fbpx
Բաժիններ

Եվս 9 ֆուտբոլիստ՝ ազգային հավաքականում և «Ստալի» նոր գլխավոր մարզիչը. Օրվա գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք ներկայացնում սեպտեմբերի 29-ի իրադարձությունների քրոնիկոնը:

Արթուր Պետրոսյանը Հայաստանի ազգային հավաքական է հրավիրել ազգային առաջնության 9 ֆուտբոլիստի: «Ալաշկերտից» հրավիրվել են Արսեն Բեգլարյանը, Գագիկ Դաղբաշյանը, Արտակ Եդիգարյանը, Արտակ Գրիգորյանը և Արտյոմ Սիմոնյանը, «Շիրակից»՝ Արտյոմ Միքայելյանը և Ռոբերտ Դարբինյանը, «Փյունիկից»՝ Գոռ Մանուկյանը, «Գանձասար-Կապանից»՝ Գրիգոր Մելիքսեթյանը:

Ընկերական խաղ. Հայաստանի Մ-19 2-2 Իրանի Մ-19. Արտակ Օսեյանի գլխավորած թիմից հաջողության են հասել Արմեն Նահապետյանը և Կարեն Մելքոնյանը, իսկ հյուրերից՝ Ամիր Մահդի Ջանմալեկին և Մեհդի Բայաթը: Այս 2 հավաքականները Երևանում ընկերական հանդիպում էին անցկացրել նաև 2 օր առաջ, և իրանցիները հաղթանակ էին տոնել 1-0 հաշվով:

Հայաստանի Մ-21 հավաքականը ՀՖՖ տեխնիկական կենտրոնում սկսել է ուսումնամարզական հավաք՝ նախապատրաստվելով «Եվրո-2019»-ի ընտրական փուլում Ջիբրալթարի և Ավստրիայի նույն տարիքային ընտրանիների դեմ խաղերին: Հայաստան Մ-21 – Ջիբրալթար Մ-21 հանդիպումը կայանալու է հոկտեմբերի 2-ին, իսկ Հայաստան Մ-21 – Ավստրիա Մ-21 մրցավեճը՝ հոկտեմբերի 10-ին:

Սաուդյան Արաբիայի Պրեմիեր լիգա, 5-րդ տուր. «Ալ-Շաբաբ» 0-1 «Ալ-Նասր». Մարկոս Պիզելին մասնակցել է առաջին խաղակեսին: «Ալ-Շաբաբը» զբաղեցնում է 9-րդ հորիզոնականը:

Գերմանիայի Ռեգիոնալ լիգա, Հարավարևմտյան գոտի, 11-րդ տուր. «Աստորիա» 1-3 «Շտուտգարտ-2». Հայկ Գալստյանը եղել է մեկնարկային կազմում և փոխարինվել 66-րդ րոպեին, զգուշացվել է դեղին քարտով: «Շտուտգարտ-2»-ն ընթանում է 6-րդ տեղում:

Առաջին խմբի առաջնության և գավաթի խաղարկության խաղացանկում կատարվել է փոփոխություն: «Էրեբունի» «Ավան Ակադեմիա» հանդիպումը տեղի է ունենալու հոկտեմբերի 3-ին, ՀՀ ԿԱ ՊԵԿ մարզադաշտում: Իսկ գավաթի 1/4 եզրափակիչ «Ավան Ակադեմիա» «Գանձասար-Կապան» պատասխան մրցավեճը տեղափոխվել է և կայանալու է հոկտեմբերի 11-ին, ժամը 15:00-ին:

«Ստալի» նախագահ Վարդան Իսրայելյանը հայտարարել է, որ հրաժարական տված Եղիշե Մելիքյանի փոխարեն թիմը կգլխավորի Նիկոլայ Կոստովը: 54-ամյա մասնագետն ու նրա շտաբը կանցնեն աշխատանքի հոկտեմբերի 2-ից: Կոստովը հայտնի է Երևանի «Բանանցում» և Դոնեցկի «Մետալուրգում» իր աշխատանքով: «Ստալում» են խաղում Էդգար և Գոռ Մալաքյան եղբայրներն ու Արթուր Դանիելյանը:

Ֆրանսիայի Լիգա-1, 8-րդ տուր. «Մոնակո» 1-1 «Մոնպելյե». Միշել Տեր-Զաքարյանի գլխավորած թիմը բաժանում է 10-11-րդ տեղերը:

