fbpx

Լավագույն ռմբարկուներ՝ Գևորգ Ղազարյան ու Արթուր Պետրոսյան․ Ամենահետաքրքիրը՝ «Շիրակ» – «Փյունիկ» խաղին ընդառաջ

«ՇԻՐԱԿ» – «ՓՅՈՒՆԻԿ»

22 օգոստոսիժ.14:00, Գյումրի, Քաղաքային մարզադաշտ, 4-րդ տուր

82 խաղ, «Շիրակը» հաղթել է 26 անգամ, «Փյունիկը»՝ 44, գրանցվել է 12 ոչ-ոքի, խփած և բաց թողած գոլերի հարաբերակցությունը՝ 90-131

Ոչ-ոքիների համաճարակ «Շիրակում»

Հայտնի պատճառներով նախապատրաստական փուլ չանցած շիրակցիներին ոչ մի կերպ չի հաջողվում ընթացիկ առաջնությունում անդրանիկ հաղթանակը տոնել: «Արարատի» հետ խաղում էլ «Շիրակը» կրկին խաղադաշտից հեռացավ մեկ միավոր վաստակած՝ 3-րդ անընդմեջ ոչ-ոքին գրանցելով իր օգտին, որից երկուսը՝ գոլազուրկ:

«Արարատի» հետ մրցավեճում «Շիրակն» ուներ գոլ խփելու հիանալի հնարավորություն, սակայն Արամ Մուրադյանը չիրացրեց 11մ հարվածը: Ճիշտ է, հանուն արդարության պետք է նշել, որ արարատցիները նկատելի առավելություն ունեին գյումրեցիների նկատմամբ՝ գոլային պահերով գերազանցելով մրցակցին: Սակայն այդ օրը մարզական բախտը գյումրեցիների կողմն էր: Այնպես որ «Շիրակը» պետք է գոհ լինի հանդիպման արդյունքից:

«Փյունիկի» հետ մրցախաղում «Շիրակին» լուրջ փորձություն է սպասվում՝ հաշվի առնելով փյունիկցիների ներկայիս լավ մարզավիճակն ու ֆունկցիոնալ բարձր պատրաստվածությունը:

Տպավորիչ մեկնարկ նաև առաջնությունում

Եվրագավաթներում ունեցած հիանալի ելույթներից հետո «Փյունիկը» 3-րդ տուրում վերջապես մեկնարկեց առաջնությունում: Բարձրագույն խմբի նորեկ «Արարատ-Արմենիայի» հետ հանդիպմանը նախապատրաստվելու և ուժերը վերականգնելու համար փյունիկցիները շատ քիչ ժամանակ ունեին, ուստի պատահական չէր, որ «Փյունիկը» խաղադաշտ էր դուրս եկել երկրորդ կազմով ու ֆուտբոլիստների գործողություններն էլ տեխնիկական գոտուց ղեկավարում էր Ալբերտ Սարգսյանը:

«Մաքաբիի» հետ պատասխան հանդիպման մասնակիցներից «Փյունիկի» մեկնարկային կազմում միայն Կառլեն Մկրտչյանն էր ընդգրկված:

Չնայած դրան, փյունիկցիներն իրենց գերազանց դրսևորեցին և 3-1 հաշվով կամային հաղթանակ տոնեցին: Եվ դա այն դեպքում, որ 38-րդ րոպեին խաղադաշտից հեռացվել էր Ռոբերտ Մինասյանը:

Ինչ խոսք, հաջողությունում իրենց մեծ ներդրումն ունեցան 2-րդ խաղակեսում խաղադաշտ դուրս եկած Վիտալի Ստեժկոն ու Մոհամեդ Կոնատեն, որոնց խփած գոլերի շնորհիվ էլ «Փյունիկը» հաղթանակով մեկնարկեց առաջնությունում:

Կարծում ենք, որ «Շիրակի» հետ մրցախաղում «Փյունիկն» արդեն հանդես կգա հիմնական կազմով:

Հետաքրքիր 5 փաստ՝ հանդիպմանն ընդառաջ

  • Նախորդ առաջնությունում մրցակիցների մրցավեճում թիմերից յուրաքանչյուրը 2-ական հաղթանակ է տոնել, մեկ խաղում էլ գրանցվել է գոլազուրկ ոչ-ոքի: Իսկ ահա Գյումրիում նշանակված ավարտական տուրի հանդիպմանը «Շիրակն», ի նշան բողոքի, չներկայացավ:
  • Նախորդ առաջնության ավարտական երկու հանդիպումներում էլ «Շիրակը» ոչ-ոքի էր խաղացել «Գանձասար-Կապանի» (0-0) և «Արարատի» (4-4) հետ: Այնպես որ ՀՀ առաջնություններում շիրակցիների հաշվին արդեն 5 անընդմեջ ոչ-ոքի է գրանցված:
  • Արդեն 15 խաղ է, ինչ ՀՀ առաջնություններում «Շիրակը»  չի պարտվել՝ տոնելով 8  հաղթանակ, 7-ն ավարտելով ոչ-ոքի: Վերջին պարտությունը գյումրեցիները կրել են մարտի 4-ին՝ 0-3 հաշվով զիջելով «Բանանցին»:

