմատի առցանց օլիմպիադայում

Տիգրան Հարությունյանը՝ «Աերոֆլոտի» B մրցաշարի հաղթող