Արտակ Եդիգարյանն իր ցուցանիշով զիջում է միայն Հենրիխ Մխիթարյանին - VNews
Բաժիններ

Արտակ Եդիգարյանն իր ցուցանիշով զիջում է միայն Հենրիխ Մխիթարյանին

Նախորդ մրցաշրջանի լավագույն ռմբարկուներից մեկը՝ Արտակ Եդիգարյանն ընթացիկ առաջնությունում էլ աչքի է ընկնում բարձր արդյունավետությամբ: «Բանանցի» հետ 8-րդ տուրի սկզբունքային խաղում հստակ իրացնելով 11մ հարվածը, Արտակն ընթացիկ առաջնությունում խփած գոլերի թիվը հասցրեց 7-ի և շարունակում է վստահորեն միանձնյա գլխավորել լավագույն ռմբարկուների ցանկը:

Ընդ որում Եդիգարյանը մասնակցել է առաջնության 7 հանդիպման: Այնպես որ Արտակը միջինը մեկ խաղում մեկ գնդակ է խփել, ինչը բավական բարձր արդյունք է: Նախորդ մրցաշրջանի համեմատ Եդիգարյանը բավական արդյունավետ է գործում առաջնության մեկնարկում: Համեմատության համար նշենք, որ 2016/17թթ. առաջնության մեկնարկային 8 խաղերում Արտակն ընդամենը մեկ գոլ էր խփել, իսկ առաջնության լավագույն ռմբարկուների ցանկը 4 գնդակով գլխավորում էր նրա եղբայրը:

Եթե հաշվի առնենք, որ Արտակ Եդիգարյանը թիմի տուգանային և 11մ հարվածների հիմնական իրացնողն է և այդ պարտականությունը հրաշալի է կատարում, ապա վստահորեն կարելի է փաստել, որ շնորհալի ֆուտբոլիստն ընթացիկ առաջնությունում կգերազանցի նախորդ մրցաշրջանում գրանցած արդյունավետության իր անձնական ռեկորդը, երբ 13 անգամ գրավել էր մրցակիցների դարպասները:

Եդիգարյանի ներկայիս արդյունքը ռեկորդային է «Ալաշկերտի» պատմության մեջ: Մինչ այդ առաջնության մեկնարկային 8 հանդիպումներում ալաշկերտցիներից առավել արդյունավետ էր գործել թիմի բոլոր տարիների լավագույն ռմբարկու Միհրան Մանասյանը, ով 2015/16թթ. առաջնությունում 6 գոլի հեղինակ էր դարձել:

Արտակ Եդիգարյանը կրկնեց վերջին 8 առաջնությունների մեկնարկային 8 հանդիպումների արդյունավետության ռեկորդը, որի համահեղինակներն են Գևորգ Ղազարյանը («Փյունիկ», 2010թ.), Դու Բալան («Բանանց», 2010թ.) և Արտակ Դաշյանը («Գանձասար», 2013/14թթ.), որոնք ևս 7 գոլի հեղինակ են դարձել:

2003թ. սկսած վերջին 15 առաջնությունների մեկնարկային 8 հանդիպումներում խփած գոլերի քանակով լավագույն ցուցանիշը պատկանում է Հենրիխ Մխիթարյանին, ով 2009թ. դարձել էր 9 գոլի հեղինակ: Ընդ որում 20-ամյա Հենրիխը մասնակցել էր 7 խաղի՝ իր օգտին հեթ-տրիկներ գրանցելով  «Գանձասարի» և «Բանանցի» հետ հանդիպումներում:

Այդ տարի Մխիթարյանը մասնակցեց առաջնության 10 խաղի՝ դառնալով 11 գոլի հեղինակ, որից հետո տեղափոխվեց Դոնեցկի «Մետալուրգ»: Չնայած դրան, նա բավական ժամանակ գլխավորում էր Հայաստանի առաջնության լավագույն ռմբարկուների ցանկը և միայն վերջնագծում նրա ցուցանիշը գերազանցեցին մի քանի ֆուտբոլիստներ, որոնցից ուլիսցի Արթուր Քոչարյանը 15 գնդակով արժանացավ «Ոսկե խաղակոշիկին»:

