Ով է Հայաստանի լավագույն ռմբարկուն եվրոգավաթներում և ուշագրավ այլ տեղեկություններ - VNews
Բաժիններ

Ով է Հայաստանի լավագույն ռմբարկուն եվրոգավաթներում և ուշագրավ այլ տեղեկություններ

Հայկական ակումբները դուրս են գալիս Եվրոպա

Հայաստանը կրկին մասնակցելու է եվրոգավաթների խաղարկություններին:

Փորձենք նախապատրաստել ձեզ հայկական ակումբների ելույթներին:

Ամենահզոր մրցակիցը  բաժին է հասել «Ալաշկերտին»

Հուլիսի 10-ին կայանալիք Չեմպիոնների լիգայի որակավորման 1-ին փուլի «Ալաշկերտ» «Սելթիկ»  հանդիպումով հայկական ակումբները կսկսեն իրենց ելույթները ֆուտբոլի եվրոգավաթների 2018/19թթ. խաղարկությունում: Վերջին 3 մրցաշրջանների Հայաստանի անփոփոխ չեմպիոնը 4-րդ անգամ է մեկնարկելու եվրոգավաթներում: Նախորդ 3 խաղարկություններում ալաշկերտցիներին մշտապես հաջողվել է հաղթահարել առաջին փուլի արգելքը:

Հետաքրքիր է, որ նախորդ 3 խաղարկությունների մեկնարկային հանդիպումներում «Ալաշկերտը» սեփական դարպասն անառիկ է պահել՝ տոնելով 2 հաղթանակ, մեկ խաղ ավարտելով գոլազուրկ ոչ-ոքի:

«Ալաշկերտը» մինչ օրս եվրոգավաթներին մասնակցած հայկական ակումբների մեջ յուրօրինակ նվաճման է հասել՝ նորամուտը նշելով հաջորդ փուլ դուրս գալով: «Ալաշկերտը» նաև Չեմպիոնների լիգայի մասնակից հայկական 8 ակումբներից միակն է, որը հեղինակավոր այդ մրցաշարում նորամուտը նշել է հաջորդ փուլի ուղեգրի նվաճմամբ:

Մեկնարկի դուրս եկող հայկական 4 ակումբներից «Ալաշկերտին» է բաժին հասել ամենադժվարին ու ամենատիտղոսակիր մրցակիցը: Այս տարի հիմնադրման 130-ամյակը նշող «Սելթիկը» Շոտլանդիայի ամենահեղինակավոր ակումբներից մեկն է, որը 49 անգամ արժանացել է երկրի չեմպիոնի տիտղոսին, ռեկորդային՝ 38 անգամ նվաճել է երկրի գավաթը, 18 անգամ էլ դարձել է շոտլանդական լիգայի գավաթակիր: Ընդ որում «Սելթիկը» վերջին 7 տարիների Շոտլանդիայի անփոփոխ չեմպիոնն է:

Նվաճած տիտղոսների քանակով «Սելթիկը» Շոտլանդիայում զիջում է միայն իր վաղեմի մրցակցին՝ «Գլազգո Ռեյնջերսին», որը 54 անգամ է արժանացել երկրի չեմպիոնի տիտղոսին, 33 անգամ նվաճել է երկրի գավաթը, 27 անգամ էլ դարձել է շոտլանդական լիգայի գավաթակիր:

Նախորդ մրցաշրջանում «Սելթիկը» հասավ կրկնակի հաջողության՝ նվաճելով երկրի չեմպիոնի և գավաթակրի տիտղոսները: Իսկ ահա եվրոգավաթներում «Սելթիկի» ցուցանիշներն առավել քան համեստ են, իսկ հատուկենտ հաջողություններն էլ գրանցվել են նախորդ դարում:

«Սելթիկն» ամենամեծ հաջողությանը հասել է 1966/67թթ. Չեմպիոնների գավաթի խաղարկությունում: Լիսաբոնում կայացած եզրափակչում 2-1 հաշվով հաղթելով իտալական «Ինտերին»՝ «Սելթիկը» դարձել էր պատվավոր մրցանակը նվաճած բրիտանական առաջին ակումբը, իսկ թիմի ֆուտբոլիստներին կնքել էին «Լիսաբոնյան առյուծներ» մականվամբ: Հարկ է նշել, որ մինչ օրս այդ հաջողությունը միակն է շոտլանդական ակումբների մեջ:

