Հայաստան - Լեհաստան խաղը՝ սլովենացիների պատասխանատվության տակ. Օրվա գլխավոր լուրերի քրոնիկոնը (տեսանյութ) - VNews
Բաժիններ

Հայաստան – Լեհաստան խաղը՝ սլովենացիների պատասխանատվության տակ. Օրվա գլխավոր լուրերի քրոնիկոնը (տեսանյութ)

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք ներկայացնում հոկտեմբերի 3-ի իրադարձությունների քրոնիկոնը:

Հայաստանի Առաջին խումբ, 7-րդ տուր. «Էրեբունի» 0-3 «Ավան Ակադեմիա». գոլերի հեղինակ են դարձել Արման Ասիլյանը, Միհրան Պետրոսյանը և Արմեն Նահապետյանը: «Էրեբունին» 3 միավորով եզրափակում է մրցաշարային աղյուսակը, իսկ «Ավան Ակադեմիան» 11 միավորով 3-4-րդ հորիզոնականներն է կիսում «Բանանց-2»-ի հետ: Առաջատարները «Լոռին» (17  միավոր) և «Արցախն» են (16):

ՀայաստանԼեհաստան ընտրական հանդիպումը սպասարկելու է Սլովենիայի մրցավարական անձնակազմը՝ Մատեյ Յուգի գլխավորությամբ: Նրան օգնելու են Մատեյ Զունիչը և Մանուել Վիդալին: 4-րդ պաշտոնյայի պարտականությունը կատարելու է Դամիր Սկոմինան: ՖԻՖԱ-ի պատվիրակն է Անդրիան Իկսարին (Մոլդովա), մրցավարների տեսուչը՝ Ռունե Պեդերսենը (Նորվեգիա):

Հայաստանի հավաքականի գլխավոր մարզիչ Արթուր Պետրոսյանի նախախաղային մամուլի ասուլիսը կայանալու է հոկտեմբերի 4-ին, ժամը 17:00-ին, Վազգեն Սարգսյանի անվան «Հանրապետական» մարզադաշտում, իսկ ընտրանու նախախաղային մարզումը սկսվելու է 17:30-ին:

Լեհաստանի հավաքականի գլխավոր մարզիչ Ադամ Նավալկայի նախախաղային մամուլի ասուլիսը տեղի է ունենալու նույն օրն ավելի վաղ՝ ժամը 15:30-ին, «Ռեդիսոն Բլյու» հյուրանոցում: Լեհերի նախախաղային մարզումն էլ «Հանրապետական» մարզադաշտում մեկնարկելու է 19:00-ին: Մարզումներին և մամուլի ասուլիսներին կարող են ներկա գտնվել միայն ԶԼՄ-ների հավատարմագրված ներկայացուցիչները:

Ռոբերտ Լևանդովսկի. «Հայերի հետ մեր հարկի տակ կայացած խաղում մենք երկար ժամանակ քանակական առավելությամբ էինք հանդես գալիս (կարմիր քարտ էր ստացել Գաել Անդոնյանը-խմբ.), բայց դա հեշտ հանդիպում չէր: Մենք գիտենք՝ որ գործոններում պետք է բարելավենք: Տեղյակ ենք՝ իմ նախկին խաղընկեր Հենրիխ Մխիթարյանն ինչպիսի ֆուտբոլիստ է և ինչ նշանակություն ունի Հայաստանի հավաքականի համար»:

«Եվրո-2018», ընտրական փուլ, 1-ին փուլ, 3-րդ տուր. Իսլանդիա Մ-17 2-0 Ռուսաստան Մ-17. Էդգար Սևիկյանը մասնակցել է ամբողջ հանդիպմանը, զգուշացվել է դեղին քարտով: Ռուսաստանի Մ-17-ն ընթանում է 3-րդ տեղում:

Արգենտինայի Պրիմերա, 5-րդ տուր. «Նյուելս Օլդ Բոյզ» 0-0 «Գոդոյ Կրուս». Մաուրո Գևգեոզյանը վնասվածքից ապաքինվելուց հետո առաջին հանդիպումն է անցկացրել՝ փոխարինման մտնելով 71-րդ րոպեին: «Նյուելս Օլդ Բոյզը» զբաղեցնում է 18-րդ հորիզոնականը:

«Բանանցը» ներկայացրել է թիմի՝ սեպտեմբեր ամսին խփած բոլոր գոլերը: Նշենք, որ Արամ Ոսկանյանի թիմն այս պահի դրությամբ եզրափակում է Բարձրագույն խմբի առաջնության լավագույն եռյակը:

