Լրացուցիչ

Ընտրել լեզուն

Գավաթի խաղարկություն. «Ալաշկերտ» – «Բանանց». Ամենաուշագրավ տեղեկությունները՝ հանդիպմանն ընդառաջ

30705070 1635672913152395 3718892313364135936 o - Գավաթի խաղարկություն. «Ալաշկերտ» - «Բանանց». Ամենաուշագրավ տեղեկությունները՝ հանդիպմանն ընդառաջ

«ԱԼԱՇԿԵՐՏ»  – «ԲԱՆԱՆՑ»

5 խաղ, +2=2-1, 3-2

17 ապրիլիժ.16:00,  Երևան,  «Նաիրի»  մարզադաշտ

2012/13թթ. խաղարկություն,  1/8 եզրափակիչ

14.11.2012  «Բանանց» – «Ալաշկերտ»՝  0-0
28.11.2012  «Ալաշկերտ» – «Բանանց»՝  0-0, 5-4՝  11մ

2015/16թթ. խաղարկություն, կիսաեզրափակիչ

15.03.2016  «Բանանց» – «Ալաշկերտ»՝  0-1 (0-1)
Հեբեր Արաուխո 45՛

12.04.2016  «Ալաշկերտ» – «Բանանց»՝  1-2 (0-1)
Անդրանիկ Ոսկանյան 90+4՛ – Զավեն Բադոյան 14՛, Լաերսիո Գոմես Կոստա 75՛

2017/18թթ. խաղարկություն, կիսաեզրափակիչ

08.03.2018  «Բանանց» – «Ալաշկերտ»՝  0-1 (0-0)
Արտակ Դաշյան 59՛

Ընդամենը 3 օր առաջ մրցակիցներն իրենց հարաբերությունները պարզեցին առաջնության 23-րդ տուրի մրցախաղում, որում «Բանանցը» բոլոր առումներով գերազանցեց չեմպիոնին՝  3-0 խոշոր հաշվով հաղթանակ տոնելով: Այդ հաջողությունը «Բանանցի» համար ինչ-որ չափով կարելի է պատմական համարել, քանի որ երկու տարի շարունակ, 11 խաղ անընդմեջ չէր հաջողվում հաղթել «Ալաշկերտին»: Եվ ահա «սառույցը կոտրվեց»:

30705482 932910413554431 6496123440901128192 o - Գավաթի խաղարկություն. «Ալաշկերտ» - «Բանանց». Ամենաուշագրավ տեղեկությունները՝ հանդիպմանն ընդառաջ

Անշուշտ, «Բանանցն» այժմ էլ կփորձի չեմպիոնի նկատմամբ հաջողության հասնել նաև գավաթի մրցաշարում ու եզրափակչի ուղեգիր նվաճել: Կիսաեզրափակչի առաջին հանդիպումը «Բանանցի» համար անհաջող էր: Արամ Ոսկանյանի սաները սեփական հարկի տակ նվազագույն հաշվով զիջեցին մրցակցին: Եվ այժմ «Բանանցը» պետք է փորձի մրցակցի հարկի տակ ռևանշի հասնել «Ալաշկերտի» նկատմամբ:

«Բանանցը» վերացրեց 2 տարվա «թուղթ ու գիրը» և Այվազովի «չարաբաստիկ» 4 րոպեն. ԲԽ-ի 23-րդ տուրը՝ 10 փաստով

Եթե ՀՀ առաջնություններում մինչ օրս «Բանանցին» չի հաջողվել մրցակցի հարկի տակ հաղթել «Ալաշկերտին», ապա գավաթի մրցաշարում թիմը նման հաջող փորձ արդեն ունի: Երկու տարի առաջ «Բանանցը», գավաթի կիսաեզրափակչի առաջին խաղում սեփական հարկի տակ նվազագույն հաշվով զիջելով «Ալաշկերտին», հյուրընկալվելիս կարողացել էր ռևանշի հասնել ու եզրափակչի ուղեգիր նվաճել:

Ի դեպ, 2016թ. «Բանանցն» իր կենսագրության մեջ առայժմ վերջին՝ 3-րդ անգամ նվաճեց ՀՀ գավաթը՝  իսպանացի Տիտո Ռամալյոյի գլխավորությամբ «Միկայի» հետ վճռորոշ խաղում հաղթելով Լաերսիո Գոմես Կոստայի և Ացամազ Բուրաևի խփած գոլերի շնորհիվ:

30727083 1635672886485731 1659252145410539520 o - Գավաթի խաղարկություն. «Ալաշկերտ» - «Բանանց». Ամենաուշագրավ տեղեկությունները՝ հանդիպմանն ընդառաջ

Իսկ մինչ այդ «Բանանցը»  գավաթակիր էր դարձել 1992թ. Վարուժան Սուքիասյանի և 2007թ.՝ Յան Պոշտուլկայի գլխավորությամբ:

Չնայած «Ալաշկերտի» ֆուտբոլային կարճ կենսագրությանը, գավաթի մրցաշարերում երկրի չեմպիոնն արդեն 3-րդ անգամ է մրցելու Հայաստանի առաջին գավաթակիր «Բանանցի» հետ:

Մրցակիցների գավաթային առաջին դիմակայությունը կայացել է 2012թ.: Այն ժամանակ նորաստեղծ «Ալաշկերտը» հանդես էր գալիս առաջին խմբում: Սակայն դա չխանգարեց առաջին խմբի նորեկին Ալբերտ Սարգսյանի գլխավորությամբ գավաթային երկու հանդիպումներում էլ լուրջ դիմադրություն ցույց տալ փորձառու «Բանանցին» և հետխաղյա 11մ հարվածների ավելի հաջող իրացման շնորհիվ քառորդ եզրափակչի ուղեգիր նվաճել:

30703987 1635673286485691 1741518425739493376 o - Գավաթի խաղարկություն. «Ալաշկերտ» - «Բանանց». Ամենաուշագրավ տեղեկությունները՝ հանդիպմանն ընդառաջ

Այդ փուլում էլ ալաշկերտցիներն իրենց վատ չդրսևորեցին՝ երկու խաղերի ընդհանուր արդյունքով նվազագույն հաշվով զիջելով «Գանձասարին» (0-0, 0-1):

«Ալաշկերտին» առայժմ ոչ մի կերպ չի հաջողվել եզրափակչի ուղեգիր նվաճել: Ալաշկերտցիները 3-րդ անգամ են հանդես գալիս գավաթի կիսաեզրափակչում: Նախորդ երկու դեպքում էլ եզրափակչի ուղեգիրը նրանք զիջել են մրցակիցներին: Մինչև 2016թ. «Բանանցին» կիսաեզրափակչում զիջելը, «Ալաշկերտը» գավաթի 2014/15թթ. խաղարկությունում պարտվել էր նաև «Փյունիկին» (1-3, 1-0):

Գավաթի ընթացիկ խաղարկության քառորդ եզրափակչում «Ալաշկերտին» բաժին էր հասել առաջին խմբում հանդես եկող նորաստեղծ «Արցախը», որն ի զորու չէր լրջորեն դիմադրելու չեմպիոնին: Արդեն առաջին խաղում ալաշկերտցիները գործնականում վճռեցին մրցակցության ելքը՝ հյուրընկալվելիս հաղթելով 3-1 հաշվով:

30710425 932940773551395 3190054884288233472 o - Գավաթի խաղարկություն. «Ալաշկերտ» - «Բանանց». Ամենաուշագրավ տեղեկությունները՝ հանդիպմանն ընդառաջ

Իսկ պատասխան խաղում «Ալաշկերտը» պարզապես ջախջախեց մրցակցին՝ 6 անպատասխան գնդակ ուղարկելով «Արցախի» դարպասը: Դա գավաթի մրցաշարերում «Ալաշկերտի» տոնած ամենախոշոր հաշվով հաղթանակն էր: Մինչ այդ ամենախոշոր հաշիվը գրանցվել էր 2015/16թթ. խաղարկության քառորդ եզրափակչում, որում «Ալաշկերտն» «Արարատին» հաղթել էր 4-0 հաշվով:

«Արցախի» հետ հանդիպումներում ալաշկերտցիներից արդյունավետ խաղով հատկապես աչքի ընկավ Արթուր Եդիգարյանը, ով խփած 4 գնդակով ներկայումս գավաթի ընթացիկ խաղարկության լավագույն ռմբարկուն է: Ընդ որում պատասխան խաղում նա դարձել էր հեթ-տրիքի հեղինակ:

«Բանանցին» կիսաեզրափակչի ուղեգիրը տրվեց անհամեմատ դժվարին պայքարում: Հյուրընկալվելիս «Փյունիկի» հետ հանդիպումն ավարտելով գոլազուրկ ոչ-ոքի, «Բանանցը»  պատասխան հանդիպումը շահեց 4-2 հաշվով: Այդ հաղթանակում մեծ էր Նենադ Ինյացի ներդրումը, ով դուբլի հեղինակ դարձավ:

30714117 1635672936485726 7787581288893906944 o - Գավաթի խաղարկություն. «Ալաշկերտ» - «Բանանց». Ամենաուշագրավ տեղեկությունները՝ հանդիպմանն ընդառաջ

«Բանանցը» 17-րդ անգամ է հանդես գալիս գավաթի կիսաեզրափակիչ փուլում: 8 անգամ «Բանանցի» ֆուտբոլիստներին հաջողվել է հաղթահարել կիսաեզրափակչի արգելքն ու եզրափակչի ուղեգիր նվաճել:

Ընթացիկ առաջնությունում մրցակիցների մրցավեճում հավասարակշռություն է: Թիմերից յուրաքանչյուրը մեկական հաղթանակ է տոնել, 3 խաղ ավարտվել է ոչ-ոքի, միևնույն՝ 2-2 հաշվով:

Աշոտ Հայրապետյան


«Սելթիկը» դարձավ առաջին թիմը, որ գերազանցեց «Ալաշկերտին» եվրոգավաթի առաջին փուլում

«Բանանցը» երկրորդ խաղում նույնպես պարտվում է և լքում պայքարը (տեսանյութ)

ԵԼ. «Սարաևո»-«Բանանց». մեկնարկային կազմերը հայտնի են

«Ալաշկերտը» նույնպես կաջակցի Արթուր Վանեցյանին ՀՖՖ նախագահի ընտրություններում

Արամ Ոսկանյան. «Սարաևոյի» հետ պետք է խաղանք առաջին համարով» (տեսանյութ)

«Ալաշկերտն» ընդհանուր 0-6 հաշվով պարտվեց «Սելթիկին», բայց հրաժեշտ չի տալիս Եվրոպային (տեսանյութ)

«Սելթիկը» կրկին հաղթում է 3:0 հաշվով, բայց այս անգամ դեռ առաջին խաղակեսում (տեսանյութ)

ՉԼ. «Սելթիկ»-«Ալաշկերտ». մեկնարկային կազմերը հայտնի են

Բարձրագույն խումբ. Ամառային բոլոր տրանսֆերները (թարմացվում է)

«Ալաշկերտը» մարզվել է «Սելթիկ Պարկ» ստադիոնում, իսկ մամուլի ասուլիսը չի կայացել (ֆոտոշարք)

Հայաստանի գավաթ. կայացավ 2018/19 մրցաշրջանի խաղարկության վիճակահանությունը

«Գանձասար-Կապանը» եվրոգավաթում անցկացրել է 11 խաղ՝ կրելով 10 պարտություն

«Բանանցը» 11 տարվա դադարից հետո գոլ խփեց եվրոգավաթի մեկնարկային խաղում

Արտակ Եդիգարյանը ստացել է «Ոսկե խաղակոշիկը»

Վահագն Այվազյան. «Հնարավոր եմ համարում բոսնիական այս թիմի արգելքը հաղթահարելը» (տեսանյութ)

«Բանանցը» պայքարեց, բայց մրցակիցը Հայաստանը լքեց հաղթանակած. «Սարաևոյի» հետ մրցավեճի երկրորդ խաղակեսը (ֆոտոշարք)