ԲԽ-ն 16 տարի անց վերադառնում է Վանաձոր. Ամենահետաքրքիրը՝ «Լոռի» - «Արարատ-Արմենիա» խաղին ընդառաջ - VNews
Բաժիններ

ԲԽ-ն 16 տարի անց վերադառնում է Վանաձոր. Ամենահետաքրքիրը՝ «Լոռի» – «Արարատ-Արմենիա» խաղին ընդառաջ

«ԼՈՌԻ» – «ԱՐԱՐԱՏ-ԱՐՄԵՆԻԱ»

4 օգոստոսի, ժ.17:00, Վանաձոր, ՎՖԱ  մարզադաշտ, 1-ին տուր

0 խաղ, +0=0-0, 0-0

Բարձրագույն խումբ. Ամառային բոլոր տրանսֆերները (թարմացվում է)

Վերակազմավորված «Լոռին» 16 տարի անց կրկին Բարձրագույն խմբում է

Բարձրագույն խմբի երկու նորեկների մրցավեճը մեծ հետաքրքրությամբ է սպասվում: Տևական ընդմիջումից հետո կրկին վերակազմավորված «Լոռին» 16 տարվա ընդմիջումից հետո դարձյալ ներկայացնելու է Վանաձորը ֆուտբոլի Հայաստանի Բարձրագույն խմբի առաջնությունում:

«Լոռին» 1992թ. անցկացված Հայաստանի անդրանիկ առաջնության մասնակից թիմերից մեկն է: Վերջին անգամ «Լոռին»  ուժեղագույնների մրցաշարում հանդես է եկել 2002թ.՝ 12 թիմերի մրցավեճում եզրափակելով մրցաշարային աղյուսակը:

«Լոռին» 6-րդ անգամ է մեկնարկի դուրս գալու բարձրագույն խմբի առաջնությունում, որտեղ անցկացրած 120 հանդիպումներում ընդամենը 16 հաղթանակ է տոնել, 19 խաղ ավարտել է ոչ-ոքի, 85-ում պարտվել է: Թիմի ֆուտբոլիստները խփել են 110 գնդակ, սեփական դարպասը բաց են թողել 400-ը: Բարձրագույն խմբում «Լոռիի» լավագույն ռմբարկուն 19 գոլի հեղինակ դարձած Մհեր Հովհաննիսյանն է:

Նախորդ մրցաշրջանում վերակազմավորված «Լոռին» փորձառու մարզիչ Արմեն Ադամյանի գլխավորությամբ հաջող հանդես եկավ Առաջին խմբի մրցաշարում՝ «Արցախի» հետ թեժ մրցապայքարում գրավելով 1-ին հորիզոնականը: Տեղացի ֆուտբոլիստների հետ համատեղ այդ հաջողությունում իրենց մեծ ներդրումն ունեցան նաև մի խումբ լեգեոնականներ:

Նախորդ մրցաշրջանի համեմատ «Լոռիի» կազմը զգալի փոփոխությունների է ենթարկվել: Բնականաբար, թիմի մարզիչները մեծ ծավալի աշխատանք են կատարել կազմն ուժեղացնելու ուղղությամբ:

Առաջին հանդիպումը սկանդալից հետո. Ամենահետաքրքիրը՝ «Բանանց» – «Շիրակ» խաղին ընդառաջ

«Արարատ-Արմենիան» նորամուտը կնշի հայկական ֆուտբոլում

Եթե «Լոռին» ՀՀ առաջնությունների մասնակցության որոշակի փորձ ունի, ապա նորաստեղծ «Արարատ-Արմենիան» նոր է բացելու իր էջը հայկական ֆուտբոլի տարեգրությունում:

Այս ակումբը ստեղծվել է Մոսկվայի «Արարատի»  բազայի վրա, որը նախորդ մրցաշրջանում հաջող ելույթներ ունեցավ Ռուսաստանի երկրորդ խմբի կենտրոնական գոտու առաջնությունում՝ իրավունք ստանալով հանդես գալու Առաջին խմբում: Սակայն ակումբի սեփականատեր «Տաշիր Գրուպի» ղեկավարությունը նախընտրեց, որ թիմը հանդես գա Հայաստանի առաջնությունում:

