fbpx

«Շիրակ» – «Արարատ». Տեղեկություններ, որոնք մարզադաշտ այցելելու առիթ կդառնան

«ՇԻՐԱԿ»- «ԱՐԱՐԱՏ»
10 խաղ, +2=26, 7:11

13 սեպտեմբերի, ժ.16:00, Գյումրի, Քաղաքային մարզադաշտ

Եզրափակիչ

25.05.1993   «Արարատ» – «Շիրակ»՝  3-1 (1-1)
Համլետ Մխիթարյան (30), Արմեն Շահգելդյան (77, 83) – Հովհաննես Թահմազյան (27):

Եզրափակիչ

28.05.1994    «Արարատ» – «Շիրակ»՝ 1-0 (0-0)
Կարեն Բարսեղյան (82):

1/4 եզրափակիչ

26.03.1997   «Շիրակ»«Արարատ»՝ 1-1 (1-0)
Հովհաննես Թահմազյան  (7) – Վիգեն Աբրահամյան (72):

08.04.1997    «Արարատ» – «Շիրակ»՝ 1-0 (1-0)
Ռաֆայել Նազարյան (17):

1/2 եզրափակիչ

03.05.2001    «Շիրակ»«Արարատ»՝ 1-2 (1-0)
Արարատ Հարությունյան (11) – Կարեն Բարսեղյան (56, 72):

12.05.2001    «Արարատ» – «Շիրակ»՝ 1-0 (0-0)
Էմիլ Մեսրոպյան (64):

1/4 եզրափակիչ

23.03.2004   «Շիրակ»«Արարատ»՝ 3-0 (1-0)
Տիգրան Դավթյան (42), Վահան Մառանջյան (63), Արտակ Գրիգորյան (82):

27.03.2004    «Արարատ» – «Շիրակ»՝ 2-0 (2-0)
Մհեր Ավանեսյան (38), Պրեդրագ Բլագոևիչ (41՝ 11մ):

1/4 եզրափակիչ

03.03.2013    «Շիրակ» – «Արարատ»՝ 1-0 (1-0)
Դամե Դիոպ (3):

13.03.2013    «Արարատ» – «Շիրակ»՝ 0-0

Այս հանդիպումով մեկնարկում է Հայաստանի գավաթի 2017/18թթ. խաղարկությունը: Գործող գավաթակիր «Շիրակը» սկսում է պայքարն իր տիտղոսի պաշտպանության համար: Բացառված չէ, որ գավաթային մրցախաղում «Շիրակի» մեկնարկային կազմում խաղադաշտ դուրս գան թիմի երիտասարդ մի քանի ֆուտբոլիստներ, որոնք առաջնության հանդիպումներում սովորաբար փոխարինման են դուրս գալիս: Այդ մասին հայտարարել էր «Շիրակի» գլխավոր մարզիչ Վարդան Բիչախչյանը «Փյունիկի» հետ խաղից հետո կայացած մամուլի ասուլիսում:

Դա պայմանավորված է նրանով, որ «Շիրակը»  պահեստայինների կարճ նստարան ունի, իսկ սեպտեմբերի 16-ին գյումրեցիներին առաջնության 6-րդ տուրում սկզբունքային մրցախաղ է սպասում չեմպիոնի հետ: Ուստի որոշ ֆուտբոլիստների հանգստանալու հնարավորություն կտրվի:

Իհարկե, դա չի նշանակում, թե «Արարատին» առաջնության առաջատարի հետ մրցավեճում հեշտ մրցակցություն է սպասվում: «Շիրակը» գերազանց է մեկնարկել առաջնությունում և, իհարկե, կձգտի նաև հաջող հանդես գալ գավաթի մրցաշարում: Հիշեցնենք, որ ընթացիկ առաջնության 4-րդ տուրում «Շիրակը» Գյումրիում 2-1 հաշվով հաղթել էր «Արարատին»:

Մրցակիցների գավաթային ճանապարհները 7-րդ անգամ են հատվում: Գավաթային առաջին 4 դիմակայություններում առավելության են հասել արարատցիները, ընդ որում երկու անգամ նրանց հաջողվել է գյումրեցիներին հաղթել պատվավոր մրցանակի եզրափակչում: Իսկ ահա մրցակիցների վերջին երկու դիմակայություններն էլ ավարտվել են շիրակցիների հաղթանակով:

Գավաթի մրցաշարերում «Արարատն» ավելի մեծ հաջողության է հասել, քան «Շիրակը»: Արարատցիները Հայաստանի հնգակի գավաթակիրներ են, մինչդեռ շիրակցիներին ընդամենը երկու անգամ է հաջողվել նվաճել պատվավոր մրցանակը: Սակայն «Արարատի» գավաթային հաջողությունները հիմնականում գրանցվել են 1990-ական թվականներին, երբ թիմը 4 անգամ (1993-1995, 1997թթ.) գավաթակիր է դարձել:

Վերջին հաջողությանն արարատցիները հասել են 2008թ. Վարուժան Սուքիասյանի գլխավորությամբ: Իսկ ահա դրանից հետո կայացած գավաթի 8 խաղարկություններում (2010թ. «Արարատը» չի մասնակցել գավաթի մրցաշարին) «Արարատին» չի հաջողվել հաղթահարել առաջին փուլի՝ քառորդ եզրափակչի արգելքը:

Այդ ընթացքում անցկացրած գավաթային 16 հանդիպումներում արարատցիներն ընդամենը 2 հաղթանակ են տոնել (2012թ., «Ուլիս»՝ 3-2, 2016/17թթ., «Բանանց»՝ 1-0), 2 խաղ ավարտել են ոչ-ոքի, կրել են 12 պարտություն:

Հիշեցնենք, որ գավաթի նախորդ խաղարկությունում «Արարատը» քառորդ եզրափակչի առաջին խաղում սեփական հարկի տակ 1-2 հաշվով զիջել էր «Բանանցին», իսկ հյուրընկալվելիս հաղթել էր 1-0 հաշվով: Մրցակցի հարկի տակ խփած ավելի շատ գոլերի շնորհիվ հաջորդ փուլ էր մտել «Բանանցը»:

«Շիրակի»  գավաթային հաջողությունները կապված են Վարդան Բիչախչյանի անվան հետ: Հենց նրան հաջողվեց իրականացնել գյումրեցիների վաղեմի երազանքը՝ պատվավոր մրցանակով պատվո շրջան կատարել մարզադաշտում: Դա 2012թ. էր, երբ «Շիրակը» Գյումրիում կայացած եզրափակիչ խաղում Լամին Լի Յորոյի խփած միակ գոլի շնորհիվ հաղթեց Դիլիջանի «Իմպուլսին»:

Իսկ մինչ այդ գավաթը նվաճելու «Շիրակի» 4 փորձերն էլ ապարդյուն էին անցել (1993, 1994, 1999թթ. Անդրանիկ Ադամյանի, 2011թ.՝ Սամվել Պետրոսյանի օրոք):

Գավաթի նախորդ խաղարկությունում պատվավոր մրցանակը երկրորդ անգամ ուղևորվեց Գյումրի: «Շիրակը» գավաթի մրցաշարը սկսեց նորաստեղծ Աբովյանի «Կոտայքի» հետ մրցավեճով: Առաջին խաղում գրանցվեց գոլազուրկ ոչ-ոքի, իսկ պատասխան հանդիպումը չկայացավ, քանի որ «Կոտայքը» լուծարվել էր: Գյումրեցիները եզրափակչի ուղեգիր նվաճեցին՝ առավելության հասնելով գանձասարցիների նկատմամբ (1-0, 1-1): Իսկ գավաթի վճռորոշ խաղում «Շիրակը» 3-0 հաշվով վստահ հաղթանակ տարավ «Փյունիկի» նկատմամբ:

Մրցակիցների գավաթային մրցավեճում առավել արդյունավետ է գործել նախկին արարատցի Կարեն Բարսեղյանը՝ խփելով 3 գնդակ: Գյումրեցիներից 2 գոլի հեղինակ է դարձել «Շիրակի» ներկայիս մարզիչներից մեկը՝ Հովհաննես Թահմազյանը:

4-րդ զգուշացման պատճառով հանդիպմանը չի մասնակցի «Շիրակի» պաշտպան Արտյոմ Միքայելյանը:

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Ֆուտբոլը բոլորի համար է. Դավիթն առաջին անգամ մեկնաբանեց ֆուտբոլային հանդիպում

«Գանձասար-Կապանն» ու իր «առեղծվածային» շարքը, առաջնության «դիպուկահար-հարձակվողը»

Իլշատ Ֆայզուլին․ «Բանանցում» հանդես եկող հայ բոլոր ֆուտբոլիստներն էլ արժանի են հրավիրվելու հավաքական» (տեսանյութ)

Աբրահամ Խաշմանյան․ «Ոչ թե մրցակիցներն են գոլային պահեր «սարքում» մեր դարպասին, այլ՝ մենք» (տեսանյութ)

Ֆանտաստիկ Կոբյալկո ու «ոսկե» խաղում հաղթած «Արարատ-Արմենիա», «Բանանցն» էլ ուժեղ էր «Արարատից» (տեսանյութ)

«Ալաշկերտ» – «Արարատ-Արմենիա» սուպերխաղը և «Բանանց» – «Արարատ»․ Մեկնարկային կազմեր, ուղիղ հեռարձակումներ (տեսանյութ)

Մարզային դերբին, իհարկե, տխուր էր, քանի որ տեղի էր ունենում Երևանում․ VNews-ի ֆոտոշարքը

Վարդան Բիչախչյան․ «Հուսով եմ՝ ավելի լավ տեսք կունենանք, երբ ապաքինվեն վնասվածք ստացած ֆուտբոլիստները» (տեսանյութ)

Աշոտ Բարսեղյանը վրդովված է․ «Մարզվելու տեղ չունենք, ֆեդերացիան պետք է աջակցի մեզ» (տեսանյութ)

«Գանձասար-Կապան» – «Շիրակ»․ Մեկնարկային կազմեր, ուղիղ հեռարձակում (տեսանյութ)

Հայկական Կլասիկո, որը կազդի չեմպիոնական պայքարի վրա․ Ամենահետաքրքիր փաստերը՝ ԲԽ-ի 23-րդ տուրին ընդառաջ

Ցնցող ցուցանիշներ Մարկոսից, Մանուչարյանից, Արա Հակոբյանից․․․ Անհատական բացառիկ ռեկորդներ Բարձրագույն խմբից

«Շիրակը» մոտ 7 ամսվա դադարից հետո գոլ բաց թողեց Գյումրիում, իսկ Անտոն Կոբյալկոն անկասելի է

Սևադա Արզումանյան․ «Արցախն» ու «Արարատը» մյուս ակումբներից առանձնանում են նրանով, որ թիմ կառուցելու ճանապարհին են» (տեսանյութ)

Աբրահամ Խաշմանյան․ «Եթե մյուս տարի պայքարելու չլինեինք եվրագավաթների համար, ապա ես անելիք չէի ունենա «Արարատում» (տեսանյութ)

Միայն «Փյունիկն» է կարողանում Գյումրիում պարտության մատնել «Շիրակին» (տեսանյութ)