fbpx
Բաժիններ

10 իրական փաստ հայկական ֆուտբոլից, որոնց դժվար է հավատալ (մաս 3-րդ)

  1. 2003թ. առաջնության 28 հանդիպումներում «Բանանցի» խփած 89 գոլերից 66-ը բաժին հասավ թիմի հարձակվողներ Արա (45 գոլ) և Արամ (21) Հակոբյան եղբայրներին: Նրանք երկուսով ավելի շատ գոլեր խփեցին, քան առաջնությունում 6-8-րդ տեղերը զբաղեցրած «Դինամոյի» (18 գոլ) «Լեռնագործի» (20) և «Արաքսի» (17) կազմում հանդես եկած դաշտային 77 ֆուտբոլիստները միասին վերցրած: Միայն չեմպիոնի տիտղոսին արժանացած «Փյունիկին» հաջողվեց գերազանցել Հակոբյանների ցուցանիշը՝ 87 անգամ գրավելով մրցակիցների դարպասները: Առաջնության մասնակից մյուս 3 թիմերի՝ «Շիրակի» (63), «Միկայի» (49) և «Կոտայքի» (29) ցուցանիշներն էլ ցածր էին Հակոբյանների արդյունքից:
  2. «Արարատը» 1992թ. առաջնության 34 հանդիպումներում 27 հաղթանակ տոնեց, որից 20-ը՝ խոշոր հաշվով: Նման կարգի հաղթանակ տոնած 4 հանդիպումներում արարատցիները մրցակիցների դարպասները խփեցին 10 և ավելի գոլեր («Աղթամար»՝ 18:0, «Կիլիկիա»՝ 12:0, 10:0, «Ալաշկերտ»՝ 10:2):
  3. «Փյունիկը» ՀՀ առաջնություններում, ներառյալ նաև 1995թ. գարնանային-անցումային մրցաշարը, 23 անգամ մեկնարկի դուրս գալով, 2015/16թթ. մրցաշրջանում առաջին անգամ խաղադաշտից պարտված հեռացավ՝ առաջին տուրում 1:2 հաշվով զիջելով «Ալաշկերտին»: Մինչ այդ փյունիկցիները 19 անգամ առաջնությունը սկսել էին հաղթանակով, 3 անգամ խաղն ավարտել էին ոչ-ոքի:
    Ընդ որում, 2001թ. սկսած «Փյունիկը» 11 տարի շարունակ առաջնությունները սկսել է հաղթանակով, այդ թվում 2005թ. սկսած մեկնարկային հանդիպումներում մրցակիցներին չէր հաջողվում գրավել չեմպիոնի դարպասը: Եվ միայն 2012/13թթ. մրցաշրջանի մեկնարկում «Բանանցին» հաջողվեց ընդհատել «Փյունիկի» հաղթարշավը` խաղն ավարտելով 1:1 հաշվով:
    Իսկ ահա վերջին 4 առաջնություններում «Փյունիկը» միայն մեկ անգամ է մեկնարկել հաղթանակով՝ 2014/15թթ. առաջին խաղում 2:0 հաշվով պարտության մատնելով «Գանձասարին»:
  1. «Գանձասար Կապանի» ներկայիս գլխավոր մարզիչ Աշոտ Բարսեղյանը 1993թ. առաջնությունում «Բանանցի» կազմում աչքի է ընկել աննախադեպ բարձր արդյունավետությամբ` անցկացրած 10 խաղում խփելով 20 գոլ (միջինը մեկ խաղում` 2 գնդակ): Ընդ որում նա գոլի հեղինակ է դարձել այդ հանդիպումներից 8-ում, որոնցից մեկում 7 անգամ խոցել է Աշտարակի «Քասախի» դարպասը: ՀՀ առաջնությունների միջին արդյունավետությամբ էլ Աշոտ Բարսեղյանը յուրօրինակ ռեկորդակիր է: Նա 1992-1993թթ. անցկացրած 43 խաղում խփել է 54 գնդակ (միջինը մեկ խաղում` 1,25 գոլ), որից հետո կարիերան շարունակել է Լիբանանում:
  2. Էդգար Մանուչարյանը ՀՀ առաջնություններում գոլի հեղինակ դարձած ամենաերիտասարդ ֆուտբոլիստն է: 2002թ. օգոստոսի 16-ին «Փյունիկի» կազմում «Արցախի» դարպասը նա գրավել է 15 տարեկան 209 օրականում: Այդ միակ գոլը հաղթանակ է պարգևել փյունիկցիներին: 15 տարեկանում գոլի հեղինակ են դարձել նաև նախկին փյունիկցիներ Նդումբուկ Բալեպ Բան (15 տ. 231 օր., 2003թ.) և Հայկ Գևորգյանը (15 տ. 276 օր., 1992թ.):
