«Փյունիկ» - «Տոբոլ» խաղն անմոռանալի էր մի շարք պատճառներով - VNews
Բաժիններ

«Փյունիկ» – «Տոբոլ» խաղն անմոռանալի էր մի շարք պատճառներով

Պատասխան հանդիպումը՝ 10 փաստով

2018թ. հուլիսի 31-ին մի նոր, աննախադեպ նվաճում գրանցվեց հայկական ֆուտբոլի տարեգրությունում: Հայաստանի անկախացումից հետո եվրոգավաթների մասնակցության 25-րդ տարում հայկական թիմին վերջապես հաջողվեց հաղթահարել որակավորման երկրորդ փուլի արգելքը, ինչի առթիվ շնորհավորում ենք «Փյունիկի» ղեկավարությանը, մարզչական կազմին, ֆուտբոլիստներին, ակումբի աշխատակիցներին և հայ ֆուտբոլասերներին:

«Տոբոլի» հետ պատմական հանդիպման ամենաուշագրավ իրադարձությունները ներկայացնում ենք 10 փաստի տեսքով:

1. 19-րդ անգամ մասնակցելով եվրոգավաթների մրցաշարերին՝ «Փյունիկը» պատմական նվաճման հասավ՝ հայկական ակումբներից առաջինը հաղթահարելով որակավորման 2-րդ փուլի արգելքն ու իրավունք ստանալով հանդես գալու Եվրոպա լիգայի որակավորման 3-րդ փուլում: Դրա համար «Փյունիկից» պահանջվեց 23 տարի:

Հիշեցնենք, որ եվրոգավաթներում «Փյունիկը» նորամուտը նշել է 1996/97թթ. ՈՒԵՖԱ-ի գավաթի մրցաշարում: Այն ժամանակ գործող մրցակարգի համաձայն ցածր գործակից ունեցող երկրների (որոնց թվում էր նաև Հայաստանը) չեմպիոնները հանդես էին գալիս ՈՒԵՖԱ-ի գավաթի մրցաշարում:

Եվրոպական ասպարեզում «Փյունիկը» նորամուտը հաղթանակով նշեց՝ 1996թ. հուլիսի 17-ին «Հրազդան» մարզադաշտում 3-1 հաշվով առավելության հասնելով ֆիննական ՀԻԿ-ի նկատմամբ:

Անդրեյ Տալալաևի մամուլի ասուլիսը պատմական հաղթանակից հետո (տեսանյութ)

2. «Տոբոլի» հետ պատմական դարձած հանդիպումը եվրոգավաթներում «Փյունիկի» 52-րդ խաղն էր, որում փյունիկցիները 15-րդ հաղթանակը տոնեցին: Մնացած հանդիպումներից 9-ում գրանցվել է ոչ-ոքի, 28-ում փյունիկցիները պարտվել են: «Փյունիկը» խփել է 49 գոլ, սեփական դարպասը բաց է թողել 91 գնդակ:

3. «Փյունիկը» եվրոգավաթների որակավորման 2-րդ փուլի հանդիպումներում 2-րդ հաղթանակը տոնեց և այդ ցուցանիշով հավասարվեց «Ալաշկերտին»: Առաջին հաղթանակը փյունիկցիները տոնել էին 2015/16թթ. Չեմպիոնների լիգայի որակավորման 2-րդ փուլում՝ պատասխան խաղում սեփական հարկի տակ նվազագույն հաշվով առավելության հասնելով նորվեգական «Մյոլդեի» նկատմամբ, որից առաջին խաղում ջախջախիչ պարտություն էին կրել (0-5):

4. «Փյունիկին» միայն 7-րդ փորձից հաջողվեց հաղթահարել եվրոգավաթների խաղարկության որակավորման 2-րդ փուլի արգելքը: Այդ փուլի մնացած 12 հանդիպումներից 2-ում գրանցվել է ոչ-ոքի, 10-ում փյունիկցիները պարտվել են: «Փյունիկը» խփել է 8 գոլ, սեփական դարպասը բաց է թողել 27-ը:

Ռուսլան Կորյան. «Ամեն ինչ հենց այսպես էլ պետք է լիներ» (տեսանյութ)

