Լրացուցիչ

Ընտրել լեզուն

Վերջին անգամ երբ էր հաղթել Լիտվայի հավաքականը մինչ Երևան այցելությունը

Հայաստան - Լիտվա հանդիպումը՝ 10 փաստով

Armenia Lithuania Friendly Match. Vivaro News. Hrach KhachatryanIMG 4199 - Վերջին անգամ երբ էր հաղթել Լիտվայի հավաքականը մինչ Երևան այցելությունը

Լիտվայի հավաքականի հետ հանդիպումով Հայաստանի ազգային հավաքականն ավարտեց փորձարկումների փուլը: Հանդիպման առավել հետաքրքրական և ուշագրավ իրադարձությունները ներկայացնում ենք 10 փաստի տեսքով:

1. Հայաստանի հավաքականը լիտվացիների հետ հանդիպումներում 2-րդ պարտությունը կրեց: Առաջինը գրանցվել էր 2011թ. օգոստոսի 10-ին Կաունասում կայացած ընկերական խաղում, որում մեր ընտրանին Վարդան Մինասյանի գլխավորությամբ մրցակցին զիջել էր 0-3 խոշոր հաշվով:

Մրցակիցների միջև անցկացված 4 հանդիպումներում Հայաստանի և Լիտվայի հավաքականները 2-ական հաղթանակ են տոնել: Խփած և բաց թողած գնդակների տարբերությունը լիտվացիների օգտին է՝ 7-6:

2. Լիտվայի հավաքականին վերջապես հաջողվեց ընդհատել առանց հաղթանակների 9 խաղերի շարքը, որում լիտվացիները 8 պարտություն էին կրել, մեկ խաղ ավարտել էին ոչ-ոքի (Մալթա՝ 1-1): Վերջին հաղթանակը լիտվացիները տոնել էին 2016թ. հոկտեմբերի 11-ին Մալթայի հավաքականի հետ սեփական հարկի տակ անցկացրած աշխարհի առաջնության ընտրական մրցախաղում՝ 2-0:

Armenia Lithuania Friendly Match. Vivaro News. Hrach KhachatryanIMG 4173 - Վերջին անգամ երբ էր հաղթել Լիտվայի հավաքականը մինչ Երևան այցելությունը

3. Հետաքրքիր է, որ Հայաստանի և Լիտվայի հավաքականների գլխավոր մարզիչներ Արթուր Պետրոսյանն ու Էդգարաս Յանկաուսկասը գոլերի հեղինակ են դարձել մրցակիցների միջև 2000թ. հունիսի 3-ին Կաունասում կայացած ընկերական առաջին մրցախաղում: Յանկաուսկասը 23-րդ րոպեին հավասարեցրել էր հաշիվը, իսկ 6 րոպե անց Պետրոսյանը խփել էր հաղթական գոլը՝ 2-1:

4. Հայաստանի հավաքականին երկրորդ խաղում էլ չհաջողվեց բացել գոլերի հաշիվը նոր մրցաշրջանում: Հավաքականի գոլային երաշտը հասավ 208 րոպեի: Վերջին գոլը մեր ֆուտբոլիստները խփել են անցյալ տարվա նոյեմբերի 13-ին Կիպրոսի հավաքականի հետ կայացած երևանյան ընկերական խաղում: 62-րդ րոպեին 11մ հարվածով մրցակցի դարպասը գրավել է Հենրիխ Մխիթարյանը:

Առավել անհաջող ՀՀ հավաքականը գործել է 1999թ. մրցաշրջանում՝ Սուրեն Բարսեղյանի գլխավորությամբ 7 խաղ շարունակ (Լեհաստան՝ 0-1, Ռուսաստան՝ 0-3, Ֆրանսիա՝ 0-2, Իսլանդիա՝ 0-2,  Ուկրաինա՝ 0-0, Էստոնիա՝ 0-2, Ռուսաստան՝ 0-2) չկարողանալով բացել գոլերի հաշիվը: Եվ միայն 8-րդ խաղում՝ Ֆրանսիայի հավաքականի հետ Երևանում կայացած Եվրոպայի առաջնության ընտրական մրցախաղի 6-րդ րոպեին Կարապետ Միքայելյանին վերջապես հաջողվեց առաջին գոլը խփել մրցաշրջան-99-ում:

Armenia Lithuania Friendly Match. Vivaro News. Hrach KhachatryanIMG 4206 - Վերջին անգամ երբ էր հաղթել Լիտվայի հավաքականը մինչ Երևան այցելությունը

5. Լիտվացիներից կրած պարտությամբ ընդհատվեց ՀՀ հավաքականի անպարտելի 4 խաղերի (Ղազախստան՝ 1-1, Բելառուս՝ 4-1, Կիպրոս՝ 3-2, Էստոնիա՝ 0-0) ռեկորդային շարքը: Մինչ այդ վերջին պարտությունը մեր ընտրանին կրել էր անցյալ տարվա հոկտեմբերի 5-ին՝ աշխարհի առաջնության ընտրական մրցախաղում Երևանում 1-6 հաշվով զիջելով լեհերին:

ՀՀ հավաքականն անցկացրած 193 հանդիպումներում 108-րդ պարտությունը կրեց: Մեր ընտրանին տոնել է ընդամենը 46 հաղթանակ, 39 խաղ ավարտել է ոչ-ոքի, խփել է 185 գոլ, սեփական դարպասը բաց է թողել 333 գնդակ:

1 2

Արսեն Բեգլարյան. «Մարզումը ցույց տվեց, որ Ռոման Բերեզովսկին հիանալի մարզիչ է» (տեսանյութ)

Գեղամ Հարությունյան. «Շանս է նորից բացվել, որից օգտվելու համար ամեն ինչ կանեմ» (տեսանյութ)

Էրիկ Վարդանյան. «Եթե հավաքականը լինի լավ մարզավիճակում, կարող է պայքարել ցանկացած ընտրանու հետ» (տեսանյութ)

Տիգրան Բարսեղյան. «Ապացուցել ենք, որ բոլոր թիմերի հետ էլ կարող ենք պայքարել, նաև հաղթել» (տեսանյութ)

Իվան Յագան. «Ընտանիքիս անդամներն ասում էին՝ լուսանկարվեմ Մխիթարյանի հետ» (տեսանյութ)

Ռոման Բերեզովսկի. «Վարդան Մինասյանն արդեն ապացուցել է իր բարձր կարգը» (տեսանյութ)

Գևորգ Ղազարյան. «Կարծում եմ՝ Վարդան Մինասյանի հետ աշխատանքում փոփոխություններ կլինեն» (տեսանյութ)

Հենրիխ Մխիթարյան. «Նոր Հայաստան չկա. Հայաստանը միշտ եղել է ու կմնա» (տեսանյութ)

Հենրիխ Մխիթարյան. «Հուսով ենք, որ Էմերին մարտավարական նոր մտքեր կբերի և ոգի կհաղորդի «Արսենալին»

Հայաստանի հավաքականի առաջին մարզումը Վարդան Մինասյանի վերադարձից հետո (ֆոտոշարք)

Էդգար Բաբայանը և Իվան Յագանը ժամանեցին Հայաստան. Ընդունելությունը ջերմ էր (տեսանյութ + լուսանկար)

Չեմպիոն մարզիչները. Վարդան Մինասյանի ռեկորդը, որն անգերազանցելի է արդեն 14 տարի

Վարդան Մինասյանը հրապարակել է Հայաստանի ազգային հավաքականի կազմը

Գևորգ Ղազարյանն Ավստրիայում կմիանա հավաքականին

Յուրա Մովսիսյանն առաջին անգամ էր հայտնվել «Յուրգորդենի» մեկնարկային կազմում (տեսանյութ)

Նորընծա գավաթակիր Աշոտ Բարսեղյանը կրկնել է Վարդան Մինասյանի ու Սարգիս Հովսեփյանի ցուցանիշը