Եթե դիտարկենք 2000-ականներին անցկացված բոլոր առաջնությունները, ապա մեկնարկային 8 հանդիպումներում ցույց տված արդյունավետությամբ յուրօրինակ ռեկորդակիրը նախկին փյունիկցի Արման Քարամյանն է, ով 2002թ. առաջնությունում 12 գոլ էր խփել, իսկ մրցաշրջանն ավարտել էր 36 գնդակով՝ ճանաչվելով առաջնության լավագույն ռմբարկու:

Սակայն նրա ցուցանիշը լավագույնը չէ ՀՀ առաջնությունների պատմության մեջ: Բացարձակ ռեկորդակիրը «Բանանցի» նախկին հարձակվող Աշոտ Բարսեղյանն է, ով 1993թ. առաջնության մեկնարկային 8 տուրերում աչքի է ընկել աննախադեպ բարձր արդյունավետությամբ՝ 14 անգամ գրավելով մրցակիցների դարպասները: Ընդ որում Բարսեղյանը ևս մասնակցել է 7 խաղի:

Բարսեղյանը «Մալաթիա-Կիլիկիայի» հետ մեկնարկային խաղում դարձել էր ֆուտբոլային պոկերի հեղինակ, իսկ 6-րդ տուրում 7 գնդակ էր խփել Աշտարակի «Քասախի» դարպասը, որին «Բանանցը» հաղթել էր 13-1 անսովոր հաշվով: Հաջորդ 5 հանդիպումներում ևս Բարսեղյանը դաշտից չէր հեռացել առանց գոլի՝ ընդհանուր առմամբ խփելով  8 գնդակ:

«Բանանցի» հարձակվողը 1993թ. առաջնությունում մասնակցելով 10 խաղի, իր հաշվին 20 գոլ էր գրանցել, որից հետո մեկնել էր Լիբանան: Այդ արդյունքը ևս յուրօրինակ ռեկորդ է, որը մինչ օրս չի գերազանցվել:

Ընդունված է համարել, որ հաջող սկիզբը գործի կեսն է: Նախորդ 17 առաջնություններից 12-ում լավագույն ռմբարկու ճանաչված ֆուտբոլիստները լավագույն արդյունքն են ունեցել նաև մեկնարկային 8 տուրերում:

4 առաջնությունում մեկնարկային 8 հանդիպումներում լավագույն արդյունքն ունեցող ֆուտբոլիստները (2000թ.՝ Արտյոմ Բեռնեցյան,  2009թ.՝ Հենրիխ Մխիթարյան, 2011թ.՝ Մարկոս Պիզելի, 2013/14թթ.՝ Արտակ Դաշյան) մրցաշրջանի կեսից մեկնել են արտերկիր, այլապես կարող էին արժանանալ «Ոսկե խաղակոշիկին»:

Փաստորեն ստացվում է, որ միայն նախորդ առաջնության մեկնարկում լավագույն արդյունքը ցույց տված Արթուր Եդիգարյանին չի հաջողվել շարունակել արդյունավետ խաղն ու ճանաչվել լավագույն ռմբարկու:

VivaroNews.am-ը ներկայացնում է 2000-ականներին անցկացված ՀՀ առաջնությունների մեկնարկային 8 տուրերում բոլորից արդյունավետ գործած ֆուտբոլիստների, ինչպես նաև մրցաշարի լավագույն ռմբարկուների ցուցանիշները (փակագծում նշված է ռմբարկուի խփած գոլերի քանակն առաջնության մեկնարկային 8 հանդիպումներում):

Թվական Մեկնարկի ռմբարկուն Ակումբ Գոլ Լավագույն ռմբարկուն Ակումբ Գոլ
2016/17 Արթուր Եդիգարյան «Ալաշկերտ» 4 Արտակ Եդիգարյան

Միհրան Մանասյան

«Ալաշկերտ»

«Ալաշկերտ»

13 (1)

13 (2)

2015/16 Միհրան Մանասյան «Ալաշկերտ» 6 Միհրան Մանասյան

Հեբեր Արաուխո

«Ալաշկերտ»

«Ալաշկերտ»

16 (6)

16 (5)

2014/15 Սեսար Ռոմերո «Փյունիկ» 6 Սեսար Ռոմերո

Ժան-Ժակ Բուգուհի

«Փյունիկ»

«Շիրակ»

21 (6)

21 (4)

