fbpx
Բաժիններ

«21-րդ դարի տապալված Անտանտը». Ինչո՞ւ է ձախողված Պիոնտեկ-Հիգուային-Մորատա «եռակողմ դաշինքը»

Ժամանակակից ֆուտբոլում կան այնպիսի դեմքեր, ովքեր խաղադաշտում առանձնապես ոչնչով չեն փայլում ու չեն տարբերվում մյուսներից, բայց ինչ-որ անհավանական կերպով կարողանում են բարձր պահել իրենց տրանսֆերային արժեքն, ու ամեն անգամ, այս կամ այն թիմ տեղափոխվելուց հույս են ներշնչում երկրպագուներին:

2019 թվականի հունվարին գրանցվեց միանգամից եռակողմ տրանսֆեր: Պիոնտեկը տեղափոխվեց «Միլան», այնտեղից Հիգուայինը փախավ «Չելսի», «ազնվականները» «անպետք» Մորատային էլ հանձնեցին «Ատլետիկո Մադրիդ»: Հավանականություն կա, որ այս տրանսֆերներից կշահի միայն միլանյան գրանդը, իսկ հաջորդ երկուսը մրցաշրջանի վերջում անիծելու են Ձմեռ պապին՝ ամանորին անորակ «նվեր» ստանալու համար: Չնայած՝ վստահ ասել, որ «Միլանը» հաղթող է դուրս եկել այս իրավիճակում, այդքան էլ ճիշտ չէ: Դրա համար կան բազում պատճառներ:

Կշիշտոֆ Պյոնտեկ

Լեհաստանի հավաքականի հարձակվողը մեծ աղմուկով ներխուժեց Իտալիայի առաջնություն՝ գրեթե անմիջապես գրավելով լոկալ զորեղ թիմերի ուշադրությունը: Պյոնտեկը գավաթային խաղում պոկեր գրանցեց, հետո մի քանի խաղում անընդմեջ գոլի հեղինակ դարձավ: Դա արդեն բավական էր, որ նրա գործակալի ու համեստ «Ջենոայի» ներկայացուցիչների հեռախոսահամարը որոնեին «Ռեալում»: Սակայն Մադրիդում արագ հրաժարվեցին արկածախնդրությունից, չնայած որ միշտ էլ եղել են դրա կողմնակիցը (Դրենտե, Հունտելար, Կակա): Արդյունքում ամենից արագը կողմնորոշվեց «Միլանը»:

«Ռոսոներիներն» արդեն հոգնել էին «դատարկ» Հիգուայինից: Արգենտինացին դուրս էր գալիս խաղադաշտ որպես գլխաքանակ: Եթե միլանցիների կազմում Հիգուայինի մարզաշապիկով դուրս գար, ասենք, թիմի բժիշկներից մեկը, խաղը ոչ մի բանով չէր տուժի, եթե ոչ օգներ ինչ-որ բանով: Արգենտինացի ֆուտբոլիստը խաղից խաղ կորցնում էր բոլորի հարգանքն ու վստահությունը: Նրա ֆոնին Պյոնտեկը պարզապես Պելե էր:

Թող ներեն «Միլանի» երկրպագուները, սակայն այս պահին թիմում խաղացող կիսապաշտպանները չեն ձգում «բարձրակարգ» չափորոշիչ ստանալուն: Նրանցից միայն Սուսոն է, որ փորձում է թիմին քարշ տալ վեր: Այո, գուցե, նրանք կարգով ավելի բարձր են, քան «Ջենոայի» ֆուտբոլիստները, սակայն ոչ ավելին: Այդ ֆոնին Պյոնտեկի համագործակցությունը Չալհանողլուների ու Սուսոների հետ անհամեմատ ավելի արդյունավետ կարող է ստացվել, քան Հիգուայինի պարագայում:

Պյոնտեկին կարող է խանգարել միայն մեծագույն ճնշումը, որը գործադրվելու է նրա վրա: Երիտասարդ տարիքում ընդունել «Միլանի» առաջարկը, փայլել հենց սկզբից ու այդ փայլը չկորցնել, հաջողվել է միայն հատուկներին: Նման ֆուտբոլիստ «Միլանի» կազմում չկա 2008 թվականից ի վեր, երբ վերջին մոհիկան Կական խաչ քաշեց իր կարիերայի վրա՝ ընտրելով Մադրիդը: Պյոնտեկին խանգարելու են թիմի անկայությունը ու մասնավորապես երկրպագուների սպասելիքները, ովքեր սպասելու են նրանից վագոնով գոլերի:

Հետևե՛ք VNews.am-ին նաև Youtube-ում և Instagram-ում:

1 2 3

Ռոնալդուն 375 հազար դոլար է վճարել իրեն բռնաբարության համար մեղադրող կնոջը՝ լռության համար

«Յուվենտուսը» գտել է ՊՍԺ-ի խնդրի լուծման բանալին

Մաուրիցիո Սարին տառապում է թոքաբորբով

Նեյմարի հայրը կապ է հաստատել «Ռեալի» ղեկավարության հետ

Պաշտոնական. «Յուվենտուսի» պաշտպանը կարիերան կշարունակի իտալական մեկ այլ թիմում

Պաոլո Մալդինին կբանակցի մադրիդյան երկու թիմերի հետ

Ալեքսիս Սանչեսը վաղը բուժզննում կանցնի նոր ակումբում

«Բարսելոնան» վերջին առաջարկն է պատրաստում Նեյմարի համար

Մարսելո. «Նոր տրանսֆերների կարիք չունենք»

«Բարսելոնան» խախտել է «Բավարիայի» հետ ունեցած պայմանավորվածությունը

Դիբալայի ապագան մոտ է հանգուցալուծմանը. գործակալը շուտով կավարտի գործարքը

Կյանքը Ռոնալդուի հետ ու առանց նրա. «Ռեալի» խոսուն վիճակագրությունը

«Ռոնալդուն եսակենտրոն էր». Ֆոռլան

Հայտնի է «Չելսի» – «Լեսթեր» հանդիպման մրցավարի փոփոխման պատճառը

Հայտնի են Կոուտինյոյի տրանսֆերի բոլոր մանրամասները

Անսպասելի. հայտնի է, թե որտեղ կխաղա Իկարդին