fbpx

Հայտնի են ազգային և Մ-21 հավաքականներ հրավիրված բոլոր ֆուտբոլիստները և «Ալաշկերտի» նոր դարպասապահը. Օրվա գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք ներկայացնում օգոստոսի 22-ի իրադարձությունների քրոնիկոնը:

Արթուր Պետրոսյանը ներկայացրել է Բարձրագույն խմբում հանդես եկող այն 8 ֆուտբոլիստներին, ովքեր կմասնակցեն Հայաստանի ազգային հավաքականի առաջիկա հավաքին: «Ալաշկերտից» հրավիրվել են Արսեն Բեգլարյանը, Գագիկ Դաղբաշյանը, Արտակ Եդիգարյանն ու Արտակ Գրիգորյանը, «Փյունիկից»՝ Գոռ Մանուկյանը, Լևոն Հայրապետյանը և Արմեն Մանուչարյանը, «Շիրակից»՝ Անատոլի Այվազովը:

Արթուր Ոսկանյանը հրապարակել է երիտասարդական հավաքականի հայտացուցակը, որում ընդգրկված 22 ֆուտբոլիստները կհայտավորվեն «Եվրո-2019»-ի ընտրական փուլի առաջիկա մրցավեճերի համար: «Բանանցն» ունի 10 ներկայացուցիչ, «Փյունիկը»՝ 8, «Ավան Ակադեմիան», ավստրիական «Էսլինգը», գերմանական «Շտուտգարտը» և սլովակական «Ժիլինան»՝ 1-ական:

Տիգրան Բարսեղյանը՝ «Ֆեներբախչեի» նկատմամբ հաղթանակի մասին (2-0). «Առաջին խաղի արդյունքը լավն է, բայց այն չի երաշխավորում հաջորդ փուլի ուղեգիր: Պետք է միշտ կենտրոնացած լինենք, քանի որ մրցակիցը հզոր է: Շատ ուրախ եմ, որ գոլ խփեցի առաջին խաղում, բայց ամենակարևորն այն կլինի, որ «Վարդարը» դուրս գա հաջորդ փուլ: Պետք է այնպիսի արդյունք գրանցենք, որ գոհացնի մեր բոլոր երկրպագուներին»:

«Ալաշկերտի» կազմը համալրել է մակեդոնացի դարպասապահ Դարկո Տոֆիլոսկին: Փորձառու դարպասապահն իր կարիերան սկսել է Մակեդոնիայի «Պոբեդա» թիմում, որում հանդես է եկել 2005-2008թթ.` 2006թ. դառնալով Մակեդոնիայի չեմպիոն: Այնուհետև խաղացել է շվեյցարական «Շաֆհաուզենում», Սլովակիայի 3 թիմերում: Նա նաև հանդես է եկել Մակեդոնիայի Մ-17, Մ-19 և Մ-21 հավաքականներում, 2013թ.-ին մեկ խաղ էլ անցկացրել է ազգային ընտրանու կազմում:

«Փյունիկը» մեկ տարվա պայմանագիր է կնքել բրազիլացի հարձակվող Վիլիան Արաուխո Դոս Սանտոսի հետ: 23-ամյա ֆուտբոլիստը հանդես է եկել բրազիլական «Վիլլա Նովա» և «Կորինտիանս Ալագոանա» թիմերում։

Rusfootball.info-ն կազմել է Ռուսաստանի Պրեմիեր լիգայի 6-րդ տուրի խորհրդանշական հավաքականը, որտեղ հայտնվել է նաև Վարազդատ Հարոյանը: Կայքը գրել է. «ԲԿՄԱ-ի հետ խաղը (0-0) շատ բարդ էր «Ուրալի» ոչ միայն դարպասապահի, այլև պաշտպանների համար: Չնայած նրան, որ «բանակայինները» հարձակման գծում խնդիրներ ունեն, դաշտի տերերը ստիպված էին շատ ուշադիր գործել: Առանձնահատուկ հուսալիությամբ աչքի ընկավ Հարոյանը»:

Բարձրագույն խմբի 3-րդ տուրի՝ «Բանանց»«Ալաշկերտ» խաղի (2-2) 2 դրվագ մեծ քննարկումների առիթ էր տվել: ՀՖՖ-ի մրցավարական բաժինը հայտնել է, որ որոշումները ճիշտ են կայացվել: Գագիկ Դաղբաշյանը «Բանանցի» դարպասը գրավելուց առաջ եղել էր խաղից դուրս վիճակում, իսկ Մատվեյ Գույգանովի հարվածից հետո գնդակն ամբողջությամբ հատել էր դարպասային գիծը:

