fbpx

«Շիրակ- «Արարատ». Տեղեկություններ, որոնք մարզադաշտ այցելելու առիթ կդառնան

«ՇԻՐԱԿ»  – «ԱՐԱՐԱՏ»

78 խաղ,  +35=2320, 112-85    

25 նոյեմբերի, ժ.15:00, Գյումրի,  Քաղաքային մարզադաշտ

1-ին շրջան.  26.08.2017  «Շիրակ» – «Արարատ»՝  2-1 (1-0)
Սոլոմոն Իմե Ուդո (45), Ալեքսանդր Իլիչ (87) – Ռևիկ Եղիազարյան (51):

2-րդ շրջան. 13.10.2017 «Արարատ»«Շիրակ»`  2-2 (1-2)
Արամ Քոչարյան (44), Գարեգին Կիրակոսյան (79) – Իգոր Ստանոևիչ (35՝ 11մ), Արամ Մուրադյան (39):

Առաջնության առաջին շրջանը գերազանց անցկացրած «Շիրակի» ֆուտբոլիստներն արդեն տևական ժամանակ անհաջող ելույթներ են ունենում, որոնց պատճառով մրցաշարային աղյուսակի առաջին հորիզոնականից նահանջել են 3-րդ տեղ՝ այս պահին արդեն 11 միավորով հետ մնալով առաջատարից: Պահեստայինների կարճ նստարանի առկայությունն իր բացասական ազդեցությունն ունեցավ շիրակցիների ելույթների վրա:

Արդեն 8 խաղ է, ինչ «Շիրակը» հաղթանակ չի տոնել՝ այդ հանդիպումներում վաստակելով ընդամենը 4 միավոր: Թիմի պատմության մեջ ավելի վատ ժամանակաշրջաններ էլ են եղել, բայց վերջին 7 տարում սա գյումրեցիների ամենավատ արդյունքն է:

Ճիշտ է, առանց հաղթանակների այդ տխուր շարքը «Շիրակը» կարող էր ընդհատել դեռևս 9-րդ տուրում «Արարատի» հետ անցկացրած երկրորդ շրջանի խաղում: Սակայն խաղի ընթացքում հասնելով 2 գնդակի առավելության, շիրակցիները չկարողացան պահպանել հաղթական հաշիվը:

Արդարության դեմ չմեղանչելու համար նաև պետք է փաստենք, որ «Գանձասար-Կապանի»  հետ կայացած 2-րդ և 3-րդ շրջանների հանդիպումներում մարզական բախտն արդեն «Շիրակի» կողմն էր, որին հաջողվեց խաղի վերջին րոպեներին խուսափել պարտությունից: Ընդ որում նախորդ տուրում գյումրեցիները խաղի ընթացքում 0-2 հաշվով էին զիջում գանձասարցիներին:

«Արարատի» խաղում առկա դրական տեղաշարժերն առայժմ ոչ մի կերպ չեն արտացոլվում թիմի գրանցած արդյունքներում: Արարատցիներն էլ վաղուց հաղթանակի կարոտ են՝ միակ հաջողությանը հասնելով մեկնարկային տուրում «Գանձասար-Կապանի» նկատմամբ:

Վերջին 11 հանդիպումներում «Արարատն» ընդամենը 3 միավոր է վաստակել՝ պարտվելով նախորդ 3 խաղերում: Արարատցիների մոտ կրկին գոլային երաշտ է սկսվել: Վերջին 4 հանդիպումներում «Արարատին» չի հաջողվում գրավել մրցակիցների դարպասը՝ ընդհանուր առմամբ խաղադաշտում պարապուրդ տալով արդեն 371 րոպե շարունակ: Վերջին գոլն արարատցիները խփել են հոկտեմբերի 13-ին «Շիրակի» հետ կայացած խաղում: Աչքի էր ընկել Գարեգին Կիրակոսյանը՝ թիմին փրկելով պարտությունից:

Ի դեպ, այդ խաղում «Արարատին» վերջապես հաջողվեց ընդհատել «Շիրակի» հետ առաջնության հանդիպումներում կրած 8 անընդմեջ պարտությունների շարքը: Իսկ ընդհանրապես արդեն 10 խաղ է, ինչ արարատցիներին չի հաջողվում առաջնությունում հաղթել «Շիրակին»:

