fbpx

Ուզբեկներն ուժեղ էին հայ պատանիներից, իսկ Մոսկվայի «Արարատը» գավաթում շարժվում է առաջ. Օրվա գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք ներկայացնում օգոստոսի 7-ի իրադարձությունների քրոնիկոնը:

Օգոստոսի 7-ից սկսվել է 2018թ. աշխարհի առաջնության ընտրական փուլի՝ սեպտեմբերի 4-ին կայանալիք Հայաստան Դանիա հանդիպման տոմսերի վաճառքը: «Հանրապետական» մարզադաշտում նախատեսված խաղի արևմտյան տրիբունայի տոմսերն արժեն 8000-10000 դրամ, արևելյան տրիբունայի տոմսերը՝ 5000-7000 դրամ, հյուսիսային և հարավային տրիբունաների տոմսերը՝ 4000 դրամ:

Օգոստոսի 8-ին կայանալու է Եվրոպայի Սուպերգավաթի՝ Մադրիդի «Ռեալի» և «Մանչեսթեր Յունայթեդի» միջև հանդիպումը: Անգլիական և իսպանական ակումբների նախապատրաստության մասին լավագույն լուսանկարներն ու տեսանյութերը կարող եք դիտել այստեղ:

Հայաստանի Մ-19 հավաքականն Ավանի ֆուտբոլի ակադեմիայում ընկերական հանդիպում է անցկացրել Ուզբեկստանի հասակակից ընտրանու հետ և պարտություն կրել 0-1 հաշվով: Մեր հավաքականի գլխավոր մարզիչն Արտակ Օսեյանն է: Այս հավաքականների մյուս ընկերական խաղը կկայանա օգոստոսի 9-ին:

Հայաստանի Առաջին խմբի առաջնություն, 1-ին տուր. «Էրեբունին» 1-4 հաշվով պարտվել է «Բանանց-2»-ին. հյուրերից աչքի են ընկել Օրբելի Համբարձումյանը և Վարդան Սաֆարյանը, դուբլ է հեղինակել Արման Խաչատրյանը, իսկ դաշտի տերերից մեկ գոլով պատասխանել է Վարդան Պապեյանը։ «Արարատ-2»-ը հյուրընկալվելիս 3-0 հաշվով առավելության է հասել «Փյունիկ-2»-ի նկատմամբ. գոլի հեղինակ է դարձել Արմեն Դերձյանը, դուբլ է ձևակերպել Միքայել Առուստամյանը:

Նույն մրցաշարում «Գանձասար-Կապան-2»-ը սեփական հարկի տակ 2 անպատասխան գնդակ է ուղարկել «Շիրակ-2»-ի դարպասը. 2 անգամ էլ աչքի է ընկել Արեգ Ազատյանը: «Ալաշկերտ-2»-ն ու «Արցախն» էլ գրանցել են ոչ-ոքի՝ 1-1. Դավիթ Բաբայանի գոլին պատասխանել է Մհեր Սահակյանը: «Ավան Ակադեմիա»«Լոռի» խաղը հետաձգվել է:

«Ուրալի» պաշտպան Վարազդատ Հարոյան. ««Կրասնոդարի» հետ խաղի արդյունքը հիասթափեցրեց մեզ: Մենք շատ լավ խաղացինք, չնայած նրան, որ հիմնականում պաշտպանվում էինք: Անարդարացի արդյունք է: 11-մետրանոց չկար: Շատ ուրախ եմ, որ գոլ խփեցի: Այս գոլը նվիրում եմ մայրիկիս, ով ամբողջ կարիերայիս ընթացքում առաջին անգամ ներկա էր իմ մասնակցությամբ խաղին և աջակցեց ինձ»:

Ռուսաստանի գավաթի 1/64 եզրափակիչ. «Արարատ Մոսկվա» 1-0 «Սատուռն». 85-րդ րոպեին հաղթական գոլը հեղինակել է Թայմուրազ Տոբոևը: «Արարատը» գավաթի խաղարկության 1/16 եզրափակչում մրցելու է «Բալթիկայի» հետ: Հանդիպումը կայանալու է օգոստոսի 23-ին կամ 24-ին:

