Մբապեն կարող էր չմասնակցել ԱԱ-ի կիսաեզրափակչին և եզրափակչին

Ֆրանսիայի հավաքականի հարձակվող Կիլիան Մբապեն վնասվածքով է անցկացրել աշխարհի առաջնության վերջին հանդիպումները, հաղորդում է L’Equipe-ն:

19-ամյա խաղացողը մեջքի խնդիրներ է ունեցել Բելգիայի հավաքականի հետ կիսաեզրափակիչ հանդիպումից առաջ (1-0): ՊՍԺ-ի ֆուտբոլիստն անզգույշ շարժում է արել, երբ առավոտյան գնալիս է եղել լոգարան, ինչի հետևանքով ուժեղ ցավեր են առաջացել: Այդուհանդերձ, շնորհիվ Ֆրանսիայի հավաքականի բժիշկների աշխատանքի, Մբապեն կարողացել է մասնակցել վճռորոշ 2 խաղին:

Կիլիանն աշխարհի ավարտված առաջնությունում դարձել է 4 գոլի հեղինակ, որոնցից մեկը գրանցվել է եզրափակչում՝ Խորվաթիայի հավաքականի դարպասը (4-2): Նա ճանաչվել է «Մունդիալի» լավագույն երիտասարդ ֆուտբոլիստ:

Դեշամը՝ Մբապեին. «Քո բախտը բերել է, որ մրցակիցդ ես չեմ»

Հետևե՛ք VNews.am-ին նաև Youtube-ում և Instagram-ում: