Մոսկվայի «Արարատի» քամբեքը հույժ կարևոր խաղում, «Լոռիի» ու «Արցախի» հաղթանակները. Օրվա գլխավոր լուրերի քրոնիկոնը (տեսանյութ) - VNews
Բաժիններ

Մոսկվայի «Արարատի» քամբեքը հույժ կարևոր խաղում, «Լոռիի» ու «Արցախի» հաղթանակները. Օրվա գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք ներկայացնում սեպտեմբերի 25-ի իրադարձությունների քրոնիկոնը:

Արթուր Ոսկանյանը հրապարակել է երիտասարդական հավաքականի հայտացուցակը՝ նախատեսված «Եվրո-2019»-ի ընտրական փուլի՝ Ջիբրալթարի (հոկտեմբերի 2) և Ավստրիայի (հոկտեմբերի 10) Մ-21 ընտրանիների դեմ հանդիպումների համար: Հրավիրված է 7 լեգեոներ՝ Մարկ Գրիգորյանը («Էսլինգ», Ավստրիա), Գոռ Աղբալյանը («Հերակլես», Հոլանդիա), Ռուբեն Փիլումյանը («Ալտլյուդերսդորֆ», Գերմանիա), Դավիթ Մարտիրոսյանը («Տեպլիցե», Չեխիա), Հրաչիկ Գևորգյանը («Ալտլյուդերսդորֆ», Գերմանիա), Հայկ Գալստյանը («Շտուտգարտ», Գերմանիա) և Վահան Բիչախչյանը («Ժիլինա», Սլովակիա):

«Փյունիկը» հավաքական է գործուղելու 10 ֆուտբոլիստի (Սևակ Ասլանյան, Ռոբերտ Հակոբյան, Արթուր Քարտաշյան, Դավիթ Տերտերյան, Նարեկ Ասլանյան, Վահագն Հայրապետյան, Հովհաննես Իլանգյոզյան, Էրիկ Վարդանյան, Պետրոս Ավետիսյան, Էրիկ Պետրոսյան), «Բանանցը»՝ 6 (Հենրի Ավագյան, Հայկ Սարգսյան, Ժիրայր Մարգարյան, Գագիկ Մաղաքյան, Աշոտ Ադամյան, Էմիլ Եղիազարյան), «Արցախը»՝ 1 (Գրիգոր Աղեկյան):

Հայաստանի Առաջին խմբի առաջնություն, 7-րդ տուր. «Լոռի» 2-0 «Շիրակ-2». Վանաձորի թիմից դուբլի հեղինակ է դարձել Դավիթ Փարեմուզյանը:

«Փյունիկ-2» 0-1 «Արցախ». միակ և հաղթական գոլը 11-մետրանոց հարվածով խփել է Գոռ Մկրտումյանը:

«Բանանց-2» 0-1 «Գանձասար-Կապան-2». այստեղ էլ իր հաշվին գոլ է գրանցել կապանցիների նորեկ Աբդուլա Բաբան, ով հիմնականում հայտավորված է լինում կապանյան ակումբի առաջին թիմի կազմում:

«Արարատ-2» 3-4 «Ալաշկերտ-2». հյուրերից հեթ-տրիկի հեղինակ է դարձել Մհեր Սահակյանը (գոլերից մեկը՝ 11-մետրանոցից), մեկ անգամ էլ մրցակցի դարպասը գրավել է Բենիկ Հովհաննիսյանը, իսկ դաշտի տերերից դուբլով է աչքի ընկել Միքայել Առուստամյանը, ևս մեկ դեպքում գոլ է խփել Ալբերտ Զոհրաբյանը:

«Էրեբունի»«Ավան Ակադեմիա» հանդիպումը հետաձգվել է և կայանալու է հոկտեմբերի 3-ին: Տեղափոխվել է նաև Հայաստանի գավաթի խաղարկության քառորդ եզրափակչի՝ «Ավան Ակադեմիա»«Գանձասար-Կապան» պատասխան խաղի ժամկետը: Հանդիպումը տեղի կունենա հոկտեմբերի 9-ին և կսկսվի ժամը 16:00-ին:

Այս տուրից հետո Առաջին խմբի առաջնության առաջատարը «Լոռին» է (17 միավոր), որին հետապնդում են «Արցախը» (16 միավոր) և «Բանանց-2»-ը (11 միավոր): 9-ական միավոր են վաստակել «Արարատ-2»-ը, «Փյունիկ-2»-ը և «Գանձասար-Կապան-2»-ը, 8-ական միավոր՝ մեկ խաղ պակաս անցկացրած «Ավան Ակադեմիան» և «Ալաշկերտ-2»-ը: «Շիրակ-2»-ն ունի 5, իսկ մեկ խաղ քիչ անցկացրած «Էրեբունին»՝ 3 միավոր:

Ռուսաստանի 2-րդ դիվիզիոն, Կենտրոնական գոտի, 10-րդ տուր. «Արարատ Մոսկվա» 3-2 «Տորպեդո Մոսկվա». Ալեքսանդր Գրիգորյանի գլխավորած «Արարատը» կամային հաղթանակ է տոնել՝ խաղի ընթացքում պարտվելով 0-2 հաշվով: Դուբլ է հեղինակել Ռոման Պավլյուչենկոն, մեկ գոլ էլ խփել է Վիկտոր Զեմչենկովը: «Արարատը» գլխավորում է մրցաշարային աղյուսակը, իսկ «Տորպեդոն» 2-րդ տեղում է:

«Արարատ Մոսկվա»«Տորպեդո Մոսկվա» հանդիպմանը ներկա են գտնվել նաև ՖԱՖ երկրպագուների շարժման անդամները, որոնք ակտիվորեն աջակցել են «Արարատին» ամբողջ հանդիպման ընթացքում:

Շվեդիայի 4-րդ դիվիզիոն, 23-րդ տուր. «Սիլվիա» 2-3 «Լինչյոպինգ Սիթի». Լևոն Պաչաջյանը դարձել է դուբլի հեղինակ: «Լինչյոպինգ Սիթին» իր խմբում, որում ընդգրկված է 14 թիմ, վաղաժամ հռչակվել է չեմպիոն: Թիմը վաստակել է 58 միավոր և 2-3-րդ տեղերը կիսող «Սլեյպներին» ու «Ռունինգեին» գերազանցում է 9 միավորով:

Ռուսաստանի Պրեմիեր լիգա, 11-րդ տուր. «Ամկար» 3-0 «ԲՄԱ-Խաբարովսկ». Ռուսլան Կորյանը մասնակցել է ամբողջ հանդիպմանը: «ԲՄԱ-Խաբարովսկը» զբաղեցնում է 15-րդ հորիզոնականը:

Ահա թե ինչ էր կատարվում «Բանանցում», երբ թիմի ֆուտբոլիստները մասնակցում էին պաշտոնական ֆոտոսեսիայի:

Լեհաստանի հավաքականի հարձակվող Արկադիուշ Միլիկը «Նապոլիի» կազմում աջ ծնկի ծանր վնասվածք է ստացել և շարքից դուրս մնացել 4-6 ամսով: 23-ամյա ֆուտբոլիստը, ենթադրաբար, չի մասնակցի Հայաստանի ընտրանու դեմ առաջիկա ընտրական խաղին:

Հայկական ֆուտբոլի ամենավերջին անցուդարձին ծանոթանալու համար բաժանորդագրվեք այստեղ՝

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


Բիչախչյանն ու «Ժիլինան» ավարտեցին ելույթները Սլովակիայի առաջնությունում ու կխաղան Եվրոպա լիգայում

Էրիկ Վարդանյանն ու Ագուերոն միասին վերականգնվում են վնասվածքից Բարսելոնայում (տեսանյութ)

«Նոայի» ֆանտաստիկ քամբեքը, ամենագոլառատ եզրափակիչն ու ամենաերկարատև 11մ հարվածաշարը

Իգոր Պիկուշչակն արտասահմանցի 5-րդ մասնագետն է, որ իր թիմի հետ դարձել է VBet Հայաստանի գավաթակիր

Լուիս Օգանան՝ գավաթի եզրափակիչների ամենաարագ գոլերի հեղինակների տասնյակում

«Ոչ կանխամտածված խախտվել է «Արդար խաղի» սկզբունքը». «Լոռիի» հայտարարությունը

Վադիմ Բորեց․ «Ոչ մի գրող չէր կարողանա նման սցենար գրել․ երկրպագուներն այս եզրափակիչը երկար կհիշեն» (տեսանյութ)

Արթուր Սահակյան․ «Նոան» այս տիտղոսից հետո ավելի մոտիվացված կլինի հասնելու ավելի բարձր նվաճումների» (տեսանյութ)

Յուրի Գարեգինյան․ «Այսօր էլ ցույց տվեցինք մեր բնավորությունն ու թիմային խաղը» (տեսանյութ)

Եզրափակիչ, որը երբեք չի մոռացվի․ VNews-ի ֆոտոշարքը «Նոա» – «Արարատ-Արմենիա» մեգադրամատիկ խաղից

«Լոռիում» 17 հոգու կորոնավիրուսի թեստը դրական է եղել

Թրիլերն ավարտվեց. «Նոան»՝ VBET Հայաստանի գավաթակիր (տեսանյութ)

VBET գավաթի եզրափակիչ. «Նոա» – «Արարատ-Արմենիա». Նախախաղային քննարկում, ուղիղ եթեր (տեսանյութ)

Հայաստանի հավաքականը ևս մեկ ընկերական հանդիպում կանցկացնի

«Ուրարտուն» նոր սպորտային տնօրեն ունի

Բարձրագույն խմբի 27-րդ տուրի խորհրդանշական հավաքականը և լավագույն ֆուտբոլիստը