Մակեդոնիայի Բարձրագույն խումբ, 2-րդ տուր. «Ակադեմիա Պանդևա» 2-0 «Սկոպյե». Տիգրան Կանդիկյանը մասնակցել է ամբողջ խաղին: Հայազգի դարպասապահը, ով շաբաթներ առաջ «Մակեդոնիա ՖԱ»-ից տեղափոխվել էր «Գոստիվար», վերջերս է միացել «Սկոպյեին»: Վերջինս 2-րդ տուրից հետո ոչ մի միավոր չի վաստակել և մրցաշարային աղյուսակն է եզրափակում «Պոբեդայի» հետ:

Հոլանդիայի Երիտասարդական լիգա, A խումբ, 1-ին տուր. «Ֆեյենորդ» Մ-21 0-1 «Հերակլես» Մ-21. Գոռ Աղբալյանը մասնակցել է ամբողջ հանդիպմանը:

Ուզբեկստանի Բարձրագույն խումբ, 18-րդ տուր. «Կիզիլկում» 3-1 «Կոկանդ». Արթուր Գևորգյանը մասնակցել է ամբողջ հանդիպմանը: «Կիզիլկումը» եզրափակում է լավագույն տասնյակը:

Մոնղոլիայի Բարձրագույն խումբ, 13-րդ տուր. «Դերեն» 2-0 «Ատլետիկ». Երևանի «Արարատի» նախկին հարձակվող Դավիթ Ղանդիլյանը դարձել է գոլի հեղինակ՝ կրկնապատկելով հաշիվը: Նա մասնակցել է ամբողջ խաղին: «Դերենը» զբաղեցնում է 5-րդ հորիզոնականը:

Իրանի Բարձրագույն խումբ, 4-րդ տուր. «Ֆուլադ» 2-1 «Գոստարեշ». Անդրանիկ Թեյմուրյանը եղել է մեկնարկային կազմում և փոխարինվել 73-րդ րոպեին: «Գոստարեշը» 15-րդ հորիզոնականում է:

Հետևե՛ք VNews.am-ին նաև Youtube-ում և Instagram-ում:


Արարատյան ու մարզային դերբիներ, «Փյունիկ» – «Ալաշկերտ» սուպերխաղ․ Ամենահետաքրքիր փաստերը՝ ԲԽ-ի 29-րդ տուրին ընդառաջ

«Ուրալը» հաղթեց «Կռիլյա Սովետովին»․ Վարազդատ Հարոյանը խաղաց 1 րոպե

Հայկական 8 ակումբ ՈՒԵՖԱ-ի արտոնագիր է ստացել

Աշոտ Աղաբաբյանը վարվել էր Չելոյանցի պես․ Ի՞նչ էր պատահել 2000 թվականին Ճաղարյանի մրցավարության հետևանքով

Մերոնք պարզապես «ռմբահարեցին» մրցակիցներին․ Հայ ֆուտբոլիստների ելույթներն արտերկրում վերջին օրերին

Աբրահամ Խաշմանյան․ «Կիսաեզրափակիչում հայտնված թիմերից ում հետ էլ խաղայինք եզրափակիչում, շանսերը 50-50 էին լինելու» (տեսանյութ)

Վարդան Մինասյան․ «Ցավալի է, երբ 2 անգամ ոչ-ոքի ես խաղում և դուրս մնում պայքարից» (տեսանյութ)

Հայաստանի գավաթ. «Ալաշկերտը» ոչ-ոքի խաղաց «Արարատ-Արմենիայի» հետ և դուրս եկավ եզրափակիչ

Բանանց մարզադաշտի վերաբացումը կուղեկցվի համերգով և այլ անակնկալներով

Պաշտոնական. ՀՖՖ-ն պատժամիջոցներ կկիրառի «Բանանցի» նկատմամբ

Արթուր Պետրոսյան․ «Մեր ակումբի սեփականատերը գիտեր այս ամենի մասին, բայց ինձ ոչինչ չէր ասել»

«Բանանցը» տեխնիկական պարտություն կրեց, և «Լոռին» դուրս եկավ Հայաստանի գավաթի եզրափակիչ (տեսանյութ)

Հայաստանի գավաթ. «Ալաշկերտ» – «Արարատ-Արմենիա». ուղիղ հեռարձակում (տեսանյութ)

Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 28-րդ տուրը

Հայաստանի գավաթի եզրափակիչը կկայանա «Բանանց» մարզադաշտում

Չեմպիոնության խելահեղ մրցավազքի մասնակիցները պայքարելու են գավաթի եզրափակիչ դուրս գալու համար․ Պատասխան խաղերին ընդառաջ