fbpx
Բաժիններ

«Բանանց» – «Շիրակ». Ամենաուշագրավ տեղեկությունները՝ հանդիպմանն ընդառաջ

«ԲԱՆԱՆՑ» – «ՇԻՐԱԿ»

73 խաղ, +33=18-22, 121-70

5 մայիսի, ժ.17:00, Երևան, «Բանանց-1»  մարզադաշտ

1-ին շրջան. 13.08.2017  «Շիրակ» – «Բանանց»՝  1-0 (1-0)
Վարդան Բակալյան 9՛

2-րդ շրջան. 27.09.2017  «Բանանց» – «Շիրակ»՝  3-0 (1-0)
Ալեքսանդր Ջոկովիչ 32՛, Կվասի Սիբո 82՛, Նորայր Գյոզալյան 90՛

3-րդ շրջան. 05.11.2017  «Շիրակ» – «Բանանց»՝  0-1 (0-0)
Վալմերսոն Գարսիա Պրայա 81՛

4-րդ շրջան. 04.03.2018  «Բանանց» – «Շիրակ»՝  3-0 (2-0)
Նորայր Գյոզալյան 19՛, Ռումյան Հովսեփյան 21՛, Կվասի Սիբո 89՛

5-րդ շրջան. 08.04.2018  «Շիրակ» – «Բանանց»՝  1-0 (1-0)
Իգոր Ստանոևիչ 39՛

Առաջնության գարնանային հատվածում մեծ թափ հավաքած «Բանանցի» «մեխանիզմում» վերջին երկու հանդիպումներում ինչ-որ բան խափանվել էր, որի պատճառով թիմն «արգելակեց»՝ պարտություններ կրելով, որոնք կարող են ճակատագրական լինել: Ընդ որում «Արարատի» և «Փյունիկի» հետ կայացած այդ հանդիպումներում «Բանանցի» ֆուտբոլիստներն առաջինն էին բացել հաշիվը:

Այդ պարտությունները «Բանանցին» գործնականում զրկեցին չեմպիոնի տիտղոսի համար պայքարելու հնարավորությունից և հարցականի տակ դրեցին մրցանակային տեղ զբաղեցնելու թիմի հավակնությունը:

Այդ առումով «Շիրակի» հետ կայանալիք հանդիպումն անչափ կարևոր է «Բանանցի» համար, որը մրցանակային տեղերի համար պայքարում այլևս նահանջելու տեղ չունի: Եվ եթե առաջիկա խաղում էլ «Բանանցն» անհաջողության մատնվի, ապա զգալիորեն կդժվարացնի մեդալ նվաճելու իր խնդիրը:

Հուրախություն գյումրեցի ֆուտբոլասերների, «Շիրակն» առաջնության գարնանային հատվածում կրկին իր բարձրության վրա է՝ աչքի ընկնելով կայուն մրցելույթներով: Դրանց շնորհիվ շիրակցիները գարնանն անցկացրած 11 հանդիպումներում վաստակեցին 26 միավոր և տևական ընդմիջումից հետո վստահորեն գլխավորում են մրցաշարային աղյուսակը:

Չեմպիոնական մրցավազքում հաղթող դուրս գալու համար շիրակցիներն առաջնության ավարտական 4 հանդիպումներում ևս պետք է միավորների անհարկի կորուստներ չունենան: Առաջիկա խաղում հաղթանակն անչափ կարևոր է գյումրեցիների համար, որոնք 3 միավորով գերազանցում են ոսկե մեդալների համար պայքարում իրենց գլխավոր մրցակից «Ալաշկերտին»:

Հարկ է նշել, որ «Բանանցը» միակ թիմն է, որին հաջողվել է առաջնության գարնանային հատվածում հաղթել «Շիրակին», այն էլ խոշոր՝ 3-0 հաշվով: Այդ հանդիպումից հետո գյումրեցիներն արդեն 9 խաղ է, ինչ անպարտելի են:

Ընթացիկ առաջնությունում մրցակիցների միջև կայացած 5 հանդիպումներն էլ ավարտվել են «չոր» հաշվով: Առավելությունը «Բանանցի» կողմն է, որը տոնել է 3 հաղթանակ, ընդ որում երկուսը՝  խոշոր հաշվով: «Շիրակը» երկու հաղթանակներն էլ տարել է Գյումրիում: Մինչդեռ նախորդ առաջնությունում «Բանանցի» մարզադաշտում անցկացրած 3 հանդիպումներում էլ շիրակցիները հաղթել էին:

Հարկ է նշել, որ մրցակիցների դիմակայությունում եղել է մի մեծ ժամանակահատված, երբ «Բանանցը» «Շիրակի» ամենաանհարմար մրցակիցն էր ՀՀ առաջնություններում: 2003-2012թթ. ընթացքում մրցակիցների միջև կայացած 34 հանդիպումներից և ոչ մեկում «Շիրակին» չի հաջողվել գոնե մեկ հաղթանակ տոնել «Բանանցի» նկատմամբ:

 «Բանանցի» հետ հանդիպումներում շիրակցիներից լավագույն արդյունքն ունի Անդրանիկ Բարիկյանը՝ խփելով 8 գնդակ: «Բանանցից» բոլորից արդյունավետ են գործել Արամ Հակոբյանն ու Արսեն Բալաբեկյանը` ևս դառնալով 8-ական գոլի հեղինակ:

Ներկայիս կազմի ֆուտբոլիստներից «Բանանցում» առավել արդյունավետ է գործել Նորայր Գյոզալյանը՝ 5 անգամ գրավելով «Շիրակի» դարպասը: Ռումյան Հովսեփյանը դարձել է 3 գոլի հեղինակ, մեկական անգամ էլ աչքի են ընկել Արամ Բարեղամյանը,  Վահագն Այվազյանը, Վալմերսոն Գարսիա Պրայան և Կվասի Սիբոն:

Հետաքրքիր է, որ Գևորգ Հովհաննիսյանը «Շիրակում» հանդես գալիս «Բանանցի» հետ հանդիպումներում աչքի է ընկել երկու անգամ՝ մեկական գոլ խփելով մրցակցի (2008թ.) և սեփական (2014/15թթ.) դարպասները:

Շիրակցիներից մեկական անգամ «Բանանցի» դարպասը գրավել են Մոհամեդ Կաբան, Սոլոմոն Իմե Ուդոն, Վարդան Բակալյանը և Իգոր Ստանոևիչը:

4-րդ զգուշացման պատճառով հանդիպմանը չի մասնակցի «Շիրակի» ավագ Աղվան Դավոյանը, ով առանց փոխարինման հանդես է եկել թիմի անցկացրած բոլոր 26 խաղերում: Նրա բացակայությունը լուրջ կորուստ է «Շիրակի» համար:

«Բանանցից» խաղը բաց կթողնի Նարեկ Պետրոսյանը, ով ևս 4 դեղին քարտի է արժանացել:

Աշոտ Հայրապետյան

Միացի՛ր հայկական ամենասպորտային Instagram-ին:


Բարձրագույն խմբի 15-րդ տուրի խորհրդանշական հավաքականը և լավագույն ֆուտբոլիստը

«Գանձասար-Կապանից» շուրջ 2,5 տարի պահանջվեց «Շիրակին» ԲԽ-ում հաղթելու համար

Արմեն Պետրոսյան․ «Շատ գոհ եմ մեր ֆուտբոլիստներից, բայց կան օղակներ, որոնք պետք է համալրենք» (տեսանյութ)

Աշոտ Բարսեղյանը ՀՖՖ-ին հորդորում է վերադարձնել առաջնության նախկին ձևաչափը (տեսանյութ)

Վարդան Բիչախչյան․ «Փորձելու ենք պահել թիմի կազմի 90%-ը, նաև հաստատ ունենալու ենք 1-2 նորեկ» (տեսանյութ)

«Գանձասար-Կապանը» կրկին հաղթեց «Շիրակին», «Նոան» էլ հերթական անգամ ուժեղ գտնվեց «Արարատից» (տեսանյութ)

«Արարատ-Արմենիան» և «Ուրարտուն» տարին ավարտեցին ոչ-ոքիով․ VNews-ի ֆոտոշարքը

Ջոնել Դեսիրեի պենտա-տրիկը և «Լոռիի» սպասված հաղթանակը, ոչ-ոքիներ մյուս խաղերում (տեսանյութ)

Գրիգորյանը չեմպիոնի դեմ խաղով կսկսի աշխատանքն առաջնությունում․ Ամենաուշագրավ փաստերը՝ ԲԽ-ի 15-րդ տուրին ընդառաջ

11-2-ի հետքերով․ Որ թիմն է տոնել ամենախոշոր հաշվով հաղթանակը գավաթի խաղարկությունների պատմության մեջ

«Ուրարտուն» հանդես է եկել հայտարարությամբ` կապված ՀՖՖ առաջիկա ժողովի հետ

Դավիդ Կամպանյա․ «0-1 հաշվի ժամանակ թիմերից մեկն ուզում էր ֆուտբոլ խաղալ, իսկ մյուսն ուղղակի ժամանակ էր անցկացնում դաշտում» (տեսանյութ)

Ալեքսանդր Գրիգորյան․ «Միջակ լեգեոների փոխարեն ավելի լավ է շանս տալ հայ ֆուտբոլիստի, որը կարող է աճել»

«Արարատը», «Շիրակն» ու «Փյունիկը» համատեղ հայտարարություն են տարածել՝ կապված ՀՖՖ առաջիկա ժողովի հետ

Բարձրագույն խմբի 14-րդ տուրի խորհրդանշական հավաքականը և լավագույն ֆուտբոլիստը

Գավաթային շունչ Չարենցավանում, ԲԽ-ի թիմերի պայքար Վանաձորում և Երևանում․ VBet Հայաստանի գավաթի քառորդ եզրափակիչին ընդառաջ