Առաջնության շեմին փոփոխություն կատարվեց «Արարատ-Արմենիայի» մարզչական կազմում: Անդրանիկ Բաբայանին փոխարինեց Վադիմ Սկրիպչենկոն, ով մինչ այդ մարզում էր Մախաչկալայի «Անժին»:

Նախորդ մրցաշրջանի համեմատ «Արարատ-Արմենիայում» էլ կազմի զգալի փոփոխություններ են տեղի ունեցել: Բացի մի շարք լեգեոնականներից, թիմում հանդես են գալու նաև հայ ֆուտբոլասերներին քաջածանոթ ֆուտբոլիստներ: Թվարկենք նախկին շիրակցիներ Հրայր Մկոյանին, Վարդան Բակալյանին և Ռոբերտ Դարբինյանին:

Գլխավոր մարզիչ Վադիմ Սկրիպչենկոն՝ աջից

Ուկրաինայից «Արարատ-Արմենիա» են տեղափոխվել Արման Հովհաննիսյանը, Գոռ Մալաքյանն ու Արթուր Դանիելյանը: Թիմի մարզաշապիկը կկրեն նաև մինչ այդ Ռուսաստանում հանդես եկած Դավիթ Դավիդյանը, Արմեն Համբարձումյանն ու Արտյոմ Ավանեսյանը:

Աշոտ Հայրապետյան

Ո՞ր թիմը կդառնա Հայաստանի չեմպիոն. Ուժերի հարաբերակցությունը մեկնարկից առաջ

Միացի՛ր հայկական ամենասպորտային Instagram-ին:


Մորի Կոնեն ու ևս 9 ֆուտբոլիստներ բացեցին գոլերի հաշիվը VBET Հայաստանի գավաթի մրցաշարում

ԲԿՄԱ-ն արժանի դիմադրություն ցույց տվեց «Լոռիին»․ VNews-ի ֆոտոշարքը նրանց միջև գավաթային խաղից

VBET Հայաստանի գավաթ․ ԲԿՄԱ – «Լոռի»․ մեկնարկային կազմեր, ուղիղ եթեր

Պաշտոնական․ «Լոռին» պայմանագիր է կնքել Կլաուդիր Մարինիի հետ

Առաջին հաղթանակը Կամպանյայի օրոք, Մաիլսոնը կրկնեց Կոբյալկոյի և Արամ Հակոբյանի ցուցանիշը

«Արարատ-Արմենիայի» հավանական մրցակիցը Եվրոպա լիգայի որակավորման փլեյ-օֆֆում

12 թիմեր պայքարի մեջ են մտնում VBET Հայաստանի գավաթի համար․ Ամենաուշագրավ փաստերը՝ 1/8 եզրափակիչ խաղերին ընդառաջ

Դավիդ Կամպանյա․ «Ինձ համար ամենակարևորն այն է, որ թիմը ծանր պահին չկոտրվեց և պայքարեց» (տեսանյութ)

Քամբեքը կայացավ․ «Արարատ-Արմենիան» լրացուցիչ ժամանակում հաղթեց «Ֆոլային» (տեսանյութ)

Գերկամային որակներ․ Լիմայի դուբլի շնորհիվ հաղթողը կորոշվի լրացուցիչ ժամանակում (տեսանյութ)

«Ֆոլան» 11-մետրանոց հարվածով առաջ անցավ հաշվի մեջ (տեսանյութ)

«Արարատ-Արմենիան» և «Ֆոլան» մեկական գոլ խփեցին (տեսանյութ)

«Արարար-Արմենիայի» մեկնարկային կազմը «Ֆոլա Էշի» հետ խաղում

Արմեն Նահապետյանը վարձավճարով տեղափոխվել է «Փյունիկ»

«2-րդ մրցաշրջանում տարօրինակ որոշումներ կայացվեցին»․ Գեորգի Պաշովը՝ «Արարատ-Արմենիայում» ելույթների և այլ թեմաների մասին

«Արարատ-Արմենիային» պայքարից դուրս թողած «Օմոնիան» հաղթեց նաև «Ցրվենա Զվեզդային»