fbpx

Կառլեն Մկրտչյանը «Փյունիկում» ամենատարեցն է, 22-ամյա ֆուտբոլիստը՝ ամենափորձառուն ԲԽ-ում

«Փյունիկի» ելույթների ամփոփումը՝ 10 փաստով

VNews.am-ը շարունակում է ՀՀ ավարտված առաջնության մասնակից ակումբների ելույթների ամփոփումը: Այսօր կանդրադառնանք «Փյունիկին»:

1. Հայաստանի ամենատիտղոսակիր ակումբը՝ 14-ակի չեմպիոն «Փյունիկը» 2-րդ մրցաշրջանն անընդմեջ մնաց առանց առաջնության պարգևների: Վերջին անգամ «Փյունիկը» մրցանակակիր է դարձել 2015/16թթ. առաջնությունում՝ արժանանալով բրոնզե մեդալների:

26-րդ առաջնությունը «Փյունիկն» ավարտեց 5-րդ հորիզոնականում՝ 30 հանդիպումներում վաստակելով 36 միավոր (+9=9-12, 37-41), ինչը հնարավոր միավորների 40 տոկոսն է: Ընդ որում Գյումրիում «Շիրակի» հետ նշանակված առաջնության ավարտական հանդիպումը չկայացավ և փյունիկցիներին 3-0 հաշվով տեխնիկական հաղթանակ շնորհվեց:

Նախորդ առաջնության համեմատ փյունիկցիները վատթարացրել են ցուցանիշները: «Փյունիկը» 9 միավոր պակաս վաստակեց, 3 հաղթանակ պակաս տոնեց, փոխարենը 3 պարտություն ավելին կրեց: Փյունիկցիները մեկ գոլ պակաս խփեցին, 14 գնդակ ավելին բաց թողեցին:

Հիշեցնենք, որ նախորդ առաջնությունում «Փյունիկը» 45 միավորով (+12=9-9, 35-27) զբաղեցրել էր 4-րդ տեղը:

Նա ոսկե մեդալ չստացավ, բայց «Ալաշկերտի» չեմպիոնության գլխավոր կերտողներից մեկն է. «Ալաշկերտի» ելույթների ամփոփումը՝ 10 փաստով

2. Առաջնության մասնակիցներից «Փյունիկը» միակն էր, որում արդեն աշնանային հատվածում մարզչական փոփոխություն տեղի ունեցավ: Առաջնության մեկնարկային խաղում, ինչպես նաև 12-30-րդ տուրերում «Փյունիկի» ղեկին Արմեն Գյուլբուդաղյանցն էր, որի օրոք 20 հանդիպումներում թիմը վաստակեց 29 միավոր (+8=5-7, 31-26), ինչը հնարավոր միավորների 48,3 տոկոսն է:

2-10-րդ տուրերում «Փյունիկին» մարզում էր Ալեքսեյ Երյոմենկոն, որի գլխավորությամբ անցկացրած 9 հանդիպումներում փյունիկցիները վաստակեցին ընդամենը 6 միավոր (+1=3-5, 6-15), ինչը հնարավոր միավորների 22,2 տոկոսն է:

«Գանձասար-Կապանի» հետ կայացած 11-րդ տուրի խաղում, որում գոլազուրկ ոչ-ոքի գրանցվեց, փյունիկցիների գործողությունները ղեկավարում էր Սուրեն Չախալյանը:

Ովքեր են Բարձրագույն խումբ 2017/18-ի լավագույն ֆուտբոլիստներն ու մարզիչն ըստ VivaroNews-ի

3. «Փյունիկն» առաջնության աշնանային հատվածում անկայուն ելույթներ ունեցավ՝ 15 հանդիպումներում վաստակելով 17 միավոր (+4=5-6, 16-20), ինչը հնարավոր միավորների 37,7 տոկոսն է:

Աշնանն առավել հաջող «Փյունիկը» հանդես եկավ 3-րդ շրջանում` 5 հանդիպումներում վաստակելով 10 միավոր (+3=1-1, 8-3), ինչը հնարավոր միավորների 66,6 տոկոսն է:

Իսկ ահա 2-րդ շրջանում Ալեքսեյ Երյոմենկոյի օրոք «Փյունիկը» պարզապես ձախողվեց՝ վաստակելով ընդամենը 2 միավոր (+0=2-3, 3-7), ինչը հնարավոր միավորների 13,3 տոկոսն է: Առաջնության մասնակիցներից նման ցածր արդյունք գրանցել էր միայն «Արարատը»:

30 խաղ, 0 կարմիր քարտ. Հայաստանի առաջնության «ամենաբարի» թիմը. «Բանանցի» ելույթների ամփոփումը՝ 10 փաստով

Մեկնարկային 5 հանդիպումներում փյունիկցիները նույնքան միավոր վաստակեցին (+1=2-2, 5-10), ինչը հնարավոր միավորների 33,3 տոկոսն է:

Առաջնության գարնանային հատվածում փյունիկցիները 2 միավոր ավելին վաստակեցին (+5=4-6, 21-21) շնորհիվ «Շիրակի» հետ խաղում գրանցված տեխնիկական հաղթանակի:

Գարնանը «Փյունիկն» առավել հաջող խաղաց 4-րդ (+2=1-2, 8-7) և 6-րդ (+2=1-2, 9-8) շրջաններում՝ վաստակելով 7-ական միավոր: Իսկ ահա 5-րդ շրջանում թիմի օգտին 5 միավոր գրանցվեց (+1=2-2, 4-6):

