fbpx
Բաժիններ

Նոր անուններ ազգային և Մ-21 հավաքականներում ու «Բանանցի» 2-րդ կեսի «կախարդանքը». Օրվա գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք ներկայացնում օգոստոսի 27-ի իրադարձությունների քրոնիկոնը:

Բարձրագույն խումբ, 4-րդ տուր. «Բանանց» 1-1 «Գանձասար-Կապան». Գեղամ Հարությունյանի գոլին դաշտի տերերը 2-րդ խաղակեսում պատասխանել են Ռումյան Հովսեփյանի դիպուկ հարվածով: «Բանանցն» այս առաջնությունում իր բոլոր՝ 5 գոլերն էլ խփել է ընդմիջումներից հետո: Գլխավոր մարզիչներ Արամ Ոսկանյանը և Կարեն Բարսեղյանը մասնակցել են հետխաղյա մամուլի ասուլիսների: «Բանանցն» իր ակտիվում ունի 3, «Գանձասար-Կապանը»՝ 1 միավոր:

Անատոլի Այվազովին Հայաստանի ազգային հավաքականի՝ առաջիկա խաղերի համար հայտացուցակում կփոխարինի Գրիգոր Մելիքսեթյանը: Վերջինս «Գանձասար-Կապանի» կազմում մասնակցել է «Բանանցի» հետ մրցավեճին: Ընտրանու կազմ հրավիրված մյուս դարպասապահն Արսեն Բեգլարյանն է:

Ընկերական հանդիպում. Ղազախստան Մ-17 0-0 Հայաստան Մ-17. նույն հավաքականները հանդիպել էին նաև 2 օր առաջ, և Հայաստանի Մ-17 հավաքականը մրցակցի նկատմամբ առավելության էր հասել 5-2 հաշվով:

Հայաստանի Մ-21 հավաքականը սկսել է նախապատրաստվել Ռուսաստանի հետ արտագնա և Մակեդոնիայի հետ տնային ընտրական հանդիպումներին: Արթուր Ոսկանյանը հավաքական է հրավիրել 22 ֆուտբոլիստների: Հայկ Գալստյանը հավաքականին կմիանա օգոստոսի 28-ի լույս 29-ի գիշերը: Ընտրանուն է միացել նաև գերմանական «Ալտլուդերսդորֆ» թիմի կենտրոնական պաշտպան Ռուբեն Փիլումյանը:

Մոսկվայի «Արարատի» նախագահ Վալերի Հովհաննիսյան. «Երբ Հենրիխ Մխիթարյանը 18 տարեկան էր և խաղում էր Ռուսաստանում, նրան չցանկացան հրավիրել «Սպարտակը» և «Լոկոմոտիվը»: Հենրիխը տարիներ անց մերժեց աստղային «Անժիին», որը նրան առաջարկում էր տարեկան 5-6 մլն եվրո աշխատավարձ: Այդ և «Սպարտակի» առաջարկների ժամանակ նա պնդեց, որ ցանկանում է խաղալ Եվրոպայում»:

ՄԼՍ, Արևմտյան Կոնֆերենցիա, 26-րդ տուր. «Ռեալ Սոլթ Լեյք» 4-1 «Կոլորադո Ռապիդս». Յուրա Մովսիսյանը մնացել է պահեստայինների նստարանին: «Ռեալ Սոլթ Լեյքը» զբաղեցնում է 7-րդ հորիզոնականը:

Կիպրոսի Բարձրագույն խումբ, 2-րդ տուր. «Արիս» 1-1 «ՆԵԱ Սալամիս». Տարոն Ոսկանյանը մասնակցել է ամբողջ հանդիպմանը, իսկ Դավիթ Մանոյանը եղել է մեկնարկային կազմում և փոխարինվել հիմնական ժամանակի վերջին րոպեին: «ՆԵԱ Սալամիսը» եզրափակում է լավագույն քառյակը:

Գերմանիայի Ռեգիոնալ լիգա, Հարավարևմտյան գոտի, 6-րդ տուր. «Շտուտգարտ-2» 4-2 «Ֆրայբուրգ-2». Հայկ Գալստյանը փոխարինման է մտել 86-րդ րոպեին: «Շտուտգարտ-2»-ն ընթանում է 6-րդ հորիզոնականում:

Ռուսաստանի Պրեմիեր լիգա, 8-րդ տուր. «ԲՄԱ-Խաբարովսկ» 0-0 «Սպարտակ Մոսկվա». Ռուսլան Կորյանը փոխարինման է մտել ընդմիջումից անմիջապես հետո և ստացել դեղին քարտ: «ԲՄԱ-Խաբարովսկն» ընթանում է 15-րդ տեղում:

Ռուսաստանի Ազգային լիգա, 10-րդ տուր. «Ֆակել» 1-3 «Ենիսեյ». «Ֆակելից» Արթուր Առուստամյանը փոխարինման է մտել 56-րդ րոպեին, իսկ Արմեն Համբարձումյանը չի հայտնվել հայտացուցակում, «Ենիսեյից» Արթուր Սարկիսովը փոխարինման է դուրս եկել 63-րդ րոպեին, Արթուր Մալոյանն էլ մնացել է պահեստայինների նստարանին: «Ֆակելը» 18-րդ հորիզոնականում է, «Ենիսեյը»՝ 2-րդ:

Ամերիկյան ՄԼՍ, Արևելյան Կոնֆերենցիա, 26-րդ տուր. «Չիկագո Ֆայր» 1-2 «Մինեսոտա Յունայթեդ». Դավիթ Արշակյանը մնացել է պահեստայինների նստարանին: «Չիկագո Ֆայրը» 4-րդ տեղում է:

