fbpx

Մխիթարյանն ու Բիչախչյանը գիտեն՝ ինչպես ցնծություն պարգևել հայ ժողովրդին. Օրվա գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք ներկայացնում սեպտեմբերի 17-ի իրադարձությունների քրոնիկոնը:

Հայաստանի Բարձրագույն խումբ, 6-րդ տուր. «Արարատ» 0-2 «Գանձասար-Կապան». հյուրերից հաջողության են հասել Հայկ Իշխանյանը և Լուբամբո Մուսոնդան: «Գանձասար-Կապանն» այս հաղթանակից հետո ունի 5 միավոր և լքել է վերջին հորիզոնականը՝ բարձրանալով 5-րդ տեղ: Նույնքան՝ 5 միավոր ունի նաև «Փյունիկը»: Հետնապահի դերը ստանձնել է «Արարատը», որի ակտիվում գրանցված է 4 միավոր:

Հանդիպման վերջնամասում տեղի է ունեցել միջադեպ: «Արարատի» ավագ մարզիչ Արկադի Անդրեասյանը բուռն դժգոհություն է արտահայտել մրցավարությունից, և նրա ու գլխավոր մրցավար Արտակ Սիմոնյանի լեզվակռվի պատճառով խաղն ընդհատվել է: Մրցավարն էլ վաղաժամ ավարտել է հանդիպումը, երբ դեռ ընթացքի մեջ է եղել լրացուցիչ ժամանակը:

Անգլիայի Պրեմիեր լիգա, 5-րդ տուր. «Մանչեսթեր Յունայթեդ» 4-0 «Էվերտոն». Հենրիխ Մխիթարյանը 83-րդ րոպեին կրկնապատկել է իր թիմի առավելությունը: Նա եղել է մեկնարկային կազմում և փոխարինվել 88-րդ րոպեին: Ժոզե Մոուրինյոյի թիմը հավասար միավորներով 1-2-րդ տեղերն է կիսում «Մանչեսթեր Սիթիի» հետ:

Սլովակիայի 2-րդ դիվիզիոն, 9-րդ տուր. «Ժիլինա-Բ» 3-4 «Սերեդ». Վահան Բիչախչյանը մասնակցել է ամբողջ հանդիպմանը և դարձել դուբլի հեղինակ՝ աչքի ընկնելով 26-րդ և 30-րդ րոպեներին: Վահանը 11-րդ րոպեին իր հաշվին նաև արդյունավետ փոխանցում է գրանցել: «Ժիլինա-Բ»-ն նահանջել է 2-րդ հորիզոնական:

Ռուսաստանի Պրեմիեր լիգա, 10-րդ տուր. «ԲՄԱ-Խաբարովսկ» 2-2 «Ախմատ». Ռուսլան Կորյանը խաղը սկսել է առաջին րոպեներից և փոխարինվել 67-րդ րոպեին: «ԲՄԱ-Խաբարովսկը» գրավում է 14-րդ տեղը:

Մակեդոնիայի Բարձրագույն խումբ, 5-րդ տուր. «Սկոպյե» 1-1 «Վարդար». «Վարդարից» Հովհաննես Համբարձումյանը և Տիգրան Բարսեղյանը մասնակցել են ամբողջ հանդիպմանը, ինչպես և «Սկոպյեից»՝ Տիգրան Կանդիկյանը: «Վարդարը» եզրափակում է լավագույն քառյակը, իսկ «Սկոպյեն» զբաղեցնում է 9-րդ հորիզոնականը:

Ռուսաստանի Պրեմիեր լիգա, 10-րդ տուր. «Ռուբին» 0-1 «Ուրալ». Վարազդատ Հարոյանը խաղը բաց է թողել որակազրկման պատճառով, իսկ Էդգար Մանուչարյանը եղել է մեկնարկային կազմում և փոխարինվել 65-րդ րոպեին: «Ուրալը» զբաղեցնում է 9-րդ հորիզոնականը:

«Ստալի» գլխավոր մարզիչ Եղիշե Մելիքյանը՝ «Ալեքսանդրիայից» կրած պարտությունից հետո (1-4). «Մրցակիցը մեր ֆոնին շատ լավ խաղաց: Անհատական սխալները մեզ համար շատ խնդիրներ առաջացրին: Առանձնակի դժգոհ եմ մեր խաղի որակից: Այսպես պարտվել չի կարելի: Մեկ սխալը դեռ կարելի է ուղղել, բայց երկրորդը, երրորդը… Ֆուտբոլիստները չկատարեցին առաջադրանքը, և շուտով պետք է լուրջ զրույց ունենամ նրանց հետ»:

Կիպրոսի Բարձրագույն խումբ, 4-րդ տուր. «Դոքսա» 4-1 «ՆԵԱ Սալամիս». Դավիթ Մանոյանը մասնակցել է առաջին խաղակեսին, իսկ Տարոն Ոսկանյանն՝ ամբողջ մրցավեճին: «ՆԵԱ Սալամիսն» ընթանում է 12-րդ տեղում:

Վանաձորի «Լոռին» 3 տարվա պայմանագիր է կնքել գանացի հենակետային կիսապաշտպան Աննան Մենսահի հետ: Վերջինս 21 տարեկան է, հանդես է եկել գանական «Չիթահ» թիմում: Նա 2015 թվականին փորձաշրջան է անցել հոլանդական «ԱԶ Ալկմարում»:

Ամերիկյան ՄԼՍ, Արևմտյան Կոնֆերենցիա, 30-րդ տուր. «Ռեալ Սոլթ Լեյք» 2-1 «Փորթլենդ». Յուրա Մովսիսյանը փոխարինման է մտել 58-րդ րոպեին և ստացել դեղին քարտ: «Ռեալ Սոլթ Լեյքը» 6-րդ հորիզոնականում է:

Գերմանիայի 2-րդ Բունդեսլիգա, 6-րդ տուր. «Յան Ռեգենսբուրգ» 0-2 «Դինամո Դրեզդեն». Սարգիս Ադամյանը խաղը սկսել է հիմնական կազմում և փոխարինվել 76-րդ րոպեին: «Յան Ռեգենսբուրգը» տեղ է զբաղեցնում 15-րդ հորիզոնականում:

Արգենտինայի Բարձրագույն խումբ, 3-րդ տուր. «Նյուելս Օլդ Բոյզ» 2-0 «Օլիմպո». Մաուրո Գևգեոզյանը վնասվածքի պատճառով չի հայտնվել հայտացուցակում: «Նյուելս Օլդ Բոյզը» զբաղեցնում է 11-րդ տեղը:

Գերմանիայի Մ-17 Բունդեսլիգա, Հյուսիսային գոտի, 6-րդ տուր. «Այնթրախտ Բրաունշվայգ» Մ-17 1-3 «Համբուրգ» Մ-17. Երջանիկ Գուբասարյանը փոխարինման է մտել 60-րդ րոպեին: «Համբուրգ» Մ-17-ը զբաղեցնում է 3-րդ հորիզոնականը:

Ամերիկյան ՄԼՍ, Արևելյան Կոնֆերենցիա, 29-րդ տուր. «Չիկագո Ֆայր» 3-0 «ԴՍ Յունայթեդ». Դավիթ Արշակյանը փոխարինման է մտել ավելացված 1-ին րոպեին: «Չիկագո Ֆայրը» եզրափակում է լավագույն եռյակը:

Լատվիայի առաջնություն, 22-րդ տուր. «Մետտա» 2-2 «Վենտսպիլս». Վիուլեն Այվազյանը մնացել է պահեստայինների նստարանին: «Վենտսպիլսն» ընթանում է 5-րդ հորիզոնականում:

Չեխիայի Երիտասարդական լիգա, 7-րդ տուր. «Տեպլիցե» Մ-21 0-2 «Մլադա Բոլեսլավ» Մ-21. Դավիթ Մարտիրոսյանը մասնակցել է երկրորդ խաղակեսին: «Տեպլիցե» Մ-21-ը գլխավորում է մրցաշարային աղյուսակը:

Մակեդոնիայի Բարձրագույն խումբ, 5-րդ տուր. «Ռաբոտնիչկի» 2-6 «Շկենդիա». Վարդան Պողոսյանը փոխարինման է մտել 75-րդ րոպեին: «Ռաբոտնիչկին» եզրափակում է լավագույն տասնյակը:

