Գեղամ Հարությունյանը մտավ «Գանձասար-Կապանի» պատմության մեջ - VNews
Բաժիններ

Գեղամ Հարությունյանը մտավ «Գանձասար-Կապանի» պատմության մեջ

Այս իրադարձությանը «Գանձասար-Կապանի» երկրպագուները ստիպված էին որոշ ժամանակ սպասել: «Բանանցի» և «Ալաշկերտի» հետ կայացած նախորդ երկու հանդիպումներում գանձասարցիներին այդպես էլ չհաջողվեց գտնել մրցակիցների դարպասի բանալին:

Եվ ահա «Արարատի» հետ 26-րդ տուրի խաղում կապանցիները լիովին հագեցրին գոլային իրենց ծարավը՝ 6 անգամ խոցելով մրցակցի դարպասը: Հանդիպման հերոսը դարձած Գեղամ Հարությունյանի խփած առաջին գոլը դարձավ բարձրագույն խմբի առաջնություններում «Գանձասար–Կապանի» հոբելյանական՝ 400-րդ գնդակը: Այդ հոբելյանը նշելու համար գանձասարցիներից 347 խաղ պահանջվեց:

ՀՀ առաջնություններում առաջին գոլը կապանցիները խփել են բարձրագույն խմբում անցկացրած իրենց երկրորդ խաղում՝ 2006թ. ապրիլի 23-ին «Ուլիսի» հետ Կապանում կայացած մրցավեճում: Անդրանիկ գոլի հեղինակ է դարձել Արթուր Քոչարյանը՝ հանդիպման 11-րդ րոպեին գրավելով Մանվել Աֆրիկյանի պաշտպանած դարպասը:

VivaroNews.am-ը ներկայացնում է «Գանձասար–Կապանի» հոբելյանական գոլերի ցանկը:

Գոլ Գոլի հեղինակը Ամսաթիվ Մրցակիցը
100-րդ Գագա Թբիլաշվիլի 04.11.2008 «Փյունիկ»՝ 3-0
200-րդ Արթուր Ավագյան 23.06.2012 «Միկա»՝ 2-3
300-րդ Նարեկ Բեգլարյան 16.05.2015 «Շիրակ»՝ 3-3
400-րդ Գեղամ Հարությունյան 01.05.2018 «Արարատ»՝ 6-1

Հետաքրքիր է, որ «Գանձասար-Կապանի» հոբելյանական գոլերից երկուսը խփվել են թիմի ներկայիս դարպասապահների դարպասը, որոնք այն ժամանակ հանդես էին գալիս այլ ակումբներում: Այսպես, 100-րդ գոլը խփվել է Գրիգոր Մելիքսեթյանի պաշտպանած դարպասը, ով 2008թ. «Փյունիկի» դարպասապահն էր: Իսկ 200-րդ գոլը խփվել է Գևորգ Կասպարովի պաշտպանած դարպասը, ով 2012թ. հանդես էր գալիս «Միկայում»:

Խփված 405 գոլերում իրենց ավանդն են ունեցել «Գանձասար-Կապանի» 78 ֆուտբոլիստներ, ինչպես նաև մրցակից թիմերի 8 խաղացողներ, որոնք մեկական անգամ գրավել են սեփական դարպասը: Հետաքրքիր է, որ ինքնագոլի հեղինակ դարձած ֆուտբոլիստների թվում է նաև «Գանձասար-Կապանի» ներկայիս ավագ Արա Խաչատրյանը, ով 2007թ. «Բանանցում» հանդես գալիս գանձասարցիների հետ խաղում գրավել էր սեփական դարպասը:

Աշոտ Հայրապետյան

Միացի՛ր հայկական ամենասպորտային Instagram-ին:


Մեկնարկում է առաջնության որոշիչ հատվածը․ Ամենաուշագրավ փաստերը՝ ԲԽ-ի 19-րդ տուրին ընդառաջ

Անհատական բացառիկ ռեկորդներ, որոնք սահմանել են Հայաստանի առաջնությունների մասնակիցները (մաս 2-րդ)

Անհատական բացառիկ ռեկորդներ, որոնք սահմանել են Հայաստանի առաջնությունների մասնակիցները (մաս 1-ին)

Բարձրագույն խմբի 9 ակումբի շնորհվել է ՈւԵՖԱ-ի արտոնագրեր

Բարձրագույն խմբի 6 ակումբ կստանա ԵՎՐՈ 2020 «Ակումբային մասնակցության վճարները»

«Կուռքս մերժեց խնդրանքս, իսկ 20 տարի անց․․․»․ Գևորգ Կասպարովի ամենաուշագրավ մտքերը

Ակումբ, որ ընդհատեց «Փյունիկի» 10-ամյա գերիշխանությունը ԲԽ-ում․ Լուծարված «Ուլիսի» հետքը հայկական ֆուտբոլում

Հայկական ակումբների թոփ-5 գոլերը եվրագավաթներում 2015-19թթ. (տեսանյութ)

Թոփ-5 գոլ Հայաստանի առաջնության գարնանային հատվածից (տեսանյութ)

Մեկ ակումբի ֆուտբոլիստներ․ Ովքեր են «200-ի ակումբի» 21 անդամները

Հայկական ակումբները ստացել են ՈւԵՖԱ-ի «համերաշխության վճարները»

Օգանան ընդամենը 9 ամսական էր, երբ Կասպարովը նորամուտը նշեց ՀՀ գավաթի մրցաշարում

Արմեն Պետրոսյան․ «Լավ կպատրաստվենք երկրորդ խաղին․ պայքարելու ենք մինչև վերջ» (տեսանյութ)

Վարդան Մինասյան․ «Այսօր ստեղծած գոլային պահերի քանակը կբավականացներ մի քանի հանդիպման համար» (տեսանյութ)

Օգանայի գոլն օգնեց «Արարատ-Արմենիային» հաղթելու «Գանձասար-Կապանին» (տեսանյութ)

VBet Հայաստանի գավաթ. «Արարատ-Արմենիա»- «Գանձասար-Կապան» (ուղիղ եթեր)