Վերջին հաղթանակը «Շիրակի» նկատմամբ արարատցիները տոնել են 2015թ. նոյեմբերի 8-ին Գյումրիում՝ 1-0: Այդ հաղթանակն ինչ որ չափով կարելի է պատմական համարել, քանի որ մինչ այդ ՀՀ առաջնություններում մրցակիցների միջև անցկացված նախորդ 17 հանդիպումներից 15-ում հաղթել էին գյումրեցիները, 2 խաղ ավարտվել էր ոչ-ոքի: Ընդ որում վերջին 6 հանդիպումներն էլ ավարտվել էին շիրակցիների հաղթանակով:

Մրցակիցների միջև կայացած հանդիպումներում յուրօրինակ ռեկորդի հեղինակ է դարձել շիրակցի Անդրանիկ Բարիկյանը, ով 19 անգամ գրավել է արարատցիների դարպասը: «Արարատի» լավագույն ռմբարկուն Նշան Էրզրումյանն է, ով 10 գոլի հեղինակ է դարձել:

4-րդ զգուշացման պատճառով հանդիպմանը չի մասնակցի «Շիրակի» առանցքային ֆուտբոլիստներից մեկը՝ Սոլոմոն Իմե Ուդոն, ով առանց փոխարինման մասնակցել էր թիմի անցկացրած բոլոր 13 խաղերին:

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Ֆուտբոլը բոլորի համար է. Դավիթն առաջին անգամ մեկնաբանեց ֆուտբոլային հանդիպում

«Գանձասար-Կապանն» ու իր «առեղծվածային» շարքը, առաջնության «դիպուկահար-հարձակվողը»

Իլշատ Ֆայզուլին․ «Բանանցում» հանդես եկող հայ բոլոր ֆուտբոլիստներն էլ արժանի են հրավիրվելու հավաքական» (տեսանյութ)

Աբրահամ Խաշմանյան․ «Ոչ թե մրցակիցներն են գոլային պահեր «սարքում» մեր դարպասին, այլ՝ մենք» (տեսանյութ)

Ֆանտաստիկ Կոբյալկո ու «ոսկե» խաղում հաղթած «Արարատ-Արմենիա», «Բանանցն» էլ ուժեղ էր «Արարատից» (տեսանյութ)

«Ալաշկերտ» – «Արարատ-Արմենիա» սուպերխաղը և «Բանանց» – «Արարատ»․ Մեկնարկային կազմեր, ուղիղ հեռարձակումներ (տեսանյութ)

Մարզային դերբին, իհարկե, տխուր էր, քանի որ տեղի էր ունենում Երևանում․ VNews-ի ֆոտոշարքը

Վարդան Բիչախչյան․ «Հուսով եմ՝ ավելի լավ տեսք կունենանք, երբ ապաքինվեն վնասվածք ստացած ֆուտբոլիստները» (տեսանյութ)

Աշոտ Բարսեղյանը վրդովված է․ «Մարզվելու տեղ չունենք, ֆեդերացիան պետք է աջակցի մեզ» (տեսանյութ)

«Գանձասար-Կապան» – «Շիրակ»․ Մեկնարկային կազմեր, ուղիղ հեռարձակում (տեսանյութ)

Հայկական Կլասիկո, որը կազդի չեմպիոնական պայքարի վրա․ Ամենահետաքրքիր փաստերը՝ ԲԽ-ի 23-րդ տուրին ընդառաջ

Ցնցող ցուցանիշներ Մարկոսից, Մանուչարյանից, Արա Հակոբյանից․․․ Անհատական բացառիկ ռեկորդներ Բարձրագույն խմբից

«Շիրակը» մոտ 7 ամսվա դադարից հետո գոլ բաց թողեց Գյումրիում, իսկ Անտոն Կոբյալկոն անկասելի է

Սևադա Արզումանյան․ «Արցախն» ու «Արարատը» մյուս ակումբներից առանձնանում են նրանով, որ թիմ կառուցելու ճանապարհին են» (տեսանյութ)

Աբրահամ Խաշմանյան․ «Եթե մյուս տարի պայքարելու չլինեինք եվրագավաթների համար, ապա ես անելիք չէի ունենա «Արարատում» (տեսանյութ)

Միայն «Փյունիկն» է կարողանում Գյումրիում պարտության մատնել «Շիրակին» (տեսանյութ)