fbpx

«Շիրակ» – «Բանանց». Ամենաուշագրավ տեղեկությունները՝ հանդիպմանն ընդառաջ

«ՇԻՐԱԿ» – «ԲԱՆԱՆՑ»

72 խաղ, +21=18-33, 69-121

8 ապրիլի, ժ.14:00, Գյումրի, Քաղաքային  մարզադաշտ

1-ին շրջան. 13.08.2017  «Շիրակ» – «Բանանց»՝  1-0 (1-0)
Վարդան Բակալյան 9՛

2-րդ շրջան. 27.09.2017  «Բանանց» – «Շիրակ»՝  3-0 (1-0)
Ալեքսանդր Ջոկովիչ 32՛, Կվասի Սիբո 82՛, Նորայր Գյոզալյան 90՛

3-րդ շրջան. 05.11.2017  «Շիրակ» – «Բանանց»՝  0-1 (0-0)
Վալմերսոն Գարսիա Պրայա 81՛

4-րդ շրջան. 04.03.2018  «Բանանց» – «Շիրակ»՝  3-0 (2-0)
Նորայր Գյոզալյան 19՛, Ռումյան Հովսեփյան 21՛, Կվասի Սիբո 89՛

Հուրախություն գյումրեցի ֆուտբոլասերների, «Շիրակն»  առաջնության գարնանային հատվածում կրկին իր բարձրության վրա է՝ աչքի ընկնելով կայուն մրցելույթներով: Դրանց շնորհիվ շիրակցիները գարնանն անցկացրած 6 հանդիպումներում վաստակեցին 15 միավոր և տևական ընդմիջումից հետո կրկին գլխավորեցին մրցաշարային աղյուսակը:

 «Շիրակի» ցուցանիշը լավագույնն է առաջնության գարնանային հատվածում: Ընդ որում վերջին 4 հանդիպումներում գյումրեցիները հաղթանակներ են տոնել, վերջին 3 խաղերում սեփական դարպասն անառիկ են պահել:

«Բանանցը» ևս հաջող է սկսել առաջնության գարնանային հատվածը՝ անցկացրած 6 հանդիպումներում վաստակելով 11 միավոր: Դրա շնորհիվ «Բանանցն» ընդհուպ մոտեցավ առաջատարներին և ներկայումս չեմպիոնի կոչման հավակնորդներից մեկն է: Եվ ինչպես նշել էր թիմի գլխավոր մարզիչ Արամ Ոսկանյանը, ախորժակն ուտելիս է բացվում:

Հարկ է նշել, որ «Բանանցը» միակ թիմն է, որին հաջողվել է առաջնության գարնանային հատվածում հաղթել «Շիրակին», այն էլ խոշոր՝ 3-0 հաշվով: Վերջին երկու հանդիպումներում «Բանանցի» ֆուտբոլիստները հաղթանակներ են տոնել «չոր» հաշվով:

Մրցակիցների առաջիկա մրցավեճում հաղթանակը կարելի է ասել 6 միավորի արժեք ունի: Չեմպիոնական մրցավազքում ստեղծված գերլարված իրավիճակում միավորի ցանկացած կորուստ կարող է ի վերջո ճակատագրական լինել:

Շատ կարևոր է նաև որակազրկումների պատճառով ֆուտբոլիստներին չկորցնելու հանգամանքը: Այդ առումով շիրակցիների մոտ իրավիճակն իրոք տագնապալի է, քանի որ որոշ ֆուտբոլիստներ որակազրկումների սպառնալիքի տակ են:

Ճիշտ է, առաջնության գարնանային հատվածում շիրակցիները խախտումների առումով շատ զգույշ են, որի արդյունքում 6 հանդիպումներում միայն մեկ դեղին քարտ են ստացել: Սակայն այդ միակ քարտը ստացել է թիմի առանցքային ֆուտբոլիստներից մեկը՝ Մոհամեդ Կաբան, ով առանց փոխարինման մասնակցել է առաջնության բոլոր 21 հանդիպումներին:

Ցավոք, այդ քարտը Կաբայի համար 7-րդն է ընթացիկ մրցաշրջանում, և նա ստիպված կլինի բաց թողնել առաջիկա երկու հանդիպումները: Իսկ դա «Շիրակի» համար մեծ կորուստ կլինի:

