Նորընծա գավաթակիր Աշոտ Բարսեղյանը կրկնել է Վարդան Մինասյանի ու Սարգիս Հովսեփյանի ցուցանիշը - VNews
Բաժիններ

Նորընծա գավաթակիր Աշոտ Բարսեղյանը կրկնել է Վարդան Մինասյանի ու Սարգիս Հովսեփյանի ցուցանիշը

«Գանձասար-Կապանի» գլխավոր մարզիչ Աշոտ Բարսեղյանը մարզչական կարիերայում առայժմ ամենամեծ նվաճմանը հասավ՝ իր սաներին առաջին անգամ գավաթային բարձունքին հասցնելով: Ավելորդ չէ հիշեցնել, որ հենց Աշոտ Բարսեղյանի գլխավորությամբ էր «Գանձասար-Կապանը» մինչ այդ հասել իր ամենամեծ հաջողությանը՝ դառնալով նախորդ առաջնության փոխչեմպիոն:

Աշոտ Բարսեղյանը դարձավ ՀՀ գավաթակիր թիմ պատրաստած 5-րդ մարզիչը, ով ֆուտբոլիստի կարիերայում վայելել էր գավաթի նվաճման բերկրանքը: Նախկինում դա հաջողվել էր Վարդան Մինասյանին, Արմեն Շահգելդյանին, Սարգիս Հովսեփյանին և Ռաֆայել Նազարյանին:

Հիշեցնենք, որ Աշոտ Բարսեղյանը 1992թ. «Բանանցում» Վարուժան Սուքիասյանի գլխավորությամբ դարձել էր Հայաստանի առաջին գավաթակիր: Նա գավաթի անդրանիկ խաղարկությունում 6 գոլի հեղինակ էր դարձել՝ ցույց տալով թիմում լավագույն արդյունքը:

Իսկ ահա մարզիչներից յուրօրինակ ռեկորդակիր Վարուժան Սուքիասյանը, որի գլխավորած թիմերը 4 անգամ նվաճել են պատվավոր մրցանակը (1992թ.` «Բանանց», 1998-1999թթ.` «Ցեմենտ», 2008թ.` «Արարատ»), մարզչական կարիերայում երկրորդ անգամ իր սաների հետ անհաջողության մատնվեց գավաթի եզրափակչում: Նախկինում նրա օրոք 2007թ. գավաթի եզրափակչում պարտություն էր կրել «Արարատը»՝ լրացուցիչ ժամանակում 1-3 հաշվով զիջելով «Բանանցին»:

Վարուժան Սուքիասյանի գլխավորած թիմերը 6-րդ անգամ հանդես եկան գավաթի եզրափակչում, ինչը ևս յուրօրինակ ռեկորդ է:

Ընդհանուր առմամբ ՀՀ գավաթի 27-ամյա պատմության ընթացքում 18 մարզիչների է հաջողվել գավաթակիր թիմ պատրաստել: Նրանցից 4-ն այլազգի մասնագետներ են: Գավաթի նվաճման բերկրանքն իրենց սաների հետ կիսել են արգենտինացի Օսկար Լոպեսը, ռումինացի Միխայ Ստոյկիցան, չեխ Յան Պոշտուլկան և իսպանացի Տիտո Ռամալյոն:

VivaroNews.am-ը ներկայացնում է այն 18 մարզիչների ցանկը, որոնց բախտ է վիճակվել իրենց սաների հետ Հայաստանի գավաթով պատվո շրջան կատարել մարզադաշտում:

Մարզիչներ Գավաթ Ակումբներ Մրցաշրջան
1.Վարուժան Սուքիասյան 4 «Բանանց», «Ցեմենտ», «Արարատ» 1992, 1998-1999, 2008
2.Արմեն Սարգսյան 2 «Արարատ» 1993-1994
3.Էդուարդ Մարգարով 2 «Միկա» 2000-2001
4.Արմեն Ադամյան 2 «Միկա» 2005-2006
5.Վարդան Մինասյան 2 «Փյունիկ» 2009-2010
6.Սարգիս Հովսեփյան 2 «Փյունիկ» 2013/14-2014/15
7.Վարդան Բիչախչյան 2 «Շիրակ» 2012, 2016/17
8.Սամվել Դարբինյան 1 «Արարատ» 1995
9.Խորեն Հովհաննիսյան 1 «Փյունիկ» 1996
10.Արկադի Անդրեասյան 1 «Արարատ» 1997
11.Օսկար Լոպես 1 «Փյունիկ» 2002
12.Սուրեն Բարսեղյան 1 «Միկա» 2003
13.Միխայ Ստոյկիցա 1 «Փյունիկ» 2004
14.Յան Պոշտուլկա 1 «Բանանց» 2007
15.Արմեն Շահգելդյան 1 «Միկա» 2011
16.Ռաֆայել Նազարյան 1 «Փյունիկ» 2012/13
17.Տիտո Ռամալյո 1 «Բանանց» 2015/16
18.Աշոտ Բարսեղյան 1 «Գանձասար-Կապան» 2017/18

Աշոտ Հայրապետյան

Միացի՛ր հայկական ամենասպորտային Instagram-ին:


«Ուրարտուն» Դեսիրեի դուբլի շնորհիվ առավելության հասավ «Վանի» նկատմամբ (տեսանյութ)

«Ուրարտու» – «Վան»․ Մեկնարկային կազմեր, ուղիղ հեռարձակում (տեսանյութ)

Ռաֆայել Նազարյանը կգլխավորի Հայաստանի Մ21 տարեկանների հավաքականը

Էդգար Մալաքյանի գոլը հաղթանակ պարգևեց «Արարատին» «Գանձասար-Կապանի» դեմ խաղում (տեսանյութ)

Երևանյան 5 խաղերով վերադառնում է VBET Հայաստանի Պրեմիեր լիգան․ Ամենաուշագրավ փաստերը՝ 8-րդ տուրին ընդառաջ

«Արարատ-Արմենիա» – «Ուրարտու» ընկերական խաղն ավարտվել է ոչ-ոքի

Արցախից ժամանած 70 երեխաներ և մայրեր հյուրընկալվել են «Ուրարտուի» մարզաբազայում (տեսանյութ)

«Արարատն» առաջին անհրաժեշտության իրեր է ուղարկել առաջնագիծ (ֆոտո)

«Արարատի» սերբ ֆուտբոլիստները տպավորիչ ակցիա են իրականացրել

«Գանձասար-Կապանն» իր օգնությունն է տրամադրել ՊԲ-ին

«Արարատը» առաջնագիծ կուղարկի անհրաժեշտ ապրանքներ

VBET Հայաստանի Պրեմիեր լիգայի 5-րդ տուրի խորհրդանշական հավաքականը և լավագույն ֆուտբոլիստը

Աղվան Պապիկյան. «Արարատից» շատերին էի ճանաչում, ինչը օգնեց հեշտ մերվել թիմում» (տեսանյութ)

Աղվան Դավոյան. «Որպես ավագ ներողություն եմ խնդրում «Շիրակի» երկրպագուներից վերջին արդյունքների համար» (տեսանյութ)

Տիգրան Դավթյան. «Պաշտպանական գծի ֆուտբոլիստները անվստահ են հանդես գալիս վերջին 2 խաղերում» (տեսանյութ)

Վարդան Բիչախչյան. «Անսովոր էր առաջին անգամ Գյումրիում հյուրի կարգավիճակում լինել» (տեսանյութ)