Վարուժան Սուքիասյանից 20 տարի պահանջվեց Սուպերգավաթակիր կրկին դառնալու համար
«Ալաշկերտի» գլխավոր մարզիչ Վարուժան Սուքիասյանը Սուպերգավաթի մրցաշարում տոնած առաջին հաղթանակից 20 տարի անց կրկին իր սաների հետ նվաճեց պատվավոր մրցանակը՝ Ժոլտ Հոռնյակից և Վարդան Բիչախչյանից հետո դառնալով կրկնակի սուպերգավաթակիր թիմ պատրաստած 3-րդ մարզիչը:
Ճիշտ է, նա նախընտրել էր «Գանձասար-Կապանի» հետ հանդիպմանը հետևել տրիբունայից, իսկ տեխնիկական գոտուց ալաշկերտցիների գործողությունները ղեկավարում էր Կարեն Բարսեղյանը:
Սուպերգավաթի մրցաշարում առաջին հաջողությանը Վարուժան Սուքիասյանը հասել էր 1998թ.: Այդ տարի նրա գլխավորությամբ Արարատի «Ցեմենտը» տպավորիչ հեթ-տրիքի հեղինակ դարձավ՝ նվաճելով Հայաստանի չեմպիոնի, գավաթակրի և սուպերգավաթակրի տիտղոսները:
Սուպերգավաթի մրցախաղում «Ցեմենտի» ֆուտբոլիստները հետխաղյա 11մ հարվածներով 4-3 հաշվով (հիմնական ժամանակում գրանցվել էր ոչ-ոքի՝ 1-1) հաղթել էին առաջնության 2-րդ մրցանակակիր «Շիրակին»:
Սուպերգավաթի մրցաշարերում առավել հաջողակ է գտնվել Վարդան Մինասյանը, ով իր սաների հետ 4 անգամ պատվո շրջան է կատարել: Ընդ որում Սուպերգավաթը նվաճելու նրա առաջին փորձը հաջողությամբ է պսակվել: 2004թ. մրցաշրջանի կեսից Միխայ Ստոյկիցայից ստանձնելով «Փյունիկի» ղեկը՝ Մինասյանն իր սաների հետ 2005թ. մայիսի 27-ին վայելեց Սուպերգավաթի նվաճման բերկրանքը: Հետագայում հաջողությունը կրկնվեց 2008, 2010-2011 թթ.:
Օտարերկրացի մարզիչներից լավագույն արդյունքի է հասել սլովակ մասնագետ Ժոլտ Հոռնյակը, ով միակն է, որ 2 թիմի է սուպերգավաթակրի տիտղոսին արժանացրել: 2012թ. նրա գլխավորությամբ Սուպերգավաթը նվաճել է «Միկան», իսկ 2 տարի անց նման հաջողության է հասել «Բանանցը»:
VNews.am-ը ներկայացնում է Սուպերգավաթի մրցաշարերում մարզիչների գրանցած արդյունքները:
| Մարզիչներ | ՍԳ | Ակումբներ |
| 1.Վարդան Մինասյան | 4 | «Փյունիկ»՝ 2005, 2008, 2010-2011 թթ. |
| 2.Անդրանիկ Ադամյան | 3 | «Շիրակ»՝ 1996, 1999, 2003թթ. |
| 3.Ժոլտ Հոռնյակ | 2 | «Միկա»՝ 2012թ., «Բանանց»՝ 2014թ. |
| 4.Վարդան Բիչախչյան | 2 | «Շիրակ»՝ 2013, 2017թթ. |
| 5.Վարուժան Սուքիասյան | 2 | «Ցեմենտ»՝ 1998թ., «Ալաշկերտ»՝ 2018թ. |
| 6.Խորեն Հովհաննիսյան | 1 | «Փյունիկ»՝ 1997թ. |
| 7.Օսկար Լոպես | 1 | «Փյունիկ»՝ 2002թ. |
| 8.Միխայ Ստոյկիցա | 1 | «Փյունիկ»՝ 2004թ. |
| 9.Արմեն Ադամյան | 1 | «Միկա»՝ 2006թ. |
| 10.Արմեն Գյուլբուդաղյանց | 1 | «Փյունիկ»՝ 2007թ. |
| 11.Արկադի Անդրեասյան | 1 | «Արարատ»՝ 2009թ. |
| 12.Սարգիս Հովսեփյան | 1 | «Փյունիկ»՝ 2015թ. |
| 13.Աբրահամ Խաշմանյան | 1 | «Ալաշկերտ»՝ 2016թ. |
Աշոտ Հայրապետյան
Հետևե՛ք VNews.am-ին նաև Youtube-ում և Instagram-ում:
-
Ընթերցեք նաև
-
Վիդեո
Ֆոտո
- Բոլորը
- Vivaro News TV
- Գոլացոներ
- Զվարճալի
- Հավաքածու
- Տեսագրություններ
- Տեսություններ