fbpx

Ով է «Բանանցի» համար «մարդասպան» դարձած ֆուտբոլիստը և «Շիրակին» քանի խաղ է բաժանում հակառեկորդից

10 փաստ՝ Բարձրագույն խմբի 13-րդ տուրից

Ավարտվեց բարձրագույն խմբի առաջնության 13-րդ տուրը, որում առաջատար քառյակում գտնվող թիմերի մրցավեճում գրանցվեց մարտական ոչ-ոքի՝ 2-2, իսկ «Փյունիկը» վերջապես հաղթանակ տոնեց: Տուրի ամենաուշագրավ իրադարձությունները ներկայացնում ենք 10 փաստի տեսքով:

1. Տուրն անցավ հյուրերի առավելությամբ, որոնք տոնեցին մեկ հաղթանակ, երկու խաղ ավարտեցին ոչ-ոքի: Առաջնությունում կայացած 38 հանդիպումներից 13-ում հաղթել են դաշտի տերերը, 12-ում՝ հյուրերը, 13 խաղում էլ գրանցվել է ոչ-ոքի:

3 հանդիպումներում խփվեց 9 գոլ: Առաջնությունում կայացած 38 հանդիպումներում 89 գոլ է խփվել: Միջին արդյունավետությունը մի փոքր աճեց՝ հասնելով 2,34 գոլի:

2. «Գանձասար-Կապանը» կրկնեց անպարտելի 10 խաղերի իր ռեկորդային շարքը, որը գրանցվել էր 2015/16թթ. առաջնության 2-11-րդ տուրերում (5-ական հաղթանակ և ոչ-ոքի): Ընթացիկ առաջնության վերջին 10 խաղերում էլ գանձասարցիները տոնեցին 5 հաղթանակ, նույնքան անգամ հանդիպումն ավարտեցին ոչ-ոքի:

Ընթացիկ առաջնությունում գանձասարցիներին առայժմ ոչ մի կերպ չի հաջողվում հաղթել «Շիրակին», թեև վերջին երկու հանդիպումներում հաղթանակը շատ մոտ էր: Սակայն երկու դեպքում էլ գյումրեցիները խաղավերջում խուսափեցին պարտությունից (1-1, 2-2):

«Շիրակի» հետ խաղում բաց թողած առաջին գոլը, որի հեղինակն Արամ Մուրադյանն էր, դարձավ բարձրագույն խմբի առաջնություններում «Գանձասար-Կապանի»  դարպասը խփված 400-րդ գոլը:

3. Արդեն 8 խաղ է, ինչ «Շիրակը» չի վայելել հաղթանակի քաղցրությունը: Այդ հանդիպումներում գյումրեցիները վաստակել են ընդամենը 4 միավոր: Նշենք, որ այդ արդյունքը բնավ էլ Վարդան Բիչախչյանի օրոք «Շիրակի» գրանցած վատագույն ցուցանիշը չէ: 2009թ. առաջնությունում, երբ Բիչախչյանը 9-րդ տուրից ստանձնել էր «Շիրակի» ղեկը, նրա գլխավորությամբ անցկացրած առաջին 12 հանդիպումներում գյումրեցիները չէին կարողացել հաղթանակ տոնել՝ կրելով 6 պարտություն, նույնքան խաղ ավարտելով ոչ-ոքի:

2009թ. առաջնության ավարտական 6 խաղերում և հաջորդ առաջնության մեկնարկային 8 հանդիպումներում Բիչախչյանի գլխավորությամբ շիրակցիներն ընդհանուր առմամբ 14 խաղ անընդմեջ ընթացել են առանց հաղթանակի: Ընդ որում 2010թ. առաջնության մեկնարկային 8 խաղերում էլ «Շիրակը» պարտվել էր: Իսկ մեկ մրցաշրջանի վատագույն արդյունքը «Շիրակը» գրանցել էր 2004թ. Անդրանիկ Ադամյանի գլխավորությամբ, երբ ֆինանսական ճգնաժամի մեջ գտնվող թիմը 5-18-րդ տուրերում 14 խաղ շարունակ հաղթանակ չէր տարել՝  5 հանդիպում ավարտելով ոչ-ոքի, 9-ում՝ պարտվելով:

