fbpx

Ովքեր էին լավագույն 4 ֆուտբոլիստները ԲԽ-ի 4-րդ տուրում ըստ VNews-ի (+խորհրդանշական հավաքական, քվեարկություն)

Բավականին անհասկանալի՝ մեկ օրում 4 խաղ գրաֆիկով ավարտվել է Բարձրագույն խմբի 4-րդ տուրը։ «Արցախն» ու «Արարատը» մեկական գնդակ են փոխանակել, «Լոռին» հյուրընկալվելիս 3-1 հաշվով հաղթել է «Բանանցին», «Փյունիկը» Գյումրիում 2-1 հաշվով կամային հաղթանակ է տոնել «Շիրակի» նկատմամբ, իսկ «Արարատ-Արմենիան» ու «Գանձասար-Կապանն» այդպես էլ չեն գտել միմյանց դարպասների բանալին։

Ձեր ուշադրությանն ենք ներկայացնում տուրի լավագույն 4 ֆուտբոլիստներին և խորհրդանշական հավաքականը՝ VNews.am-ի տարբերակով։

4. Էդուարդ Ավագյան («Արցախ»)

Ռաֆայել Նազարյանը երիտասարդ այս ֆուտբոլիստին 2-րդ անգամ էր դուրս բերել խաղադաշտ ընթացիկ առաջնությունում, կրկին՝ փոխարինման։ Եթե «Լոռիի» հետ մրցավեճում Ավագյանը ստացել էր 14 րոպե խաղաժամանակ, ապա այս անգամ նա ներգրավել է հանդիպմանն արդեն 60-րդ րոպեից։ 22-ամյա ֆուտբոլիստը խաղի ավարտից 8 րոպե առաջ փոխանցում է ստացել լավ տպավորություն թողած Արթուր Գրիգորյանից և հաշվենկատ ու շքեղ հարվածով հավասարեցրել «Արարատի» հետ հանդիպման հաշիվը։

«Արարատի» խաղացողները հատկապես առաջին կեսում հաճախ էին սխալվում պաշտպանությունից դուրս գալիս՝ մրցակցին թույլ տալով հակագրոհել։ «Արցախի» ֆուտբոլիստները 2 խաղակեսում էլ աչքի ընկնելու բազում պահեր ունեին, բայց եզրափակիչ հատվածում կատարողական վարպետությունը չէր հերիքում։ «Արարատին» դեռ ժամանակ է պետք կոմբինացիոն ֆուտբոլն ընկալելու համար։

3․ Ուգոչուկվու Իվու («Լոռի»)

Այս կիսապաշտպանի մասին արդեն շատ ենք խոսել։ Նա «Բանանցի» հետ հանդիպմանն էլ գործում էր իր խաղամակարդակի վրա։ Տպավորություն կար՝ նա ամենուր է խաղադաշտում․ թե՛ մեծապես օգնում էր թիկունքում, թե՛ սկիզբ դնում գերարագ հակագրոհներին, թե՛ հավասարակշռություն հաղորդում «Լոռիի» միջին գծին։ Ընդհանրապես, այդ թիմի՝ ֆիզիկապես հիանալի պատրաստված ֆուտբոլիստները մենապայքարներում գրեթե միշտ հաղթում էին երևանցիներին։

Իվուն սլացիկ հերթական հակագրոհի ժամանակ գնդակով նետվել է առաջ ու գոլային փոխանցում կատարել Ալիյու Իսահին, ով գրոհը եզրափակել է անհատական բարձր վարպետության շնորհիվ։ Իվուն կարող էր գոլի հեղինակ դառնալ հեռահար ուժգին հարվածով, սակայն Այվազովին օգնության է հասել դարպասաձողը։ Միևնույնն է, կիսապաշտպանն իր գոլը խփել է՝ դիպուկ գտնվելով 11-մետրանոց նշակետից ու ամրագրելով Արմեն Ադամյանի թիմի հաղթանակը։

«Փյունիկի» ֆուտբոլիստը գրել է իր անունն ակումբի պատմության մեջ

Հետևե՛ք VNews.am-ին նաև Youtube-ում և Instagram-ում:

1 2

Տրանսֆերային ամառ-2019․ Բարձրագույն խմբի ակումբների ձեռքբերումները և կորուստները (թարմացվում է)

«Արարատ-Արմենիայի» բոլոր գոլերը «Սպուտնիկի» հետ մրցավեճում (տեսանյութ)

«Արարատ-Արմենիան» ջախջախիչ հաշվով հաղթանակ է տոնել ընկերական խաղում

Այս տարի էլ կարող ենք զարմացնել Եվրոպային․ Դրա համար հիմքեր կան

«Արարատ-Արմենիան» ժամանել է Բելառուս և առաջին մարզումն անցկացրել (տեսանյութ)

Արտյոմ Սիմոնյան. «Փյունիկը» պետք է հաղթահարի առաջին փուլը» (տեսանյութ)

Ստանկով․ «Փյունիկ» տեղափոխությունն առաջընթաց էր, քանի որ այն բարձրակարգ ակումբ է»

«Արարատ-Արմենիան» Բելառուսում 3 ընկերական խաղ կանցկացնի

Իսպանացի մասնագետը համալրել է «Լոռիի» մարզչական շտաբը

Աշոտ Կարապետյանը հեռացավ «Գանձասար-Կապանից»

«Փյունիկը» 3 համալրում ունի

Էմիլ Եղիազարյանը կարիերան կշարունակի «Գանձասար-Կապանում»

«Արարատը» կխաղա «Հանրապետական» մարզադաշտում

Հայկ Իշխանյանը հեռանում է «Լոռիից»

«Փյունիկը» Տարխանովի օրոք մնաց անպարտելի՝ համարյա հասնելով չեմպիոնության

«Փյունիկը» 3 ստուգողական խաղ կանցկացնի Սլովենիայում