Ֆրանսիայի Լիգա-1, 4-րդ տուր. «Դիժոն» 2-1 «Մոնպելյե». Միշել Տեր-Զաքարյանի գլխավորած թիմը զբաղեցնում է 12-րդ հորիզոնականը:

Ուկրաինայի Պրեմիեր լիգա, 7-րդ տուր. «Ալեքսանդրիա» 0-1 «Վորսկլա». Գեղամ Կադիմյանը մասնակցել է ամբողջ հանդիպմանը: «Վորսկլան» եզրափակում է լավագույն եռյակը:

Ռուսաստանի Պրեմիեր լիգա, 8-րդ տուր. «Զենիթ» 0-0 «Ռոստով». Խորեն Բայրամյանը փոխարինման է մտել 87-րդ րոպեին: «Ռոստովը» եզրափակում է լավագույն եռյակը:

Մոլդովայի Բարձրագույն խումբ, 8-րդ տուր. «Սպիկուլ» 1-0 «Զիմբրու». Արտյոմ Խաչատուրովը մասնակցել է ամբողջ հանդիպմանը: «Զիմբրուն» ընթանում է 8-րդ հորիզոնականում:

Չեխիայի Երիտասարդական լիգա, 5-րդ տուր. «Բոհեմիանս» Մ-21 2-1 «Տեպլիցե» Մ-21. Դավիթ Մարտիրոսյանը փոխարինման է մտել 63-րդ րոպեին: «Տեպլիցե» Մ-21-ը մնում է առաջնության առաջատարը:

Մակեդոնիայի Բարձրագույն խումբ, 3-րդ տուր. «Սկոպյե» 0-0 «Ռենովա». Տիգրան Կանդիկյանը մասնակցել է ամբողջ հանդիպմանը: «Սկոպյեն» ընթանում է 9-րդ հորիզոնականում:

Ռուսաստանի Երիտասարդական լիգա, 8-րդ տուր. «ԲՄԱ-Խաբարովսկ» Մ-21 1-2 «Սպարտակ Մոսկվա» Մ-21. Մանվել Ահարոնյանը 48-րդ րոպեին անվրեպ է իրացրել 11-մետրանոց հարվածը: Նա եղել է մեկնարկային կազմում և փոխարինվել 82-րդ րոպեին: «ԲՄԱ-Խաբարովսկ» Մ-21-ը 13-րդ հորիզոնականում է:

Լատվիայի Բարձրագույն խումբ, 17-րդ տուր. «Լիեպայա» 1-2 «Սպարտակս Յուրմալա». Էդգար Վարդանյանը մասնակցել է ամբողջ հանդիպմանը: «Սպարտակսը» գլխավորում է մրցաշարային աղյուսակը:

Հայկական ֆուտբոլի վերջին նորություններին տեղեկանալու համար կարող եք բաժանորդագրվել՝

Հետևե՛ք VNews.am-ին նաև Youtube-ում և Instagram-ում:


«Շիրակն» արգելակել է գերազանց մեկնարկից հետո (տեսանյութ)

«Նոա» – «Շիրակ»․ Մեկնարկային կազմեր, ուղիղ հեռարձակում (տեսանյութ)

Արմեն Պետրոսյան․ «Խաղերը վերլուծելիս հասկանում ենք, որ ամեն ինչ նորմալ է ընթանում, զուտ չենք իրացնում պահերը» (տեսանյութ)

Աշոտ Բարսեղյան․ «Հավասար արդյունքն արդարացի կլիներ» (տեսանյութ)

Ալեքսանդր Տարխանով․ «Օզբիլիսը դեռ լիարժեք պատրաստ չէ, քանի որ շատ ժամանակ է բաց թողել» (տեսանյութ)

«Փյունիկը» հաղթեց «Գանձասար-Կապանին», Օզբիլիսը՝ գոլի հեղինակ (տեսանյութ)

«Գանձասար-Կապան» – «Փյունիկ». Մեկնարկային կազմեր, ուղիղ եթեր

Ինտրիգներով լի արարատյան դերբին՝ չեմպիոնի և առաջատարի միջև․ Ամենաուշագրավ փաստերը՝ ԲԽ-ի 7-րդ տուրին ընդառաջ

«Եղբա՛յր, բում նորամուտ էր»․ Յուրա Մովսիսյանը շնորհավորել է Հենրիխ Մխիթարյանին

Բարձրագույն խմբի 6-րդ տուրի խորհրդանշական հավաքականը և լավագույն ֆուտբոլիստը

«Արարատն» անորսալի է, «Գանձասար-Կապանն» էլ չի գտնում «Շիրակին» հաղթելու բանաձևը

Արմեն Պետրոսյան․ «Ափսոսում եմ, որ տղաների «քրտինքը» չպարգևատրվեց 3 միավորով» (տեսանյութ)

Աղվան Դավոյան․ «Առաջնությունում ավելացել է որակյալ լեգեոներների քանակը, հայերն էլ որակապես աճ են գրանցել» (տեսանյութ)

Աշոտ Բարսեղյան․ «Թիմը ֆուտբոլ է խաղում, պայքարում է․․․ բացակայում է միայն եզրափակիչ հարվածը» (տեսանյութ)

Վարդան Բիչախչյան․ «Երկշաբաթյա դադարի պատճառով ընկել էինք խաղային ռիթմից» (տեսանյութ)

«Շիրակը» բաց թողեց 1-ին հորիզոնական բարձրանալու հնարավորությունը (տեսանյութ)