Արմեն Գյուլբուդաղյանցն այլևս «Փյունիկի» գլխավոր մարզիչը չէ. նոր մարզչի անունը հայտնի կդառնա հունիսի 12-ին

«Փյունիկն» ավելի հաջող հանդես եկավ սեփական հարկի տակ՝ անցկացրած 15 հանդիպումներում վաստակելով 24 միավոր (+7=3-5, 24-19), ինչը հնարավոր միավորների 53,3 տոկոսն է:

Հյուրընկալվելիս անցկացրած 15 հանդիպումներում «Փյունիկի» օգտին գրանցվեց 12 միավոր (+2=6-7, 13-22), ինչը հնարավոր միավորների 26,6 տոկոսն է: Մրցակցի հարկի տակ «Փյունիկին» հաջողվել է հաղթանակ տոնել միայն «Արարատի» նկատմամբ (1-0): Երկրորդ հաղթանակը տեխնիկական էր՝ «Շիրակի» նկատմամբ:

4. Առաջնության 3-11-րդ տուրերում «Փյունիկը» 9 խաղ անընդմեջ չկարողացավ հաղթանակ տոնել՝ կրելով 5 պարտություն, 4-ն ավարտելով ոչ-ոքի: Այդ հանդիպումներից 8-ը թիմն անցկացրել է Ալեքսեյ Երյոմենկոյի գլխավորությամբ (=3-5): Նրա օրոք «Փյունիկը» 5 անընդմեջ պարտություն կրեց:

2 ակումբ կիսել են Հայաստանի ավարտված առաջնության անպարտելիության ռեկորդը. «Գանձասար-Կապանի» ելույթների ամփոփումը՝ 10 փաստով

9-12-րդ տուրերում փյունիկցիներն անպարտելի էին՝ տոնելով մեկ հաղթանակ, 3 խաղ ավարտելով ոչ-ոքի: 14-16-րդ տուրերում «Փյունիկն» Արմեն Գյուլբուդաղյանցի գլխավորությամբ 3 անընդմեջ հաղթանակ տոնեց:

29 հանդիպումներից 11-ում «Փյունիկին» չի հաջողվել գրավել մրցակիցների դարպասը: 8 խաղում էլ «Փյունիկի» դարպասն է անառիկ մնացել:

Փյունիկցիները խոշոր հաշվով մեկ հաղթանակ տոնեցին («Արարատ»՝ 4-0), կրեցին այդ կարգի մեկ պարտություն («Ալաշկերտ»՝ 1-5):

Պետրոս Ավետիսյանի երազանքի թիմը (տեսանյութ)

5. Առաջնության մասնակից թիմերից առավել հաջող «Փյունիկը» խաղաց «Արարատի» հետ՝ վաստակելով 9 միավոր (+2=3-1, 10-7): Իսկ ահա «Ալաշկերտի» հետ անցկացրած 6 խաղերում փյունիկցիներն ընդամենը 5 միավոր վաստակեցին (+1=2-3, 4-8):

«Բանանցի», «Շիրակի» և «Գանձասար-Կապանի» հետ հանդիպումներում փյունիկցիներն իրենց օգտին 7-ական միավոր գրանցեցին:

Հետևե՛ք VNews.am-ին նաև Youtube-ում, Instagram-ում և Telegram-ում:

1 2

Ովքեր էին լավագույն 4 ֆուտբոլիստները ԲԽ-ի 12-րդ տուրում ըստ VNews-ի (+խորհրդանշական հավաքական, քվեարկություն)

«Փյունիկը» հումորով է պատասխանել ՀՖՖ հայտարարությանը

«Արարատի» հակառեկորդը և Խաշմանյանի «չսիրելի» մրցակիցը, Նենադովիչն էլ հավասարվեց Հեբերին

Վարդան Մինասյանի և Անդրեյ Տալալաևի մեկնաբանություններն «Արարատ-Արմենիա» – «Փյունիկ» խաղից հետո (տեսանյութ)

«Փյունիկը» չի կարողանում հաղթանակ տոնել առաջնության 3-րդ խաղում անընդմեջ (տեսանյութ)

Հայաստան 4։0 մրցակից․ մեր հավաքականի 4 տպավորիչ հաղթանակները 4։0 հաշվով (տեսանյութ)

«Արարատ-Արմենիա» – «Փյունիկ»․ Մեկնարկային կազմեր, ուղիղ հեռարձակում (տեսանյութ)

Վարդան Մինասյանը նշել է՝ ինչն է ազդել Հայաստանի հավաքականից հեռանալու որոշման վրա

«Արարատ-Արմենիա» – «Փյունիկ»․ Ամենահետաքրքիր տեղեկությունները, հավանական մեկնարկային կազմեր

«Թարմ արյուն» ունեցող 10 ֆուտբոլիստ, ովքեր կարող են շանս ստանալ Հայաստանի ազգային հավաքականում

Մարկոս Պիզելի. «Արդեն ավելի լավ եմ զգում»

Հայաստանի հավաքականի 5 ֆուտբոլիստ ընդգրկվել է Ազգերի լիգայի խորհրդանշական հավաքականում

Մարկոսի ցուցանիշը, Մովսիսյանի հոբելյանական գոլը և Հայրապետյանի փայլուն վիճակագրությունը

Նոր տեղեկատվություն Մարկոս Պիզելիի վնասվածքի վերաբերյալ

«Ալեքսանդրը դամբարանում 4 անգամ շուռ եկավ». Հայաստան-Մակեդոնիա խաղի գնահատականները

Արամ Հայրապետյան․ «Երկրպագուների հետ նախօրեին կայացած հանդիպումը պակաս կարևոր չէր» (տեսանյութ)