fbpx

Կասպարովը Սուպերգավաթում գրոհեց 2 ռեկորդ. առաջինին հասավ, երկրորդին՝ ոչ

Հայաստանի Սուպերգավաթի հանդիպումը՝ 10 փաստով

Առաջին անգամ Հայաստանում ֆուտբոլային նոր մրցաշրջանը մեկնարկեց Սուպերգավաթի խաղով: Խաղադաշտ դուրս գալով ոչ հիմնական կազմով` «Ալաշկերտին» հաջողվեց հաղթել «Գանձասար-Կապանին» և ակումբի պատմության մեջ 2-րդ անգամ նվաճել պատվավոր մրցանակը:

«Ալաշկերտն» առանց մի շարք առաջատարների հաղթեց «Գանձասար-Կապանին» ու նվաճեց Հայաստանի Սուպերգավաթը (տեսանյութ)

Սուպերգավաթի հանդիպման ամենաուշագրավ իրադարձությունները ներկայացնում ենք 10 փաստի տեսքով:

1. 3-րդ տարին անընդմեջ վիճարկելով Հակոբ Տոնոյանի անվան Սուպերգավաթը` «Ալաշկերտը» 2-րդ անգամ նվաճեց պատվավոր մրցանակը: Հիշեցնենք, որ մինչ այդ «Ալաշկերտը» սուպերգավաթակիր էր դարձել առաջին իսկ փորձից՝ 2016թ. սեպտեմբերի  24-ին հետխաղյա 11մ հարվածաշարում 3-2 հաշվով առավելության հասնելով «Բանանցի» նկատմամբ (հիմնական և լրացուցիչ ժամանակում գրանցվել էր ոչ-ոքի՝  1-1):

«Ալաշկերտը» դարձավ կրկնակի սուպերգավաթակիր ու հավասարվեց «Միկային»: Յուրօրինակ ռեկորդակիրը «Փյունիկն» է, որը 9 անգամ է դարձել սուպերգավաթակիր: 5 անգամ պատվավոր մրցանակը նվաճել է «Շիրակը», մեկական անգամ սուպերգավաթակրի կոչմանն են արժանացել «Ցեմենտը», «Արարատը» և «Բանանցը»:

2. «Ալաշկերտն» ու «Գանձասար-Կապանն» առաջին անգամ միմյանց հետ վիճարկեցին Հակոբ Տոնոյանի անվան Սուպերգավաթը՝ դառնալով պատվավոր մրցանակի համար մրցավեճի բռնված 9-րդ զույգը: Ընդ որում կապանցիներն իրենց պատմության մեջ ընդհանրապես առաջին անգամ էին մասնակցում Սուպերգավաթի հանդիպմանը:

«Ալաշկերտ»-«Գանձասար-Կապան»՝ 2:0. Մարզիչների կարծիքները (տեսանյութ)

Առավել հաճախ` 5-ական անգամ մրցանակը միմյանց հետ վիճարկել են «Փյունիկն» ու «Բանանցը» և «Փյունիկն»  ու «Միկան»: 3 անգամ «Փյունիկի» մրցակիցը եղել է «Շիրակը», 2 անգամ՝ «Արարատը»: «Շիրակն» ու «Ցեմենտը» մրցավեճի են բռնվել 2 անգամ, մեկական անգամ էլ Սուպերգավաթը վիճարկել են «Միկան» և «Ուլիսը», «Ալաշկերտն» ու «Բանանցը», «Ալաշկերտն» ու «Շիրակը»:

3. «Գանձասար-Կապանը» դարձավ Սուպերգավաթը վիճարկած 9-րդ ակումբը: Առավել հաճախ` 15 անգամ Սուպերգավաթի խաղարկությանը մասնակցել է «Փյունիկը»: «Շիրակը», «Միկան» և «Բանանցը» 6-ական անգամ են մրցավեճի բռնվել Սուպերգավաթի համար: 3 անգամ մրցանակը վիճարկել է «Ալաշկերտը», 2-ական անգամ՝ «Ցեմենտն» ու «Արարատը», մեկ անգամ էլ՝ «Ուլիսը»:

Գագիկ Դաղբաշյան. «Ամեն ինչ անելու ենք, որ պատմություն կերտենք «Ալաշկերտի» և հայկական ֆուտբոլի համար» (տեսանյութ)

«Գանձասար-Կապանը» դարձավ 2-րդ թիմը, որին ոչ միայն չի հաջողվել նվաճել մրցանակը, այլև բացել գոլերի հաշիվը: Նախկինում նման ցուցանիշ ուներ «Ուլիսը», որը 2012թ. հետխաղյա 11մ հարվածաշարում 3-5 հաշվով պարտվել էր «Միկային» (հիմնական և լրացուցիչ ժամանակում դարպասներն անառիկ էին մնացել): Սակայն, ի տարբերություն կապանցիների, ուլիսցիները Սուպերգավաթի խաղում սեփական դարպասն անառիկ են պահել:

4. 14-րդ անգամ Սուպերգավաթը վիճարկեցին երկրի չեմպիոնն ու գավաթակիրը: 10-րդ անգամ հաջողությունն ուղեկցեց չեմպիոնին: 4 անգամ Սուպերգավաթը վիճարկել են երկրի չեմպիոն ու գավաթակիր «Փյունիկը» և գավաթի եզրափակչի մասնակիցը: Բոլոր դեպքերում էլ մրցանակը շահել է «Փյունիկը»:

Արտյոմ Սիմոնյան. «Շատ լրջորեն ենք տրամադրված Եվրոպա լիգայի պատասխան խաղից առաջ» (տեսանյութ)

3 անգամ մրցել են չեմպիոնն ու 2-րդ մրցանակակիր «Շիրակը»: Այդ մրցավեճում ավելի ուժեղ է գտնվել «Շիրակը»` 2 անգամ (1996, 2003թթ.) հաղթելով երկրի չեմպիոն «Փյունիկին»: Չեմպիոնին (1998թ., «Ցեմենտ») հաջողությունն ուղեկցել է մեկ անգամ, այն էլ միայն հետխաղյա 11մ հարվածների շնորհիվ:

Հետևե՛ք VNews.am-ին նաև Youtube-ում և Instagram-ում:

1 2

«Փյունիկի» պատանի ֆուտբոլիստները ներկա են «Ռեալ Մադրիդ» – «Ժիրոնա» խաղին (տեսանյութ)

Դենիս Տալալայը՝ Անդրեյ Տալալաևի գլխավորած «Փյունիկում»

«Բանանցն» ու «Արցախը» պարտություններ են կրել ընկերական խաղերում

«Բանանցը» հետաքրքրված է հարձակման գծի 2 երիտասարդ խաղացողների ծառայություններով

«Փյունիկի» 7 պատանիներ մեկնել են «Լեգանեսի» ակադեմիա

«Ալաշկերտն» Անթալիայում հաղթանակ է տոնել, «Լոռին»՝ ոչ-ոքի խաղացել

Աբրահամ Խաշմանյան. «Մեր ֆուտբոլի վրա տասնյակ տարիներ փորձարկումներ են արել»

Տրանսֆերային ձմեռ․ Բարձրագույն խմբի ակումբների ձեռքբերումները և կորուստները (թարմացվում է)

FNL գավաթ. «Փյունիկը» նվազագույն հաշվով պարտվել է 3-րդ տուրում (լուսանկարներ, տեսանյութ)

«Ալաշկերտի» ևս մեկ ֆուտբոլիստ պայմանագիր է կնքել «Արարատի» հետ

«Բանանցը» պարտվել է Վրաստանի Բարձրագույն խմբի թիմին (տեսանյութ)

Հենրի Ավագյանը՝ Շոտլանդիայի առաջնության թիմերի ուշադրության կենտրոնում

«Ալաշկերտը» խզել է պայմանագիրն իր կիսապաշտպանի հետ

«Բանանցն» ու «Շիրակն» Անթալիայում մրցել են Դանիայի 1-ին դիվիզիոնի թիմերի հետ

FNL գավաթ. «Փյունիկը» 2-րդ անընդմեջ ոչ-ոքին է խաղացել

Գոլառատ մարզային դերբի «Լոռիի» ու «Գանձասար-Կապանի» միջև (տեսանյութ)