fbpx

«Արարատ-73». Փառքի երկու գագաթին. Խոշոր հաշվով առաջին հաղթանակը

Այս տարի լրանում է հայկական ֆուտբոլի երբեմնի դրոշակակիր Երևանի «Արարատի» փառահեղ հաղթանակի 45-ամյակը: 1973թ. հայկական ֆուտբոլի տարեգրությունում մի նոր վառ ու անկրկնելի էջ գրվեց: «Արարատն» իսկական մարզական սխրանք գործեց՝ նվաճելով խորհրդային ֆուտբոլի ամենապատվավոր տիտղոսները՝ երկրի չեմպիոնի ոսկե մեդալներն ու բյուրեղապակյա գավաթը:

VivaroNews.am-ը փառահեղ հաղթանակի 45-ամյակի կապակցությամբ շարունակում է մրցաշրջան-73-ում «Արարատի» ելույթների մասին պատմող հոդվածաշարի տպագրությունը, ինչն անկասկած հաճելի հուշեր կարթնացնի ֆուտբոլասերներից շատերի մոտ:

Սիմոնյանի մտահոգությունն անտեղի չէր

«Արարատ» -«Կարպատներ» Լվով՝  3-0 (0-0)

Երևան, 6 մայիսի, «Հրազդան» մարզադաշտ, 61 հազար հանդիսական:

Մրցավար՝ Յուրի Չեռնիկով (Մոսկվա):

«Արարատ» – Ալյոշա Աբրահամյան – 5, Սանասար Գևորգյան – 4, Արկադի Հարությունյան – 4, Ալեքսանդր Կովալենկո – 3, Նորայր Մեսրոպյան – 4, Արկադի Անդրեասյան – 5, Սերգեյ Պողոսյան- 4 (Էդուարդ Մարգարով, 70-ա/գ), Լևոն Իշտոյան – 5, Նազար Պետրոսյան – 3 (Սերգեյ Բոնդարենկո, 70-ա/գ),  Հովհաննես Զանազանյան – 5, Նիկոլայ Ղազարյան – 5:

«Կարպատներ» – Գաբոր Վայդա – 3, Յարոսլավ Կիկոտ- 4, Ռոստիսլավ Պոտոչնյակ – 4, Ֆյոդոր Չորբա – 3, Ստեփան Կրուպեյ – 3, Լև Բրովարսկի – 3, Վլադիմիր Դանիլյուկ – 4, Օստապ Սավկա – 3, Ռոման Շպոդարունոկ – 4, Ռոման Պոկորա – 3, Գենադի Լիխաչյով – 3:

Գոլերը՝ Զանազանյան 54՛, 11մ, Ղազարյան 64՛, Անդրեասյան 84՛:

Զգուշացվեց Կովալենկոն:

Առաջնության առաջատարներից մեկի՝ «Դնեպրի» նկատմամբ հաղթանակ տոնելուց 4 օր անց «Արարատը»  6-րդ տուրում սեփական հարկի տակ հյուրընկալեց ուկրաինական մեկ այլ թիմի՝ Լվովի «Կարպատներին»: Հյուրերն անհաջող էին մեկնարկել՝ մեկ միավորով զբաղեցնելով աղյուսակի նախավերջին հորիզոնականը:

Խաղի նախօրեին տված հարցազրույցում Նիկիտա Սիմոնյանը մտավախություն էր հայտնել, թե արարատցիները հնարավոր է թերագնահատեն մրցակցին, ինչպես հարկն է չտրամադրվեն հանդիպմանը:

Ինչպես ցույց տվեց հանդիպման ընթացքը, Սիմոնյանի մտահոգությունն անտեղի չէր: Առաջին 15 րոպեներին ստեղծելով դարպասը գրավելու մի քանի իրական պահեր, արարատցիները չկարողացան արդյունքի հասնել և շուտով գրոհների «թափը» կոտրվեց:

Օգտվելով դրանից, հյուրերն իրենք անցան ակտիվ գործողությունների, որոնց արդյունքում Շպոդարունոկն ու Բրովարսկին կարող էին գրավել «Արարատի» դարպասը, սակայն գերազանց խաղաց Ալյոշա Աբրահամյանը:

Ընդմիջմանը Նիկիտա Սիմոնյանն անհրաժեշտ ցուցումներ տվեց իր սաներին, որոնք 2-րդ խաղակեսում ավելացրին խաղի տեմպը: Արարատցիները սկսեցին ակտիվ գործել հարձակման եզրերում, որտեղ արագաշարժ Ղազարյանն ու Իշտոյանը հաճախակի հաղթող էին դուրս գալիս մրցակցի հետ պայքարում:

