«Ալաշկերտ» - «Փյունիկ». Տեղեկություններ, որոնք մարզադաշտ այցելելու առիթ կդառնան - VNews
Բաժիններ

«Ալաշկերտ» – «Փյունիկ». Տեղեկություններ, որոնք մարզադաշտ այցելելու առիթ կդառնան

«ԱԼԱՇԿԵՐՏ»«ՓՅՈՒՆԻԿ» 

18 խաղ, +5=5-8, 26:34

25 օգոստոսի, ժ.17:00, Երևան, «Ալաշկերտ»  մարզադաշտ

Մրցաշարային աղյուսակում հարևան թիմերի մրցավեճը մեծ հետաքրքրությամբ է սպասվում: Նախորդ մրցաշրջանի համեմատ երկրի չեմպիոնն այնքան էլ հաջող չի մեկնարկել: Անցկացրած 3 հանդիպումներից հետո «Ալաշկերտը» վաստակած 4 միավորով ընթանում է 3-րդ հորիզոնականում, մինչդեռ նախորդ առաջնության նույն ժամանակահատվածում թիմի հաշվին 7 միավոր էր գրանցված:

Նախորդ տուրում «Ալաշկերտը» «Բանանցի» հետ մրցավեճում  հաշվի մեջ առջևում լինելով 2-0 հաշվով, ձեռքից բաց թողեց հաղթանակը: Աբրահամ Խաշմանյանը դժգոհ էր իր որոշ ֆուտբոլիստների գործողություններից, որոնք ըստ նրա շարունակում են միևնույն սխալները գործել: Մարզիչը նշել էր, որ թիմում նոր համալրումներ կլինեն:

Եվ ահա «Փյունիկի»  հետ խաղից առաջ չեմպիոնի կազմը համալրել է 31-ամյա մակեդոնացի փորձառու դարպասապահ Մարկո Տոֆիլոսկին, ով չի բացառվում, որ արդեն այս խաղում ստանձնի «Ալաշկերտի» դարպասի պաշտպանությունը: Վերջին շրջանում Արսեն Բեգլարյանն այնքան էլ վստահ խաղ չի ցուցադրում, իսկ մեկնարկային տուրում Գյումրիում նրա թույլ տված կոպիտ սխալի հետևանքով «Ալաշկերտը» ցավալի պարտություն կրեց:

Անշուշտ, թիմում Տոֆիլոսկու ներկայությունը կստիպի ՀՀ ազգային հավաքականի դարպասապահին ավելի զգոն լինել, քրտնաջան աշխատել տեղ գտած թերությունները վերացնելու համար: Երկու դարպասապահների մրցակցությունն օգտակար կլինի ինչպես նրանց, այնպես էլ ամբողջ թիմի համար:

«Փյունիկի» գլխավոր մարզիչ Ալեքսեյ Երյոմենկոն էլ հավատարիմ մնաց խոստմանը: Օրերս թիմի կազմը համալրել է բրազիլացի հարձակվող Վիլիան Արաուխո Դոս Սանտոսը։ Նա ընթացիկ առաջնությունում «Փյունիկի» արդեն երկրորդ լեգեոնականն է ռուսաստանցի Մաքսիմ Երմակովից հետո:

Ի տարբերություն «Ալաշկերտի», «Փյունիկը» նախորդ մրցաշրջանի համեմատ ավելի հաջող է մեկնարկել՝ 3 հանդիպումներում վաստակած 5 միավորով ընթանալով 2-րդ հորիզոնականում: Եվ եթե «Բանանցի» հետ խաղում փյունիկցիները ձեռքից բաց չթողնեին հաղթանակը, ապա 4 միավորի փոխարեն այժմ ընդամենը 2-ով հետ կմնային առաջնության առաջատար «Շիրակից»:

Նախորդ մրցաշրջանում մրցակիցները միմյանց հետ 8 անգամ էին հանդիպել: Խաղերից երկուսը կայացել էին Հայաստանի գավաթի քառորդ եզրափակիչ փուլում և ավարտվել էին փյունիկցիների հաղթանակով: Ի դեպ, հենց «Փյունիկի» հետ գավաթի քառորդ եզրափակիչ պատասխան հանդիպումից անմիջապես հետո էր Աբրահամ Խաշմանյանը հրաժարական տվել:

Իսկ ահա առաջնության հանդիպումներում նվազագույն առավելության էր հասել «Ալաշկերտը»՝ տոնելով երկու հաղթանակ, պարտվելով մեկում: Հետաքրքիր է, որ «Ալաշկերտի» հարկի տակ անցկացված 3 հանդիպումներն էլ ավարտվել էին ոչ-ոքի: Ընդ որում առաջին երկու խաղերում դարպասներն անառիկ էին մնացել, իսկ վերջին հանդիպումում գրանցվել էր գերարդյունավետ ոչ-ոքի՝ 3-3:

Այդ խաղում հաշիվը բացել էր չեմպիոնը, որից հետո փյունիկցիները 3 անգամ գրավել էին Գևորգ Կասպարովի պաշտպանած դարպասը: «Ալաշկերտը» պարտությունից խուսափել էր Արտակ Դաշյանի դուբլի շնորհիվ:

Մրցակիցների միջև նախորդ առաջնության հանդիպումներում առավել արդյունավետ էր գործել առաջնության լավագույն ռմբարկուներից մեկը՝ Արտակ Եդիգարյանը, ով 3 անգամ գրավել էր «Փյունիկի»  դարպասը:

Իսկ ընդհանրապես «Փյունիկի» հետ հանդիպումներում չափազանց արդյունավետ է գործել Միհրան Մանասյանը, ով արդեն 10 անգամ գրավել է մրցակցի դարպասը: «Փյունիկից»  4-ական գնդակ են խփել Սարգիս Բալոյանը և Կամո Հովհաննիսյանը:

Աշոտ Հայրապետյան

Միացի՛ր հայկական ամենասպորտային Instagram-ին:


Անհաշտ պայքար, բազմաթիվ գոլային պահեր, մեկ դիպուկ հարված․ VNews-ի ֆոտոշարքն «Ալաշկերտ» – «Նոա» խաղից

«Նոան» Մայրովիչի գոլի շնորհիվ հաղթեց «Ալաշկերտին» (տեսանյութ)

«Ալաշկերտ» – «Նոա»․ Մեկնարկային կազմեր, ուղիղ հեռարձակում (տեսանյութ)

Աշոտ Ավետիսյան․ «Գոլերը մանկական սխալների հետևանք էին»

Մրցավեճի ելքը վճռվեց արդեն առաջին կեսում․ VNews-ի ֆոտոշարքը «Փյունիկ» – «Արարատ-Արմենիա» հանդիպումից

Վարդան Մինասյան․ «Ֆուտբոլիստները պետք է կրկին վերականգնեն խաղային ռիթմը» (տեսանյութ)

Օզբիլիսը՝ Մովսիսյանի, Մխիթարյանի, «Յունայթեդից» եկած սկաուտների ու այլ թեմաների մասին

«Արարատ-Արմենիան» խոշոր հաշվով հաղթեց «Փյունիկին» (տեսանյութ)

«Լոռին» հաղթեց «Շիրակին» արտագնա խաղում (տեսանյութ)

«Փյունիկ» – «Արարատ-Արմենիա»․ Մեկնարկային կազմեր, ուղիղ հեռարձակում

Հայաստանի վերսկսված առաջնության առաջին գոլը (տեսանյութ)

Խոակին Կապառոսը Իսպանիայից հետևում է «Շիրակ» – «Լոռի» հանդիպմանը (լուսանկար)

«Շիրակ» – «Լոռի»․ Մեկնարկային կազմեր, ուղիղ հեռարձակում (տեսանյութ)

Բարձրագույն խումբ. Ինչ կորուստներով են թիմերը վերադառնում առաջնություն (տեսանյութ)

Չեմպիոնի և փոխչեմպիոնի սկզբունքային խաղը․ Ամենաուշագրավ փաստերը՝ ԲԽ 18-րդ տուրին ընդառաջ

Գողացել են «Արարատ-73»-ին նվիրված արձանները (տեսանյութ)