Բելգիայի 3-րդ դիվիզիոն, A խումբ, 3-րդ տուր. «Սեն-Էլուի» 5-2 «Գենտ». Մասիս Ոսկանյանը մասնակցել է ամբողջ հանդիպմանը: «Սեն-Էլուին» տեղ է զբաղեցնում 9-րդ տեղում:

Շվեյցարիայի գավաթի խաղարկություն, 1/16 եզրափակիչ. «Լոկարնո» 1-4 «Ստադ Նիոնե». Հրաչ Յագանը մասնակցել է ամբողջ հանդիպմանը, ստացել դեղին քարտ: «Ստադ Նիոնեն» դուրս է եկել 1/8 եզրափակիչ:

Լեհաստանի 1-ին դիվիզիոն, 9-րդ տուր. «Հրոբրի Գլոգուվ» 2-3 «Ռակուվ». Աղվան Պապիկյանը մնացել է պահեստայինների նստարանին: «Ռակուվն» ընթանում է 17-րդ տեղում:

Դանիայի Սուպերլիգա, 9-րդ տուր. «Միդտյուլանդ» 5-1 «Հոբրո». Էդգար Բաբայանը մասնակցել է ամբողջ հանդիպմանը: «Հոբրոն» ընթանում է 2-րդ տեղում:

Ղազախստանի Պրեմիեր լիգա, 27-րդ տուր. «Շախտյոր Կարագանդա» 2-1 «Օկժետպես». Գևորգ Նաջարյանը մնացել է պահեստայինների նստարանին: «Շախտյորը» 6-րդ տեղում է:

Հայկական ֆուտբոլի ամենավերջին անցուդարձին ծանոթանալու համար բաժանորդագրվեք այստեղ՝

Հետևե՛ք VNews.am-ին նաև Youtube-ում և Instagram-ում:


Նեյմարը պատրաստ է տեղափոխվել «Ռեալ», բայց մեկ պայմանով

Ալեքս Ֆերգյուսոնը բացահայտել է «Բավարիայի» հաջողության գաղտնիքը

«Յուվենտուսն» իր 2 աստղային ֆուտբոլիստին է առաջարկում «Մանչեսթեր Յունայթեդին» Պոգաբյի համար

ՈւԵՖԱ-ն արգելել է «Արսենալին» ի աջակցություն Մխիթարյանի ակցիա իրականացնել Բաքվի մարզադաշտում

Արմեն Մելիքբեկյանը հարցազրույց է տվել CNN-ին՝ Մխիթարյանի Բաքու չմեկնելու որոշման վերաբերյալ

Դեսիրեն Մարկոսին ու ևս 3 լեգեոների է զիջում ԲԽ-ի 1 մրցաշրջանում խփած գոլերի քանակով

«Էլ ի՞նչ անեինք, Մխիթարյանի հետևից անձնական ինքնաթի՞ռ ուղարկեինք»․ Ադրբեջանի սպորտի և երիտասարդության հարցերի նախարար

Ջախջախիչ հաշիվ՝ «Ման․ Յունայթեդի» և «Բավարիայի» լեգենդների թիմերի մրցավեճում (տեսանյութ)

Տիգրան Եսայան․ «Գոհ եմ թիմի ցուցադրած խաղից, դժգոհ՝ արդյունքից» (տեսանյութ)

Ալեքսանդր Տարխանովը՝ Էրիկ Վարդանյանի բացակայության, եվրագավաթային առաջիկա մրցաշրջանի և այլ թեմաների մասին (տեսանյութ)

Նեյմարը և Մբապեն որոշել են, որ ՊՍԺ-ում մնալը լավագույն որոշումը կլինի իրենց համար

Գլխավոր հարցի պատասխանը կստանանք վերջին տուրում․ «Փյունիկը» հաղթեց այս առաջնությունում իր վերջին խաղում (տեսանյութ)

Կամո Հովհաննիսյանը հաղթական գոլ է խփել Տիգրան Բարսեղյանի թիմի հետ խաղում (տեսանյութ)

Աղբյուր․ «Յուվենտուսը» մտադիր է Դիբալային ու Սանդրոյին ներառել Պոգբայի տրանսֆերի մեջ»

«Փյունիկ» – «Արարատ»․ Մեկնարկային կազմեր, ուղիղ հեռարձակում (տեսանյութ)

Սոկրատիս․ «Արսենալը» պետք է հաղթի Եվրոպա լիգան՝ հանուն Մխիթարյանի»