fbpx

«Արցախը» բախվեց Հայաստանի չեմպիոնի պատնեշին, իսկ Արկադի Անդրեասյանը որոշել է հեռանալ. Օրվա գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք ներկայացնում սեպտեմբերի 21-ի իրադարձությունների քրոնիկոնը:

Հայաստանի գավաթի 1/4 եզրափակիչ, առաջին խաղ. «Արցախ» 1-3 «Ալաշկերտ». հաշիվը բացել է Գրիգոր Աղեկյանը, իսկ գործող չեմպիոնից դուբլով պատասխանել է Միհրան Մանասյանը, 11մ հարվածն էլ անվրեպ է իրացրել փոխարինման դուրս եկած Արթուր Եդիգարյանը: Պատասխան խաղը կայանալու է «Ալաշկերտի» հարկի տակ, հոկտեմբերի 19-ին:

Երևանի «Արարատի» ավագ մարզիչ Արկադի Անդրեասյանը, ով 2 տարով հեռացվել է ֆուտբոլից, Mamul.am-ին տված հարցազրույցում հայտարարել է, որ մրցաշրջանի ավարտից հետո ավարտելու է մարզչական կարիերան: Մասնագետը նշել է, որ այդ որոշումը կայացրել է մինչ ՀՖՖ-ի՝ իր նկատմամբ սահմանած արգելքը:

Հայաստանի Մ-19 հավաքականը սեպտեմբերի 27-ին և 29-ին Ֆուտբոլի ակադեմիայում ընկերական խաղեր կանցկացնի Իրանի հասակակից ընտրանու հետ: Գլխավոր մարզիչ Արտակ Օսեյանը հավաքական է հրավիրել 24 ֆուտբոլիստի: 14 խաղացող ներկայացնում է «Ավան Ակադեմիան», 8-ը՝ «Բանանցը»: 1-ական ներկայացուցիչ ունեն գերմանական «Հեմնիցերը» (Դավիթ Վարդանյան) և Գյումրիի «Շիրակը» (Առլեն Ծատուրյան):

«Լոռիի» գլխավոր մարզիչ Արմեն Ադամյանը սեպտեմբերի 21-ին Մոսկվայում ենթարկվել է սրտի վիրահատության: Այն անցել է բարեհաջող: Վանաձորը ներկայացնող թիմն այս պահին միանձնյա գլխավորում է Հայաստանի Առաջին խմբի առաջնության մրցաշարային աղյուսակը:

Արթուր Սարկիսովը բարեհաջող վիրահատվել է Գերմանիայում: Նա չի մասնակցի Հայաստանի ազգային հավաքականի առաջիկա հանդիպումներին:

Ռուսաստանի գավաթ, 1/16 եզրափակիչ. «Արարատ Մոսկվա» 1-2 «ԲՄԱ-Խաբարովսկ». Ռուսլան Կորյանը եղել է մեկնարկային կազմում և փոխարինվել 84-րդ րոպեին: Նրա թիմը դուրս է գալիս 1/8 եզրափակիչ, իսկ «Արարատն»՝ Ալեքսանդր Գրիգորյանի գլխավորությամբ, դուրս է մնում հետագա պայքարից:

Գերմանիայի 2-րդ Բունդեսլիգա, 7-րդ տուր. «Ֆորտունա Դյուսելդորֆ» 1-0 «Յան Ռեգենսբուրգ». Սարգիս Ադամյանը մասնակցել է երկրորդ խաղակեսին: «Յան Ռեգենսբուրգը» զբաղեցնում է 16-րդ հորիզոնականը:

Ռուսաստանի գավաթ, 1/16 եզրափակիչ. «Ենիսեյ» 3-0 «Ախմատ». Արթուր Մալոյանը եղել է մեկնարկային կազմում և փոխարինվել 59-րդ րոպեին, իսկ Արթուր Սարկիսովը չի եղել հայտացուցակում վնասվածքի պատճառով: «Ենիսեյը» պայքարը կշարունակի 1/8 եզրափակչում:

Ռուսաստանի գավաթ, 1/16 եզրափակիչ. «Ֆակել» 0-4 «Ամկար». Արմեն Համբարձումյանը մասնակցել է ամբողջ հանդիպմանը, իսկ Արթուր Առուստամյանը չի հայտնվել հայտացուցակում: «Ֆակելը» դուրս է մնացել մրցաշարից:

Ռուսաստանի գավաթ, 1/16 եզրափակիչ. «Կռիլյա Սովետով» 3-2 «Լոկոմոտիվ» (լրացուցիչ ժամանակ). Արշակ Կորյանը չի հայտնվել հայտացուցակում, իսկ Արտյոմ Գալաջյանը մնացել է պահեստայինների նստարանին: «Լոկոմոտիվը» դուրս է մնացել գավաթի խաղարկությունից:

«Արարատ» «ԲՄԱ Խաբարովսկ» հանդիպման ժամանակ հյուրերի երկրպագուները վիրավորական արտահայտություններ են հնչեցրել մրցակցի գլխավոր մարզիչ Ալեքսանդր Գրիգորյանի հասցեին: Ի պատասխան՝ մասնագետը միջնամատ է ցույց տվել մրցակցի երկրպագուներին: «Արարատի» համակիրներն այդ ժեստին արձագանքել են ծափահարություններով: Գրիգորյանի մարզած նախորդ ակոմբը հենց «ԲՄԱ- Խաբարովսկն» էր:

Էդգար Մալաքյան. ««Ստալը» երիտասարդ թիմ է. այս տարիքում ֆուտբոլիստների համար ամենակարևորը տրամադրվածությունն է: Այն, թե ինչպես ենք տրամադրվում կոնկրետ խաղին, ունի ամենամեծ նշանակությունը: Մեր թիմը խաղ առ խաղ փորձ է կուտակում: Հետևաբար, շուտով այդպիսի խնդիր չենք ունենա: Եթե երիտասարդ ես, դա դեռ երաշխիք չէ, որ չես կարող համապատասխան փորձ կուտակած լինել»:

Դանիայի գավաթ, 1/16 եզրափակիչ. «Սլագելսե» 1-5 «Հոբրո». Էդգար Բաբայանը փոխարինման է մտել 74-րդ րոպեին: «Հոբրոն» դուրս է եկել գավաթի խաղարկության 1/8 եզրափակիչ:

Հայկական ֆուտբոլի ամենավերջին անցուդարձին ծանոթանալու համար բաժանորդագրվեք այստեղ՝

Հետևե՛ք VNews.am-ին նաև Youtube-ում և Instagram-ում:


Դեսիրեն Մարկոսին ու ևս 3 լեգեոների է զիջում ԲԽ-ի 1 մրցաշրջանում խփած գոլերի քանակով

Տիգրան Եսայան․ «Գոհ եմ թիմի ցուցադրած խաղից, դժգոհ՝ արդյունքից» (տեսանյութ)

Ալեքսանդր Տարխանովը՝ Էրիկ Վարդանյանի բացակայության, եվրագավաթային առաջիկա մրցաշրջանի և այլ թեմաների մասին (տեսանյութ)

Գլխավոր հարցի պատասխանը կստանանք վերջին տուրում․ «Փյունիկը» հաղթեց այս առաջնությունում իր վերջին խաղում (տեսանյութ)

«Փյունիկ» – «Արարատ»․ Մեկնարկային կազմեր, ուղիղ հեռարձակում (տեսանյութ)

Արմեն Պետրոսյան․ «Ես ամեն ինչ անելու եմ, որ մենք կայուն ֆուտբոլ խաղանք» (տեսանյութ)

Վահե Գևորգյան․ «Մենք ավելի մոտ էինք հաղթանակին, քան «Գանձասար-Կապանը» (տեսանյութ)

Դարպասապահների կոպիտ սխալները որոշիչ էին «Գանձասար-Կապան» – «Լոռի» խաղում (տեսանյութ)

«Գանձասար-Կապան» – «Լոռի»․ Մեկնարկային կազմեր, ուղիղ հեռարձակում (տեսանյութ)

ՀՖՖ կարգապահական կոմիտեի որոշումները «Լոռի»-«Փյունիկ» խաղի միջադեպերի վերաբերյալ

Սևադա Արզումանյան․ «Տղաներն անվստահ էին գործում խաղային պարզունակ իրավիճակներում»

Վարդան Մինասյան․ «Թիմը հոգեբանորեն պատրաստ է վերջին քայլը կատարելու դեպի չեմպիոնություն»

Կոբյալկոն իր ծանրակշիռ խոսքն ասաց ամենակարևոր պահին․ VNews-ի ֆոտոշարքն «Արարատ-Արմենիա» – «Արցախ» խաղից

Սարգիս Ադամյանը հրաժեշտ է տվել «Յան Ռեգենսբուրգի» ներկայացուցիչներին (տեսանյութ)

«Արարատ-Արմենիային» 1 հաղթանակ է պետք Հայաստանի չեմպիոն հռչակվելու համար (տեսանյութ)

«Ալաշկերտ» – «Բանանց», «Արարատ-Արմենիա» – «Արցախ»․ Մեկնարկային կազմեր, ուղիղ հեռարձակումներ (տեսանյութ)