Պայծառափայլ և գոլառատ օր՝ արտերկրում հանդես եկող հայ ֆուտբոլիստների համար (տեսանյութ) - VNews
Բաժիններ

Պայծառափայլ և գոլառատ օր՝ արտերկրում հանդես եկող հայ ֆուտբոլիստների համար (տեսանյութ)

Օրվա գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք ներկայացնում մայիսի 13-ի իրադարձությունների քրոնիկոնը:

Անգլիայի Պրեմիեր լիգա, 38-րդ տուր. «Հադերսֆիլդ Թաուն» 0-1 «Արսենալ». Հենրիխ Մխիթարյանը մասնակցել է ամբողջ հանդիպմանը: «Արսենալն» առաջնությունն ավարտել է 6-րդ հորիզոնականում՝ ձեռք բերելով Եվրոպա լիգայի խմբային փուլի ուղեգիր:

Շվեդիայի Բարձրագույն խումբ, 8-րդ տուր. «Յուրգորդեն» 1-0 «Դալկուրդ». Յուրա Մովսիսյանը մնացել է պահեստայինների նստարանին: «Յուրգորդենը» 16 թիմի պայքարում 8-10-րդ տեղերն է կիսում «Հակենի» և «Մալմյոյի» հետ: Փաստորեն, Մովսիսյանը «Յուրգորդենի» վերջին 3 պաշտոնական խաղում մնացել է պահեստայինների նստարանին:

Ղազախստանի Պրեմիեր լիգա, 10-րդ տուր. «Ակտոբե» 5-3 «Ակժայիկ». Մարկոս Պիզելին դարձել է դուբլի և գոլային փոխանցման հեղինակ: Ամենահայ բրազիլացին մրցակցի դարպասը գրավել է 41-րդ և 67-րդ րոպեներին, իսկ արդյունավետ փոխանցումն իր անվան դիմաց է գրանցել 45-րդ րոպեին: Մարկոսը մասնակցել է ամբողջ հանդիպմանը: «Ակտոբեն» 12 թիմի պայքարում 11-րդ հորիզոնականում է, քանի որ, ՖԻՖԱ-ի որոշմամբ, ակումբից հանվել է 6 միավոր:

Պորտուգալիայի Պրիմերա, 34-րդ տուր. «Մարիտիմու» 2-1 «Սպորտինգ». Գևորգ Ղազարյանը մրցավարի կողմից ավելացված ժամանակի 2-րդ րոպեին հաղթանակ է պարգևել իր թիմին: Նա մասնակցել է ամբողջ հանդիպմանը: «Մարիտիմուն» Պրիմերայի ավարտված առաջնությունում հանգրվանել է 7-րդ հորիզոնականում: Նրա պես 47 միավոր է վաստակել նաև 6-րդ տեղը զբաղեցրած «Չավեսը»:

Մակեդոնիայի Բարձրագույն խումբ, 34-րդ տուր. «Վարդար» 2-3 «Պելիստեր». դաշտի տերերից հաշիվը բացել է Տիգրան Բարսեղյանը՝ աչքի ընկնելով 8-րդ րոպեին: Նա եղել է մեկնարկային կազմում և փոխարինվել 70-րդ րոպեին, 44-րդ րոպեին էլ դեղին քարտ է ստացել: Հովհաննես Համբարձումյանը մասնակցել է ամբողջ խաղին: «Վարդարը» 10 թիմի պայքարում զբաղեցնում է 2-րդ տեղը՝ առաջատար «Շկենդիայից» հետ մնալով 32 միավորով:

Գերմանիայի 2-րդ Բունդեսլիգա, 34-րդ տուր. «Բոխում» 1-1 «Յան Ռեգենսբուրգ». Սարգիս Ադամյանը 64-րդ րոպեին դարձել է գոլային փոխանցման հեղինակ: Նա մասնակցել է ամբողջ հանդիպմանը, 62-րդ րոպեին նաև զգուշացվել դեղին քարտով: Վերջնական արդյունքում 48-ական միավորով 4-8-րդ տեղերն են կիսել «Արմինիան», «Յան Ռեգենսբուրգը», «Բոխումը» և «Դույսբուրգը»: «Յան Ռեգենսբուրգը» հանգրվանել է 5-րդ տեղում:

Լյուքսեմբուրգի Բարձրագույն խումբ, 25-րդ տուր. «Հոստերտ» 1-6 «Պրոգրես Նիդերկորն». Ալեքսանդր Կարապետյանը դարձել է հերթական հեթ-տրիքի հեղինակը՝ աչքի ընկնելով 8-րդ, 79-րդ և 81-րդ րոպեներին: Նա մասնակցել է ամբողջ հանդիպմանը: Կարապետյանն արդեն 28 գոլ է խփել ընթացիկ առաջնությունում և լիգայի 2-րդ լավագույն ռմբարկուն է: «Պրոգրես Նիդերկորնը» 14 թիմի պայքարում զբաղեցնում է 2-րդ տեղը՝ առաջատար «Դյուդելանժին» զիջելով 5 միավորով:

Մոլդովայի Բարձրագույն խումբ, 7-րդ տուր. «Զարիա Բալթի» 0-1 «Շերիֆ». Արաս Օզբիլիսը եղել է մեկնարկային կազմում և փոխարինվել 33-րդ րոպեին: «Շերիֆը» 8 թիմի պայքարում վստահորեն գլխավորում է մրցաշարային աղյուսակը:

Միացի՛ր հայկական ամենասպորտային Instagram-ին:

1 2

Մխիթարյանը համաձայնության է հասել «Ռոմայի» հետ ու ևս մեկ տարի կխաղա Հռոմում

«Արսենալի» պահեստայինից՝ «Ռոմայի» առաջատար. Մխիթարյանի վերածնունդի մրցաշրջանը

Մխիթարյանի գնահատականները՝ «Սևիլիայի» դեմ խաղում

Հենրիխ Մխիթարյան. «Փորձեցինք ցույց տալ մեր լավագույն որակները, բայց չստավեց»

ԵԼ․ Մխիթարյանն ու «Ռոման» լքում են պայքարը, «Բայերը» քառորդ եզրափակիչում է (տեսանյութ)

«Ռոմայի» մեկնարկային կազմը «Սևիլիայի» դեմ խաղում

Վիլիանը համաձայնեցրել է պայմանագիրը նոր ակումբի հետ

Մխիթարյանն ու մյուս աստղերը շնորհակալություն են հայտնում բժիշկներին. ՈւԵՖԱ-ի նոր ակցիան (տեսանյութ)

Մխիթարյանն ու խաղընկերները նախախաղային մարզում են անցկացրել Դույսբուրգում (ֆոտո)

Մխիթարյանի գոլային փոխանցումը հավակնում է դառնալ լավագույնը (տեսանյութ)

Մխիթարյան․ «Մենք սրտով Լիբանանի ժողովրդի ու Բեյրութում ապրող մեր հայրենակիցների կողքին ենք»

«Ռոման» ներկայացրել է Ա Սերիայում թիմի լավագույն ասիստենտներին․ Մխիթարյանը եռյակում է

Հենրիխ Մխիթարյանի ասուլիսը «Սևիլիայի» դեմ խաղից առաջ

Նվաճե՞լ է հայ ֆուտբոլիստը տիտղոս Հայաստանից դուրս, թե՞ ոչ․ VNews-ի Quiz-ը

Սանչեսը կրկնել է Մխիթարյանի տրանսֆերի սցենարը

«Ռոմայի» հայտացուցակը «Սևիլիայի» դեմ խաղի համար