Եվս երկու անգամ «Սելթիկը» հանդես է եկել եվրոգավաթի եզրափակչում ու երկու դեպքում էլ անհաջողության է մատնվել: 1969/70թթ. մրցաշրջանում «Սելթիկը» Չեմպիոնների գավաթի եզրափակչում լրացուցիչ ժամանակում 1-2 հաշվով պարտվել է հոլանդական «Ֆեյենորդին», իսկ 2002/03թթ. ՈւԵՖԱ-ի գավաթի խաղարկության վճռորոշ խաղում կրկին լրացուցիչ ժամանակում զիջել է պորտուգալական «Պորտուին»:

Նախորդ մրցաշրջանում «Սելթիկը» Չեմպիոնների լիգայի խմբային մրցաշարում ՊՍԺ-ի, «Բավարիայի» և «Անդերլեխտի» հետ մրցակցությունում զբաղեցրել էր 3-րդ տեղը, այնուհետև Եվրոպա լիգայի 1/16 եզրափակչում զիջել էր Սանկտ-Պետերբուրգի «Զենիթին» (1-0, 0-3):

Եվրոգավաթների մրցաշարերում «Սելթիկն» առաջին անգամ է հանդիպելու հայկական ակումբի հետ: Իսկ ահա «Ալաշկերտը» շոտլանդական արգելապատնեշը հաղթահարելու փորձ արդեն ունի: 2015/16թթ. մրցաշրջանում նորամուտը նշելով եվրոգավաթների մրցաշարերում՝ ալաշկերտցիները Եվրոպա լիգայի որակավորման առաջին փուլում պայքարից դուրս էին մղել շոտլանդական «Սենթ Ջոնսթոնին» (1-0, 1-2):

Միացի՛ր հայկական ամենասպորտային Instagram-ին:

1 2

«Ուրարտուն» Դեսիրեի դուբլի շնորհիվ առավելության հասավ «Վանի» նկատմամբ (տեսանյութ)

«Ուրարտու» – «Վան»․ Մեկնարկային կազմեր, ուղիղ հեռարձակում (տեսանյութ)

Ռաֆայել Նազարյանը կգլխավորի Հայաստանի Մ21 տարեկանների հավաքականը

Եղիշե Մելիքյան. «Չեմ կարող գոհ լինել խաղից, բայց հաշվի առնելով մեր խնդիրները, չեմ էլ կարող դժգոհ լինել» (տեսանյութ)

Արտակ Օսեյան. «Նման խաղադաշտում հնարավոր չէր կոմբինացիոն ֆուտբոլ խաղալ» (տեսանյութ)

Ստեֆեն Ալֆրեդ․ «Վստահ եմ՝ պատրաստ եմ պայքարել «Փյունիկի» մեկնարկային կազմում իմ տեղի համար» (տեսանյութ)

Էդգար Մալաքյանի գոլը հաղթանակ պարգևեց «Արարատին» «Գանձասար-Կապանի» դեմ խաղում (տեսանյութ)

Արտակ Գրիգորյանը շարքից դուրս է մնացել կարճ ժամանակով

Տիգրան Դավթյան. «Երիտասարդ թիմ է, փորձառու թիմ չէ, որ կարողանա այսպիսի իրավիճակներից դուրս գալ» (տեսանյութ)

Դավիդ Կամպանյա. «Մենք ունենք պլան A, B, C» (տեսանյութ)

Միլանյան դերբիում «Միլանն» ուժեղ էր, «Լացիոն» պարտվեց խոշոր հաշվով (տեսանյութ)

Սարգիս Շահինյան․ «Թիմի լեգեոներները շատ սրտացավ են հայ ազգի նկատմամբ, ամեն օր հարցնում են նորությունների մասին» (տեսանյութ)

«Արարատ-Արմենիան» ջախջախեց «Շիրակին» (տեսանյութ)

«Փյունիկն» իր մարզաշապիկին հատուկ գրությամբ կխաղա

«Արարատ-Արմենիա» – «Շիրակ»․ Մեկնարկային կազմեր, ուղիղ հեռարձակում (տեսանյութ)

Երևանյան 5 խաղերով վերադառնում է VBET Հայաստանի Պրեմիեր լիգան․ Ամենաուշագրավ փաստերը՝ 8-րդ տուրին ընդառաջ