fbpx
Բաժիններ

Հայաստանի հավաքականի խաղերի հոբելյանական նոր գոլի հեղինակը Յուրա Մովսիսյանից հետո

Լեհաստանի հավաքականի հետ հանդիպման 18-րդ րոպեին տուգանային հարվածով Ռոբերտ Լևանդովսկու խփած գնդակը Հայաստանի հավաքականի անցկացրած 188 հանդիպումներում գրանցված հոբելյանական՝ 500-րդ գոլն էր: Ընդհանուր առմամբ այդ հանդիպումներում գրանցված 505 գոլերից 177-ը բաժին է հասնում ՀՀ հավաքականին, 328-ը խփել են մեր մրցակիցները: Ընդ որում ՀՀ հավաքականի օգտին գրանցված գոլերից 4-ը խփել են մրցակցի ֆուտբոլիստները՝ դառնալով ինքնագոլի հեղինակ: Իրենց հերթին մեր ֆուտբոլիստներն էլ 7 անգամ գնդակն ուղարկել են սեփական դարպասը:

ՀՀ հավաքականի հանդիպումներում առաջին գոլը գրանցվել է մեր ընտրանու անցկացրած 2-րդ խաղում: Գոլի հեղինակ է դարձել ԱՄՆ-ի հավաքականի խաղացող Ֆրանկ Կլոպասը, ով 1994թ. մայիսի 15-ին Ֆուլերտոնում կայացած ընկերական խաղի 64-րդ րոպեին գրավել է Արմեն Պետրոսյանի պաշտպանած դարպասը:

Հոբելյանական՝ 100-րդ գնդակը խփվել է ՀՀ հավաքականի անցկացրած 40-րդ խաղում: Այն գրանցվել է իսլանդացի Ռիխարդուր Դադասոնի հաշվին, ով գրավել է Ռոման Բերեզովսկու պաշտպանած դարպասը:

Հետաքրքիր է, որ 200-րդ գոլի հեղինակը «Փյունիկի» ներկայիս գլխավոր մարզիչ Ալեքսեյ Երյոմենկոյի ավագ որդին է՝ կրտսեր Ալեքսեյը, ով երկար տարիներ հանդես է եկել Ֆինլանդիայի հավաքականում:

Հոբելյանական գոլերից միայն 400-րդն է գրանցվել Հայաստանի հավաքականի ֆուտբոլիստի օգտին: Գոլի հեղինակ է դարձել Յուրա Մովսիսյանը՝ գրավելով Իտալիայի հավաքականի դարպասապահ Ֆեդերիկո Մարկետիի պաշտպանած դարպասը:

Նշենք նաև, որ հաջորդ՝ 500-րդ գոլի հոբելյանը նշելու համար հարկ եղավ անցկացնել ամենաքիչ հանդիպումները: Հերթական 100 գոլերը խփելու համար ՀՀ հավաքականի ֆուտբոլիստներին և նրանց մրցակիցներին ընդամենը 30 խաղ բավարար եղավ:

Ինչպես հայտնի է, Հայաստանի հավաքականի լավագույն ռմբարկուն Հենրիխ Մխիթարյանն է, ով դարձել է 22 գոլի հեղինակ: Մեր մրցակիցներից ՀՀ հավաքականին առավել մեծ տհաճություն է պատճառել Ուկրաինայի հավաքականի բոլոր տարիների լավագույն ռմբարկու Անդրեյ Շևչենկոն, ով իր հաշվին գրանցած 48 գոլերից 7-ը խփել է Հայաստանի ընտրանու դարպասը:

Մրցակիցներից երկրորդ ցուցանիշն ունի պորտուգալացի Կրիշտիանու Ռոնալդուն, ով 5 անգամ խոցել է Հայաստանի հավաքականի դարպասը: 4 –ական գոլի հեղինակ են դարձել չեռնոգորցի Ստևան Յովետիչն ու լեհ Ռոբերտ Լևանդովսկին:

VivaroNews.am-ը ներկայացնում է Հայաստանի հավաքականի հանդիպումներում գրանցված հոբելյանական գոլերի հեղինակներին:

Գոլ Գոլի հեղինակ Մրցակից Ամսաթիվ Հաշիվ Մրցախաղ
100-րդ Ռիխարդուր Դադասոն Իսլանդիա 05.06.1999 0-2 ԵԱ
200-րդ Ալեքսեյ Երյոմենկո Ֆինլանդիա 08.09.2004 0-2 ԱԱ
300-րդ Դանիել վան Բյույտեն Բելգիա 09.09.2009 2-1 ԱԱ
400-րդ Յուրա Մովսիսյան Իտալիա 15.10.2013 2-2 ԱԱ
500-րդ Ռոբերտ Լևանդովսկի Լեհաստան 05.10.2017 1-6 ԱԱ

Աշոտ Հայրապետյան

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


Դիեգո Սիմեոնեի տպավորիչ ցուցանիշը Չեմպիոնների լիգայի փլեյ-օֆֆում

«Կցանկանայի հանդիպել նրան ու ասել, որ նրա շնորհիվ է, որ ֆուտբոլիստ եմ դարձել»․ Հալանդը՝ իր ֆուտբոլային կուռքի մասին

Կաֆուն ասել է՝ ինչը հաջողություն կբերի Նեյմարին, եթե նա մնա ՊՍԺ-ում

Ռոբերտ Լևանդովսկի՝ 31 խաղ, 36 գոլ (տեսանյութ)

Հենրիխ Մխիթարյանի վիճակագրությունն «Ատալանտայի» դեմ խաղում

«Ատալանտան» կամային հաղթանակ տոնեց «Ռոմայի» դեմ խաղում, Մխիթարյանը մասնակցեց ամբողջ խաղին (տեսանյութ)

Ռոնալդուն բացակայում է «Յուվենտուսի»՝ «Բրեշիայի» դեմ խաղի հայտացուցակից

Ռակիտիչ. «Շատ կցանկանայի խաղալ Ռոնալդուի հետ»

Բուֆոն. «Ռոնալդուն «Յուվենտուս» վերադառնալուս հիմնական պատճառներից էր»

Մխիթարյան․ «Կարևոր ամիս է, ու բոլորս պետք է պատասխանատվություն ստանձնենք»

Աղբյուր. «Ռոման» չի գնի Մխիթարյանի տրանսֆերը

Ռոնալդուն նվաճեց նաև Իտալիան. պորտուգալացու հսկա թղթե արձանը՝ իտալական կառնավալում (լուսանկարներ)

«Ոսկե խաղակոշիկ». Եվրոպայի լավագույն ռմբարկուներն այս պահին

La Gazzetta Sportiva․ «Մխիթարյանի տաղանդը կասկածից վեր է, բայց ավելին է պետք»

«Մեսին այնպիսի «մեքենա» չէ, ինչ Ռոնալդուն․ նա բարձր մակարդակում կանցկացնի ևս 1-2 մրցաշրջան»․ Էմանուել Պետի

Ռոնալդուին 11-րդ մրցաշրջանն անընդմեջ հաջողվել է առաջնությունում հատել խփած 20 գոլի սահմանագիծը