Մոսկվայի «Արարատը» «վերածնվեց» և հաղթեց, իսկ հայազգի ֆուտբոլիստը Սլովակիայում հեթ-տրիկ գրանցեց. Օրվա գլխավոր լուրերի քրոնիկոնը - VNews
Բաժիններ

Մոսկվայի «Արարատը» «վերածնվեց» և հաղթեց, իսկ հայազգի ֆուտբոլիստը Սլովակիայում հեթ-տրիկ գրանցեց. Օրվա գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք ներկայացնում սեպտեմբերի 7-ի իրադարձությունների քրոնիկոնը:

Մոսկվայի «Արարատի» նախկին նախագահ Վալերի Հովհաննիսյան. ««Արարատում» ամեն ինչ կարգին է, ակումբը կշարունակի իր գոյությունը, սակայն այնտեղ փոփոխություններ տեղի կունենան: Ես դուրս եմ գալիս հիմնադիրների ցանկից, իմ փոխարեն ակումբի գործադիր տնօրենը կդառնա Իգոր Կորոտկովը: 100% բաժնեմասերը փոխանցում եմ ժողովրդին, որպեսզի Կորոտկովը զբաղվի դրանց ճիշտ բաշխմամբ»:

Վալերի Հովհաննիսյան. «Ինձ զեկուցվել է իմ դեմ ներկայացված ֆինանսական մեղադրանքների մասին: Կարող եմ ասել, որ այդտեղ սխալմունք է տեղի ունեցել, կողմերը չեն հասկացել միմյանց: Մանրամասների մասին կարող եք տեղեկանալ ակումբի նոր սեփականատերից: «Արարատը» հավերժ կմնա իմ սրտում, քանի որ ես եմ այն հիմնադրել: Ես և ընտանիքս ամբողջ կյանքում երկրպագելու ենք այս թիմին»:

Ռուսաստանի ՊՖԼ, Կենտրոնական գոտի, 8-րդ տուր. «Արարատ Մոսկվա» 1-0 «Ռյազան». միակ գոլը խփել է Եգոր Տարականովը: Նշենք, որ «Ռյազանից» Մարտուն Աբովյանը մնացել է պահեստայինների նստարանին, իսկ Արթուր Շահնազարովը փոխարինվել է 60-րդ րոպեին: «Ռյազանի» գլխավոր մարզիչը Գառնիկ Ավալյանն է: «Արարատն» այժմ գլխավորում է մրցաշարային աղյուսակը, իսկ «Ռյազանը» 2-րդ տեղում է:

Ալեքսանդր Գրիգորյան. «Համաձա՞յն եք ինձ հետ, որ մեզ՝ հայերիս հետ ձանձրալի չէ: Կարծում եմ՝ մեր ֆուտբոլիստներն այս ամբողջ խառը շրջանում 3-ական կգ էին կորցրել նյարդային վիճակից ելնելով: Հիմա ավելի շատ կլինեմ լրագրողների ուշադրության կենտրոնում, ինչը պակասում էր Պրեմիեր լիգայի թիմից հեռանալուց հետո: Արդեն նկատում եմ փոփոխություններ»:

«Գանձասար-Կապանը» վարձակալական հիմունքներով պայմանագիր է կնքել 18-ամյա հարձակվողական ոճի կիսապաշտպան Աբդուլա Բաբայի հետ: Այս ֆուտբոլիստը Գանայից է, խաղում է ձախ եզրային կիսապաշտպանի դիրքում, կարող է գործել նաև որպես կենտրոնական հարձակվող։

Ռուսաստանի Ազգային լիգա, 12-րդ տուր. «Կուբան» 1-1 «Ենիսեյ». Արթուր Սարկիսովը փոխարինման է մտել 46-րդ րոպեին, իսկ Արթուր Մալոյանը՝ նրանից 9 րոպե անց: «Ենիսեյը» գլխավորում է մրցաշարային աղյուսակը:

Ռուսաստանի Մ-21 հավաքականի կիսապաշտպան Իլյա Ժիգուլև. «Շատ գոհ ենք Ջիբրալթարի դեմ խաղում երկրպագուների աջակցությունից Տուլայում: Իսկ Մոսկվայում, որտեղ մրցեցինք Հայաստանի հավաքականի հետ, մի փոքր հիասթափություն ունեցանք: Հայ երկրպագուները երևի գերազանցում էին տրիբունաներում հավաքված ռուսներին: Բայց չհաղթեցինք ոչ թե երկրպագուների պատճառով, այլ նրա, որ չիրացրինք մեր գոլային պահերը»:

Սլովակիայի 2-րդ դիվիզիոն, 6-րդ տուր. «Կոմարնո» 3-3 «Բարդեհով». Վահագն Միլիտոսյանը դարձել է հեթ-տրիկի հեղինակ: Նա գոլերից երկուսը խփել է 11մ հարվածով: Միլիտոսյանը մասնակցել է ամբողջ հանդիպմանը, ինչպես և նրա թիմակից Դավիթ Հովսեփյանը, ով ստացել է դեղին քարտ: «Կոմարնոն» զբաղեցնում է 15-րդ հորիզոնականը:

Ռուսաստանի Ազգային լիգա, 12-րդ տուր. «Բալթիկա» 2-1 «Լուչ-Էներգիա». Իշխան Գելոյանը եղել է հիմնական կազմում և փոխարինվել 77-րդ րոպեին: Խաղի ընթացքում զգուշացվել է դեղին քարտով: «Լուչ-Էներգիան» ընթանում է 16-րդ տեղում:

Ուրուգվայի Սեգունդա, 15-րդ տուր. «Աթենաս» 2-1 «Սերո Լարգո». Կառլոս Քեոսեյանը եղել է մեկնարկային կազմում և փոխարինվել հիմնական ժամանակի վերջին րոպեին: Նա ստացել է դեղին քարտ: «Աթենասը» եզրափակում է լավագույն քառյակը:

Մեկնարկում է Հայաստանի Բարձրագույն խմբի առաջնության 5-րդ տուրը: «Գանձասար-Կապանը» սեպտեմբերի 8-ին Երևանի «Հանրապետական» մարզադաշտում ուժերն է չափելու չեմպիոն «Ալաշկերտի» հետ: Խաղի մանրամասներն՝ այստեղ:

Հայկական ֆուտբոլի ամենավերջին անցուդարձին ծանոթանալու համար բաժանորդագրվեք այստեղ՝

Միացի՛ր հայկական ամենասպորտային Instagram-ին:


Արսեն Պետրոսյան․ «Բոլոր օղակներում պետք է բարելավվենք, որպեսզի «Նոայի» դեմ խաղին ավելի պատրաստ ներկայանանք» (տեսանյութ)

Պայքար ավելի շատ պատվի, քան 3 միավորի համար․ VNews-ի ֆոտոշարքն «Ուրարտու» – «Գանձասար-Կապան» խաղից

Հակոբ Հակոբյանի գոլը միակն ու հաղթականն էր «Ուրարտու» – «Գանձասար-Կապան» խաղում (տեսանյութ)

«Ուրարտու» – «Գանձասար-Կապան»․ Մեկնարկային կազմեր, ուղիղ հեռարձակում (տեսանյութ)

Մեկնարկում է առաջնության որոշիչ հատվածը․ Ամենաուշագրավ փաստերը՝ ԲԽ-ի 19-րդ տուրին ընդառաջ

Bleacher Report-ը տեսանյութ է ներկայացրել, որտեղ Սարկիսովը գրավում է Յուրչենկոյի դարպասը (տեսանյութ)

Բարձրագույն խմբի 9 ակումբի շնորհվել է ՈւԵՖԱ-ի արտոնագրեր

Բարձրագույն խմբի 6 ակումբ կստանա ԵՎՐՈ 2020 «Ակումբային մասնակցության վճարները»

«Կուռքս մերժեց խնդրանքս, իսկ 20 տարի անց․․․»․ Գևորգ Կասպարովի ամենաուշագրավ մտքերը

Ալեքսանդր Գրիգորյանը բացատրել է, թե ինչպիսի մարզումներ է անցկացնելու «Ուրարտուն» առաջիկայում

Հայկական ակումբների թոփ-5 գոլերը եվրագավաթներում 2015-19թթ. (տեսանյութ)

Թոփ-5 գոլ Հայաստանի առաջնության գարնանային հատվածից (տեսանյութ)

Մեկ ակումբի ֆուտբոլիստներ․ Ովքեր են «200-ի ակումբի» 21 անդամները

«Ուրարտուի» գլխավոր մարզիչ Ալեքսանդր Գրիգորյանը կորոնավիրուսի ստուգման թեստ է հանձնել

Հայկական ակումբները ստացել են ՈւԵՖԱ-ի «համերաշխության վճարները»

Օգանան ընդամենը 9 ամսական էր, երբ Կասպարովը նորամուտը նշեց ՀՀ գավաթի մրցաշարում