2013/14 Արտակ Դաշյան «Գանձասար» 7 Միհրան Մանասյան «Ալաշկերտ» 17 (4)
2012/13 Նորայր Գյոզալյան «Իմպուլս» 5 Նորայր Գյոզալյան «Իմպուլս» 22 (5)
2011 Մարկոս Պիզելի «Փյունիկ» 4 Բրունո Կորեա «Բանանց» 16 (3)
2010 Գևորգ Ղազարյան

Դու Բալա

«Փյունիկ»

«Բանանց»

7

7

Գևորգ Ղազարյան

Մարկոս Պիզելի

«Փյունիկ»

«Փյունիկ»

16 (7)

16 (4)

2009 Հենրիխ Մխիթարյան «Փյունիկ» 9 Արթուր Քոչարյան «Ուլիս» 15 (4)
2008 Մարկոս Պիզելի «Արարատ» 8 Մարկոս Պիզելի «Արարատ» 17 (8)
2007 Մարկոս Պիզելի «Արարատ» 7 Մարկոս Պիզելի «Արարատ» 22 (7)
2006 Արսեն Ավետիսյան

Լևոն Փաչաջյան

Արմեն Շահգելդյան

Արամ Հակոբյան

«Փյունիկ»

«Փյունիկ»

«Միկա»

«Բանանց»

6

6

6

6

Արամ Հակոբյան «Բանանց» 25 (6)
2005 Նշան Էրզրումյան «Կիլիկիա» 6 Նշան Էրզրումյան «Կիլիկիա» 18 (6)
2004 Գալուստ Պետրոսյան

 

«Փյունիկ»

 

6 Գալուստ Պետրոսյան

Էդգար Մանուչարյան

«Փյունիկ»

«Փյունիկ»

21 (6)

21 (2)

2003 Արա Հակոբյան «Բանանց» 8 Արա Հակոբյան «Բանանց» 45 (8)
2002 Արման Քարամյան «Փյունիկ» 12 Արման Քարամյան «Փյունիկ» 36 (12)
2001 Արման Քարամյան «Փյունիկ» 9 Արման Քարամյան «Փյունիկ» 21 (9)
2000 Արտյոմ Բեռնեցյան «Շիրակ» 7 Արա Հակոբյան «Արաքս» 21 (6)

Աշոտ Հայրապետյան

Միացի՛ր հայկական ամենասպորտային Instagram-ին:


B/R-ն անդրադարձել է Մխիթարյանի և Սանչեսի՝ Անգլիայում ու Իտալիայում ելույթների տարբերությանը

Ա սերիայի խորհրդանշական հավաքականը՝ ըստ VNews-ի

Տրանսֆերային ամառ-2020․ Բարձրագույն խմբի ակումբների համալրումները և կորուստները (թարմացվում է)

«Էլի «Յուվեն», փայլուն «Լացիոն», գոլահար Բերգամոն ու մեռած ՍՊԱԼ-ը». Ամփոփում ենք Ա սերիայի 19/20 մրցաշրջանը

«Արսենալը» մտադիր է բաժանվել 9 ֆուտբոլիստից. Մխիթարյանը ցանկում է

Մխիթարյանը՝ ինդոնեզացի գրաֆիկ դիզայների աչքերով․ «Ռոման» վերհիշել է նախախաղյա նկարները

Պաշտոնական․ Ուկրաինացի պաշտպանը տեղափոխվեց «Ալաշկերտ»

Մխիթարյան․ «Եկեք ամբողջությամբ նպատակամղվենք՝ հաղթահարելու մրցաշրջանի վերջին մարտահրավերը»

Մխիթարյանն ու խաղընկերները պատրաստվում են Եվրոպա լիգայի վերադարձին (ֆոտո)

Չեմպիոնի հետ մրցախաղերում լավագույն արդյունքի հասավ, «Շիրակի» հետ դիմակայությունում էլ կրկին չպարտվեց

Հենրիխ Մխիթարյանի բոլոր գոլերն Ա Սերիայի 2019-20 մրցաշրջանում (տեսանյութ)

Մխիթարյանի վիճակագրությունն Ա Սերիայի 2019-20 մրցաշրջանում

«Յուվենտուս» – «Ռոմա»․ Մեկնարկային կազմեր

Մխիթարյանի նոր՝ տպավորիչ խաղային քարտը ՖԻՖԱ 20-ում

Մխիթարյանը և թիմակիցները նախապատրաստվում են Իտալիայի չեմպիոնի դեմ խաղին (լուսանկարներ)

Մխիթարյանի գնահատականները՝ «Տորինոյի» դեմ խաղում