Ուկրաինայի Մ-21 առաջնություն, 11-րդ տուր. «Օլիմպիկ» Մ-21 1-4 «Մարիուպոլ» Մ-21. Արթուր Ավագիմյանը դարձել է գոլի և արդյունավետ փոխանցման հեղինակ: Նա եղել է մեկնարկային կազմում և փոխարինվել 82-րդ րոպեին: «Մարիուպոլ» Մ-21-ը եզրափակում է լավագույն քառյակը:

Ռուսաստանի Երիտասարդական լիգա, 12-րդ տուր. «Սպարտակ» Մ-21 1-0 «Ուրալ» Մ-21. Վոլոդյա Իսրայելյանը մասնակցել է ամբողջ հանդիպմանը: «Ուրալ» Մ-21-ը զբաղեցնում է 16-րդ տեղը:

Ռուսաստանի Երիտասարդական լիգա, 12-րդ տուր. «ԲՄԱ-Խաբարովսկ» Մ-21 1-0 «Ռոստով» Մ-21. «ԲՄԱ-Խաբարովսկից» Մանվել Ահարոնյանը եղել է հիմնական կազմում և փոխարինվել 87-րդ րոպեին, իսկ «Ռոստովից» Նորիկ Մկրտչյանը մասնակցել է ամբողջ մրցավեճին: «ԲՄԱ-Խաբարովսկ» Մ-21-ը 8-րդ հորիզոնականում է, իսկ «Ռոստով» Մ-21-ը եզրափակում է լավագույն տասնյակը:

Սեպտեմբերի 30-ին մեկնարկում է Հայաստանի Բարձրագույն խմբի 8-րդ տուրը: 2-րդ հորիզոնականում ընթացող «Ալաշկերտը» սեփական հարկի տակ մրցելու է լավագույն եռյակը եզրափակող «Բանանցի» հետ: Տուրի կենտրոնական խաղի վերաբերյալ բոլոր մանրամասներն՝ այստեղ:

Հայկական ֆուտբոլի ամենավերջին անցուդարձին ծանոթանալու համար բաժանորդագրվեք այստեղ՝

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


Ինչպես է դասավորվել ԲԽ թիմերի գլխավոր մարզիչների ֆուտբոլիստի կարիերան Հայաստանում

«Փյունիկը» ձեռք է բերել ռուս կիսապաշտպանի

Տրանսֆերային ձմեռ-2020․ Բարձրագույն խմբի ակումբների ձեռքբերումները և կորուստները (թարմացվում է)

Պաշտոնական. «Փյունիկը» պայմանագիր է կնքել Մֆինգի Գայ Մագեմայի հետ

Դավիթ Յուրչենկո. «Չափազանց ուրախ եմ, որ հանդես եմ գալու Հայաստանի ազգային հավաքականում»

Դավիթ Յուրչենկոն հանդես կգա Հայաստանի ազգային հավաքականում

Հայաստանի հավաքականի դիրքը ՖԻՖԱ-ի դասակարգման նոր աղյուսակում

Մարկոս Ռոխոն՝ Իբրահիմովիչին. «Ի՞նչ է պատահել, ա՛յ մեծ քիթ»

«Փյունիկը» հաղթեց ղազախական թիմին, «Լոռին» ոչ-ոքի խաղաց Ուկրաինայի Պրեմիեր լիգայի ներկայացուցչի հետ (տեսանյութ)

Մարկոս Պիզելին հրաժեշտի նամակ է գրել երկրպագուներին

Հայտնի է Վարազդատ Հարոյանի վնասվածքի լրջությունը

Պաշտոնական. «Ալաշկերտը» պայմանագիր է կնքել Դավիթ Գատիկոևի հետ

Բեգլարյանն ի պատիվ Բրայանտի է ընտրել 24 համարի մարզաշապիկը

Պաշտոնական. Արսեն Բեգլարյանը՝ «Ուրարտուի» ֆուտբոլիստ

Նեյմարին սպառնում է երկարաժամկետ որակազրկում

«Արարատ-Արմենիան» ոչ-ոքի խաղաց «Ուրալի» հետ, Հարոյանը փոխարինվեց վնասվածքի պատճառով (տեսանյութ)