    Էդգար Մանուչարյանը նաև Հայաստանի լավագույն ֆուտբոլիստի և ՀՀ առաջնության լավագույն ռմբարկուի տիտղոսներին արժանացած ամենաերիտասարդ ֆուտբոլիստն է: Նա 2004թ. 17 տարեկանում 21 գոլով փյունիկցի իր խաղընկերոջ` Գալուստ Պետրոսյանի հետ դարձել է ամենաարդյունավետը, ինչպես նաև ճանաչվել է տարվա լավագույն ֆուտբոլիստ:
  1. 2014/15թթ. առաջնությունում «Արարատի» ֆուտբոլիստների գործողությունները ղեկավարել են 6 մարզիչներ: Առաջնությունն «Արարատը» սկսել էր սերբ Դուշան Միհիչի գլխավորությամբ, որի պաշտոնանկությունից հետո 8-րդ տուրում գլխավոր մարզչի պարտականությունները կատարել էր Վահե Յաղմուրյանը: 9-15-րդ տուրերում թիմի ղեկին Սամվել Դարբինյանն էր, որին փոխարինեց Սուրեն Չախալյանը (16-21-րդ տուրեր): Հաջորդ 2 խաղերում ֆուտբոլիստների գործողությունները ղեկավարում էր «Արարատի» տնօրեն Արթուր Մինասյանը, իսկ 24-րդ տուրում թիմի ղեկը ստանձնեց Վարուժան Սուքիասյանը:
  2. «Շիրակի» բոլոր տարիների լավագույն ռմբարկու Արթուր Պետրոսյանը Հայաստանի առաջնությունների մեկնարկային հանդիպումներում միևնույն թիմի կազմում բոլորից շատ գոլ խփած ֆուտբոլիստն է: 1992-2000թթ. հանդես գալով «Շիրակում», նա մեկնարկային տուրի հանդիպումներում ընդհանուր առմամբ 11 գոլի հեղինակ է դարձել: Արթուր Պետրոսյանն առավել արդյունավետ է գործել 2000թ. առաջնության մեկնարկային խաղում՝ 4 անգամ գրավելով Կապանի «Լեռնագործի» դարպասը: Նրան միայն 1995/96թթ. և 1997թ. առաջնությունների մեկնարկային տուրում չի հաջողվել գոլ խփել (1999թ. առաջնությունը Պետրոսյանը սկսել էր 8-րդ տուրից):
  3. Հայաստանի վերջին 4 առաջնություններում գործող չեմպիոններին ոչ մի կերպ չի հաջողվում մեկնարկում միավոր վաստակել՝ առաջնությունը սկսելով պարտությամբ: ՀՀ չեմպիոնների համար այդ տխուր ավանդույթի սկիզբը դրեց «Ուլիսը»՝ 2012/13թթ. առաջնության մեկնարկային խաղում 0:1 հաշվով պարտվելով «Միկային»: Հաջորդ մրցաշրջաններում նման ճակատագրի արժանացան նաև «Շիրակը», «Բանանցն» ու «Փյունիկը», որոնք զիջեցին համապատասխանաբար «Գանձասարին» (2:3), «Ուլիսին» (0:1) և «Ալաշկերտին» (1:2): Իսկ մինչ այդ ընդհանուր առմամբ չեմպիոնը 18 անգամ առաջնությունը սկսել էր հաղթանակով, 2 խաղ ավարտել էր ոչ-ոքի:
  4. Հայկ Հակոբյանը (նկարում` առաջին շարքում աջից առաջինը) միակն է, ով փոխարինման մտնելով, դարձել է հեթ տրիկի հեղինակ: 2002թ. սեպտեմբերի 24-ին «Բանանցի» կազմում ընդմիջումից անմիջապես հետո խաղադաշտ մտնելով, Հակոբյանը 3 անգամ գրավել է «Լոռիի» դարպասը: Այդ խաղում «Բանանցը» հաղթել է 10:0 հաշվով: Ընդհանուր առմամբ ՀՀ առաջնություններում Հայկ Հակոբյանը 4 անգամ հեթ տրիկի հեղինակ է դարձել, մեկ անգամ էլ իր օգտին ֆուտբոլային պոկեր է գրանցել:
  5. «Փյունիկն» արգենտինացի Օսկար Լոպեսի գլխավորությամբ 2002թ. առաջնության մեկնարկից 14 անընդմեջ հաղթանակ է տարել: Այդ հանդիպումներից 6-ում փյունիկցիները մրցակիցներին պարտության են մատնել խոշոր հաշվով: Միայն 15-րդ տուրում Երևանի «Սպարտակին» հաջողվեց կանգնեցնել «Փյունիկի» հաղթարշավը՝ հանդիպումն ավարտելով ոչ-ոքի՝ 2:2: Ընդ որում «Փյունիկը» կարող էր նույնիսկ պարտվել, եթե խաղավարտից 8 րոպե առաջ թիմի դարպասապահ Անդրանիկ Ղարագյոզյանը հետ չմղեր Արամ Հակոբյանի 11մ հարվածը:

 

2003թ. առաջնության 28 հանդիպումներում «Բանանցի» խփած 89 գոլերից 66-ը բաժին հասավ թիմի հարձակվողներ Արա (45 գոլ) և Արամ (21) Հակոբյան եղբայրներին: Նրանք երկուսով ավելի շատ գոլեր խփեցին, քան առաջնությունում 6-8-րդ տեղերը զբաղեցրած «Դինամոյի» (18 գոլ) «Լեռնագործի» (20) և «Արաքսի» (17) կազմում հանդես եկած դաշտային 77 ֆուտբոլիստները միասին վերցրած:

«Արարատը» 1992թ. առաջնության 34 հանդիպումներում 27 հաղթանակ տոնեց, որից 20-ը՝ խոշոր հաշվով:

«Փյունիկը» ՀՀ առաջնություններում, ներառյալ նաև 1995թ. գարնանային-անցումային մրցաշարը, 23 անգամ մեկնարկի դուրս գալով, 2015/16թթ. մրցաշրջանում առաջին անգամ խաղադաշտից պարտված հեռացավ՝ առաջին տուրում 1:2 հաշվով զիջելով «Ալաշկերտին»:

«Գանձասար Կապանի» ներկայիս գլխավոր մարզիչ Աշոտ Բարսեղյանը 1993թ. առաջնությունում «Բանանցի» կազմում աչքի է ընկել աննախադեպ բարձր արդյունավետությամբ` անցկացրած 10 խաղում խփելով 20 գոլ (միջինը մեկ խաղում` 2 գնդակ):

Էդգար Մանուչարյանը ՀՀ առաջնություններում գոլի հեղինակ դարձած ամենաերիտասարդ ֆուտբոլիստն է: 2002թ. օգոստոսի 16-ին «Փյունիկի» կազմում «Արցախի» դարպասը նա գրավել է 15 տարեկան 209 օրականում:

2014/15թթ. առաջնությունում «Արարատի» ֆուտբոլիստների գործողությունները ղեկավարել են 6 մարզիչներ:

«Շիրակի» բոլոր տարիների լավագույն ռմբարկու Արթուր Պետրոսյանը Հայաստանի առաջնությունների մեկնարկային հանդիպումներում միևնույն թիմի կազմում բոլորից շատ գոլ խփած ֆուտբոլիստն է` 11:

Հայաստանի վերջին 4 առաջնություններում գործող չեմպիոններին ոչ մի կերպ չի հաջողվում մեկնարկում միավոր վաստակել՝ առաջնությունը սկսելով պարտությամբ:

Հայկ Հակոբյանը (նկարում` առաջին շարքում աջից առաջինը) միակն է, ով փոխարինման մտնելով, դարձել է հեթ տրիկի հեղինակ:

«Փյունիկն» արգենտինացի Օսկար Լոպեսի գլխավորությամբ 2002թ. առաջնության մեկնարկից 14 անընդմեջ հաղթանակ է տարել:

  • 10

Հետևե՛ք VNews.am-ին նաև Youtube-ում և Instagram-ում:


Ալեքսանդր Գրիգորյանը հաստատել է, որ «Փյունիկը» գլխավորելու առաջարկ է ստացել

Կոբյալկոն Հայաստանում հանդես եկած միակ լեգեոներն է, որ արդյունավետության տարիքային ռեկորդ է սահմանել

Հայկական ակումբների 7 լեգեոներներ հրավիրվել են իրենց երկրների ազգային հավաքականներ

Բարձրագույն խմբի 13-րդ տուրի խորհրդանշական հավաքականը և լավագույն ֆուտբոլիստը

Աբրահամ Խաշմանյանի՝ վայրիվերումներով լի մարզչական ուղին

Առաջնության ամենախոշոր հաշվով հաղթանակն ու ամենագոլառատ խաղը

Վարդան Մինասյան․ «Խնդիր ունենք պաշտպանության կենտրոնում»

Վադիմ Բորեց․ «Այսօր դրական շատ պահեր եղան, որոնք մեզ բարձրացրին փոքր-ինչ այլ մակարդակ» (տեսանյութ)

Դավիդ Կամպանյա․ «Այսօր խաղացինք սրտով, ոչ թե մտքով» (տեսանյութ)

«Նոան» արժանի հաղթանակ տարավ «Լոռիի» նկատմամբ․ VNews-ի ֆոտոշարքը

«Ես պրոֆեսիոնալ եմ»․ «Երևանի» գլխավոր մարզիչը հրաժարական է տվել

«Արարատ-Արմենիան» ջախջախեց «Երևանին», «Նոան» պարտության մատնեց «Լոռիին» (տեսանյութ)

«Արարատ-Արմենիա» – «Երևան»․ Մեկնարկային կազմեր

«Նոա» – «Լոռի»․ Մեկնարկային կազմեր, ուղիղ հեռարձակում (տեսանյութ)

Վադիմ Լազորենկո․ «Այս միավորը ռազմավարական առումով շատ կարևոր է մեզ համար» (տեսանյութ)

Արմեն Ադամյան․ «Եթե որոշ խաղերում մրցավարները սխալվեցին, ապա այսօր նկատելի էր ինչ-որ կանխակալություն» (տեսանյութ)