Տակտիկական նման վերադասավորումը շուտով ցանկալի արդյունք տվեց: Գրոհներից մեկի ժամանակ պաշտպան Կրուպեյը սեփական տուգանային հրապարակում վայր գցեց Անդրեասյանին և Զանազանյանը հստակ իրացրեց 11մ հարվածը:

10 րոպե անց Իշտոյանը ճշգրիտ փոխանցումով դարպասապահի դիմաց մեն-մենակ դուրս բերեց Ղազարյանին, ով կրկնապատկեց հաշիվը: Իսկ խաղավերջում տուգանայինի խաղարկումից հետո Անդրեասյանը 3-րդ անգամ ստիպեց հյուրերի դարպասապահ Վայդային գնդակը հանել ցանցից:

Ինչպես նախորդ տուրում Թբիլիսիում, Երևանում էլ հետնապահը 0-3 հաշվով պարտություն կրեց: Իսկ «Արարատը» մրցաշրջան-73-ում խոշոր հաշվով իր առաջին հաղթանակը տոնեց՝ առաջին միավորը վաստակելով համանուն մրցանակի համար պայքարում:

Սեփական հարկի տակ տոնած երկու անընդմեջ հաղթանակների շնորհիվ արարատցիները 4-րդ տեղից բարձրացան 2-րդ հորիզոնական՝ մեկ միավորով հետ մնալով առաջատար «Շախտյորից»:  Իսկ Արկադի Անդրեասյանը 5 գնդակով գլխավորեց առաջնության լավագույն ռմբարկուների ցանկը:

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


«Գանձասար-Կապանն» ու իր «առեղծվածային» շարքը, առաջնության «դիպուկահար-հարձակվողը»

Իլշատ Ֆայզուլին․ «Բանանցում» հանդես եկող հայ բոլոր ֆուտբոլիստներն էլ արժանի են հրավիրվելու հավաքական» (տեսանյութ)

Աբրահամ Խաշմանյան․ «Ոչ թե մրցակիցներն են գոլային պահեր «սարքում» մեր դարպասին, այլ՝ մենք» (տեսանյութ)

Ֆանտաստիկ Կոբյալկո ու «ոսկե» խաղում հաղթած «Արարատ-Արմենիա», «Բանանցն» էլ ուժեղ էր «Արարատից» (տեսանյութ)

«Ալաշկերտ» – «Արարատ-Արմենիա» սուպերխաղը և «Բանանց» – «Արարատ»․ Մեկնարկային կազմեր, ուղիղ հեռարձակումներ (տեսանյութ)

Հայկական Կլասիկո, որը կազդի չեմպիոնական պայքարի վրա․ Ամենահետաքրքիր փաստերը՝ ԲԽ-ի 23-րդ տուրին ընդառաջ

«Շիրակը» մոտ 7 ամսվա դադարից հետո գոլ բաց թողեց Գյումրիում, իսկ Անտոն Կոբյալկոն անկասելի է

Սևադա Արզումանյան․ «Արցախն» ու «Արարատը» մյուս ակումբներից առանձնանում են նրանով, որ թիմ կառուցելու ճանապարհին են» (տեսանյութ)

Աբրահամ Խաշմանյան․ «Եթե մյուս տարի պայքարելու չլինեինք եվրագավաթների համար, ապա ես անելիք չէի ունենա «Արարատում» (տեսանյութ)

Հետնապահները մաքառեցին խաղադաշտում, բայց երկրպագուները դարպասի գրավում չտեսան (տեսանյութ)

«Արցախ» – «Արարատ»․ Մեկնարկային կազմեր, ուղիղ հեռարձակում (տեսանյութ)

Գերկարևոր խաղ Գյումրիում, հետնապահների դուելը․ Ամենահետաքրքիր փաստերը՝ ԲԽ-ի 22-րդ տուրին ընդառաջ

11 լավագույնները․ Բարձրագույն խմբի առաջնության 21-րդ տուրի խորհրդանշական հավաքականը

«Արարատ-Արմենիայի» հզոր վիճակագրությունը, Դեսիրեի «ամենասիրելի» մրցակիցը

Վարդան Բիչախչյան․ «Մենք մեզ պայքարից դուրս չենք թողել» (տեսանյութ)

Աբրահամ Խաշմանյան․ «Իմաստ չունի, որ նման ֆուտբոլիստների հետ շարունակենք աշխատանքը» (տեսանյութ)