Ընթացիկ առաջնությունում մրցակիցների մրցավեճում «Բանանցը» զգալի առավելության է հասել: Առաջին շրջանում Գյումրիում «Շիրակին» պարտվելուց հետո «Բանանցը» հաղթող է դուրս եկել հաջորդ 3 հանդիպումներում էլ՝ սեփական դարպասը պահելով անառիկ, 7 անգամ գրավելով մրցակցի դարպասը:

Հարկ է նշել, որ մրցակիցների դիմակայությունում եղել է մի մեծ ժամանակահատված, երբ «Բանանցը» «Շիրակի» ամենաանհարմար մրցակիցն էր ՀՀ առաջնություններում: 2003-2012թթ. ընթացքում մրցակիցների միջև կայացած 34 հանդիպումներից և ոչ մեկում «Շիրակին» չի հաջողվել գոնե մեկ հաղթանակ տոնել «Բանանցի» նկատմամբ:

«Բանանցի» հետ հանդիպումներում շիրակցիներից լավագույն արդյունքն ունի Անդրանիկ Բարիկյանը՝ խփելով 8 գնդակ: «Բանանցից» բոլորից արդյունավետ են գործել Արամ Հակոբյանն ու Արսեն Բալաբեկյանը` ևս դառնալով 8-ական գոլի հեղինակ:

Ներկայիս կազմի ֆուտբոլիստներից «Բանանցում» առավել արդյունավետ է գործել Նորայր Գյոզալյանը՝  5 անգամ գրավելով «Շիրակի»  դարպասը: Ռումյան Հովսեփյանը դարձել է 3 գոլի հեղինակ, մեկական անգամ էլ աչքի են ընկել Արամ Բարեղամյանը,  Վահագն Այվազյանը, Վալմերսոն Գարսիա Պրայան և Կվասի Սիբոն:

Հետաքրքիր է, որ Գևորգ Հովհաննիսյանը «Շիրակում» հանդես գալիս «Բանանցի» հետ հանդիպումներում աչքի է ընկել երկու անգամ՝ մեկական գոլ խփելով մրցակցի (2008թ.) և սեփական (2014/15թթ.) դարպասները:

Շիրակցիներից մեկական անգամ «Բանանցի»  դարպասը գրավել են Մուհամեդ Կաբան, Սոլոմոն Իմե Ուդոն և Վարդան Բակալյանը:

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


10 տարի անց Արման Փաշիկյանը կրկին չեմպիոն հռչակվեց

Տրանսֆերային ձմեռ․ Բարձրագույն խմբի ակումբների ձեռքբերումները և կորուստները (թարմացվում է)

«Արցախը» և «Շիրակը» գոլառատ ընկերական հանդիպում անցկացրին

«Արարատ-Արմենիան» պայմանագիր է կնքել կոտ դ՛իվուարցի հարձակվողի հետ

«Արարատ-Արմենիայի» ֆուտբոլիստը համալրեց «Բանանցը»

Արթուր Ավագյան․ «Ֆուտբոլիստը պետք է 24 ժամ հետևի իր կենսակերպին» (տեսանյութ)

«Շիրակը» հրաժարվել է հերթական լեգեոների ծառայություններից

Առաջնության «ամենահայկական» թիմը միակն է մրցաշարում այդ հետաքրքիր ցուցանիշով

«Լոռիի» նախկին գլխավոր մարզիչ Արմեն Ադամյանը՝ «Ալաշկերտի» մարզչական շտաբում

«Արարատը»՝ ընթացիկ առաջնության 3 հակառեկորդի հեղինակ

Այստեղ են խաղում առաջնության մասնակիցներից ամենատարեցն ու ամենաարդյունավետը

Ստեփան Ղազարյանը պատմում է իր ընտանիքի մասին, խոսում ուշագրավ այլ թեմաներից (տեսանյութ)

Տարվա խոսք, 12-րդ խաղացող և այլ հետաքրքիր անվանակարգեր. 2018-ի ամփոփումը հայկական ֆուտբոլում

«Բանանցում» նախատոնական տրամադրություն է (տեսանյութ)

Ընդամենը 2 թիմի է հաջողվել աշնանային հատվածն ավարտել առանց կարմիր քարտի

«Ուշագրավ էր բելգիական ակումբի ակադեմիայի աշխատանքը»․ Արամ Ոսկանյանը՝ «Սենտ Թրույդենում» վերապատրաստում անցնելու մասին