fbpx

Առաջին հանդիպումը սկանդալից հետո. Ամենահետաքրքիրը՝ «Բանանց» – «Շիրակ» խաղին ընդառաջ

«ԲԱՆԱՆՑ» – «ՇԻՐԱԿ»

4 օգոստոսի, ժ.17:00, Երևան, «Բանանց-1» մարզադաշտ, 1-ին տուր

74 խաղ, +33=18-23, 121-72

Բարձրագույն խումբ. Ամառային բոլոր տրանսֆերները (թարմացվում է)

«Շիրակը» վերադարձավ Բարձրագույն խումբ՝ հապշտապ նոր կազմ հավաքագրելով

Խաղացանկի քմահաճույքով նոր մրցաշրջանը «Շիրակը» սկսում է «Բանանցի» հետ մրցավեճով, որի հետ կայացած նախորդ առաջնության 6-րդ շրջանի հանդիպումից առաջ տեղի ունեցած իրադարձությունների պատճառով հայտնվել էր սկանդալային պատմության մեջ ու ոչ միայն զրկվել Հայաստանի չեմպիոնի տիտղոսից, այլ նաև եվրոգավաթների մրցաշարի մասնակցությունից:

Այդ ամենի արդյունքում «Շիրակը» հրաժարվել էր 2018/19թթ. Հայաստանի բարձրագույն խմբի առաջնության մասնակցությունից, որի հետևանքով թիմից հեռացել էին մի շարք ֆուտբոլիստներ:

Սակայն, բարեբախտաբար, բոլորի կողմից երկար սպասված ՀՖՖ նախագահի փոփոխության հարցը վերջապես իրականություն է դառնալու, ուստի «Շիրակի» ղեկավարությունը որոշեց թիմը վերադարձնել Բարձրագույն խումբ:

Ինչ խոսք, նոր մրցաշրջանին պատշաճ ձևով նախապատրաստվելու և թիմի կազմը համալրելու համար շիրակցիները շատ ժամանակ չունեին: «Շիրակում» ելույթները կշարունակեն թիմի ավագ Աղվան Դավոյանը, Արամ Մուրադյանը, Արտյոմ Միքայելյանը, Ժիրայր Մարգարյանը:

Նրանց են միացել Խորեն Վերանյանը, Արամ Շախնազարյանը, ինչպես նաև նախկինում «Շիրակում» հանդես եկած դարպասապահ Վսևոլոդ Երմակովը, Գեորգի Գոգիչաևը և Էդեր Արեոլան: Թիմի մարզաշապիկը կկրեն նաև մի քանի այլ լեգեոնականներ, որոնք վերջին օրերին պայմանագիր են կնքել ակումբի հետ:

«Բանանցը» չարդարացրեց սպասելիքները եվրոգավաթի մրցաշարում

Ի տարբերություն «Շիրակի»՝ «Բանանցը» նոր մրցաշրջանին նախապատրաստվել է նախապես կազմած ծրագրին համապատասխան՝ խաղային անհրաժեշտ պրակտիկա ձեռք բերելով եվրոպական ասպարեզում: Ցավոք, «Բանանցին» չհաջողվեց հաղթահարել բոսնիական «Սարաևոյի» արգելքը՝ պարտվելով երկու հանդիպումներում էլ:

«Բանանցում» էլ կազմի որոշակի փոփոխություններ են տեղի ունեցել: Անշուշտ, «Բանանցի»  համար մեծ կորուստ է Ռումյան Հովսեփյանի և Լեսթեր Պելտիերի հեռանալը: Թիմը լքել են նաև մի քանի լեգեոնականներ, որոնց փոխարինել են այլազգի այլ ֆուտբոլիստներ, որոնցից արժե հիշատակել «Շիրակի» նախկին եռյակին՝ Անատոլի Այվազովին, Սոլոմոն Իմե Ուդոյին և Իգոր Ստանոևիչին, ինչպես նաև «Ալաշկերտի» նախկին պաշտպան Դմիտրի Խովբոշային, ով վնասվածքի պատճառով չմասնակցեց եվրոգավաթային հանդիպումներին:

Հետաքրքիր 5 փաստ՝ խաղին ընդառաջ

  • Բացառված չէ, որ «Բանանցի» մարզաշապիկով իրենց նախկին թիմակիցների դեմ մրցավեճում խաղադաշտ դուրս գան Անատոլի Այվազովը, Սոլոմոն Իմե Ուդոն և Իգոր Ստանոևիչը:
  • Նախորդ առաջնությունում մրցակիցների միջև կայացած հանդիպումներն ավարտվել էին «չոր» հաշիվներով: Թիմերից յուրաքանչյուրը 3-ական հաղթանակ էր տոնել: Ընդ որում վերջին երկու խաղերում էլ հաղթել են շիրակցիները՝ 1-0, 2-0:
  • «Բանանցը» միակ թիմն էր, որին հաջողվել էր նախորդ առաջնության գարնանային հատվածում հաղթել «Շիրակին», այն էլ խոշոր՝ 3-0 հաշվով: Այդ հանդիպումից հետո գյումրեցիները հաջորդ 12 խաղերում անպարտելի մնացին՝ տոնելով 8 հաղթանակ, 4-ն ավարտելով ոչ-ոքի: Իսկ «Փյունիկի» հետ ավարտական տուրի հանդիպմանը գյումրեցիները, ի նշան բողոքի, չներկայացան:

  • 2016/17թթ. առաջնության 3-րդ շրջանից մինչև 2017/18թթ. առաջնության առաջին շրջանը մրցակիցների միջև կայացած 5 խաղերում էլ հաջողությունն ուղեկցել է «Շիրակին»:
  • 2003-2012թթ. ընթացքում մրցակիցների միջև կայացած 34 հանդիպումներից և ոչ մեկում «Շիրակին» չի հաջողվել գոնե մեկ հաղթանակ տոնել «Բանանցի» նկատմամբ` կրելով 24 պարտություն, 10 խաղ ավարտելով ոչ-ոքի:

Գլխավոր դիմակայությունը՝ Էդվարդ Կպոդո VS «Շիրակ»

Կպոդոյի անունը հայտնի պատճառներով ամիսներ շարունակ պտտվում էր հայկական ԶԼՄ-ներում: Մեծ աղմուկ հանած իրադարձության կիզակետում հենց պաշտպանն էր: Ուշագրավ է, որ Կպոդոն հանդիսանում է «Շիրակի» նախկին ֆուտբոլիստ:

Ամեն ինչ ավելի թեժ կլիներ, եթե առաջիկա մրցավեճը կայանար Գյումրիում, բայց այժմ էլ ինտրիգ կա: Կպոդոն կխաղա իր նախկին ակումբի դեմ, որի երկրպագուների աչքերում հակահերոսի համբավ ունի: Չենք բացառում, որ հանդիպման ընթացքում կարող են կոշտ խախտումներ կամ լարված իրավիճակներ լինել հենց գանացու մասնակցությամբ:

Դիմակայության լավագույն ռմբարկուները

«Բանանց»՝ Արամ Հակոբյան, Արսեն Բալաբեկյան՝ 8-ական գոլ:

«Շիրակ»՝ Անդրանիկ Բարիկյան՝ 8 գոլ:

Աշոտ Հայրապետյան

Հետևե՛ք VNews.am-ին նաև Youtube-ում, Instagram-ում և Telegram-ում:


Արամ Ոսկանյանը՝ Մկոյանին հիմնական կազմ ընդգրկելու մասին․ «Եթե մենք չաջակցենք մեր ֆուտբոլիստին, ապա որտե՞ղ պետք է աջակցեն» (տեսանյութ)

«Փյունիկը» չի կարողանում հաղթանակ տոնել առաջնության 3-րդ խաղում անընդմեջ (տեսանյութ)

Աշոտ Բարսեղյան․ «Եթե պիտի լեգեոներների բերենք և նրանց պատճառով խնդիրներ ունենանք, ավելի լավ է՝ մեր «երեխեքը» խաղան» (տեսանյութ)

Երևանում տոն է, իսկ ֆուտբոլային կրքերը թեժացնում էին չեմպիոնը և գավաթակիրը․ VNews.am-ի ֆոտոշարքը

«Արարատ-Արմենիա» – «Փյունիկ»․ Մեկնարկային կազմեր, ուղիղ հեռարձակում (տեսանյութ)

Երևան քաղաքի տարեդարձին հաղթեց երևանյան թիմը․ չեմպիոնն ուժեղ էր «Գանձասար-Կապանից» (տեսանյութ)

Արմեն Գյուլբուդաղյանցը և Տիգրան Բարսեղյանը ներկա են «Ալաշկերտ» – «Գանձասար-Կապան» խաղին (լուսանկարներ)

«Ալաշկերտ» – «Գանձասար-Կապան»․ Հայտնի են մեկնարկային կազմերը

Վարդան Մինասյանը նշել է՝ ինչն է ազդել Հայաստանի հավաքականից հեռանալու որոշման վրա

«Արարատ-Արմենիա» – «Փյունիկ»․ Ամենահետաքրքիր տեղեկությունները, հավանական մեկնարկային կազմեր

«Ալաշկերտ» – «Գանձասար-Կապան»․ Ամենահետաքրքիր տեղեկությունները, հավանական մեկնարկային կազմեր

«Շիրակը» Գյումրիում հաղթանակ տոնեց հետնապահ «Արարատի» նկատմամբ (տեսանյութ)

«Շիրակ» – «Արարատ»․ Մեկնարկային կազմեր, ուղիղ հեռարձակում (տեսանյութ)

«Շիրակ» – «Արարատ»․ Ամենահետաքրքիր տեղեկությունները, հավանական մեկնարկային կազմեր

«Թարմ արյուն» ունեցող 10 ֆուտբոլիստ, ովքեր կարող են շանս ստանալ Հայաստանի ազգային հավաքականում

Ռումյան Հովսեփյան․ «Խաղացինք մեր ազգի համար, հաղթանակն ավելի շատ նվիրվում է Մարկոսին» (տեսանյութ)