fbpx
Բաժիններ

«Շիրակի» ու ՀՖՖ-ի փոխադարձ պատասխանները և Ալեքսանդր Գրիգորյանի հերթական քննարկվող ժեստը. Օրվա գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք ներկայացնում սեպտեմբերի 26-ի իրադարձությունների քրոնիկոնը:

ՀՖՖ«Շիրակ ՖԱ»-ի՝ ֆեդերացիա ներկայացրած բողոքարկմանը պատասխանել է, որ այն չի կարող ընդունվել, քանի որ ներկայացվել է սահմանված կարգի և ժամկետների խախտմամբ: Այն այս տեսքն ունի՝

«Շիրակ ՖԱ»-ի պատասխանն այսպես է եղել. «Ի պատասխան ՀՖՖ՝ մեկ շաբաթ անց ներկայացրած գրությանը առ այն, որ «Շիրակ ՖԱ»-ն ուշ է ներկայացրել բողոքը, ցանկանում ենք նշել, որ ՀՖՖ համապատասխան աշխատակիցները պետք է տեղյակ լինեն կանոնակարգում (http://www.ffa.am/uploaded/2015/17-18A5.pdf) ընդգրկված 20.07 դրույթին, որի ժամկետները «Շիրակ» ֆուտբոլային ակումբը պահպանել է»։

Հենրիխ Մխիթարյանը՝ ԲԿՄԱ-ի դեմ ՉԼ հանդիպումից առաջ. «Շատ ուրախ եմ, որ Ռուսաստանում իմ հանդիպումներին շատ հայեր են ներկա լինում՝ Հայաստանի դրոշներով: Հուսով եմ՝ վաղը նույնպես այդպես կլինի: Կանեմ ամեն ինչ, որպեսզի լավ հանդես գամ և գոլ խփեմ: Գոլ խփեցի Եվրոպա լիգայի եզրափակչում, բայց ՉԼ-ն լիովին այլ մակարդակ է: «ՄՅՈՒ»-ն հաղթելու համար է պայքարում բոլոր մրցաշարերում»:

Ժոզե Մոուրինյո. «Հենրիխ Մխիթարյանի՝ մամուլի ասուլիսին մասնակցելը երաշխիք չէ, որ նա վաղը լինելու է մեկնարկային կազմում: Ես ընտրել եմ Մխիթարյանին՝ ռուս երկրպագուների և լրագրողների նկատմամբ հարգանքից ելնելով: Բանն այն է, որ այս ֆուտբոլիստը խոսում է ռուսերեն: Ես Մխիթարյանին գնահատում եմ նաև որպես ֆուտբոլիստի, բայց այստեղ ակնարկներ մի՛ փնտրեք»:

Ղազախստանի հավաքականի գլխավոր մարզիչ Ալեքսանդր Բորոդյուկ. «Մեր առաջիկա մրցակցի՝ Հայաստանի հավաքականի կազմում լավ կատարողներ կան, բայց Մխիթարյանն առանձնանում է: Նա համակարգող խաղացող է: Նա առանցքային դեր ունի խաղի կազմակերպման գործում և թիմին վստահություն է հաղորդում: Մխիթարյանի մեջ երկու որակ կառանձնացնեմ՝ տաղանդը և աշխատասիրությունը»:

Ռուսաստանի ֆուտբոլային միության էթիկայի հանձնաժողովի նախագահ Սեմեն Անդրեև. ««Մոսկվայի «Արարատի» գլխավոր մարզիչ Ալեքսանդր Գրիգորյանն արդեն 2-րդ խաղն է՝ անպարկեշտ ժեստ է ցույց տալիս մրցակիցների երկրպագուներին: Դա գցում է ռուսական ֆուտբոլի վարկանիշը: Մարզիչը պետք է օրինակ լինի մյուսների համար: Այդպիսի արարքը երկրպագուներին դրդում է նոր արարքների»:

Ըստ ռուսական ԶԼՄ-ների՝ Ալեքսանդր Գրիգորյանի նման ժեստի պատճառը մրցակցի երկրպագուների վիրավորական վանկարկումներն են եղել: Մասնագետը խաղին հաջորդած մամուլի ասուլիսում հայտարարել է, որ բաց է ցանկացած հանդիպման համար և հրապարակել է իր հեռախոսահամարը:

Մարատ Իզմայլովը որոշել է դադարեցնել համագործակցությունը Մոսկվայի «Արարատի» հետ, պաշտոնապես հաստատել է ակումբը: Իզմայլովն «Արարատ» էր տեղափոխվել այս ամռանը: 35-ամյա կիսապաշտպանը մասնակցել էր 4 խաղի և դարձել 2 գոլի հեղինակ:

Մարատ Իզմայլով. «Ցանկանում եմ մեծ շնորհակալություն հայտնել «Արարատի» ղեկավարությանը, մարզչական շտաբին և ֆուտբոլիստներին անմոռանալի էմոցիաների համար: Ինձ համար շատ հաճելի էր լինել ֆուտբոլային այս ընտանիքում: Ինձ համար բարդ է այսպիսի որոշում կայացնելը: Սա անում եմ անձնական պատճառներից ելնելով: Վստահ եմ, որ «Արարատին» պայծառ ապագա է սպասվում»:

Ռուսաստանի ՊՖԼ, Հարավային գոտի, 10-րդ տուր. «Կրասնոդար-2» 4-2 «Սպարտակ Նալչիկ». Արայիկ Հովսեփյանը դարձել է գոլի հեղինակ: Նա եղել է մեկնարկային կազմում և փոխարինվել 81-րդ րոպեին: Հովսեփյանի թիմակից Լևոն Բայրամյանը չի հայտնվել հայտացուցակում: «Կրասնոդար-2»-ը զբաղեցնում է 2-րդ հորիզոնականը:

Ռուսաստանի Երիտասարդական լիգա, 11-րդ տուր. «Ախմատ» Մ-21 3-2 «Ռուբին» Մ-21. Գևորգ Հարությունյանը փոխարինման է մտել 70-րդ րոպեին: «Ռուբին» Մ-21-ը մրցաշարային աղյուսակի 5-րդ հորիզոնականում է:

Մոսկվայի «Արարատի» երկրպագուները և Հայաստանից ժամանած ՖԱՖ ֆան-շարժումն այսպես էին աջակցում թիմին՝ «Տորպեդոյի» հետ մրցավեճում (3-2):

Ուզբեկստանի Բարձրագույն խումբ, 22-րդ տուր. «Կիզիլկում» 2-2 «Ալմալիկ». Արթուր Գևորգյանը մասնակցել է ամբողջ հանդիպմանը: «Կիզիլկումն» ընթանում է 11-րդ տեղում:

Մոնղոլիայի Բարձրագույն խումբ, 17-րդ տուր. «Դերեն» 0-2 «Սելենգեպրես». Դավիթ Ղանդիլյանը մասնակցել է ամբողջ մրցավեճին: «Դերենը» եզրափակում է լավագույն հնգյակը:

Իրանի Բարձրագույն խումբ, 7-րդ տուր. «Մեշհեդ» 0-1 «Գոստարեշ». Անդրանիկ Թեյմուրյանը մասնակցել է ամբողջ խաղին: «Գոստարեշը» զբաղեցնում է 13-րդ տեղը:

Ֆրանսիայի գավաթ, 4-րդ փուլ. «Լիմոժ» 3-0 «Շատենյո». Արթուր Թորոյանը մասնակցել է ամբողջ խաղին: «Լիմոժը» դուրս է եկել գավաթի խաղարկության 5-րդ փուլ:

Արգենտինայի 3-րդ դիվիզիոն, 5-րդ տուր. «Խուստո Խոսե դե Ուրկիսա» 0-0 «Դեպորտիվո Արմենիո». «Դեպորտիվո Արմենիոն» զբաղեցնում է 7-րդ տեղը:

Սեպտեմբերի 27-ին կայանալու են Հայաստանի Բարձրագույն խմբի 7-րդ տուրի 2 հանդիպումներ: «Արարատը» հյուրընկալելու է «Ալաշկերտին», իսկ «Բանանցը»՝ «Շիրակին»:

Հայկական ֆուտբոլի ամենավերջին անցուդարձին ծանոթանալու համար բաժանորդագրվեք այստեղ՝

Հետևե՛ք VNews.am-ին նաև Youtube-ում և Instagram-ում:


Խաշմանյանը կփորձի վերջ դնել իր նախկին թիմի հաղթական մեկնարկին․ Ամենաուշագրավ փաստերը՝ ԲԽ-ի 4-րդ տուրին ընդառաջ

ԱՊԼ 2019/2020 Մրցաշրջանի 3 գլխավոր ինտրիգները | Fergie Time #4 (տեսանյութ)

Ռաֆայել Նազարյան․ «Առաջին խմբում քաոս է տիրում»

Ռոնալդուն նշել է այն թիմերին, որոնց մերժել է 2003 թվականին

Մոուրինյոն մոտ ապագայում կարող է գլխավորել թոփ ակումբ

34-ամյա Ֆերնանդո Լյորենտեն մոտ է մանչեսթերյան թիմ տեղափոխությանը

Սանչեսի տեղափոխությունը Իտալիա կարող է ձախողվել

Լուկակուն քննադատել է «Մանչեսթեր Յունայթեդի» ղեկավարությանը ու երկրպագուներին

Արթուր Վանեցյանի որոշմամբ կասեցվել է Էրիկ Վարդանյանի որակազրկումը

«Հայաստանի բռնցքամարտի հավաքականը չի կարողանալու մասնակցել Երիտասարդների Եվրոպայի առաջնությանը»․ Արթուր Գևորգյան

Արտերկրում ելույթ ունեցող 13 ֆուտբոլիստ հրավիրվել է ազգային հավաքական

Բարձրագույն խմբի 3-րդ տուրի խորհրդանշական հավաքականը և լավագույն ֆուտբոլիստը

Հայտնի է՝ ով է ՄՅՈւ-ում իրացնելու 11-մետրանոցները՝ Պոգբայի վրիպումից հետո

Պաշտոնական․ «Ալաշկերտը» համալրվեց «Ուրարտուի» նախկին հարձակվողով

«Արարատը» կրկնեց վերջին 12 տարիների իր լավագույն արդյունքը, իսկ «Ուրարտուն» հակառեկորդ գրանցեց

Անդրե Չալըշըր. «Հույս ունեմ, որ նորից հնարավորություն կստանամ կրել ազգային հավաքականի մարզաշապիկը»