Մոսկվայի «Արարատի» ֆուտբոլիստ Ալեքսեյ Ռեբկո. «Մեր թիմը ձգտում է կենտրոնանալ սեփական ելույթների վրա և մեծ ուշադրություն չդարձնել մրցակիցների արդյունքներին: Եթե մենք հաղթենք բոլոր խաղերը, ապա անպայման կզբաղեցնենք 1-ին հորիզոնականը և ձեռք կբերենք Ազգային լիգայի ուղեգիր: Հետևաբար, բոլոր մտքերն ուղղված են միայն այդտեղ»:

Ղազախստանի Մ-21 հավաքականի կիսապաշտպան Գևորգ Նաջարյան. «Վերջին շրջանում Կարագանդայի «Շախտյորում» շատ խաղաժամանակ չեմ ստանում, բայց 100%-ով պատրաստ եմ օգնելու հավաքականին: Հուսով եմ՝ մոտ ժամանակներս ավելի հաճախ կխաղամ ակումբում: Ինչ վերաբերում է այս ընտրական փուլին, ապա փորձելու ենք գոնե 2-րդ տեղով դուրս գալ «Եվրոյի» եզրափակիչ փուլ»:

Այս տեսանյութում էլ ներկայացված են Բարձրագույն խմբի առաջնության լավագույն ռմբարկու, «Ալաշկերտի» կիսապաշտպան Արտակ Եդիգարյանի բոլոր 7 գոլերն 8-րդ տուրի դրությամբ:

Ռուսաստանի ՊՖԼ, Հարավային գոտի, 3-րդ տուր. «Կուբան-2» 0-5 «Կրասնոդար-2». Արայիկ Հովսեփյանը մնացել է պահեստայինների նստարանին, իսկ Լևոն Բայրամյանն ու Հարություն Գրիգորյանը եղել են մեկնարկային կազմում, երկուսն էլ փոխարինվել են 63-րդ րոպեին: «Կրասնոդար-2»-ը զբաղեցնում է 2-րդ տեղը:

Հայկական ֆուտբոլի ամենավերջին անցուդարձին ծանոթանալու համար բաժանորդագրվեք այստեղ՝

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


«Ուրարտուն» Դեսիրեի դուբլի շնորհիվ առավելության հասավ «Վանի» նկատմամբ (տեսանյութ)

«Ուրարտու» – «Վան»․ Մեկնարկային կազմեր, ուղիղ հեռարձակում (տեսանյութ)

Մխիթարյանը՝ «Բենեվենտոյի» նկատմամբ հաղթանակից հետո. «Իմ երկիրը սրտումս է»

«Մխիթարյան-Ջեկո-Պեդրո եռյակը փայլուն է աշխատում». Մխիթարյանի գնահատականները «Բենեվենտոյի» դեմ խաղում

Պեդրո. «Սկսել եմ ավելի լավ հասկանալ Մխիթարյանին ու Ջեկոյին»

Հենրիխ Մխիթարյանը հավակնում է դառնալ «Բենեվենտոյի» դեմ հանդիպման լավագույն ֆուտբոլիստը

«Ռոման» հաղթեց «Բենևենտոյին», Մխիթարյանը՝ 2 գոլային փոխանցման հեղինակ (տեսանյութ)

Մխիթարյանը 2-րդ գոլային փոխանցումը կատարեց, գոլի հեղինակն այս անգամ ևս Ջեկոն էր (տեսանյութ)

Մխիթարյանի նրբագեղ գոլային փոխանցումը «Բենևենտոյի» դեմ մրցավեճում (տեսանյութ)

Եղիշե Մելիքյան. «Չեմ կարող գոհ լինել խաղից, բայց հաշվի առնելով մեր խնդիրները, չեմ էլ կարող դժգոհ լինել» (տեսանյութ)

Արտակ Օսեյան. «Նման խաղադաշտում հնարավոր չէր կոմբինացիոն ֆուտբոլ խաղալ» (տեսանյութ)

Ստեֆեն Ալֆրեդ․ «Վստահ եմ՝ պատրաստ եմ պայքարել «Փյունիկի» մեկնարկային կազմում իմ տեղի համար» (տեսանյութ)

Վահան Բիչախչյանը հերթական գոլն է խփել Սլովակիայի առաջնությունում (տեսանյութ)

«Ռոմայի» հայտացուցակը «Բենևենտոյի» դեմ խաղի համար

Արտակ Գրիգորյանը շարքից դուրս է մնացել կարճ ժամանակով

«Ռոմայի» հավանական մեկնարկային կազմը՝ ըստ իտալական մամուլի