Երևանի «Արարատը» 722-օրյա ընդմիջումից հետո կրկին դարձել է Հայաստանի Բարձրագույն խմբի առաջատար, իսկ «Ալաշկերտը» մինչ այս երբևէ չէր պարտվել իր մեկնարկային հանդիպումներում: VivaroNews.am-ը ներկայացրել է 10 հետաքրքիր փաստ՝ առաջնության 1-ին տուրից:

«Ստալի» գլխավոր մարզիչ Եղիշե Մելիքյան. ««Կարպատներին» պարտվեցինք անհատական սխալների պատճառով: Պետք է հետազոտենք մեր խաղը և հետևություններ անենք: Տղաները հաղթելու կամք ցուցաբերեցին. չստացվեց, բայց դա այլ հարց է: Ես խաղ առ խառ առաջխաղացում եմ նկատում թիմիս մոտ: Մենք մրցաշարային կոնկրետ խնդիրներ չունենք: Վերջին պարտության մեջ որևէ ողբերգություն չեմ տեսնում»:

«Ստալի» կիսապաշտպան Էդգար Մալաքյան. «Առաջին անգամը չէր, որ 11-մետրանոցն իրացրի «Պանենկա» հարվածով: Պարզապես այդպես որոշեցի: Վստահ էի, որ գոլ եմ խփելու: Ինչ վերաբերում է պարտությանը, ապա ամեն պարտություն մեծ հաղթանակների սկիզբ է: Պարտվելը միշտ էլ տհաճ է, բայց պետք է շարունակել աշխատել: Եթե առաջին 2 տուրերում մեզ գուցե թերագնահատում էին, ապա այժմ բոլորն էլ լուրջ են վերաբերվում»:

Հետևե՛ք VNews.am-ին նաև Youtube-ում, Instagram-ում և Telegram-ում:


«Ռեալը» 2 գնդակի տարբերությամբ պարտվում է «Լևանտեին». Ասենսիոյի գոլը չհաշվվեց (տեսանյութ)

«Արցախ» – «Լոռի» խաղում տուգանայինից կատարված հարվածով 2 գեղեցիկ գոլ է գրանցվել (տեսանյութ)

Կարագեր. «Սանչեսը «Մանչեսթեր Յունայթեդում» նույնն է, ինչ Տորեսը «Չելսիում»

«Չելսի» – «Մանչեսթեր Յունայթեդ». մեկնարկային կազմեր

«Արցախ» – «Լոռի»․ Մեկնարկային կազմեր, ուղիղ հեռարձակում (տեսանյութ)

Մադրիդի «Ռեալի» մեկնարկային կազմը «Լևանտեի» դեմ խաղում

Ռոման Բերեզովսկի. «Առաջին րոպեներից ցլին կոտոշներից չբռնեցինք»

«Հիանալի է. Մխիթարյան, շնորհակալություն». Օբամեյանգը FIFA19 է խաղում (տեսանյութ)

Սարի. «Մոուրինյոն առայժմ ինձնից լավն է. նա յուրահատուկ է»

Մոուրինյոն ասել է, թե «Չելսիից» ում կցանկանար իր թիմում տեսնել

«Ռեալի» և «Բարսելոնայի» հայտացուցակները 9-րդ տուրի համար

«Արցախ» – «Լոռի»․ Ամենահետաքրքիր տեղեկությունները, հավանական մեկնարկային կազմեր

Էդեն Ազար․ «Որևէ խնդիր չեմ տեսնում, ես կարող եմ կարիերաս ավարտել «Չելսիում»»

Հենրիխ Մխիթարյանի գեղեցիկ գոլը մարզման ժամանակ (տեսանյութ)

Մխիթարյանը, Մբապեն և Մեսին՝ Եվրոպայի հարձակողական ոճի լավագույն ֆուտբոլիստների թվում

Մոուրինյոն պարզաբանել է՝ ինչու իրեն «խելագարի պես» չի պահի «Սթեմֆորդ Բրիջում»