  • Մրցակիցների միջև նախորդ առաջնությունում կայացած 5 հանդիպումներում առավել արդյունավետ են գործել լեգեոնականները՝ դառնալով խփված 12 գոլերից 8-ի հեղինակը: Լավագույն ռմբարկուն «Շիրակի» նախկին հարձակվող Մուսա Փոլ Բակայոկոն էր, ով 3 անգամ գրավել էր «Փյունիկի» դարպասը:
  • Մինչև 2016/17թթ. առաջնությունը մրցակիցների միջև կայացած առաջնության նախորդ 9 հանդիպումներում «Շիրակին» ոչ մի կերպ չէր հաջողվել հաղթել «Փյունիկին»՝ կրելով 6 պարտություն, 3 խաղ ավարտելով ոչ-ոքի: Վերջին հաղթանակը «Փյունիկի» նկատմամբ շիրակցիները տոնել էին 2014թ. ապրիլի 6-ին Գյումրիում՝ 3-1:

Գլխավոր հակամարտությունը՝ Մոհամեդ Կոնատե VS «Շիրակի» պաշտպանություն

Եթե փյունիկցիները հանդես գան իրենց մարտական կազմով, ապա գյումրեցիների խնդիրն էլ ավելի կբարդանա։ Թեև «Արարատ-Արմենիայի» հետ հանդիպումը ցույց է տվել, որ Անդրեյ Տալալաևն իր տրամադրության տակ եղած ֆուտբոլիստներով 2 տարբեր թիմով կարող է մասնակցել առաջնությանը։ Կոնատեն եվրագավաթներում արդյունավետ խաղից հետո բացել է գոլերի հաշիվը նաև Բարձրագույն խմբում։

Շարժունակ, դիրքային լավ պայքար մղող ու ճիշտ պահին ճիշտ տեղում հայտնվելու ունակություն ունեցող Կոնատեին, առաջին հերթին, կդիմակայեն Արտյոմ Միքայելյանն ու Արամ Շախնազարյանը։ Վերջինս, ի դեպ, «Փյունիկի» նախկին ֆուտբոլիստ է։ Եթե «Շիրակի» պաշտպանությանը հաջողվի չեզոքացնել Կոնատեին, ապա երևանյան թիմն առջևում կարող է պակաս վտանգավոր լինել։

Դիմակայության լավագույն ռմբարկուները

«Շիրակ»՝ Արթուր Պետրոսյան՝ 8 գոլ:

«Փյունիկ»՝ Գևորգ Ղազարյան՝ 11 գոլ։

Հանդիպմանը չի մասնակցի նախորդ տուրում խաղադաշտից հեռացված փյունիկցի Ռոբերտ Մինասյանը:

Աշոտ Հայրապետյան

Հայկական ֆուտբոլի բոլոր նորություններին ծանոթանալու համար հետևեք Vivaro News-Armenian Football էջին։

Հետևե՛ք VNews.am-ին նաև Youtube-ում և Instagram-ում:


Խաշմանյանն ընդդեմ «Արարատի», նաև հերթական «ոսկե» խաղը․ Ամենահետաքրքիր փաստերը՝ ԲԽ-ի 28-րդ տուրին ընդառաջ

Տարխանով. «Հայաստանը ֆուտբոլային երկիր է, այնտեղի պայմանները հրաշալի են»

Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 27-րդ տուրը

Հավաքականի 3 անդամ գոլ խփեց, Հարոյանն էլ հիշեցրեց իր մասին․ Հայ ֆուտբոլիստների ելույթներն արտերկրում վերջին օրերին

Սևադա Արզումանյան․ «Մենք ցանկանում ենք հարգանք ձեռք բերել առաջնության մյուս թիմերի կողմից» (տեսանյութ)

Վարդան Բիչախչյանը՝ «Շիրակի»՝ ոչ-ոքիներ այդքան հաճախ գրանցելու պատճառների և այլ թեմաների մասին (տեսանյութ)

Անմոռանալի օր Գեղամ Հարությունյանի և Վբեյմարի համար, «Արարատ-Արմենիայի» ռեկորդային ցուցանիշը

«Արարատի 2-ի» դարպասապահը մահացել է հրազենային կրակոցներից

Երկուշաբթին խաղաղ էր Բարձրագույն խմբում. 2 հանդիպումներն էլ ավարտվեցին ոչ-ոքի արդյունքներով (տեսանյութ)

«Շիրակ» – «Արցախ»․ Մեկնարկային կազմեր, ուղիղ հեռարձակում (տեսանյութ)

«Արարատ-Արմենիա» – «Բանանց»․ Մեկնարկային կազմեր, ուղիղ հեռարձակում (տեսանյութ)

Արթուր Պետրոսյան․ «Երկրպագուների ներկայությունն էլ օգնեց, որ տղաները 90 րոպե կենտրոնացած խաղան» (տեսանյութ)

Գեղամ Հարությունյանի գոլն առաջին հաղթանակը պարգևեց «Գանձասար-Կապանին» գարնանային հատվածում (տեսանյութ)

«Գանձասար-Կապան» – «Արարատ»․ Ուղիղ հեռարձակում (տեսանյութ)

Վալերի Հովհաննիսյանը վերադարձավ հայկական ֆուտբոլ

Տալալաև․ «Չեմ կասկածում, որ «Փյունիկն» առաջնությունը կավարտի լավագույն եռյակում և կխաղա Եվրոպա լիգայում»