«Շիրակին» վերջապես հաջողվեց ընդհատել 389 րոպե տևած գոլային երաշտը: Նախորդ 3 հանդիպումներում գյումրեցիները գոլ չէին խփել: Մինչ այդ շիրակցիները վերջին գոլը խփել էին հոկտեմբերի 13-ին «Արարատի» հետ կայացած խաղում ու կրկին աչքի էր ընկել Արամ Մուրադյանը:

4. «Բանանցն» ընթացիկ առաջնությունում 2-րդ անգամ «Ալաշկերտի» հետ հանդիպումն ավարտեց 2-2 հաշվով: Երկու դեպքում էլ ալաշկերտցիներն էին բացել հաշիվը: Ընդ որում առաջին շրջանի խաղում «Բանանցին» հաջողվել էր պարտությունից խուսափել 0-2 հաշվի ժամանակ: Նույնը տեղի էր ունեցել նաև «Փյունիկի» հետ կայացած առաջնության մեկնարկային խաղում: Վերջին 4 հանդիպումներում «Բանանցն» անպարտելի է՝ վաստակելով 6 միավոր:

Արդեն տևական ժամանակ է, ինչ «Բանանցին» չի հաջողվում հաղթել «Ալաշկերտին»: Մրցակիցների միջև կայացած առաջնության վերջին 10 հանդիպումներից 8-ում «Բանանցը»  պարտվել է, 2-ն ավարտել է ոչ-ոքի:

Վերջին հաղթանակն «Ալաշկերտի»  նկատմամբ «Բանանցը»  տոնել է անցյալ տարվա մարտի 12-ին՝ սեփական հարկի տակ առավելության հասնելով 2-0 հաշվով:

5. Արմեն Գյուլբուդաղյանցը հաղթանակով նշեց վերադարձը «Փյունիկ»՝ ընդհատելով թիմի առանց հաղթանակների 9 խաղերի տխուր շարքը, որի ընթացքում փյունիկցիներն ընդամենը 4 միավոր էին վաստակել: Թիմի պատմության մեջ դա վատագույն արդյունքն է: Մինչ այդ առավել անհաջող «Փյունիկը» հանդես էր եկել միայն 1998թ.՝ 8 խաղ ընթանալով առանց հաղթանակի: Ընդ որում բոլոր խաղերում էլ «Փյունիկը» պարտվել էր:

Հետևե՛ք VNews.am-ին նաև Youtube-ում և Instagram-ում:

1 2

Արամ Բարեղամյանին 7 խաղ է բաժանում «Բանանցի» պատմության կարևոր էջը թարմացնելուց

Հակոբ Համբարձումյանը՝ «Գանձասար-Կապանի» ֆուտբոլիստ

«Արարատի» ավագն ավարտում է ֆուտբոլիստի կարիերան

Տրանսֆերային ամառ-2019․ Բարձրագույն խմբի ակումբների ձեռքբերումները և կորուստները (թարմացվում է)

«Ալաշկերտի» հարձակվողը փորձաշրջան կանցնի ուկրաինական ակումբում

Այս տարի էլ կարող ենք զարմացնել Եվրոպային․ Դրա համար հիմքեր կան

Արտյոմ Սիմոնյան. «Փյունիկը» պետք է հաղթահարի առաջին փուլը» (տեսանյութ)

Ստանկով․ «Փյունիկ» տեղափոխությունն առաջընթաց էր, քանի որ այն բարձրակարգ ակումբ է»

Աշոտ Կարապետյանը հեռացավ «Գանձասար-Կապանից»

«Փյունիկը» 3 համալրում ունի

Էմիլ Եղիազարյանը կարիերան կշարունակի «Գանձասար-Կապանում»

Եդիգարյան եղբայրները կխաղան Հայաստանում, բայց չեն լինի ակումբակիցներ

Դենիս Թումասյանը հեռացել է «Ալաշկերտից» և արդեն նոր ակումբ ունի

Հայտնի են «Ալաշկերտի» կանանց թիմի մրցակիցները Չեմպիոնների լիգայի որակավորման փուլում

«Արարատը» կխաղա «Հանրապետական» մարզադաշտում

Հայկ Իշխանյանը հեռանում է «Լոռիից»