5. «Փյունիկն» իր պատմության մեջ առաջին անգամ եվրոգավաթների առաջին խաղում մրցակցին պարտվելուց հետո պատասխան հանդիպման ժամանակ կարողացավ ռևանշի հասնել ու հաջորդ փուլի ուղեգիր նվաճել:

Մինչ այդ փյունիկցիները նման իրավիճակում հայտնվել էին 3 անգամ, սակայն պատասխան խաղում տոնած հաղթանակը բավարար չէր եղել երկու հանդիպումների ընդհանուր արդյունքով հաջորդ փուլ մտնելու համար:

Առաջին նման դեպքը գրանցվել էր 2012/13թթ. Եվրոպա լիգայի մրցաշարում: Առաջին խաղում «Փյունիկը» սեփական հարկի տակ Չեռնոգորիայի «Զետային» 0-3 հաշվով պարտվելուց հետո հյուրընկալվելիս հաղթել էր 2-1 հաշվով ու դուրս էր մնացել հետագա պայքարից:

Ալիկ Առաքելյան. «Հանդերձարանում իսկական տոն էր» (տեսանյութ)

Հետագայում պատմությունը կրկնվել էր 2015/16թթ. Չեմպիոնների լիգայի մրցաշարում նորվեգական «Մյոլդեի» (0-5, 1-0) և 2016/17թթ. Եվրոպա լիգայի խաղարկությունում Ջիբրալթարի «Եվրոպայի» (0-2, 2-1) հետ կայացած հանդիպումներում:

Իսկ ընդհանրապես «Փյունիկը» եվրոգավաթներում 16 անգամ է առաջին խաղում զիջել մրցակցին: Փյունիկցիներին պատասխան հանդիպումներից միայն 4-ում է հաջողվել հաղթանակ տոնել, 3-ում գրանցվել է ոչ-ոքի, 9-ում նրանք կրկին պարտվել են:

Միացի՛ր հայկական ամենասպորտային Instagram-ին:

1 2

Արթուր Միրանյանը հեռանում է «Փյունիկից»

Բարձրագույն խմբի 18-րդ տուրի խորհրդանշական հավաքականը և լավագույն ֆուտբոլիստը

Բարձրագույն խումբ. 18-րդ տուրի լավագույն 3 գոլերը (տեսանյութ)

«Արարատը» հաղթեց 300-րդ անգամ, Իշխանյանի և Բադոյանի հոբելյանական խաղերը

Արսեն Պետրոսյան․ «2 թիմերի համար էլ դժվար էր դադարից հետո միանգամից մտնել խաղային ռիթմի մեջ» (տեսանյութ)

«Արարատը» նվազագույն հաշվով հաղթեց «Ուրարտուին» (տեսանյութ)

«Արարատ» – «Ուրարտու»․ Մեկնարկային կազմեր, ուղիղ հեռարձակում (տեսանյութ)

«Ուրարտուն» հանդես կգա ակցիայով «Արարատի» հետ խաղում (լուսանկար)

Անհաշտ պայքար, բազմաթիվ գոլային պահեր, մեկ դիպուկ հարված․ VNews-ի ֆոտոշարքն «Ալաշկերտ» – «Նոա» խաղից

«Նոան» Մայրովիչի գոլի շնորհիվ հաղթեց «Ալաշկերտին» (տեսանյութ)

«Ալաշկերտ» – «Նոա»․ Մեկնարկային կազմեր, ուղիղ հեռարձակում (տեսանյութ)

Աշոտ Ավետիսյան․ «Գոլերը մանկական սխալների հետևանք էին»

Մրցավեճի ելքը վճռվեց արդեն առաջին կեսում․ VNews-ի ֆոտոշարքը «Փյունիկ» – «Արարատ-Արմենիա» հանդիպումից

Վարդան Մինասյան․ «Ֆուտբոլիստները պետք է կրկին վերականգնեն խաղային ռիթմը» (տեսանյութ)

Օզբիլիսը՝ Մովսիսյանի, Մխիթարյանի, «Յունայթեդից» եկած սկաուտների ու այլ թեմաների մասին

«Արարատ-Արմենիան» խոշոր հաշվով հաղթեց «Փյունիկին» (տեսանյութ)